ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛЭХ ТӨСӨЛ, АРГА ХЭМЖЭЭГ ТӨЛӨВЛӨХ, САНХҮҮЖҮҮЛЭХ, ХЯНАХ, ТАЙЛАГНАХ ЖУРАМ

Хүчингүй эрх зүйн акт

Засгийн газрын 2021 оны 160 дугаар
тогтоолын хавсралт

ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛЭХ ТӨСӨЛ,
АРГА ХЭМЖЭЭГ ТӨЛӨВЛӨХ, САНХҮҮЖҮҮЛЭХ, ХЯНАХ,
ТАЙЛАГНАХ ЖУРАМ

Нэг.Нийтлэг үндэслэл

1.1.Зорилго, хамрах хүрээ

1.1.1.Энэ журмын зорилго нь улсын төсвийн хөрөнгө оруулалтын төлөвлөлт болон санхүүжилтийн удирдлагыг боловсронгуй болгох замаар төсвийн зардлыг бууруулж, төсвийн хөрөнгө оруулалтын үр ашгийг дээшлүүлэхэд оршино.

1.1.2.Барилга байгууламж, их засвар, тоног төхөөрөмж, зөвлөх үйлчилгээ зэрэг улсын төсвийн хөрөнгө оруулалтаар санхүүжүүлэх төсөл, арга хэмжээг төлөвлөх, санхүүжүүлэх, хяналт тавих, тайлагнах харилцааг энэ журмаар зохицуулна.

1.1.3.Улсын болон орон нутгийн төсвийн хөрөнгө оруулалт, улсын төсвөөс эргэн төлөгдөх нөхцөлтэй аливаа хөрөнгө оруулалт, концессын гэрээний эргэн төлөлт, улсын төсвийн бүрэлдэхүүнд ордог Засгийн газрын тусгай сангийн хөрөнгөөр санхүүжүүлэх барилга байгууламж, тоног төхөөрөмж, их засвар, бараа, ажил, үйлчилгээг санхүүжүүлэх, хяналт тавих, тайлагнахад энэ журмыг мөрдлөг болгоно.

1.1.4.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж энэ журмын хэрэгжилт, зохион байгуулалтыг хангаж ажиллана.

1.2. Хууль, эрх зүйн орчин

1.2.1.Энэ журмыг хэрэгжүүлэхэд Төсвийн тухай хууль, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, Барилгын тухай хууль, Өрийн удирдлагын тухай хууль, Хөгжлийн бодлого, төлөвлөлт, түүний удирдлагын тухай хууль, Концессын тухай хууль болон холбогдох бусад хууль тогтоомжийг удирдлага болгоно.

1.2.2.Улсын төсвийн хөрөнгө оруулалтаар хэрэгжүүлэх төсөл, арга хэмжээ (цаашид “төсөл” гэх)-ний төлөвлөлтөд санхүү, төсвийн асуудал эрхэлсэн төрийн захиргааны төв байгууллагаас баталж мөрдүүлэх дараахь журам, аргачлалыг удирдлага болгоно:

1.2.2.1.Улсын төсвийн хөрөнгө оруулалтаар хэрэгжүүлэх төслийг үнэлж, эрэмбэлэх үйл ажиллагааны журам;

1.2.2.2.Улсын төсвийн хөрөнгө оруулалтаар хэрэгжүүлж буй төслийг дахин үнэлэх аргачлал;
1.2.2.3.Улсын төсвийн хөрөнгө оруулалтаар хэрэгжүүлэх төслийн эдийн засгийн үр ашиг, нийгмийн ач холбогдлыг тооцох аргачлал;

1.2.2.4.Улсын төсвийн хөрөнгө оруулалтаар шинээр хэрэгжүүлэх төслийг үнэлэх, эрэмбэлэх, сонгох аргачлал.

1.2.3.“Улсын төсвийн хөрөнгө оруулалтын удирдлагын систем” (цаашид “цахим систем” гэх) гэдэгт төслийг төлөвлөх, төсөвлөх, хэрэгжүүлэх, хяналт тавих, мэдээллийг хадгалах зориулалт бүхий цахим системийг ойлгоно.

1.2.4.Энэ журамд дурдсан нэр томьёог холбогдох хууль тогтоомжид заасны дагуу тодорхойлж, тайлбарлана.

Хоёр.Эрх бүхий байгууллагын чиг үүрэг

2.1.Эрх бүхий байгууллагын чиг үүрэг

2.1.1.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь улсын төсвийн хөрөнгө оруулалтаар хэрэгжүүлэх төслийн төлөвлөлт, төсөвлөлт, санхүүжилтийн удирдлагыг хариуцан ажиллах бөгөөд энэ журмын хүрээнд дараахь чиг үүргийг хэрэгжүүлнэ:

2.1.1.1.төслийн саналыг энэ журамд зааснаар хүлээн авах, нэгтгэх, төсвийн хөрөнгө оруулалтын санхүүжилт, хяналтыг хэрэгжүүлэх;

2.1.1.2.төслийн төсвийн эрсдэлийн шинжилгээг хийх, тухайн төслийн санхүүжүүлэх хөрөнгийн эх үүсвэр болон улсын төсөвт учруулж болох дарамт, нөлөөллийг тооцож, дүгнэлт гаргах;

2.1.1.3.төслийг үнэлж, эрэмбэлэн төсвийн төсөлд тусгах саналыг боловсруулах;

2.1.1.4.дунд хугацааны төсвийн хүрээний мэдэгдэл болон жилийн төсвийн хязгаарт багтаан төслийн нийт саналыг боловсруулах;

2.1.1.5.улсын төсвийн хөрөнгө оруулалтын талаар судалгаа, дүн шинжилгээ хийх, цаашид хэрэгжүүлэх арга хэмжээний санал боловсруулж ажиллах;

2.1.1.6.хууль, журмын шаардлага хангасан төслийн гүйцэтгэлийн санхүүжилтийн эрхийг нээх;

2.1.1.7.хууль, журмын шаардлага хангаагүй төслийн санхүүжилтийг олгохгүй байх;

2.1.1.8.энэ журамд заасан чиг үүргийг хэрэгжүүлэхэд шаардлагатай баримт бичиг, мэдээллийг төсвийн ерөнхийлөн захирагч, төрийн байгууллага, холбогдох бусад этгээдээс гаргуулж авах;

2.1.1.9.төсвийн хөрөнгө оруулалтаар санхүүжүүлсэн төслийн хэрэгжилтийг үнэлэх, үр ашиг, үр дүнг тооцох аргачлал, үнэлгээний тайлангийн загварыг боловсруулж, хэрэгжүүлэх;
2.1.1.10.цахим системийн удирдлагыг хэрэгжүүлж, үйл ажиллагаандаа нэвтрүүлэх, хэвийн үйл ажиллагааг хангах;

2.1.1.11.улсын төсвийн хөрөнгө оруулалтын чиглэлээр мэргэжил, арга зүйн зөвлөгөө өгөх, сургалт хэлэлцүүлэг зохион байгуулах;

2.1.1.12.улсын төсвийн хөрөнгө оруулалтаар хэрэгжүүлсэн болон хэрэгжүүлж байгаа төслийн хэрэгжилттэй танилцах, түүний мөрөөр холбогдох арга хэмжээ авах.

2.1.2.Төсвийн ерөнхийлөн захирагчийн хөрөнгө оруулалтын асуудал хариуцсан нэгж нь энэ журмын хүрээнд дараахь чиг үүргийг хэрэгжүүлнэ:

2.1.2.1.төслийн саналыг аргачлалд заасан шалгуур үзүүлэлтээр судлан шинжилж, эрэмбэлэх, үнэлэх;

2.1.2.2.төслийн саналд энэ журамд заасны дагуу судалгаа хийж, эрэмбэлэн улсын төсвөөр хэрэгжүүлэх нэн тэргүүний ач холбогдолтой төслүүдийг тодорхойлох, жагсаалт гаргах;

2.1.2.3.энэ журамд зааснаар үнэлж, эрэмбэлсний дагуу тухайн жилд хэрэгжүүлэх төслийн саналыг улсын төсөвт тусгуулахаар санхүү, төсвийн асуудал эрхэлсэн төрийн захиргааны төв байгууллагад хүргүүлэх;

2.1.2.4.улсын төсвийн хөрөнгө оруулалтын төслийн саналд үндсэн хөрөнгийн ашиглалттай холбоотой урсгал зардал, орон тоо, санхүүжүүлэх эх үүсвэр зэрэг холбогдох тооцоог хавсаргаж, төсөвт нөлөөлөх ачааллын талаарх дүгнэлтийг гаргасан байх;

2.1.2.5.энэ журамд заасан аргачлал, заавар, гарын авлагыг үйл ажиллагаандаа мөрдөж, хэрэгжилтийг хангах;

2.1.2.6.төслийн хэрэгжилтийг хууль, журмын хүрээнд зохион байгуулж, хангах, хяналт тавих;

2.1.2.7.улсын төсвийн хөрөнгө оруулалтын чиглэлээр тухайн салбарын судалгаа, дүн шинжилгээ хийх, танилцуулга, мэдээлэл бэлтгэх;

2.1.2.8.улсын төсвийн хөрөнгө оруулалтын төлөвлөлт, хэрэгжилтийг цахим системээр дамжуулан гүйцэтгэх;

2.1.2.9.улсын төсвийн хөрөнгө оруулалтаар хэрэгжүүлж байгаа төслийн гүйцэтгэлийн хяналтыг хэрэгжүүлэх, гүйцэтгэлийн санхүүжилтийг хянан баталгаажуулах;

2.1.2.10.улсын төсвийн хөрөнгө оруулалтаар хэрэгжүүлж байгаа төслийн гүйцэтгэлийн баримт бичгийг хууль, журамд нийцүүлэн бүрэн, үнэн зөв бүрдүүлэх.

2.1.3.Төсвийн ерөнхийлөн захирагчийн төсвийн хөрөнгө оруулалтын асуудал хариуцсан нэгж нь төсвийн хөрөнгө оруулалтаар хэрэгжүүлэх төслийн санхүүжилт, хэрэгжилт, гүйцэтгэл, хяналтын үйл ажиллагаа, үр дүнг хариуцаж ажиллана.

2.1.4.Төсвийн ерөнхийлөн захирагч нь өөрийн багцад тухайн жилд батлагдсан төслийг хэрэгжүүлэх төлөвлөгөөг баталж, хэрэгжилтийг хангаж ажиллана.

2.1.5.Төсвийн ерөнхийлөн захирагч нь тухайн жилд хэрэгжүүлж байгаа төсөл тус бүрт хамаарах гэрээний хуулбарыг (барилга угсралт, их засварын ажлын тухайд үе шатны хуваарь, гүйцэтгэгчийг сонгон шалгаруулсан худалдан авах ажиллагааны баримт бичгийн хамт) уг гэрээг байгуулснаас хойш ажлын 5 хоногт багтаан санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгжид хүргүүлнэ.

2.1.6.Төсвийн ерөнхийлөн захирагч нь энэ журмын 2.1.5-д заасан гэрээг цахим системд бүртгэж, хуулбар файлыг оруулсан байна.

2.1.7.Төсвийн ерөнхийлөн захирагчийн төсвийн багцад улсын хэмжээнд хэрэгжүүлэхээр батлагдсан төсвийн хөрөнгө оруулалтаар хэрэгжүүлэх төслийн задаргааг холбогдох шийдвэрийн хамт санхүү, төсвийн асуудал эрхэлсэн төрийн захиргааны төв байгууллагад ажлын 5 хоногт багтаан хүргүүлнэ.

2.1.8.Төсвийн хөрөнгө оруулалтын үйл ажиллагааны төлөвлөлт, санхүүжилт, хяналт, тайлагналтын үе шатуудад холбогдох мэдээлэл, баримт бичгийн иж бүрдлийг цахим системд оруулж, албан бичгээр баталгаажуулан санхүү, төсвийн асуудал эрхэлсэн төрийн захиргааны төв байгууллагад хүргүүлэх бөгөөд тэдгээрийн иж бүрэн, үнэн зөв байдлыг хангаж ажиллана.

