МОНГОЛ УЛСЫН ЗАСГИЙН ГАЗРЫН ТОГТООЛ

2016 оны 8 дугаар сарын 3-ны өдөр

Дугаар 13

Улаанбаатар хот

ТОГТООЛД ӨӨРЧЛӨЛТ ОРУУЛАХ ТУХАЙ

Засгийн газрын тухай хуулийн 12 дугаар зүйлийн 4 дэх хэсэг, Яамны эрх зүйн байдлын тухай хуулийн 10.1-д заасныг тус тус үндэслэн Монгол Улсын Засгийн газраас ТОГТООХ нь:

1. "Яамдын зохион байгуулалтын бүтэц, орон тооны хязгаар батлах тухай" Засгийн газрын 2016 оны 7 дугаар сарын 27-ны өдрийн 3 дугаар тогтоолын 1 дүгээр зүйлийн дараах заалтыг дор дурдсанаар өөрчлөн найруулсугай:

1) 1 дүгээр зүйлийн "ж" дэх заалт:

(Энэ дэд заалтыг Засгийн газрын 2020 оны 104 дүгээр тогтоолоор хүчингүй болсонд тооцсон)

1.1.1 Барилга, хот байгуулалтын яам:

1. Бодлого, төлөвлөлтийн газар (хөрөнгө оруулалт, үйлдвэрлэлийн хэлтэстэй);

2. Төрийн захиргааны удирдлагын газар (гадаад хамтын ажиллагааны хэлтэс, хуулийн хэлтэс, санхүүгийн хэлтэстэй);

3. Хот байгуулалт, газрын харилцааны бодлогын хэрэгжилтийг зохицуулах газар;

4. Барилга, барилгын материалын үйлдвэрлэлийн бодлогын хэрэгжилтийг зохицуулах газар;

5. Нийтийн аж ахуйн бодлогын хэрэгжилтийг зохицуулах газар;

6. Хяналт-шинжилгээ, үнэлгээ, дотоод аудитын газар."

2) 1 дүгээр зүйлийн "и" дэх заалт:

"и/ Зам, тээврийн хөгжлийн яам:

1. Бодлого, төлөвлөлтийн газар (хөрөнгө оруулалт, үйлдвэрлэлийн хэлтэс, стандарт, нормативын хэлтэстэй);

2. Төрийн захиргааны удирдлагын газар (хуулийн хэлтэс, гадаад хамтын ажиллагааны хэлтэстэй);

3. Автозамын бодлогын хэрэгжилтийг зохицуулах газар (замын ашиглалт, засварын хэлтэстэй);

4. Авто тээврийн бодлогын хэрэгжилтийг зохицуулах газар;

5. Төмөр зам, далайн тээврийн бодлогын хэрэгжилтийг зохицуулах газар (далайн ашиглалт, усан замын тээврийн хэлтэстэй);

6. Агаарын тээврийн бодлогын хэрэгжилтийг зохицуулах хэлтэс;

7. Хяналт-шинжилгээ, үнэлгээ, дотоод аудитын газар (зам, тээврийн хяналтын хэлтэстэй)."

3) 1 дүгээр зүйлийн "л" дэх заалт:

(Энэ дэд заалтыг Засгийн газрын 2019 оны 180 дугаар тогтоолоор хүчингүй болсонд тооцсон)

"л/ Хүнс, хөдөө аж ахуй, хөнгөн үйлдвэрийн яам:

1. Бодлого, төлөвлөлтийн газар (санхүүгийн хэлтэстэй);

2. Төрийн захиргааны удирдлагын газар (хуулийн хэлтэс, гадаад хамтын ажиллагааны хэлтэстэй);

3. Мал аж ахуйн бодлогын хэрэгжилтийг зохицуулах газар;

4. Газар тариалангийн бодлогын хэрэгжилтийг зохицуулах газар;

5. Хөнгөн үйлдвэрийн бодлогын хэрэгжилтийг зохицуулах газар (худалдаа, нийтийн хоол, үйлчилгээний зохицуулалтын хэлтэстэй);

6. Хүнсний үйлдвэрийн бодлогын хэрэгжилтийг зохицуулах газар;

7. Жижиг, дунд үйлдвэр, хоршооны бодлогын хэрэгжилтийг зохицуулах газар;

8. Хяналт-шинжилгээ, үнэлгээ, дотоод аудитын газар."

4) 1 дүгээр зүйлийн "м" дэх заалт:

"м/ Эрчим хүчний яам:

1. Бодлого, төлөвлөлтийн газар (хөрөнгө оруулалт, үйлдвэрлэлийн хэлтэс, сэргээгдэх эрчим хүчний хэлтэстэй);

2. Төрийн захиргааны удирдлагын газар (хуулийн хэлтэс, санхүүгийн хэлтэс, гадаад хамтын ажиллагааны хэлтэстэй);

3. Бодлогын хэрэгжилтийг зохицуулах газар (дулааны хэлтэс, цахилгааны хэлтэстэй);

4. Түлшний бодлогын хэрэгжилтийг зохицуулах газар (эрчим хүчний нүүрс болон хийн хэлтэстэй);

5. Хяналт-шинжилгээ, үнэлгээ, дотоод аудитын газар."

5) 1 дүгээр зүйлийн "н" дэх заалт: /ЗГ-ын 2018 оны 58-р тогтоолоор хүчингүй болсонд тооцсон/

/ЗГ-ын 2018 оны 58-р тогтоолоор хүчингүй болсонд тооцсон/

"н/ Эрүүл мэндийн яам:

1. Бодлого, төлөвлөлтийн газар (эдийн засаг, санхүүгийн хэлтэс, хөрөнгө оруулалтын хэлтэстэй);

2. Төрийн захиргааны удирдлагын газар (хуулийн хэлтэс, гадаад хамтын ажиллагааны хэлтэстэй);

3. Нийгмийн эрүүл мэндийн газар (тандалт шуурхай удирдлагын хэлтэстэй);

4. Эмнэлгийн тусламжийн газар;

5. Эм, үйлдвэрлэл технологийн газар (эм, эмнэлгийн хэрэгсэл, үйлдвэрлэлийн хэлтэстэй);

6. Хяналт-шинжилгээ, үнэлгээ, дотоод аудитын газар."

2. "Яамдын зохион байгуулалтын бүтэц, орон тооны хязгаар батлах тухай" Засгийн газрын 2016 оны 7 дугаар сарын 27-ны өдрийн 3 дугаар тогтоолын 1 дүгээр зүйлийн "з" заалтын 2 дахь хэсгийн "бодлогын" гэснийг хассугай.

Монгол Улсын сайд, эрхлэх газрын дарга Ж.МӨНХБАТ

Монгол Улсын Ерөнхий сайд Ж.ЭРДЭНЭБАТ