МОНГОЛ УЛСЫН ЗАСГИЙН ГАЗРЫН ТОГТООЛ

2017 оны 8 дугаар сарын 17-ны өдөр

Дугаар 230

Улаанбаатар хот

ОРОН НУТГИЙН ХӨГЖЛИЙН НЭГДСЭН САН БОЛОН ОРОН НУТГИЙН ХӨГЖЛИЙН САНГААС ОЛГОХ ОРЛОГЫН ШИЛЖҮҮЛГИЙГ ТООЦОХ АРГАЧЛАЛ БАТЛАХ ТУХАЙ

Төсвийн тухай хуулийн 59.5-д заасныг үндэслэн Монгол Улсын Засгийн газраас ТОГТООХ нь:

1."Орон нутгийн хөгжлийн нэгдсэн сан болон Орон нутгийн хөгжлийн сангаас олгох орлогын шилжүүлгийг тооцох аргачлал"-ыг хавсралт ёсоор шинэчлэн баталсугай.

2.Энэхүү тогтоолын 1 дүгээр зүйлээр баталсан аргачлалыг баримтлан Орон нутгийн хөгжлийн санд олгох орлогын шилжүүлгийн хэмжээг тооцож, аргачлалын хэрэгжилтэд хяналт тавьж ажиллахыг Сангийн сайд Б.Чойжилсүрэнд үүрэг болгосугай.

3.Энэхүү тогтоол гарсантай холбогдуулан "Орон нутгийн төсвийн аргачлал батлах тухай" Засгийн газрын 2012 оны 9 дүгээр сарын 15-ны өдрийн 30 дугаар тогтоолын 1 дүгээр хавсралт болон мөн тогтоолын 3, 4 дүгээр заалтыг тус тус хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Ж.ЭРДЭНЭБАТ

САНГИЙН САЙД Б.ЧОЙЖИЛСҮРЭН