2.2.Төсөл, арга хэмжээг хэрэгжүүлэх эрхийг шилжүүлэх

2.2.1.Төсвийн ерөнхийлөн захирагч нь төслийн хэрэгжүүлэх эрхийг дараахь байдлаар шилжүүлнэ:

2.2.1.1.Төсвийн тухай хуулийн 14.4 дахь заалтын дагуу төсвийн ерөнхийлөн захирагчаас төсвийн төвлөрүүлэн захирагчид, эсхүл харьяалах төсвийн шууд захирагчид төслийг хэрэгжүүлэх, санхүүжүүлэх, хяналт тавих эрхийг шилжүүлэх;

2.2.1.2.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 45.6 дахь заалтын дагуу худалдан авах ажиллагааг зохион байгуулах эрхийг шилжүүлэх;

2.2.1.3.Төсвийн ерөнхийлөн захирагч нь өөрийн эрхлэх асуудлын хүрээнд төслийг хэрэгжүүлэх эрхийг Төсвийн тухай хуулийн 14, 61 дүгээр зүйлд заасны дагуу аймаг, нийслэлийн Засаг даргад шилжүүлэх.

2.2.2.Төсвийн ерөнхийлөн захирагч нь төсөл хэрэгжүүлэх эрхийг шилжүүлсэн тохиолдолд шийдвэрийг тухайн жилийн 2 дугаар сарын 1-ний дотор гаргаж, ажлын 3-5 хоногт багтаан санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

2.2.3.Эрх шилжүүлэн авсан этгээд нь тухайн төслийг хэрэгжүүлэхэд энэ журамд заасныг удирдлага болгон ажиллана.

2.2.4.Эрх шилжүүлсэн этгээд нь тухайн төслийн хэрэгжилтэд хяналт тавьж, тайлагналт, үр дүн, гүйцэтгэлд эрх бүхий этгээдийн хувиар хариуцлага хүлээнэ.

2.3.Захиалагчийн чиг үүрэг

2.3.1.Захиалагч нь дараахь этгээд байна:

2.3.1.1.төслийг хэрэгжүүлэхээр гэрээ байгуулсан төсвийн захирагч;

2.3.1.2.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 45.2-т заасан этгээд.

2.3.2.Захиалагч дараахь чиг үүргийг хэрэгжүүлнэ:

2.3.2.1.төслийн гүйцэтгэлийг барилга байгууламжийн болон норм, нормативын баримт бичиг, тухайн барилгын ажлын батлагдсан зураг төсөл, төсөв, гүйцэтгэгчтэй байгуулсан гэрээнд тусгасан барилгын ажлын үе шатны хуваарийг төсөл нэг бүрээр тулган шалгаж, хянан баталгаажуулах;

2.3.2.2.санхүүжилтийн гүйцэтгэлийн баримт бичгийг төсвийн ерөнхийлөн захирагчийн эрх олгосон шийдвэрийн дагуу төсвийн шууд захирагч, эсхүл санхүү, хөрөнгө оруулалтын асуудал хариуцсан нэгжийн даргын гарын үсгээр хянан баталгаажуулж, албан бичгээр болон цахим системээр дамжуулан санхүү, төсвийн асуудал эрхэлсэн төрийн захиргааны төв байгууллагад хүргүүлэх;

2.3.2.3.барилга байгууламж, их засварын ажил, зөвлөх үйлчилгээ, концессын гэрээний эргэн төлөлт зэрэг төслийн гүйцэтгэлийг энэ журамд зааснаар үнэн зөв гаргаж, холбогдох маягтын дагуу ирүүлэх;

2.3.2.4.барилга байгууламж, өргөтгөл, их засварын ажлыг байнгын ашиглалтад оруулах улсын комиссын актаар холбогдох дүрмийн дагуу ашиглалтад хүлээн авсны үндсэн дээр эцсийн санхүүжилт хүсэх;

2.3.2.5.барилга байгууламжийн зураг төслийн үнэ, захиалагчийн хяналтын зардал, зохиогчийн хяналтын зардал, нормчлолын сангийн зардал, чанарын баталгаат хугацааны барьцааг тус тусын дансанд холбогдох баримт бичиг, тоног төхөөрөмж хүлээн авсан акт зэргийг үндэслэн шилжүүлэх;

2.3.2.6.төслийн санхүүжилт хүссэн гүйцэтгэлд ирүүлж буй холбогдох баримт бичиг, мэдээллүүдийн иж бүрдэл, үнэн зөв эсэхэд бүрэн хариуцлага хүлээнэ.

2.3.3.Захиалагч төслийн худалдан авах ажиллагаа холбогдох хууль тогтоомжийн дагуу зохион байгуулагдсан болохыг баталгаажуулсан тодорхойлолтыг гүйцэтгэлийн баримт бичигт хавсарган санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

Гурав.Төсөл, арга хэмжээний төлөвлөлт, тавигдах шаардлага

3.1.Төсөл, арга хэмжээний төлөвлөлт

3.1.1.Төслийг төлөвлөх харилцааг энэ журмын 1.2.2-т заасан журам болон аргачлалд зааснаар зохицуулна.

3.1.2.Улсын төсвийн хөрөнгө оруулалтаар шинээр хэрэгжүүлэх их засвар, тоног төхөөрөмж, зөвлөх үйлчилгээний төслүүд нь төсвийн хөрөнгө оруулалтаар зайлшгүй санхүүжүүлэх шаардлагатай нь холбогдох нотлох баримтаар тогтоогдсон төсөл байх бөгөөд энэ журамд зааснаар төлөвлөнө.

3.1.3.Төсвийн ерөнхийлөн захирагч нь энэ журмын 3.1.2-т заасан төслийг төсөвт тусгуулах саналыг албан бичгээр болон цахим системээр дамжуулан Төсвийн тухай хуульд заасан төсвийн цаглабарын дагуу санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

3.1.4.Төсвийн ерөнхийлөн захирагч нь энэ журмын 3.1.2-т заасан төслийн саналыг ирүүлэхдээ дараахь шалгуур үзүүлэлтийг хангаж буй эсэхийг судалж, холбогдох тайлан болон баримт бичгийг хавсаргасан байна:

3.1.4.1.бодлогын баримт бичигт тусгагдсан байдал;

3.1.4.2.Хөгжлийн урт, дунд, богино хугацааны баримт бичгүүдтэй нийцэж буй байдал;

3.1.4.3.хэрэгцээ шаардлага, үндэслэл;

3.1.4.4.мэргэжлийн байгууллагын дүгнэлт;

3.1.4.5.төслийн зардлыг бүрэн зөв тооцсон эсэх;

3.1.4.6.санхүүжилтийн эх үүсвэрийн төрөл.

3.1.5.Төсвийн хөрөнгө оруулалтаар хэрэгжүүлэх нийт төслийн төлөвлөгөөний саналыг энэ журмын хавсралт №1-д заасан маягтын дагуу цахим системд мэдээллийг бүрэн оруулж боловсруулна.

3.1.6.Төсвийн хөрөнгө оруулалтын төлөвлөлтийг энэ журамд заасныг баримтлан гүйцэтгээгүй, шаардлагатай баримт бичгийн иж бүрдэл, материал, мэдээллийг албан бичгээр болон цахим системээр ирүүлээгүй тохиолдолд хөрөнгө оруулалтын төлөвлөлтөд тусгахгүй байх үндэслэл болно.

3.1.7.Төсвийн ерөнхийлөн захирагч болон концессын асуудал хариуцсан төрийн захиргааны байгууллага нь төсвийн хөрөнгө оруулалтаар эргэн төлөлт хийгдэх концессын төслийн санал, тооцоог гаргаж, холбогдох бусад баримт бичгийн хамт хуульд заасан хугацаанд санхүү, төсвийн асуудал эрхэлсэн төрийн захиргааны төв байгууллагад цахимаар болон албан бичгээр ирүүлнэ.

3.2.Төсөл, арга хэмжээнд тавигдах шаардлага

3.2.1.Төсвийн хөрөнгө оруулалтаар шинээр хэрэгжүүлэх барилга байгууламжийн төсөл нь Төсвийн тухай хууль болон бусад хууль тогтоомжид заасан шаардлагад нийцсэн, холбогдох аргачлалд заасны дагуу шалгуур үзүүлэлтээр үнэлэгдсэн, эдийн засгийн үр ашигтай, нийгмийн ач холбогдолтой, тэргүүлэх зэрэглэлийн төслүүд байна.
3.2.2.Төсвийн хөрөнгө оруулалтаар санхүүжүүлэх дараахь шаардлагыг хангаагүй төслийг төсвийн хөрөнгө оруулалтын төлөвлөгөөнд тусгахгүй:

3.2.2.1.эрх бүхий байгууллагаас газрын болон бусад төсвийн хөрөнгө оруулалтын төлөвлөлтөд шаардлагатай зөвшөөрлийг авсан байх;

3.2.2.2.барилга байгууламжийн хувьд сүүлийн 2 жилийн дотор хийгдсэн магадлалаар баталгаажсан зураг төсөл болон төсөвтэй байх;

3.2.2.3.шаардлагатай тохиолдолд төслийн техник, эдийн засгийн үндэслэл (цаашид “ТЭЗҮ” гэх), техник, эдийн засгийн урьдчилсан судалгаа (цаашид “ТЭЗУС” гэх)-г хийлгэсэн байх.

3.2.3.Их засвар, тоног төхөөрөмж, зөвлөх үйлчилгээний төсөлд дараахь шаардлагыг тавина:

3.2.3.1.шаардлагатай тохиолдолд урсгал зардлыг тооцсон байх;

3.2.3.2.төсвийн хязгаарт багтсан, нэн тэргүүний ач холбогдолтой байх;

3.2.3.3.холбогдох баримт бичиг, нотлох баримтаар баталгаажсан, төлөвлөлт, зорилтод нийцсэн, хэрэгцээ шаардлагад тулгуурласан байх;

3.2.3.4.тухайн барилга байгууламжийн ашиглалт, норм, хугацаа, элэгдлийн байдал, мэргэжлийн байгууллагын гаргасан дүгнэлт, засварын хөрөнгийн төсөв, холбогдох баримт бичигт үндэслэсэн байх.

3.2.4.ТЭЗУС, ТЭЗҮ боловсруулах төсөл болон зөвлөх үйлчилгээний ажил нь холбогдох хууль тогтоомжид үндэслэсэн, тухайн байгууллага, эсхүл салбарын зорилт болон дунд хугацааны төлөвлөлтөд нийцсэн, байгууллагын эрэлт хэрэгцээ, бодит шаардлагад тулгуурласан байна.

3.3.Төсөл, арга хэмжээг улсын төсөвт тусгах

3.3.1.Санхүү төсвийн асуудал эрхэлсэн төрийн захиргааны төв байгууллага, төсвийн ерөнхийлөн захирагч нь энэ журмын 1.2.2.1-д заасан журмыг баримтлан төсвийн төсөлд тусгах төслийг сонгох болон төслийн санхүүжилтийг шийдвэрлэхдээ дараахь эрэмбийг баримтална:

3.3.1.1.шилжих буюу хэрэгжүүлж буй төсөл;

3.3.1.2.их засварын төсөл;

3.3.1.3.шинээр хэрэгжүүлэх төсөл.

3.3.2.Санхүү төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь нийт төслийн жагсаалтыг энэ журмын 3.1.2-т заасан журам, аргачлалыг үндэслэн боловсруулах ба тухайн жилийн төсвийн хязгаарыг үндэслэн эрэмбийн дагуу төсвийн төсөлд тусгана.

