МОНГОЛ УЛСЫН ЗАСГИЙН ГАЗРЫН ТОГТООЛ

2017 оны 4 дүгээр сарын 19-ний өдөр

Дугаар 124

Улаанбаатар хот

ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

/ЗГ-ын 2017 301-р тогтоолоор хүчингүй болсонд тооцсон/

Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн Монгол Улсын Засгийн газраас ТОГТООХ нь:

"Засгийн газар хоорондын комиссуудын Монголын хэсгийн удирдах бүрэлдэхүүний тухай" Засгийн газрын 2016 оны 9 дүгээр сарын 14-ний өдрийн 88 дугаар тогтоолоор баталсан хавсралтын 1 дэх заалтын "Дарга – Монгол Улсын Шадар сайд" гэснийг "Дарга – Гадаад харилцааны сайд" гэж, 2 дахь заалтын "Дарга – Монгол Улсын Шадар сайд" гэснийг "Дарга – Монгол Улсын сайд, Засгийн газрын Хэрэг эрхлэх газрын дарга" гэж, 35 дахь заалтын "Дарга – Монгол Улсын Шадар сайд" гэснийг "Дарга – Монгол Улсын сайд, Засгийн газрын Хэрэг эрхлэх газрын дарга" тус тус өөрчилсүгэй.

Монгол Улсын Ерөнхий сайд Ж.ЭРДЭНЭБАТ

Гадаад харилцааны сайд Ц.МӨНХ-ОРГИЛ