САНХҮҮГИЙН ЗОХИЦУУЛАХ ХОРООНЫ ТОГТООЛ

2024 оны 10 дугаар сарын 31 өдөр

Дугаар 493

Улаанбаатар хот

ЖУРАМ, ЗАГВАР, МАЯГТЫГ ШИНЭЧЛЭН БАТЛАХ ТУХАЙ

Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.2, Жолоочийн даатгалын тухай хуулийн 7 дугаар зүйлийн 7.4, 11 дүгээр зүйлийн 11.2 дахь хэсгийг тус тус үндэслэн ТОГТООХ нь:

1."Жолоочийн даатгалын хураамжийн хэмжээг тооцох итгэлцүүр хэрэглэх журам"-ыг энэ тогтоолын нэгдүгээр хавсралтаар, "Жолоочийн хариуцлагын албан журмын даатгалын гэрээний мэдүүлгийн маягт"-ыг хоёрдугаар хавсралтаар, "Жолоочийн хариуцлагын албан журмын даатгалын гэрээний стандарт, загвар"-ыг гуравдугаар хавсралтаар тус тус шинэчлэн баталсугай.

2.Энэ тогтоолоор баталсан журам, загвар, маягтыг 2025 оны 01 дүгээр сарын 01-ний өдрөөс эхлэн дагаж мөрдсүгэй.

3.Энэ тогтоолоор баталсан журам, загвар, маягт нь хүчин төгөлдөр мөрдөгдөж эхэлсэн өдрөөс Санхүүгийн зохицуулах хорооны 2018 оны 211, 212 дугаар тогтоолыг тус тус хүчингүй болсонд тооцсугай.

4.Тогтоолын биелэлтэд хяналт тавьж, олон нийтэд мэдээлэхийг Ажлын алба (Т.Жамбаажамц)-нд даалгасугай.

ДАРГА Д.БАЯРСАЙХАН

/ХЗДХС-ын 2025 оны 1 дүгээр сарын 09-ний өдрийн Шийдвэрийг улсын нэгдсэн сангийн бүртгэлээс хасах тухай 1/114 дүгээр албан бичгээр захиргааны хэм хэмжээний улсын нэгдсэн бүртгэлээс хассан/