3.3.3.Төсвийн хөрөнгө оруулалтаар хэрэгжүүлэх төсөл нь дунд хугацааны төсвийн хүрээний мэдэгдэл, тухайн жилийн төсвийн хязгаар, Төсвийн тухай хууль болон холбогдох бусад хууль тогтоомжид заасан шаардлага, шалгуур үзүүлэлтэд нийцэж байгаа эсэхийг хянаж, судалсны дагуу төсвийн төсөлд тусгах шийдвэрийг гаргана.

3.3.4.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь төсвийн хөрөнгө оруулалтын төслийг төсөвт тусгахдаа дараахь журмыг баримтална:

3.3.4.1.нэг жилийн дотор хэрэгжиж дуусах богино хугацааны хөрөнгийн урсгал засвар, хөрөнгийн шинэчлэл, тоног төхөөрөмж болон бусад хөрөнгийн төслийг хөтөлбөр болон төсвийн ерөнхийлөн захирагчаар тооцож тусгах;

3.3.4.2.шинээр эхлэх барилга, байгууламж, хөрөнгө оруулалтын төслийн нийт төсөвт өртгөөс тухайн жилд ногдох хэсэг нь төслийг хэрэгжүүлэх хугацаанд тэнцүү хуваарилсан хэмжээнээс багагүй байхаар тооцож тусгах.

Дөрөв.Төсөл, арга хэмжээний санхүүжилт,
гүйцэтгэлийн баримт бичиг

4.1.Санхүүжилтийн ерөнхий зохицуулалт

4.1.1.Төсвийн ерөнхийлөн захирагч нь өөрийн багцад батлагдсан төслийн гүйцэтгэл, худалдан авах тоног төхөөрөмжийн актад захиалагчийг төлөөлж гарын үсэг зурах эрх бүхий барилгын хяналтын болон санхүү, хөрөнгө оруулалтын асуудал хариуцсан холбогдох албан тушаалтнуудыг томилж, томилсон тухай шийдвэрийг санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

4.1.2.Төсвийн ерөнхийлөн захирагч, эсхүл эрх хүлээн авсан этгээд нь барилга захиалагчийн хяналт тавих этгээдтэй захиалагчийн хяналтын гэрээ заавал байгуулсан байх бөгөөд гэрээний хуулбарыг тухайн төслийн гүйцэтгэлийн баримт бичигт хавсаргаж санхүү, төсвийн асуудал эрхэлсэн төрийн захиргааны төв байгууллагад ирүүлнэ.

4.1.3.Төсвийн ерөнхийлөн захирагч, эсхүл эрх хүлээн авсан этгээд нь төслийг батлагдсан төсөвт өртөгт багтаан худалдан авах ажиллагааг холбогдох хууль, журмын хүрээнд зохион байгуулах үүрэгтэй.

4.1.4.Санхүүжилтийн гүйцэтгэлийг тухайн төслийн зураг төсөл болон төсвийн дагуу барилга байгууламжийн норм, нормативын баримт бичгийг үндэслэн барилга угсралтын гэрээнд тусгасан үе шатны ажил тус бүрээр гаргаж, магадлалаар баталгаажсан зураг төсөл болон төсөвтэй тулган шалгаж, хянан баталгаажуулна.

4.1.5.Төсвийн ерөнхийлөн захирагч, эсхүл төсвийн шууд захирагч нь санхүүжилтийн гүйцэтгэлийг энэ журмын хавсралт №7, №8, №9-д заасан маягтуудын дагуу баталж, санхүүжилт хүссэн албан бичгийг санхүү, төсвийн асуудал эрхэлсэн төрийн захиргааны төв байгууллагад ирүүлэх ба албан бичигт дараахь мэдээллийг тусгасан байна:
4.1.5.1.тухайн төслийн төсвийн тухай хуулиар батлагдсан хуулийн дугаар, нэр, төслийн хэрэгжилтийн мэдээлэл, захиалагч хянан баталгаажуулсан тухай мэдээллийг оруулах;

4.1.5.2.гүйцэтгэгч байгууллагад олгох санхүүжилтийн дүнг, гүйцэтгэгчийн дансны дугаар, банкны нэрийн хамт тусгасан байх, энэ нь гэрээнд тусгасан дансны мэдээлэлтэй адил байх;

4.1.5.3.гүйцэтгэгч байгууллагад олгохоос бусад санхүүжилтийн дүнг захиалагчийн дансанд олгохоор захиалагчийн дансны нэр, дугаарын хамт тусгах;

4.1.5.4.эцсийн санхүүжилт олгох тохиолдолд чанарын баталгааны санхүүжилтийн дүнг захиалагч байгууллагын дансанд шилжүүлэхээр тусгах, цахим системд оруулсан татварын мэдээлэлд үндэслэн тухайн гүйцэтгэгч нь татварын өртэй тохиолдолд санхүүжилтээс татварын өрийг суутган шилжүүлэх талаар тусгах, энэ нь татварын өрийг суутган тооцож санхүүжилтийг шилжүүлэх үндэслэл болно.

4.1.6.Захиалагч болон санхүү, төсвийн асуудал эрхэлсэн төрийн захиргааны төв байгууллага нь энэ журмын хавсралтад заасан тухайн төсөлд тохирох хяналтын хуудсыг хөтөлж, санхүүгийн баримт болгон гүйцэтгэлийн баримт бичигт хавсаргана.

4.1.7.Захиалагчаас хянан баталгаажуулж ирүүлсэн гүйцэтгэлийн баримт бичиг нь энэ журмын холбогдох хавсралтад заасан хяналтын хуудаст тусгагдсан шалгуур үзүүлэлт, шаардлагуудыг хангаж байгаа тохиолдолд санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж ажлын 3 хоногийн дотор тухайн төслийн санхүүжилтийн захиалагч байгууллагын ирүүлсэн албан бичигт дурдсаны дагуу гүйцэтгэгч байгууллагад олгох, захиалагч байгууллагад олгох байдлаар эрхийг нээнэ.

4.1.8.Энэ журам болон холбогдох хууль тогтоомжид нийцсэн, хяналтын хуудас бүрэн бүрдсэн тохиолдолд санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж санхүүжүүлэх төслийн жагсаалтыг хавсралт №14-т заасан маягтын дагуу гаргаж, хавсралт №17-ын хамт төрийн сангийн асуудал хариуцсан нэгжид хүргүүлнэ.

4.1.9.Энэ журмын 4.1.8-д заасан жагсаалтад тухайн жилийн батлагдсан төсвийн тухай хуулийн хавсралтад тэмдэглэгдсэн хөрөнгө оруулалтын ажлын нэр, дэс дугаар, захиалагч, гүйцэтгэгчийн нэр, гүйцэтгэгч болон захиалагчийн дансны дугаар, санхүүжих мөнгөн дүнг тэмдэглэсэн байна.

4.1.10.Хяналтын хуудас бүрэн бөглөгдөх боломжгүй, санхүүжилтийн баримт бичиг иж бүрдэл дутуу, шаардлага хангахгүй, тэдгээрт тусгагдсан асуудал холбогдох хууль тогтоомжид нийцээгүй бол санхүү, төсвийн асуудал эрхэлсэн төрийн захиргааны төв байгууллага захиалагчаас ирүүлсэн баримт бичгийг ажлын 3 хоногийн дотор цахимаар болон албан бичгээр буцаана.

4.1.11.Эрх шилжүүлсэн төслийн хувьд тухайн шийдвэр нь захиалагчийн холбогдох дансанд санхүүжилтийн эрхийг нээх үндэслэл болно.

4.1.12.Төслийн санхүүжилтийг гүйцэтгэлээр олгох бөгөөд урьдчилгааг дараахь тохиолдолд олгоно:

4.1.12.1.тухайн төсөлд урьдчилгаа олгох талаар худалдан авах ажиллагааны баримт бичиг болон гэрээнд тусгасан байх;

4.1.12.2.урьдчилгаа төлбөрийн баталгаа гаргуулсан байх (Сангийн сайдын тушаалаар батлагдсан “Урьдчилгаа төлбөрийн баталгааны маягт”-ын дагуу гаргана);

4.1.12.3.банкны урьдчилгаа төлбөрийн баталгааг үндэслэн санхүүжилтийг олгоход урьдчилгаа төлбөрийн банкны баталгааг банканд байршуулсан эсэх баримтыг санхүүжилт хүсэх баримтад хавсаргасан байх;

4.1.12.4.төсвийн ерөнхийлөн захирагчийн төсвийн хөрөнгө оруулалтын улсын төсвийн санхүүжилтээр санхүүжих төслийн урьдчилгаа төлбөрийн нийт хэмжээ нь тухайн онд батлагдсан нийт санхүүжилтийн 30 хувиас ихгүй байна.

4.1.13.Төслийн гүйцэтгэлд зөвхөн уг ажилд захиалагчаас гадна захиалагчийг төлөөлж техник хяналт, зохиогчийн хяналт тавьж байгаа болон санхүүжилтийн үйл ажиллагаанд оролцогч эрх бүхий этгээд гарын үсэг зурна.

4.1.14.Төслийн гүйцэтгэгч этгээдийг Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн дагуу шалгаруулж, гэрээ байгуулах бөгөөд гэрээтэй холбоотой аливаа зохицуулалтыг гэрээний тусгай нөхцөлд тусгана.

4.1.15.Төслийн гэрээнд барилга угсралтын дүн, зохиогчийн хяналт, захиалагчийн хяналт, магадалшгүй ажил, нэмэгдсэн өртгийн албан татвар, зураг төсөл, хайгуулын ажил, барилга байгууламжийн норм, нормативын сангийн шимтгэл гэх мэт зардлыг нэг бүрчлэн тусгахаас гадна тухайн гүйцэтгэгч татварын өртэй тохиолдолд санхүүжилтээс суутган тооцох тухай заалтыг тусгасан байна.

4.1.16.Барилга байгууламж болон их засварын ажлын төсөвт өртөгт барилгын үнэ бүрдлийн дүрэмд тусгасны дагуу зохиогчийн хяналт, захиалагчийн хяналт, магадалшгүй ажил, нэмэгдсэн өртгийн албан татвар, зураг төсөл, хайгуулын ажил, барилга байгууламжийн норм, нормативын сангийн шимтгэл гэх мэт нэг бүрчилсэн төсвийн зардлыг тооцно.

4.1.17.Магадалшгүй ажлын зардлыг барилгын гүйцэтгэгч, захиалагч байгууллагууд харилцан тохиролцсон актын дагуу зураг төсөлд тусгагдаагүй ажлыг санхүүжүүлэхэд зарцуулах бөгөөд уг зардлыг хурлын тэмдэглэл, магадалшгүй ажлын төсөв, баримтжуулсан фото зураг болон гүйцэтгэлийг үндэслэн олгоно.

4.1.18.Зураг төсөл боловсруулсан зардал, зохиогчийн хяналт болон захиалагчийн хяналтын зардлыг тухайн төсөл дээр байгуулсан гэрээ, хийсэн ажлын тайлангийн дагуу холбогдох норм дүрэмд заасныг үндэслэн энэ журмын хавсралт №16-д заасан маягтыг бөглөж олгоно.

4.1.19.Төсвийн орлого бүрдүүлэлт, эх үүсвэр хүрэлцээгүйгээс хамаарч тогтоосон хугацаанд хөрөнгө оруулалтын төсөл нь санхүүжилт авч чадаагүй бол энэ нь хариуцлага хүлээлгэх үндэслэл болохгүй.

4.1.20.Төсвийн орлого бүрдүүлэлт, эх үүсвэр хүрэлцээгүйгээс энэ журмын 4.1.7-д заасан хугацаанд төслийг санхүүжүүлэх боломжгүй нөхцөл үүссэн тохиолдолд санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь хөрөнгө оруулалтын төслийн санхүүжилтийн эрхийг нээхдээ зөвхөн тэдгээрийн санхүү, төсвийн асуудал эрхэлсэн төрийн захиргааны төв байгууллагад бүртгэгдсэн огнооны дарааллыг баримтална.

