МОНГОЛ УЛСЫН ЗАСГИЙН ГАЗРЫН ТОГТООЛ

2021 оны 2 дугаар сарын 10-ны өдөр

Дугаар 30

Улаанбаатар хот

ЗАСГИЙН ГАЗРЫН ХЭРЭГ ЭРХЛЭХ ГАЗРЫН БҮТЦИЙГ ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 33 дугаар зүйлийн 2 дахь хэсэгт заасныг үндэслэн Монгол Улсын Засгийн газраас ТОГТООХ нь:

1. Засгийн газрын Хэрэг эрхлэх газрын зохион байгуулалтын бүтцийг дор дурдсанаар шинэчлэн баталсугай:

1.1. Салбарын удирдлага, зохицуулалтын газар;

1.2. Хууль, эрх зүйн газар;

1.3. Бодлого төлөвлөлтийн газар;

(Засгийн газрын 2022 оны 100 дугаар тогтоолоор хүчингүй болсонд тооцсон)

1.3. Орон нутгийн удирдлага, зохицуулалтын газар;

1.4. Захиргаа, хүний нөөцийн удирдлагын газар (Архив, нууц, албан хэрэг хөтлөлтийн хэлтэстэй);

1.5. Хяналт-шинжилгээ, үнэлгээ, дотоод аудитын газар ("Иргэд, олон нийттэй харилцах-1111" төвтэй);

/ Засгийн газрын 2021 оны 283 дугаар тогтоолоор өөрчлөлт орсон /

1.6. Санхүү, эдийн засгийн газар;

1.7. Төрийн ёслолын газар;

1.9. Хэвлэл мэдээлэлтэй харилцах газар (Хэлэх үг бэлтгэх хэлтэстэй);

1.8. Мэдээллийн технологийн хэлтэс;

1.9. Ерөнхий сайдын ажлын алба (Хэвлэл мэдээлэл, олон нийттэй харилцах газар (Үг, илтгэлийн хэлтэс, Цахим мэдээллийн хэлтэс, Сонин хэвлэлийн хэлтэс, Контент боловсруулах хэлтэс, Гадаад мэдээ, сурталчилгааны хэлтэс, Иргэд, олон нийттэй харилцах 11-11 төвтэй)); 

(Энэ заалтад Засгийн газрын 2021 оны 188 дугаар тогтоол, Засгийн газрын 2022 оны 3, 275 дугаар тогтоолоор тус тус өөрчлөлт орсон)

1.10. Шадар сайдын ажлын алба.

2. Засгийн газрын Хэрэг эрхлэх газрын орон тооны хязгаарыг 172 байхаар тогтоосугай.

(Энэ заалтад Засгийн газрын 2021 оны 188 дугаар тогтоолоор өөрчлөлт орсон бөгөөд үүнийг 2022-1-1-ний өдрөөс эхлэн дагаж мөрдөнө. Засгийн газрын 2022 оны 3 дугаар тогтоолоор өөрчлөлт орсон)

3. Засгийн газрын Хэрэг эрхлэх газрын үйл ажиллагааны стратеги, бүтцийн өөрчлөлтийн хөтөлбөрийг шинэчлэн боловсруулж 2021 оны I улиралд багтаан Засгийн газарт оруулж шийдвэрлүүлэхийг Монгол Улсын сайд, Засгийн газрын Хэрэг эрхлэх газрын дарга Ц.Нямдоржид даалгасугай.

4. Энэ тогтоол гарсантай холбогдуулан "Ерөнхий сайдын зөвлөх, ажлын хэсгийн тухай" Засгийн газрын 2015 оны 1 дүгээр сарын 19-ний өдрийн 22 дугаар тогтоолын 1 дэх заалтын "6" гэснийг "11" гэж өөрчилсүгэй.

5. Энэ тогтоол гарсантай холбогдуулан "Засгийн газрын Хэрэг эрхлэх газрын бүтцийг шинэчлэн батлах тухай" Засгийн газрын 2020 оны 8 дугаар сарын 19-ний өдрийн 62 дугаар тогтоолыг хүчингүй болсонд тооцсугай.

(Засгийн газрын 2022 оны 100 дугаар тогтоолоор 1.4-1.11 дэх заалтын дугаарыг өөрчилсөн)

Монгол Улсын Ерөнхий сайд Л.ОЮУН-ЭРДЭНЭ

Монгол Улсын сайд, Засгийн газрын Хэрэг эрхлэх газрын дарга Ц.НЯМДОРЖ