НИЙГМИЙН ДААТГАЛЫН ЕРӨНХИЙ ГАЗРЫН ДАРГЫН ТУШААЛ

2021 оны 3 дугаар сарын 10-ны өдөр

Дугаар А/38

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Монгол Улсын Засгийн газрын агентлагийн эрхзүйн байдлын тухай хуулийн 8 дугаар зүйлийн 8.3.2, 8.4 дэх хэсэг, Нийгмийн даатгалын сангаас олгох тэтгэвэр, тэтгэмжийн тухай хуулийн 25 дугаар зүйлийн 25.2, 25.3 дахь хэсгийг тус тус үндэслэн ТУШААХ нь:

1.Эмнэлгийн хуудасны бичилт, олголтыг цахим хэлбэрт шилжүүлж, ажил олгогч болон даатгуулагчид шуурхай, чирэгдэлгүй үйлчлэх нөхцлийг бүрдүүлэх, түүнд тавих хяналтыг боловсронгуй болгох зорилгоор "Эмнэлгийн хуудас олгох, хянах журам"-ыг хавсралтаар шинэчлэн баталсугай.

2.Тушаалын хэрэгжилтэд хяналт тавьж ажиллахыг Дэд дарга /Г.Саран/-д, тушаалыг хэрэгжүүлэх үйл ажиллагааг зохион байгуулж, мэргэжил арга зүйн удирдлагаар хангаж ажиллахыг Эмнэлэг хөдөлмөрийн магадлах төв комисс /П.Мөнхтулга/-т, Мэдээллийн технологийн төв /Г.Хүрэлбаатар/-д тус тус даалгасугай.

3.Энэхүү журмыг Улсын нэгдсэн бүртгэлд бүртгүүлж, хүчин төгөлдөр болсон өдрөөс эхлэн дагаж мөрдсүгэй.

ДАРГА Д.ЗОРИГТ