4.1.21.Санхүүжилтийн эрх нээснээс хойш ажлын 2 хоногийн дотор санхүү, төсвийн асуудал эрхэлсэн төрийн захиргааны төв байгууллагын төрийн сангийн асуудал хариуцсан нэгж нь гүйцэтгэгч байгууллагад санхүүжилтийг олгоно.

4.1.22.Төсвийн ерөнхийлөн захирагч, эсхүл төсвийн шууд захирагч нь энэ журмын 4.1.5-д заасны дагуу санхүүжилтийн гүйцэтгэлийг цаасаар болон цахимаар баталгаажуулж ирүүлснээр санхүү, төсвийн асуудал эрхэлсэн төрийн захиргааны төв байгууллагын төрийн сангийн асуудал хариуцсан нэгж нь захиалагчийн данснаас гүйцэтгэгч байгууллага руу санхүүжилтийг олгох эрх олгогдоно.

4.1.23.Энэ журмын 4.1.22-т зааснаар санхүүжилтийг гүйцэтгэгч байгууллага руу олгосноос гарах аливаа эрсдэл, үр дагаврыг санхүүжилтийн гүйцэтгэлийг хянан баталгаажуулж ирүүлсэн захиалагч байгууллага хүлээнэ.

4.1.24.Энэ журмын 4.1.22-т зааснаар санхүү, төсвийн асуудал эрхэлсэн төрийн захиргааны төв байгууллагын төрийн сангийн асуудал хариуцсан нэгж нь санхүүжилтийг гүйцэтгэгч байгууллага руу олгосноор захиалагч байгууллага хариуцлагаас чөлөөлөгдөх үндэслэл болохгүй.

4.1.25.Энэ журмын 4.1.22 дахь заалттай холбогдуулан гүйцэтгэгч байгууллагын нэхэмжлэхийг гүйцэтгэлийн материалд хавсаргасан байх, мөн энэ журмын хавсралт №17-д заасан “Санхүүжилтийн төлбөрийн хүсэлтийн маягт”-ыг 2 хувь үйлдэж баталгаажуулан ирүүлнэ.

4.1.26.Хөрөнгө оруулалтын төлөвлөгөөнд зохицуулалт хийх шалтгаан нөхцөл үүссэн тохиолдолд санхүүжилтийн дүнд өөрчлөлт оруулахаар төлөвлөсөн хөрөнгө оруулалтын ажлын санхүүжилтийг захиалагч болон санхүү, төсвийн асуудал эрхэлсэн төрийн захиргааны төв байгууллага төлөвлөгөө батлагдтал түр хугацаагаар зогсоож, шинэчлэгдсэн төлөвлөгөө батлагдсаны дараа шийдвэрлэнэ.

4.1.27.Төсвийн ерөнхийлөн захирагч нь өөрийн багцад батлагдсан хөрөнгө оруулалтын төслөөс Засгийн газрын худалдан авах ажиллагааны асуудал хариуцсан төрийн захиргааны байгууллага болон орон нутагт эрх шилжин худалдан авах ажиллагааг нь зохион байгуулах ажлын жагсаалтыг тушаалаар баталж, худалдан авах ажиллагааныхаа төлөвлөгөөнд хавсарган төсөв батлагдсанаас хойш ажлын 10 хоногийн дотор санхүү, төсвийн асуудал эрхэлсэн төрийн захиргааны төв байгууллагад хүргүүлсэн байна.

4.1.28.Төсвийн ерөнхийлөн захирагч болон аймаг, нийслэлийн Засаг даргын төрийн сан дахь хөрөнгө оруулалтын данс төсвийн жилийн эцэст үлдэгдэлгүй байх бөгөөд энэ нь барьцаа хөрөнгийн болон техник хяналтын дансанд хамаарахгүй.

4.1.29.Захиалагч нь барилга байгууламж, их засварын ажил, тоног төхөөрөмж худалдан авах, зөвлөх үйлчилгээ зэрэг хөрөнгө оруулалтын төсөл тус бүрийн хяналтын хуудсыг энэ журмын хавсралтад заасан маягтын дагуу бөглөн баталгаажуулж ирүүлнэ.

4.1.30.Төслийн эцсийн санхүүжилт ирүүлэхэд гэрээг дүгнэсэн байх ёстой бөгөөд хавсралт №12-т заасан “Гэрээ дүгнэх маягт”-ыг үйлдэж баримт бичгийн иж бүрдэлд хавсаргана.

4.1.31.Эцсийн санхүүжилтийг авахад тухайн барилга байгууламж, тоног төхөөрөмжийг ашиглагч байгууллага нь бүртгэлд тусгасныг нотлох баримт үйлдэж баримт бичгийн иж бүрдэлд хавсаргана.

4.1.32.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль болон бусад хууль тогтоомжийн дагуу зохион байгуулагдаагүй хөрөнгө оруулалтын төслийг төсвөөс санхүүжүүлэхийг хориглоно.

4.1.33.Барилга байгууламж, их засвар, тоног төхөөрөмж, зөвлөх үйлчилгээний зардлыг хооронд нь шилжүүлэх, батлагдсан нэр, байршлыг солих, хүчин чадлыг өөрчлөх, хуулиар батлагдсан төсөвт өртгийг хэтрүүлэн тендер шалгаруулалт зарлах, гэрээ байгуулах, санхүүжүүлэхийг хориглоно.

4.1.34.Төсвийн орлого бүрдүүлэлтээс хамаарч тогтоосон хугацаанд төсөл нь санхүүжилт авч чадаагүй бол тухайн хугацаагаар төслийн гэрээний хугацааг санхүүжилт орсон өдөр хүртэл хойшлуулан тооцож санхүүжилт гаргана.

4.1.35.Төсвийн хөрөнгө оруулалтаар хэрэгжүүлэх төсөл нь урьдчилсан худалдан авах ажиллагаанд хамаарч буй тохиолдолд гүйцэтгэлийн баримт бичигт уг төслийг баталсан Засгийн газрын тогтоолыг хавсаргаж ирүүлнэ.

4.1.36.Урьдчилгаа төлбөрийн банкны баталгаа болон барилгын ажлын гүйцэтгэлийг хуурамчаар үйлдсэн нь тогтоогдсон тохиолдолд санхүү, төсвийн асуудал эрхэлсэн төрийн захиргааны төв байгууллага нь санхүүжилтийг зогсоож, энэ талаар арга хэмжээ авахуулахаар асуудлыг захиалагч болон холбогдох хууль хяналтын байгууллагад шилжүүлнэ.

4.2.Барилга байгууламжийн ажлын санхүүжилт

4.2.1.Барилга байгууламжийн ажлын төлөвлөлт, гүйцэтгэл, хэрэгжилт нь Барилгын тухай хууль болон холбогдох дүрэм, журам, норм, стандартад нийцсэн байна.

4.2.2.Барилга байгууламжийн ажил нь барилга байгууламжийг төлөвлөх, барилгын ажил гүйцэтгэхэд шаардагдах техник, эдийн засгийн үндэслэл, техникийн болон ажлын зураг, барилгын ажил гүйцэтгэх талбайн болон үйлдвэрлэлийн зохион байгуулалтын төсөл, инженер хайгуулын судалгаа, инженер геологи, геодезийн зураглал, инженерийн тооцоо, өртгийн төсөв зэрэг баримт бичгийн иж бүрдлийг хангасан байна.

4.2.3.Захиалагчийн барилга байгууламжийн ажлын санхүүжилт хүссэн баримт бичгийг төсвийн ерөнхийлөн захирагчийн эрх олгосны дагуу төсвийн шууд захирагч эсхүл санхүү, хөрөнгө оруулалтын асуудал хариуцсан нэгжийн даргын гарын үсгээр хянан баталгаажуулах бөгөөд албан бичиг болон цахим системээр дамжуулан санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгжид хүргүүлнэ.

4.2.4.Захиалагч барилга байгууламжийн ажлын гүйцэтгэлийг ирүүлэхдээ гэрээгээр тохиролцсон барилга угсралтын ажлын календарьчилсан төлөвлөгөө болон ажлын бодит гүйцэтгэлийг мөнгөн дүнгээр илэрхийлж, энэ журмын холбогдох хавсралтад заасан маягтын дагуу гаргана.

4.2.5.Санхүү, төсвийн асуудал эрхэлсэн төрийн захиргааны төв байгууллагад ирүүлэх гүйцэтгэлийн баримт бичгийн хавсралт №7-д заасан “Улсын төсвийн хөрөнгөөр санхүүжүүлэх барилга угсралтын ажлын санхүүжилтийн хүсэлтийн маягт”-ийн дагуу санхүүжилтийн хүсэлтийг баталгаажуулж ирүүлнэ.

4.2.6.Захиалагч нь төслийн эцсийн санхүүжилтийн хүсэлтийг ирүүлэхдээ барилга байгууламжийн ажлыг байнгын ашиглалтад оруулах улсын комиссын актаар ашиглалтад хүлээн авсан байна.

4.2.7.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж хянан баталгаажуулж, холбогдох баримт бичгийг энэ журмын хавсралт №2, №3 дахь хяналтын хуудаст тусгагдсан шалгуур үзүүлэлт, шаардлагуудыг хангаж байгаа эсэхийг дараахь баримт бичгийг үндэслэн санхүүжүүлнэ:

4.2.7.1.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу гүйцэтгэгчийг сонгон шалгаруулж, гэрээ байгуулах эрх олгосон тухай албан бичиг, үнэлгээний хорооны шийдвэр;

4.2.7.2.захиалагч болон гүйцэтгэгч байгууллагын хооронд байгуулсан гэрээний эх хувь (Сангийн сайдын тушаалаар батлагдсан “Гэрээний маягт”-ын дагуу гэрээг байгуулна);

4.2.7.3.эрх шилжүүлсэн тохиолдолд холбогдох шийдвэрийн хуулбар;

4.2.7.4.тендер шалгаруулалтад шалгарч гэрээ байгуулсан этгээдийн барилга угсралт, их засварын ажлын төлөвлөгөө, түүнийг төсөвт өртөгт эзлэх дүнгээр тодорхойлсон барилгын ажлын үе шатны хуваарь (энэ журмын хавсралт №9-д заасан маягтын дагуу гаргана);

4.2.7.5.гүйцэтгэлийн баталгаа (Сангийн сайдын тушаалаар батлагдсан “Гүйцэтгэлийн баталгааны маягт”-ын дагуу гаргана);

4.2.7.6.захиалагчийг төлөөлсөн эрх бүхий албан тушаалтнуудын гарын үсэг, тамга, тэмдгээр хянан, баталгаажсан барилгын ажлын гүйцэтгэл (энэ журмын хавсралт №8 болон №9-д заасан маягтын дагуу гаргана);

4.2.7.7.барилга байгууламжийн ажлын гүйцэтгэлийг нотлох гэрэл зураг (10-аас ихгүй байх);

4.2.7.8.магадалшгүй ажлын зардлын барилгын гүйцэтгэгч, захиалагч байгууллагууд харилцан тохиролцсон акт, хурлын тэмдэглэл, магадалшгүй ажлын төсөв, баримтжуулсан фото зураг болон гүйцэтгэл;

4.2.7.9.зураг төсөл боловсруулах гэрээ, зохиогчийн хяналт, захиалагчийн хяналтын тухайн төсөл дээр байгуулсан гэрээний хуулбар, хийсэн ажлын тайлан;

4.2.7.10.барилга байгууламжийн ажлыг байнгын ашиглалтад хүлээн авсан тухай улсын комиссын актыг үйлдэж, комисс ажиллан хүлээж авах бөгөөд хүлээн авах комисс томилсон шийдвэр, комиссын гишүүдийн саналын хуудас, хурлын тэмдэглэлийг баримт бичгийн иж бүрдэлд хангана;

4.2.7.11.захиалагчийн хянаж баталгаажуулсан барилгын ажлын ил далд ажлын акт;

4.2.7.12.төрийн худалдан авах ажиллагааны цахим хуудаст тендер шалгаруулалтын мэдээллийг бүрэн оруулсан байх.

