ЗАМ, ТЭЭВРИЙН ХӨГЖЛИЙН САЙДЫН ТУШААЛ

2020 оны 01 дүгээр сарын 30-ны өдөр

Дугаар А/24

Улаанбаатар хот

Авто тээврийн хэрэгслээр ачаа, зорчигч тээвэрлэх дүрэм шинэчлэн батлах тухай

Монгол Улсын Засгийн газрын тухай хуулийн 24 дүгээр зүйлийн 2, Автотээврийн тухай хуулийн 9 дүгээр зүйлийн 2 дахь заалтыг үндэслэн ТУШААХ нь:

1. Автотээврийн хэрэгслээр ачаа тээвэрлэх дүрмийг 1 дүгээр хавсралтаар, зорчигч тээвэрлэх дүрмийг 2 дугаар хавсралтаар тус тус баталсугай.

2. Автотээврийн хэрэгслээр ачаа, зорчигч тээвэрлэх дүрэм шинэчлэн батлагдсантай холбогдуулан "Дүрэм батлах тухай" Зам, тээвэр, барилга, хот байгуулалтын сайдын 2009 оны 201 дүгээр тушаалыг хүчингүй болсонд тооцсугай.

САЙД Б.ЭНХ-АМГАЛАН

ЗТХС-ын 2021 оны 8 дугаар сарын 05-ны өдрийн Дүрэмд нэмэлт, өөрчлөлт оруулах тухай А/124 дүгээр тушаалаар 1, 2 дугаар хавсралтад нэмэлт, өөрчлөлт оруулсан /УНС 2021.08.31 хүлээн авсан/

ЗТХС-ын 2022 оны 4 дүгээр сарын 26-ны өдрийн Автотээврийн хэрэгслээр ачаа тээвэрлэх дүрэмд өөрчлөлт оруулах тухай А/113 дугаар тушаалаар “Автотээврийн хэрэгслээр ачаа тээвэрлэх дүрэм”-д өөрчлөлт оруулсан /УНС 2022.05.06 хүлээн авсан/

ЗТХС-ын 2023 оны 11 дүгээр сарын 20-ны өдрийн Дүрэмд өөрчлөлт оруулах тухай А/298 дугаар тушаалаар 1, 2 дугаар хавсралтад өөрчлөлт оруулсан /УНС 2023.12.21 хүлээн авсан/