ХЭНТИЙ АЙМАГ

ХЭРЛЭН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2019 оны 6 дугаар сарын 5-ны өдөр

Дугаар 06

Чингис хот

ТЭЭВРИЙН ХЭРЭГСЛИЙГ ЗӨӨЖ ШИЛЖҮҮЛЭХ ТӨЛБӨРИЙН ХУВЬ ХЭМЖЭЭГ ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 18 дугаар зүйлийн 18.1.2 "д", 25 дугаар зүйлийн 25.1 дэх хэсэг, Замын хөдөлгөөний аюулгүй байдлын тухай хуулийн 9 дүгээр зүйлийн 9.2.4 дэх заалт, Хууль зүйн сайдын 2015 оны 8 дугаар сарын 28-ны өдрийн А/190 дүгээр тушаалаар батлагдсан "Тээврийн хэрэгслийг зөөж шилжүүлэх, түр саатуулах журам"-ын 3 дугаар зүйлийн 3.2 дахь заалтуудыг тус тус үндэслэн сумын иргэдийн Төлөөлөгчдийн Есдүгээр Хуралдаанаас ТОГТООХ нь:

1 Хэрлэн сумын нутаг дэвсгэрт дараах тохиолдолд тээврийн хэрэгслэлийг зөөж шилжүүлэх төлбөр"-ийн хувь хэмжээг хавсралтаар баталсугай.

1.1. Авто тээврийн осолд холбогдсон тээврийн хэрэгслэлийн техникийн байдлыг шалгаж тогтоох, шийдвэрлэх зайлшгүй шаардлагатай үед

1.2. Согтууруулах ундаа, мансууруулах эм, сэтгэцэд нөлөөлөх бодис хэрэглэсэн, эсвэл тээврийн хэрэгсэл жолоодох эрхгүй этгээд жолоодож байгаа.

1.3. Гэмт хэрэг үйлдэхэд ашигласан эсхүл гэмт хэргийн улмаас эрэн сурвалжлагдсан этгээдийн тээврийн хэрэгсэл

2. Тээврийн хэрэгслийг зөөж шилжүүлэх үйл ажиллагааг эрхлэх шаардлагыг хангасан аж ахуйн нэгж, байгууллагатай гэрээ байгуулж ажиллахыг Хэрлэн сумын Засаг дарга бөгөөд Чингис хотын Захирагч /Ц.Идэрбат/-д зөвшөөрсүгэй.

3. Тогтоолын хэрэгжилтийг хангаж ажиллахыг Хэрлэн сумын Засаг дарга бөгөөд Чингис хотын Захирагч /Ц.Идэрбат/-д, хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын тэргүүлэгчдэд даалгасугай.

4. Энэхүү тогтоолыг 2019 оны 6 дугаар сарын 10-ны өдрөөс эхлэн мөрдсүгэй.

ДАРГА Ч. ГАНХУЯГ