4.2.8.Улсын төсвийн хөрөнгө оруулалтаар худалдаж авах төслийн санхүүжилтийг хавсралт №3-т заасан хяналтын хуудсыг хөтөлж олгоно.

4.2.9.Барилга байгууламжийн чанарын баталгаат хугацааг Барилгын тухай хуулийн 14.6-д, авто замын байгууламжийн тухайд Авто замын тухай хуулийн 28.4-т заасныг баримтлах бөгөөд баталгаат хугацаанд байгалийн болон давагдашгүй хүчин зүйлийн нөлөөллөөс бусад шалтгаанаас үүдэн барилга байгууламжид аливаа доголдол, эвдрэл, гэмтэл гарвал Захиалагч нь гүйцэтгэгч байгууллагаар үнэ төлбөргүй, үл маргах журмаар засварлуулж, ашиглалтын хэвийн байдалд оруулах арга хэмжээ авна.

4.3.Их засвар, тоног төхөөрөмжийн санхүүжилт

4.3.1.Захиалагч их засварын ажлын гүйцэтгэлийг ирүүлэхдээ гэрээгээр тохиролцсон их засварын ажлын календарьчилсан төлөвлөгөө болон ажлын бодит гүйцэтгэлийг мөнгөн дүнгээр илэрхийлсэн байдлаар гаргаж, энэ журмын хавсралт №8 болон №9-д заасан маягтын дагуу гаргана.

4.3.2.Захиалагч нь их засварын ажлыг комиссын актаар ашиглалтад хүлээн авна.

4.3.3.Их засварын ажлыг хийж дуусаад комисс ажиллан хүлээж авах бөгөөд хүлээн авах комисс томилсон шийдвэр, комиссын гишүүдийн саналын хуудас, хурлын тэмдэглэлийг баримт бичгийн иж бүрдэлд хангана.

4.3.4.Захиалагч худалдан авсан тоног төхөөрөмжийг комисс байгуулан тухайн тоног төхөөрөмжийн бүрэн бүтэн байдал, чанарын баталгаа, иж бүрдэл зэргийг бүрэн хэмжээгээр шалгаж хүлээж авах бөгөөд хүлээн авах комисс томилсон шийдвэр, комиссын гишүүдийн саналын хуудас, хурлын тэмдэглэл, хавсралт №11-д заасан маягтын дагуу тоног төхөөрөмж хүлээн авсан акт зэргийг үйлдэж санхүүжилтийн баримт бичгийн иж бүрдэлд хавсаргана.

4.3.5.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь тоног төхөөрөмжийн санхүүжилтийг олгохдоо энэ журамд заасан шаардлагыг хангасан эсэхийг үндэслэн хавсралт №6-д заасан хяналтын хуудсыг хөтөлж, санхүүжилтийн эрхийг нээнэ.

4.3.6.Их засвар, тоног төхөөрөмжийн санхүүжилтэд энэ журмын 4.1 болон 4.2 дугаар зүйлд заасан холбогдох зохицуулалт мөн адил үйлчилнэ.

4.4.Зөвлөх үйлчилгээний ажлын санхүүжилт

4.4.1.Зөвлөх үйлчилгээний ажлыг холбогдох хуульд зааснаар тодорхойлох бөгөөд зөвлөх үйлчилгээний хүрээнд хийгдэх ТЭЗУС болон ТЭЗҮ-д дараахь ажлууд хамаарна:

4.4.1.1.ТЭЗУС-ны хүрээнд төсвийн хөрөнгө оруулалтаар төслийг хэрэгжүүлэх хэрэгцээ шаардлага, зорилт, хүрэх үр дүн, нийгэм, эдийн засгийн үр нөлөө, зардал, үр ашиг, хэрэгжүүлэх арга замыг урьдчилсан байдлаар тоймлон судлах, хэрэгжих боломжийг тоймлон тогтоох судалгааны ажил болон холбогдох тайланг боловсруулах;

4.4.1.2.ТЭЗҮ боловсруулах ажилд төсвийн хөрөнгө оруулалтаар хэрэгжүүлэх төслийг эрэлт хэрэгцээ, нөөц боломж, техник-технологи, эдийн засаг, хууль, эрх зүй, үйл ажиллагаа болон цаг хугацааны хувьд хэрэгжих боломжийг судлан тогтоох, тухайн төслийн үр дүн болон үр ашгийг тодорхойлох, гарч болзошгүй эрсдэл, зардлуудыг тодорхойлох судалгааны ажил болон холбогдох тайланг бэлтгэх.

4.4.2.Төсвийн ерөнхийлөн захирагч, эсхүл түүний эрх шилжүүлснээр хэрэгжүүлж буй төслийн ажилд шаардлагатай зөвлөх үйлчилгээний зорилт, хүрэх үр дүн болон бусад шаардлагатай мэдээллийг агуулсан ажлын даалгавар бэлтгэж, зөвлөхийг Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуульд зааснаар сонгон шалгаруулах ба зөвлөх үйлчилгээг гүйцэтгэх этгээдийг сонгож, гэрээ байгуулна.

4.4.3.Зөвлөх үйлчилгээний ажлын даалгавар нь түүнд оруулсан нэмэлт, өөрчлөлтийн хамт тухайн зөвлөхтэй байгуулах гэрээний салшгүй хэсэг болно.

4.4.4.Зөвлөх үйлчилгээний төсөвт өртгийг тооцохдоо боловсон хүчний мэргэжлийн чиглэл, түвшин, зөвлөхийн ажлын талбайд болон төв байранд ажиллах хугацаа, бичиг хэргийн болон тухайн үйлчилгээнд шаардлагатай бусад зардалд үндэслэсэн байна.

4.4.5.Захиалагч ажлын даалгавар бэлтгэж, төсөвт өртгийг тооцоолж гаргасны дагуу ажил гүйцэтгэх гэрээнд тусгаж ажиллана.

4.4.6.Зөвлөх үйлчилгээний зардлыг олгох санхүүжилтийн баримт бичигт гэрээний эх хувь, зохиогчийн хяналтын зардал өгөх тохиолдолд зохиогчийн хяналтын гэрээ, магадлалаар баталгаажсан зураг төсөл болон төсөв тус бүрийн эх хувь, эсхүл хуулбар, хүлээн авсан акт заавал хавсаргана.

4.4.7.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь зөвлөх үйлчилгээний санхүүжилтийг олгохдоо энэ журамд заасан шаардлагыг хангасан эсэхийг үндэслэн хавсралт №5-д заасан хяналтын хуудсыг хөтөлж, санхүүжилтийн эрхийг нээнэ.

4.5.Концессын гэрээгээр хэрэгжүүлсэн төсөл, арга хэмжээний санхүүжилт

4.5.1.Концессын гэрээний эргэн төлөлтийг төсвийн хөрөнгө оруулалтын санхүүжилтээр олгох асуудлыг концессын гэрээгээр хэрэгжүүлсэн төслийн санхүүжилттэй холбогдон гарсан хууль, эрх зүйн акт, Улсын Их Хурал, Засгийн газар болон холбогдох байгууллагын шийдвэрт үндэслэн санхүүжүүлнэ.

4.5.2.Концессын гэрээний дагуу гүйцэтгэх ажил, үзүүлэх үйлчилгээний төлбөрийг гэрээний үнийн дүнгээс хэтрүүлэхгүйгээр санхүүжүүлэх бөгөөд бодит гүйцэтгэл нь гэрээний үнийн дүнгээс бага бол эргэн төлөлтийг бодит гүйцэтгэлээр санхүүжүүлнэ.

4.5.3.Төсвийн ерөнхийлөн захирагч болон концессын асуудал хариуцсан төрийн захиргааны байгууллага нь концессын эргэн төлөлттэй холбогдолтой санхүүгийн болон бусад холбогдох баримт бичгийн үнэн зөв эсэхийг хянан баталгаажуулж, тухайн санхүүжилтийн дүнг тусгасан албан бичгээр болон цахим системд санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгжид хүргүүлнэ.

4.5.4.Концессын гэрээний эргэн төлөлтийн санхүүжилтийг шийдвэрлэхэд дор дурдсан баримт бичгийн иж бүрдлийг хангасан байна:

4.5.4.1.Концессын тухай хууль болон Засгийн газрын тогтоолоор батлагдсан “Концесс олгох уралдаант шалгаруулалтын журам”-аар гүйцэтгэгчийг сонгон шалгаруулж, гэрээ байгуулах эрх олгосон тухай холбогдох байгууллагын шийдвэр дүгнэлт, хурлын тэмдэглэл;

4.5.4.2.захиалагчийн зүгээс концессын гэрээнд заасан уг гэрээг хүчин төгөлдөрт тооцох нөхцөлүүд хангагдсан эсэх талаарх дүгнэлт;

4.5.4.3.концессын гэрээ дуусгавар болсонтой холбогдуулан гэрээний талууд гэрээг эцэслэн дүгнэсэн дүгнэлт;

4.5.4.4.концессын гэрээнд өөрчлөлт оруулсан бол гэрээний нэмэлт, өөрчлөлт болон эргэн төлөлтийн хуваарийг дараа онуудад шилжих дүнг төгрөгөөр илэрхийлсэн байх;

4.5.4.5.санхүүжилттэй холбогдон гарсан тогтоол, шийдвэрийн дагуу хөндлөнгийн байгууллагын дүгнэлт, зөвлөмж болон тухайн төсөлтэй холбогдон гарсан дүгнэлт, зөвлөмжийн дагуу шаардлагатай баримт бичиг;

4.5.4.6.Концессын гэрээ байгуулах эрх олгох тухай Засгийн газрын тогтоолын хуулбар;

4.5.4.7.захиалагч болон концесс эзэмшигчийн хооронд байгуулсан концессын гэрээний эх хувь, эсвэл захиалагч байгууллага хянаж, нотариатаар баталгаажуулсан концессын гэрээний хуулбар хувь байж болно;

4.5.4.8.захиалагчийг төлөөлсөн эрх бүхий албан тушаалтнуудын гарын үсэг, тамга, тэмдгээр хянан, баталгаажсан барилгын ажлын гүйцэтгэл, гэрээнд багтсан санхүүгийн бусад зардал нэг бүрээр концесс эзэмшигчтэй тооцоо нийлсэн акт;

4.5.4.9.барилга, байгууламж, засварын ажил, тоног төхөөрөмжийн гэрэл зураг;

4.5.4.10.ТЭЗҮ, зураг төсөл болон төсөв, техник хяналт, зөвлөх үйлчилгээний гэрээний хуулбар, захиалагчийн хяналтын гэрээ дүгнэсэн дүгнэлт;

4.5.4.11.барилга байгууламж, их засварын ажлыг ашиглалтад хүлээн авсан тухай комиссын акт, тоног төхөөрөмж хүлээн авсан акт;

4.5.4.12.төсвийн шууд захирагчийн хянан баталгаажуулсан санхүүжилтийн дүнтэй албан бичиг;

4.5.4.13.магадалшгүй ажлын акт, төсөв, гүйцэтгэл, баримтжуулсан фото зураг, хурлын тэмдэглэл.

4.5.5.Санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж нь концессын гэрээний эргэн төлөлтийг олгохдоо энэ журамд заасан шаардлагыг хангасан эсэхийг үндэслэн хавсралт №4-т заасан хяналтын хуудсыг хөтөлж, санхүүжилтийн эрхийг нээнэ.

4.5.6.Концессын асуудал хариуцсан төрийн захиргааны байгууллага нь концессын гэрээгээр хэрэгжүүлсэн төслийг холбогдох нягтлан бодох бүртгэлийн стандартын дагуу бүртгэж, санхүүгийн тайланд тусгана.

