ӨВӨРХАНГАЙ АЙМАГ, ХАРХОРИН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2018 оны 11 дүгээр сарын 6-ны өдөр

Дугаар 01

Хархорин сум

Хог хаягдлын норматив, үйлчилгээний хураамжийн хэмжээ тогтоох тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2 дахь заалт, Татварын ерөнхий хуулийн 7 дугаар зүйлийн 7.4.17 дахь заалт, Хог хаягдлын тухай хуулийн 9 дүгээр зүйлийн 9.2.2 дахь заалтыг үндэслэн ТОГТООХ нь:

1. Хархорин сумын нутаг дэвсгэрт мөрдөгдөх "Хог хаягдлын норматив, үйлчилгээний хураамжийн хэмжээ"-г хавсралтаар баталсугай.

2. Хог хаягдлын норматив, үйлчилгээний хураамжийн хэмжээг баталсан тарифын дагуу аж ахуйн нэгж байгууллага, үйлдвэрлэл, үйлчилгээний газрууд, айл өрхүүдэд дагаж мөрдүүлэн, хэрэгжүүлж ажиллахыг Засаг дарга /Л.Энхбат/-д даалгасугай.

3. Тогтоолын хэрэгжилтийн талаар хагас жил тутам иргэдийн Төлөөлөгчдийн Хурлын Тэргүүлэгчдэд тайлагнаж байхыг сумын Засаг дарга /Л.Энхбат/-д үүрэг болгосугай.

4. Тогтоолын хэрэгжилтэд хяналт тавьж ажиллахыг иргэдийн Төлөөлөгчдийн Хурлын Тэргүүлэгчдэд зөвшөөрсүгэй.

ДАРГА Л.ГАНБАТ