Нүүр
Хүчингүй эрх зүйн акт 
Хавсралт 
Сонсох / Сонгосон утга сонсох
Pdf
Word
Хэвлэх
ДУНДГОВЬ АЙМАГ
ХУЛД СУМЫН ИРГЭДИЙН ТӨЛӨӨЛӨГЧДИЙН
ХУРЛЫН ТОГТООЛ
2020 оны 7 дугаар сарын 1-ний өдөр
Дугаар 16/01
Улаан жирэм
ХОГ ХАЯГДЛЫН ҮЙЛЧИЛГЭЭНИЙ ХУРААМЖИЙН ХЭМЖЭЭГ ТОГТООХ ТУХАЙ
Монгол Улсын Засаг захиргаа нутаг дэвсгэрийн нэгж түүний удирдлагын тухай хуулийн 18 дугаар зүйлийн 18,1,2 –ын "д", Хог хаягдлын тухай хуулийн 9 дүгээр зүйлийн 9.2.2, Татварын ерөнхий хуулийн 8 дугаар зүйлийн 8,4 дэхь заалтуудыг тус тус үндэслэн сумын иргэдийн Төлөөлөгчдийн Хурлын хуралдаанаас ТОГТООХ НЬ:
1.Сумын нутаг дэвсгэрт мөрдөх хог хаягдлын үйлчилгээний хураамжийн хэмжээг хавсралтаар баталсугай.
2.Тогтоолын хэрэгжилтийг хангах талаар сумын Засаг даргад даалгах нь:
2.1.Хууль тогтоомжийг иргэд олон нийтэд сурталчлан таниулах, үйлчилгээний хураамжийг баталсан хэмжээгээр тооцон төсөвт төвлөрүүлэх, айл өрх, албан байгууллага, аж ахуйн нэгжээр мөрдүүлэх ажлыг зохион байгуулж хэвшүүлэх
2.2.Хог хаягдал цуглуулж тээвэрлэх үйл ажиллагаа эрхлэх иргэн, аж ахуйн нэгжийг сонгон шалгаруулж гэрээ байгуулан ажиллах
2.3.Тогтоолын хэрэгжилтийг жил бүрийн эцэст иргэдийн Төлөөлөгчдийн Хурлын Тэргүүлэгчдэд тайлагнах
3.Тогтоолын хэрэгжилтэнд байнгын хяналт тавьж ажиллахыгсумын иргэдийн Төлөөлөгчдийн Хурлын Тэргүүлэгчдэд үүрэг болгосугай.
4.Энэхүү тогтоол батлагдсантай холбогдуулан сумын иргэдийн Төлөөлөгчдийн Хурлын 2014 оны 12 сарын 18-ны өдрийн 10/05 дугаар тогтоолыг хүчингүйд тооцсугай.
ДАРГА С.БАТ
ДУНДГОВЬ АЙМГИЙН ХУЛД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛЫН ТӨСӨЛ
2025 оны 5 дугаар сарын 07-ны өдөр
Дугаар 05/03
Улаанжирэм
ЭНГИЙН ХОГ ХАЯГДЛЫН ҮЙЛЧИЛГЭЭНИЙ ХУРААМЖИЙН ХЭМЖЭЭГ БАТЛАХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.16, 22 дугаар зүйлийн 22.1.15, 35 дугаар зүйлийн 35.1.10, 35.1.14 дэх заалт, 48 дугаар зүйлийн 48.1 дэх хэсэг, Хог хаягдлын тухай хуулийн 9 дүгээр зүйлийн 9.2.1, 9.2.2 дахь заалт, 41 дүгээр зүйлийн 41.1, 41.6 дахь хэсэг, Татварын ерөнхий хуулийн 7 дугаар зүйлийн 7.2.23 дахь заалт, Сангийн сайд, Байгаль орчин, аялал жуулчлалын сайдын 2018 оны 192, А/243 дугаар хамтарсан тушаалыг тус тус үндэслэн ТОГТООХ нь:
1.Айл өрхийн хэрэглээнээс үүсэх нэг өрхийн энгийн хог хаягдал, сумын нутаг дэвсгэрт үйл ажиллагаа явуулж байгаа Аж ахуйн нэгж, байгууллага, үйлчилгээний газраас үүсэх энгийн хог хаягдлын үйлчилгээний хураамжийн хэмжээг 1 дүгээр хавсралтаар баталсугай.
2.Тогтоолын хэрэгжилтэд хяналт тавьж, хог хаягдлын үйлчилгээний хураамжийг сумын төсөвт төвлөрүүлж ажиллахыг сумын Засаг дарга (Ж.Эрдэнэбаатар)-д үүрэг болгосугай.
3.Энэхүү тогтоол батлагдсантай холбогдуулан сумын иргэдийн Төлөөлөгчдийн Хурлын 2020 оны 7 дугаар сарын 01-ний өдрийн 16/01 дугаар тогтоолыг хүчингүйд тооцсугай.
4.Тус тогтоолыг Захиргааны хэм хэмжээний актын нэгдсэн бүртгэлд бүртгэгдсэн өдрөөс эхлэн дагаж мөрдсүгэй.
ДАРГА Д.БЯМБАДЭЛГЭР