4.5.7.Энэ журмын 4.5.4-т заасан баримт бичгийн бүрдлийн үнэн зөв эсэхийг захиалагч буюу төсвийн захирагч бүрэн хариуцна.

Тав.Ил тод байдал, хяналт, тайлагналт, үр дүн

5.1.Санхүүжилтийн ил тод байдал

5.1.1.Төслийн санхүүжилтийг олгохтой холбоотой баримт баримт бичгүүдийг энэ журамд дурдсанаар бүрдүүлж, албан бичгээр санхүү, төсвийн асуудал эрхэлсэн төрийн захиргааны төв байгууллагад хүргүүлэхээс гадна цахим системийн “Санхүүжилтийн гүйцэтгэл” гэсэн цэсэд оруулж, давхар баталгаажуулж олон нийтэд мэдээлнэ.

5.1.2.Цахим системд нэвтрэх баталгаажуулах хэрэглэгчийн эрхийг санхүүжилтийн үйл ажиллагаанд оролцогч болох гүйцэтгэгч, захиалагчийн хяналт тавьж байгаа байгууллага, захиалагч, санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалт болон төрийн сангийн асуудал хариуцсан нэгж зэрэг байгууллагад олгоно.

5.1.3.Гүйцэтгэгч байгууллагын цахим системд нэвтрэх эрхийг захиалагч байгууллага, бусад хэрэглэгчийн эрхийг санхүү, төсвийн асуудал эрхэлсэн төрийн захиргааны төв байгууллагын төсвийн хөрөнгө оруулалтын асуудал хариуцсан нэгж олгоно.

5.1.4.Тухайн ажлыг гүйцэтгэсэн гүйцэтгэгч нь гэрээт ажлын санхүүжилтийг авах хүсэлтээ тухай бүр албан бичгээр болон цахим системд холбогдох мэдээллийг оруулж, цахим системээс хэвлэгдэх хавсралт №15-д заасан маягтыг гүйцэтгэлийн баримт бичигт хавсарган дараагийн шатны байгууллагад илгээж, хүргүүлнэ.

5.1.5.Гэрээний дагуу захиалагчийн хяналт тавьж байгаа байгууллага нь гүйцэтгэгчийн баримт бичгийг хүлээн авч, ажлын 5 хоногийн дотор хянан баталгаажуулж, гэрээ байгуулсан этгээд буюу захиалагчид албан бичгээр хүргүүлэх бөгөөд цахим системд энэ талаар баталгаажуулна.

5.1.6.Захиалагч нь гүйцэтгэлийг ажлын 2 хоногийн дотор хянан баталгаажуулж, санхүүжилтийн хүсэлтийг албан бичгээр болон цахим системд санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

5.1.7.Санхүү, төсвийн асуудал эрхэлсэн төрийн захиргааны төв байгууллагын Төсвийн хөрөнгө оруулалтын асуудал хариуцсан нэгж нь санхүүжилтийн хүсэлтийг хүлээн авч, тухайн ажлын санхүүжилт олгох үндэслэл, нөхцөлийг хянах бөгөөд санхүүжилтийн эрхийг нээсэн тохиолдолд цахим системд баталгаажуулан тус байгууллагын төрийн сангийн асуудал хариуцсан нэгжид хүргүүлнэ.

5.1.8.Санхүү, төсвийн асуудал эрхэлсэн төрийн захиргааны төв байгууллагын төрийн сангийн асуудал хариуцсан нэгж захиалагчийн төрийн санд шилжих процессыг цахим системд баталгаажуулна.

5.1.9.Санхүүжилтийн гүйцэтгэлийн мэдээллийг цахим системд оруулж, баталгаажуулаагүй тохиолдолд санхүүжилтийг олгох боломжгүй болно.

5.1.10.Нууцын тухай хууль тогтоомж, талуудын гэрээнд зааснаас бусад тохиолдолд төсвийн хөрөнгө оруулалтын санхүүжилтийн үйл ажиллагаа, мэдээлэл болон бүртгэл, тайлагналт нь ил тод байна.

5.1.11.Цахим системийн мэдээллийг олон нийтэд зориулсан www.publicinvestment.gov.mn цахим хуудаст байршуулах бөгөөд андройд болон iOS үйлдлийн системд ажиллах боломжтой “төсвийн хөрөнгө оруулалт” болон “publicinvestment” нэр бүхий аппликейшнаар дамжуулан мэдээллийг нийтэд хүргэнэ.

5.1.12.Санхүүжилтийн хүсэлтийг албан бичгээр ирүүлэхээс гадна цахим системд баталгаажуулах шаардлагатай бөгөөд холбогдох байгууллагууд цахим системд илгээгээгүй тохиолдолд санхүүжилтийг буцаах үндэслэл болно.

5.1.13.Санхүүжилтийн үйл ажиллагааг цахимд системд оруулахдаа гарын авлагыг мөрдлөг болгож ашиглана.

5.2.Хяналт

5.2.1.Захиалагчийн хяналтыг гэрээгээр гүйцэтгэж буй Захиалагч, захиалагчийг төлөөлж буй байгууллага нь төсвийн хөрөнгөөр гүйцэтгэж байгаа барилга байгууламж, их засварын ажилд захиалагчийн хяналтыг тавьж, хэмжилт шалгалтыг Барилгын тухай хууль болон холбогдох дүрэм, журам, норм, стандартад заасны дагуу хэрэгжүүлнэ.
5.2.2.Захиалагч, захиалагчийг төлөөлж хяналт тавьж байгаа байгууллага барилга байгууламж, их засварын ажлын гүйцэтгэл, чанарт байнгын шууд хяналтыг тавьж, илэрсэн зөрчил, дутагдлыг арилгуулах, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14.1.4-т заасан нөхцөл байдал илэрсэн бол холбогдох мэдээллийг эрх бүхий улсын байцаагчид хүргүүлэх зэрэг арга хэмжээг тухай бүр авч ажиллана.

5.2.3.Захиалагч нь барилга байгууламжийн ажлын үе шат бүрт зохиогчоор хяналт тавиулж, дүгнэлт гаргуулна.

5.2.4.Санхүү, төсвийн асуудал эрхэлсэн төрийн захиргааны төв байгууллага төсвийн хөрөнгө оруулалтын төлөвлөлт, санхүүжилтийн зарцуулалтын байдалд хяналт тавьж, шаардлагатай бол барилга байгууламж, их засвар, тоног төхөөрөмж худалдан авах, зөвлөх үйлчилгээний ажилд шалгалт хийж, зөрчил дутагдлыг арилгуулах арга хэмжээ авна. Уг ажилд хяналт, шалгалтын мэргэжлийн байгууллагуудыг татан оролцуулж болно.

5.2.5.Төсвийн хөрөнгөөр хэрэгжүүлж буй хөрөнгө оруулалтын төслийн гүйцэтгэлийг үнэн зөв гаргах, төсвийн хөрөнгийн зарцуулалт, барилгын чанарт тавих хяналтыг төсвийн ерөнхийлөн захирагч бүрэн хариуцна.

5.2.6.Захиалагч байгууллага төсвийн хөрөнгөөр хийгдэж буй барилга байгууламж, их засварын ажил бүрийг биечлэн хянаж, шалгах үүрэг бүхий хяналтын инженер, хяналтын зөвлөх үйлчилгээ үзүүлэх компанийг ажиллуулах бөгөөд хяналтын инженер, хяналтын зөвлөх үйлчилгээ үзүүлж буй компани нь хяналт хийсэн тэмдэглэлийг тухай бүр үйлдэж, гүйцэтгэгч байгууллагад өгөгдсөн үүрэг даалгавар, түүний биелэлтийн талаар тэмдэглэж ажлын гүйцэтгэлд хавсаргаж, их засварын ажил дууссаны дараа санхүүжилтийн баримт бичгийн хамт захиалагчийн архивд хадгалуулна.

5.2.7.Төсвийн хөрөнгө оруулалтаар баригдаж буй төсөл, арга хэмжээний санхүүжилт, түүний гүйцэтгэлтэй холбоотой асуудалд төсвийн ерөнхийлөн захирагч нь тухайн нутгийн захиргааны байгууллага, орон нутгийн иргэд, төрийн бус байгууллагуудаар хөндлөнгийн хяналт тавиулж болно.

5.2.8.Орон нутагт хийгдэж байгаа төсвийн хөрөнгө оруулалтын ажилтай холбоотой асуудлаар иргэд гомдол гаргавал нутгийн захиргааны байгууллага өөрийн эрх хэмжээний хүрээнд шийдвэрлэх, боломжгүй бол асуудлыг холбогдох төсвийн ерөнхийлөн захирагч, хяналт шалгалтын мэргэжлийн байгууллага, санхүү, төсвийн асуудал эрхэлсэн төрийн захиргааны төв байгууллагад нэн даруй тавьж шийдвэрлүүлнэ.

5.3.Тайлагналт, үр дүн

5.3.1.Санхүү, төсвийн асуудал эрхэлсэн төрийн захиргааны төв байгууллага төсвийн хөрөнгө оруулалтын төлөвлөгөөнд тусгагдсан ажил тус бүрийн санхүүжилтийн дүн, явц байдлыг энэ журмын хавсралт №8-д заасан маягтын дагуу тогтмол гаргаж, төсвийн ил тод мэдээллийн сайтад байршуулна.

5.3.2.Төсвийн ерөнхийлөн захирагч болон аймаг, нийслэл, сум, дүүргийн төсвийн хөрөнгө оруулалтын асуудал хариуцсан нэгж нь тухайн орон нутагт төсвийн хөрөнгөөр хийгдэж буй ажлын санхүүжилтийн талаарх мэдээллийг цахим системд тухай бүр журамд зааснаар тусгах бөгөөд тухайн байгууллагын мэдээллийн сүлжээнд шуурхай байрлуулж, нийтэд мэдээлэх ажлыг тогтмол гүйцэтгэх бөгөөд санхүүжилт хийгдсэн мэдээллийг тухай бүр шинэчилж байна.

5.3.3.Захиалагч байгууллага нь барилга байгууламж болон их засварын ажлын хувьд уг ажлыг дуусах хүртэл хугацаанд, тоног төхөөрөмжийн хувьд хүлээн авсан эцсийн гүйцэтгэлийн дүнгээр бусад эргэлтийн хөрөнгөөр тус тус бүртгэн санхүүгийн тайландаа тусгана.

5.3.4.Захиалагч байгууллага нь их засварын ажлын зардлыг засварын ажлыг хүлээлгэн өгсөн актыг үндэслэн зардлаар хүлээн зөвшөөрч бүртгэнэ.

5.3.5.Улсын төсвийн хөрөнгө оруулалтаар бий болсон хөрөнгийн бүртгэл, өмчлөлийн асуудлыг холбогдох хууль тогтоомж, дүрэм, журамд заасны дагуу шийдвэрлэнэ.

5.3.6.Төсвийн ерөнхийлөн захирагч нь өөрийн багцад батлагдсан төсвийн хөрөнгө оруулалтын ажлын гүйцэтгэл, санхүүжилтийн мэдээ, ажлын явц, үр дүнгийн тайланг сар бүр энэ журмын хавсралт №10-т заасан маягтын дагуу гаргаж, дараа сарын 5-ны дотор санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

5.3.7.Төсвийн ерөнхийлөн захирагчийн багцад батлагдсан боловч худалдан авах ажиллагаа нь орон нутагт эрх шилжин хэрэгжиж буй хөрөнгө оруулалтын төслийн санхүүжилтийн мэдээ, ажлын явц, үр дүнгийн талаарх тайланг аймаг, нийслэлийн Засаг даргын Тамгын газар нь сар бүр энэ журмын хавсралт №10-т заасан маягтын дагуу гаргаж, дараа сарын 5-ны дотор санхүү, төсвийн асуудал эрхэлсэн төрийн захиргааны төв байгууллага болон холбогдох төсвийн ерөнхийлөн захирагчид хүргүүлнэ.

