ХУУЛЬ ЗҮЙ, ДОТООД ХЭРГИЙН САЙДЫН ТУШААЛ

2021 оны 02 дугаар сарын 01-ний өдөр

Дугаар А/17

Улаанбаатар хот

Хамтын удирдлагын байгууллагын үйл ажиллагаанд баримтлах журам, гэрээний загвар батлах тухай

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Оюуны өмчийн тухай хуулийн 9 дүгээр зүйлийн 9.1.4, 17 дугаар зүйлийн 17.3 дахь хэсгийг үндэслэн ТУШААХ нь:

1."Хамтын удирдлагын байгууллагын үйл ажиллагаанд баримтлах журам"-ыг нэгдүгээр, "Хамтын удирдлагын байгууллагатай хамтран ажиллах гэрээ"-г хоёрдугаар хавсралтаар тус тус баталсугай.

2.Энэ журмын хэрэгжилтэд хяналт тавьж ажиллахыг Төрийн нарийн бичгийн дарга /Б.Баасандорж/-д, үйл ажиллагаандаа мөрдөхийг Оюуны өмчийн газрын дарга /Б.Энхсүх/-д тус тус үүрэг болгосугай.

САЙД Х.НЯМБААТАР