Нүүр
Хүчингүй эрх зүйн акт 
Хавсралт 
Сонсох / Сонгосон утга сонсох
Pdf
Word
Хэвлэх
САНХҮҮГИЙН ЗОХИЦУУЛАХ ХОРООНЫ ТОГТООЛ
2018 оны 6 дугаар сарын 29-ний өдөр
Дугаар 246
Улаанбаатар хот
"Хадгаламж, зээлийн хоршооны үйл ажиллагааны зохистой харьцааны шалгуур үзүүлэлт"-ийг тогтоох тухай
Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.2, Хадгаламж, зээлийн хоршооны тухай хуулийн 13 дугаар зүйлийн 13.1, 13.7дахь хэсгийг тус тус үндэслэнТОГТООХ нь:
1."Хадгаламж, зээлийн хоршооны үйл ажиллагааны зохистой харьцааны шалгуур үзүүлэлт"-ийг хавсралтаар баталсугай.
2.Тогтоол батлагдсантай холбогдуулан Санхүүгийн зохицуулах хорооны 2014 оны 01 дүгээр сарын 29-ний өдрийн 26 дугаар тогтоолыг хүчингүй болсонд тооцсугай.
3."Хадгаламж, зээлийн хоршооны үйл ажиллагааны зохистой харьцааны шалгуур үзүүлэлт"-ийн 1-14 дүгээр хавсралт тайланг 2018 оны 3 дугаар улирлаас эхлэн Санхүүгийн зохицуулах хороонд ирүүлэхийг нийт хадгаламж, зээлийн хоршоодод үүрэг болгосугай.
4.Тогтоолын хэрэгжилтэд хяналт тавьж, олон нийтэд мэдээлэхийг Ажлын алба /Т.Жамбаажамц/-нд даалгасугай.
ДАРГА С.ДАВААСҮРЭН
МОНГОЛ УЛС САНХҮҮГИЙН ЗОХИЦУУЛАХ ХОРООНЫ ТОГТООЛ
2024 оны 06 дугаар сарын 05 өдөр
Дугаар 286
Улаанбаатар хот
"ХАДГАЛАМЖ, ЗЭЭЛИЙН ХОРШООНЫ ҮЙЛ АЖИЛЛАГААНЫ ЗОХИСТОЙ ХАРЬЦААНЫ ШАЛГУУР ҮЗҮҮЛЭЛТ"-ИЙГ ШИНЭЧЛЭН БАТЛАХ ТУХАЙ
Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.2, 6.2.5, Хадгаламж, зээлийн хоршооны тухай хуулийн 13 дугаар зүйлийн 13.7 дахь хэсгийг тус тус үндэслэн ТОГТООХ нь:
1."Хадгаламж, зээлийн хоршооны үйл ажиллагааны зохистой харьцааны шалгуур үзүүлэлт"-ийг хавсралтаар шинэчлэн баталсугай.
2.Тогтоолын 1-д заасан зохистой харьцааны шалгуур үзүүлэлтийг хүчин төгөлдөр болсон өдрөөс эхлэн Санхүүгийн зохицуулах хорооны 2018 оны 246 дугаар тогтоолыг хүчингүй болсонд тооцсугай.
3.Хадгаламж, зээлийн хоршооны үйл ажиллагааны зохистой харьцааны шалгуур үзүүлэлтийн 12 дугаар хавсралтын 3, 10, 11-д заасан шалгуур үзүүлэлтийг 2025 оны 07 дугаар сарын 01-ний өдрийн дотор хангаж ажиллахыг нийт хадгаламж, зээлийн хоршоодод үүрэг болгосугай.
4.Тогтоолын хэрэгжилтэд хяналт тавьж, олон нийтэд мэдээлэхийг Ажлын алба (Т.Жамбаажамц)-нд даалгасугай.
ДАРГА Д.БАЯРСАЙХАН