5.3.8.Төсвийн ерөнхийлөн захирагч нь ашиглалтад орсон барилга байгууламжийн мэдээг дараа оны 4 дүгээр сарын 10-ны дотор энэ журмын хавсралт №13-т заасан маягтын дагуу гаргаж санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

5.3.9.Улсын төсвийн хөрөнгөөр хэрэгжүүлсэн барилга байгууламж, төслийн ажлын төлөвлөлт, гүйцэтгэл, санхүүжилтийн холбогдолтой бүх баримт бичиг, комиссын актуудыг хариуцсан албан тушаалтан Архивын тухай хуулийн дагуу архивлаж хадгална.

5.3.10.Төсвийн ерөнхийлөн захирагч нь төсөл тус бүрийн талаар дараахь мэдээллийг агуулсан тайланг тогтмол гаргах бөгөөд санхүүгийн дүн тооцоог өөрийн байгууллагын санхүүгийн жилийн тайланд тусгаж тайлагнана:

5.3.10.1.төслийн танилцуулга;

5.3.10.2.гэрээнд заасан урт хугацаанд бэлэн мөнгөний урсгал, санхүүгийн нөлөө үзүүлж болох гэрээний гол нөхцөлүүд;

5.3.10.3.гэрээний зүйлийг ашиглах эрх, үйлчилгээг үзүүлэх үүрэг, хөдлөх, болон үл хөдлөх хөрөнгө, үйлдвэр, тоног төхөөрөмжийг өөрийн хөрөнгөнд шилжүүлэх, аливаа хөрөнгийг хүлээн авах, шилжүүлэх, гэрээг сунгах, цуцлах заалт, бусад үндсэн ашиглалт болон засвар үйлчилгээний талаарх мэдээлэл.

5.3.11.Төсвийн ерөнхийлөн захирагч нь төслийн үр дүнг дүгнэж, тухайн барилга байгууламж ашиглалтад орсноос хойш 2-3 жилийн дараа төслийн хүчин чадлын ашиглалтыг шалгаж, энэ талаарх мэдээллийг санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

Зургаа.Бусад зүйл

6.1.Бусад зүйл

6.1.1.Энэ журмыг хэрэгжүүлэх албан хаагч нь чиг үүргээ төсвийн сахилга бат, мэргэжлийн ёс зүйг баримтлан, хууль ёсны дагуу, ашиг сонирхлын зөрчилгүй, хараат бус, бие даан гүйцэтгэх ба тухайн этгээдийн хууль бус аливаа үйлдэл, эс үйлдэхүй нь холбогдох хууль тогтоомжид заасан хариуцлага хүлээлгэх үндэслэл болно.

6.1.2.Төслийн гүйцэтгэлийг үнэн зөв гаргах, төсвийн хөрөнгийн зарцуулалт, барилгын чанарт тавих хяналтыг төсвийн ерөнхийлөн захирагч бүрэн хариуцна.

6.1.3.Давагдашгүй хүчин зүйлийн шинжтэй нөхцөл байдлын улмаас цахим систем ажиллах боломжгүй болсон тохиолдолд баримт бичиг хүлээн авах хугацааг хойшлуулж төсвийн ерөнхийлөн захирагчид энэ тухай мэдэгдэнэ.

6.1.4.Төсвийн хөрөнгө оруулалтын төслийн жагсаалт болон хөрөнгө оруулалтын үйл ажиллагааны мэдээллийг www.iltod.mof.gov.mn, https://mof.gov.mn, www.publicinvestment.gov.mn цахим хуудаст тухай бүр мэдээлнэ.

6.1.5.Энэ журмын 5.3.9-д зааснаар баримт бичгийг архивд өгөөгүй тохиолдолд холбогдох хариуцлагыг тухайн асуудал хариуцсан албан тушаалтан болон түүний удирдлага хүлээнэ.

6.1.6.Энэ журамд заасныг зөрчсөн байгууллага, албан тушаалтанд холбогдох хууль тогтоомжид заасны дагуу хариуцлага хүлээлгэнэ.

6.1.7.Гэрээний талууд нь гэрээнд заасан үүргээ биелүүлээгүй бол гэрээ болон холбогдох хууль тогтоомжид заасны дагуу хариуцлага ногдуулна.

----o0o----

Хавсралт №1

УЛСЫН ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛЭХ ТӨСӨЛ, АРГА ХЭМЖЭЭНИЙ ТӨЛӨВЛӨЛТИЙН МАЯГТ

№

Аймаг, нийслэл

Сум, Дүүрэг

ТЕЗ-ийн оноо

Төсөл, арга хэмжээний нэр, хүчин чадал, байршил

Хэмжих нэгж

Хүчин чадал

Төслийн төрөл

Төслийн ангилал

Хугацаа

Төслийн төсөвт өртөг онуудад /сая төг/

Эхлэх

Дуусах

Тухайн төсөл хэрэгжиж эхэлсэн оноос төлөвлөж буй он хүртэлх жил бүрийн төсөвт өртөг

Санхүүжилт /сая төг/

Нийт авсан санхүүжилт

/сая төг/

Байгууллагын санал

Он дамжин хэрэгжих бол дараагийн жилийн санхүүжилт

Төсвийн ерөнхийлөн захирагч

Тухайн төсөл хэрэгжиж эхэлсэн оноос төлөвлөж буй он хүртэлх жил бүрийн санхүүжсэн дүн

Төсвийн төсөлд тусгах төсөвт өртөг /сая төг/

Төсвийн төсөлд тусгах санхүүжих дүн /сая төг/

Аргачлалын дагуу холбогдох мэдээлэл байгаа эсэх

Ажлын явц хувь

/шилжих төслийн хувьд/

Гүйцэтгэгч компани

/шилжих төслийн хувьд/

Худалдан авах ажиллагааны мэдээлэл

/Шилжих төслийн хувьд/

Дэлгэрэнгүй тайлбар

Төслийн шинжилгээ хийгдсэн эсэх

Батлагдсан зураг төсөл болон төсөв

Газрын зөвшөөрөл

Техникийн нөхцөл

Оноо өгөгдсөн эсэх

Тендер зарласан огноо

Гэрээ байгуулсан огноо

Тендер зарлаагүй гэрээ байгуулаагүй

*-Жил бүр Төсвийн төсөл боловсруулах удирдамжийн хамт Төсвийн ерөнхийлөн захирагчид хүргүүлэх маягт, үүний дагуу албан бичгээр болон дээрх хүснэгтийн мэдээллийг цахим системд оруулна.

Хавсралт №2

БАРИЛГА УГСРАЛТ, ИХ ЗАСВАРЫН АЖЛЫН ХЯНАЛТЫН ХУУДАС

Төслийн нэр, хүчин чадал, байршил.....................................

Гэрээний дугаар.....................................................................

Гүйцэтгэлийн дугаар........... Гүйцэтгэгчийн нэр .................

Эрх нээсэн мөнгөн дүн /тоогоор, үсгээр/:

№	Шалгуур үзүүлэлт, шаардлага	Тийм	Үгүй
1.	Төсвийн хөрөнгө оруулалтын ажлын нэр, хүчин чадал, байршил нь хуулиар батлагдсан нэр томьёотой тохирч байгаа эсэх
2.	Тендер шалгаруулалтын журмыг зөв сонгосон эсэх /Нийт төсөвт өртөг нь ТБОНӨХБАҮХАТ хуулийн 8.1.1-д заасан босго үнээс хэтэрсэн бол нээлттэй тендер шалгаруулалтын аргаар гүйцэтгэгчийг сонгон шалгаруулсан байна, түүнчлэн хуульд заасан шууд гэрээ байгуулах нөхцөл үүссэн байж болно/
3.	Тендерийн урилга, баримт бичгийг бэлтгэх, гэрээ байгуулахдаа санхүү, төсвийн асуудал эрхэлсэн төрийн захиргааны төв байгууллагаас баталсан холбогдох журам, заавар, жишиг баримт бичгийг үндэслэл болгосон эсэх
4.	Хуульд заасан хугацаанд, гэрээ байгуулах эрх олгосноос хойш ажлын 6 өдрийн дараа гэрээ байгуулсан эсэх
5.	Улсын төсвийн хөрөнгө оруулалтын цахим системд баталгаажуулсан эсэх
6.	Захиалагч худалдан авах ажиллагааг баталгаажуулсан тодорхойлолт /яамдын хувьд ТНБД-ын, орон нутгийн хувьд аймаг, нийслэлийн ЗД-ын гарын үсэгтэй байх/ ирүүлсэн байх
7.	Гүйцэтгэгчтэй байгуулсан гэрээний нийт үнийн дүн эрх бүхий байгууллагаар батлагдсан төсөвт өртгөөс хэтрээгүй эсэх
8.	Гэрээний үнийг үндэсний мөнгөн тэмдэгтээр илэрхийлсэн эсэх
9.	Гүйцэтгэлээр санхүүжилт авах тохиолдолд энэ журмын 10, 11 дүгээр зүйлд тусгагдсан баримт бичгийг бүрэн ирүүлсэн байна
10.	Урьдчилгаа авах тохиолдолд энэ журмын 9.12.1-9.12.4-т заасан болон журамд заасан бусад баримт бичгийг бүрэн ирүүлсэн байна
11.	Ажлын гүйцэтгэл болон санхүүжилт хүссэн албан бичигт ТЕЗ-ийн томилсон эрх бүхий албан тушаалтнууд бүгд гарын үсэг зурсан эсэх
12.	Ажлын гүйцэтгэл болон урьдчилгаа төлбөр, гүйцэтгэлийн баталгаанууд батлагдсан маягтын дагуу гаргагдсан эсэх
13.	Санхүү, төсвийн асуудал эрхэлсэн төрийн захиргааны төв байгууллагад ирүүлсэн ТЕЗ-ын худалдан авах ажиллагааны төлөвлөгөөнд тусгагдсан эсэх
14.	Барилга угсралт, их засварын ажлын төсөвт өртөг Төсвийн тухай хуулийн 29.7-д зааснаас бусад тохиолдлоор өсөн нэмэгдээгүй байх
15.	Барилга угсралтын ажлын гүйцэтгэл дэх шууд зардлын дүн нь гэрээгээр тохирсон барилгын ажлын төлөвлөгөөг мөнгөн дүнгээр илэрхийлсэн хувь хэмжээтэй тохирсон, эсхүл ихгүй байх
16.	Төсвийн тухай хуулиар батлагдсан төлөвлөгөөнд тусгагдаагүй ажлыг гэрээлж, хийлгээгүй байх
17.	Барилга угсралтын болон их засварын ажил нь хувийн, эсхүл өмчийн бусад хэлбэрийн этгээдийн өмчлөлийн зүйлд хийгдээгүй байх
18.	Тендерт оролцох эрхээ хязгаарлуулсан этгээдийн бүртгэлд хамрагдаагүй эсэх

Тайлбар:

“Тийм/Үгүй” гэсэн баганад “Тийм”, эсхүл “Үгүй” гэсэн үгнээс өөр тэмдэглэгээ хийхгүй.

ХЯНАЛТЫН ХУУДСАНД ТУСГАГДСАН БҮХ ШАЛГУУР ҮЗҮҮЛЭЛТ ХАНГАГДСАНЫГ ҮНДЭСЛЭН САНХҮҮЖИХ АЖЛЫН ЖАГСААЛТАД ТУСГАХЫГ ЗӨВШӨӨРСӨН:........................................................................../Нэр, Гарын үсэг/

ШАЛГУУР ҮЗҮҮЛЭЛТҮҮД ХАНГАГДАЖ БУЙ ЭСЭХИЙГ ХЯНАН ШАЛГАЖ, ХЯНАЛТЫН ХУУДСЫГ БӨГЛӨСӨН:........................................./Нэр, Гарын үсэг/

огноо

Хавсралт №3

ХУДАЛДАН АВАХ БАРИЛГА БАЙГУУЛАМЖИЙН

САНХҮҮЖИЛТИЙН ХЯНАЛТЫН ХУУДАС

Төслийн нэр, хүчин чадал, байршил.....................................

