МОНГОЛ УЛСЫН ЗАСГИЙН ГАЗРЫН ТОГТООЛ

2023 оны 07 сарын 05 өдөр

Дугаар 252

Улаанбаатар хот

"БҮС БА ЗАМ" САНААЧИЛГА, "МОНГОЛ-ОРОС-ХЯТАДЫН ЭДИЙН ЗАСГИЙН КОРИДОР БАЙГУУЛАХ ХӨТӨЛБӨР"-ИЙГ ХЭРЭГЖҮҮЛЭХ ТАЛААР АВАХ АРГА ХЭМЖЭЭНИЙ ТУХАЙ

Монгол Улсын Засгийн газрын тухай хуулийн 8 дугаар зүйлийн 5, 10 дугаар зүйлийн 2 дахь хэсэгт заасныг тус тус үндэслэн Монгол Улсын Засгийн газраас ТОГТООХ нь:

1."Бүс ба зам" санаачилга, "Монгол-Орос-Хятадын Эдийн засгийн коридор байгуулах хөтөлбөр"-ийн хэрэгжилтийг Эдийн засаг, хөгжлийн яаманд хариуцуулсугай.

2."Бүс ба зам" санаачилга, "Монгол-Орос-Хятадын Эдийн засгийн коридор байгуулах хөтөлбөр"-ийн хэрэгжилтийг эрчимжүүлж, төслийн жагсаалтыг шинэчлэх ажлыг шуурхай эхлүүлэхийг Монгол Улсын Шадар сайд бөгөөд Эдийн засаг, хөгжлийн сайд Ч.Хүрэлбаатарт даалгасугай.

3."Монгол-Орос-Хятадын Эдийн засгийн коридор байгуулах хөтөлбөр"-ийн хэрэгжилтийг Эдийн засаг, хөгжлийн яам хариуцахтай холбогдуулан Гадаад харилцааны яамны дэргэд байгуулсан "Хөрөнгө оруулалтын судалгааны төв"-ийг татан буулгасугай.

4."Хөрөнгө оруулалтын судалгааны төв"-ийг татан буулгахтай холбогдуулан зохион байгуулалтын арга хэмжээ авахыг Гадаад харилцааны сайд Б.Батцэцэгт даалгасугай.

5.Энэ тогтоол гарсантай холбогдуулан "Хөрөнгө оруулалтын судалгааны төв байгуулах тухай" Засгийн газрын 2017 оны 9 дүгээр сарын 13-ны өдрийн 262 дугаар тогтоолыг хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

МОНГОЛ УЛСЫН ШАДАР САЙД БӨГӨӨД ЭДИЙН ЗАСАГ, ХӨГЖЛИЙН САЙД Ч.ХҮРЭЛБААТАР