Гэрээний дугаар..................................................................

Гүйцэтгэлийн дугаар........... Гүйцэтгэгчийн нэр .................

Эрх нээсэн мөнгөн дүн /тоогоор, үсгээр/:

№	Шалгуур үзүүлэлт, шаардлага	Тийм	Үгүй
1.	Төсвийн хөрөнгө оруулалтын ажлын нэр, хүчин чадал, байршил нь хуулиар батлагдсан нэр томьёотой тохирч байгаа эсэх
2.	Тендер шалгаруулалтын журмыг зөв сонгосон эсэх /Нийт төсөвт өртөг нь ТБОНӨХБАҮХАТ хуулийн 8.1.1-д заасан босго үнээс хэтэрсэн бол нээлттэй тендер шалгаруулалтын аргаар гүйцэтгэгчийг сонгон шалгаруулсан байна, түүнчлэн хуульд заасан шууд гэрээ байгуулах нөхцөл үүссэн байж болно/
3.	Тендерийн урилга, баримт бичгийг бэлтгэх, гэрээ байгуулахдаа санхүү, төсвийн асуудал эрхэлсэн төрийн захиргааны төв байгууллагаас баталсан холбогдох журам, заавар, жишиг баримт бичгийг үндэслэл болгосон эсэх
4.	Хуульд заасан хугацаанд, гэрээ байгуулах эрх олгосноос хойш ажлын 6 өдрийн дараа гэрээ байгуулсан эсэх
5.	Улсын төсвийн хөрөнгө оруулалтын цахим системд баталгаажуулсан эсэх
6.	Захиалагч худалдан авах ажиллагааг баталгаажуулсан тодорхойлолт /яамдын хувьд ТНБД-ын, орон нутгийн хувьд аймаг, нийслэлийн ЗД-ын гарын үсэгтэй байх/ ирүүлсэн байх
7.	Гүйцэтгэгчтэй байгуулсан гэрээний нийт үнэ эрх бүхий байгууллагаар батлагдсан төсөвт өртгөөс хэтрээгүй эсэх
8.	Гэрээний үнийг үндэсний мөнгөн тэмдэгтээр илэрхийлсэн эсэх
9.	Санхүүжилт хүссэн албан бичигт ТЕЗ-ийн томилсон эрх бүхий албан тушаалтнууд бүгд гарын үсэг зурсан эсэх
10.	Худалдан авах үнийг үл хөдлөх хөрөнгийн үнэлгээний тусгай зөвшөөрөл бүхий этгээдээр үнэлгээ хийлгэсэн байх
11.	Барилгын чанар, стандарт нь ашиглалтын шаардлага хангаж байгаа талаар захиалагч болон ашиглагч байгууллагын дүгнэлттэй байх
12.	Үл хөдлөх хөрөнгийн болон газар эзэмших эрхийн гэрчилгээг захиалагч эсхүл ашиглагч байгууллагын өмчлөлд шилжүүлсэн байх
13.	Санхүү, төсвийн асуудал эрхэлсэн төрийн захиргааны төв байгууллагад ирүүлсэн ТЕЗ-ын худалдан авах ажиллагааны төлөвлөгөөнд тусгагдсан эсэх
14.	Төсвийн тухай хуулиар батлагдсан төлөвлөгөөнд тусгагдаагүй ажлыг гэрээлж, хийлгээгүй байх
15.	Барилга угсралтын болон их засварын ажил нь хувийн, эсхүл өмчийн бусад хэлбэрийн этгээдийн өмчлөлийн зүйлд хийгдээгүй байх
16.	Тендерт оролцох эрхээ хязгаарлуулсан этгээдийн бүртгэлд хамрагдаагүй эсэх

Тайлбар:

“Тийм/Үгүй” гэсэн баганад “Тийм”, эсхүл “Үгүй” гэсэн үгнээс өөр тэмдэглэгээ хийхгүй.

огноо

Хавсралт №4

КОНЦЕССЫН ГЭРЭЭНИЙ ЭРГЭН ТӨЛӨЛТИЙН ХЯНАЛТЫН ХУУДАС

Төслийн нэр, хүчин чадал, байршил.....................................

Гэрээний дугаар.....................................................................

Гүйцэтгэлийн дугаар.................. Гүйцэтгэгчийн нэр .................

Эрх нээсэн мөнгөн дүн /тоогоор, үсгээр/:

№	Шалгуур үзүүлэлт, шаардлага	Тийм	Үгүй
1.	Төрийн өмчийн концессын зүйлийн жагсаалтад тусгагдсан эсэх
2.	Төсвийн хөрөнгө оруулалтын ажлын нэр, хүчин чадал, байршил нь хуулиар батлагдсан нэр томьёотой тохирч байгаа эсэх
3.	Концесс олгох уралдаант шалгаруулалтын журмаар хуулийн дагуу сонгон шалгаруулсан эсэх /Концессын тухай хуульд заасан шууд гэрээ байгуулах нөхцөл үүссэн байж болно/
4.	Гэрээ байгуулах эрх олгосон Засгийн газрын тогтоолын хуулбар
5.	Концессын гэрээ хүчин төгөлдөр болох нөхцөл бүрдсэн эсэх
6.	Энэ журмын 13.4-т тусгагдсан баримт бичгийг бүрэн ирүүлсэн эсэх
7.	Ажлын гүйцэтгэл болон санхүүжилт хүссэн албан бичигт ТЕЗ-ийн томилсон эрх бүхий албан тушаалтнууд бүгд гарын үсэг зурсан эсэх болон санхүүжих дүнг тусгасан эсэх
8.	Хөндлөнгийн аудитын дүгнэлттэй эсэх
9.	Гэрээ дүгнэсэн протокол, дүгнэлттэй эсэх
10.	Тендерт оролцох эрхээ хязгаарлуулсан этгээдийн бүртгэлд хамрагдаагүй эсэх
11.	Концессын гэрээгээр хэрэгжүүлсэн барилга байгууламжийг ашиглагч байгууллагын бүртгэлд тусгах тухай баримт бичигтэй эсэх
12.	Барилга байгууламжийг байнгын ашиглалтад хүлээлгэн өгсөн улсын комиссын акттай эсэх

Тайлбар:

“Тийм/Үгүй” гэсэн баганад “Тийм”, эсхүл “Үгүй” гэсэн үгнээс өөр тэмдэглэгээ хийхгүй.

огноо

Хавсралт №5

ЗӨВЛӨХ ҮЙЛЧИЛГЭЭНИЙ ХЯНАЛТЫН ХУУДАС

Төслийн нэр, хүчин чадал, байршил.....................................

Гэрээний дугаар.....................................................................

Гүйцэтгэлийн дугаар.................. Гүйцэтгэгчийн нэр .................

Эрх нээсэн мөнгөн дүн /тоогоор, үсгээр/:

№	Шалгуур үзүүлэлт, шаардлага	Тийм	Үгүй
1.	Төсвийн хөрөнгө оруулалтын ажлын нэр, хүчин чадал, байршил нь хуулиар батлагдсан нэр томьёотой тохирч байгаа эсэх
2.	Тендер шалгаруулалтын журмыг зөв сонгосон эсэх /Нийт төсөвт өртөг нь ТБОНӨХБАҮХАТ хуулийн 8.1.1-д заасан босго үнээс хэтэрсэн бол нээлттэй тендер шалгаруулалтын аргаар гүйцэтгэгчийг сонгон шалгаруулсан байна, түүнчлэн хуульд заасан шууд гэрээ байгуулах нөхцөл үүссэн байж болно/
3.	Тендерийн урилга, баримт бичгийг бэлтгэх, гэрээ байгуулахдаа санхүү, төсвийн асуудал эрхэлсэн төрийн захиргааны төв байгууллагаас баталсан холбогдох журам, заавар, жишиг баримт бичгийг үндэслэл болгосон эсэх
4.	Хуульд заасан хугацаанд, гэрээ байгуулах эрх олгосноос хойш ажлын 6 өдрийн дараа гэрээ байгуулсан эсэх
5.	Улсын төсвийн хөрөнгө оруулалтын цахим системд баталгаажуулсан эсэх
6.	Захиалагч худалдан авах ажиллагааг баталгаажуулсан тодорхойлолт /яамдын хувьд ТНБД-ын, орон нутгийн хувьд аймаг, нийслэлийн ЗД-ын гарын үсэгтэй байх/ ирүүлсэн байх
7.	Гүйцэтгэгчтэй байгуулсан гэрээний нийт үнэ эрх бүхий байгууллагаар батлагдсан төсөвт өртгөөс хэтрээгүй эсэх
8.	Гэрээний үнийг үндэсний мөнгөн тэмдэгтээр илэрхийлсэн эсэх
9.	Санхүүжилт авах тохиолдолд энэ журмын 12 дугаар зүйлд тусгагдсан баримт бичгийг бүрэн ирүүлсэн байна
10.	Ажлын гүйцэтгэл болон санхүүжилт хүссэн албан бичигт ТЕЗ-ийн томилсон эрх бүхий албан тушаалтнууд бүгд гарын үсэг зурсан эсэх
11.	Санхүүжүүлэх дүн нь сар, улирлын батлагдсан хуваарийн өссөн дүнгээс хэтрэхгүй эсэх
12.	Ажлын гүйцэтгэл болон урьдчилгаа төлбөр, гүйцэтгэлийн баталгаанууд батлагдсан маягтын дагуу гаргагдсан эсэх
13.	Санхүү, төсвийн асуудал эрхэлсэн төрийн захиргааны төв байгууллагад ирүүлсэн ТЕЗ-ын худалдан авах ажиллагааны төлөвлөгөөнд тусгагдсан эсэх
14.	Зөвлөх үйлчилгээний нийт өртөг Төсвийн тухай хуулийн 29.7-д зааснаас бусад тохиолдлоор өсөн нэмэгдээгүй байх
15.	Зөвлөх үйлчилгээний шууд зардлын дүн нь гэрээгээр тохирсон барилгын ажлын төлөвлөгөөг мөнгөн дүнгээр илэрхийлсэн хувь хэмжээтэй тохирсон, эсхүл ихгүй байх
16.	Төсвийн тухай хуулиар батлагдсан төлөвлөгөөнд тусгагдаагүй ажлыг гэрээлж, хийлгээгүй байх
17.	Тендерт оролцох эрхээ хязгаарлуулсан этгээдийн бүртгэлд хамрагдаагүй эсэх

Тайлбар:

“Тийм/Үгүй” гэсэн баганад “Тийм”, эсхүл “Үгүй” гэсэн үгнээс өөр тэмдэглэгээ хийхгүй.

огноо

Хавсралт №6

ТОНОГ ТӨХӨӨРӨМЖИЙН ХЯНАЛТЫН ХУУДАС

Төслийн нэр, хүчин чадал, байршил.....................................

Гэрээний дугаар.....................................................................

Гүйцэтгэлийн дугаар.............................................................

Гүйцэтгэгчийн нэр .................

Эрх нээсэн мөнгөн дүн /тоогоор, үсгээр/:

№	Шалгуур үзүүлэлт, шаардлага	Тийм	Үгүй
1.	Төсвийн хөрөнгө оруулалтаар худалдан авах тоног төхөөрөмжийн нэр, хүчин чадал, байршил нь хуулиар батлагдсан нэр томьёотой тохирч байгаа эсэх
2.	Тендер шалгаруулалтын журмыг зөв сонгосон эсэх /Нийт төсөвт өртөг нь ТБОНӨХБАҮХАТ хуулийн 8.1.1-д заасан босго үнээс хэтэрсэн бол нээлттэй тендер шалгаруулалтын аргаар гүйцэтгэгчийг сонгон шалгаруулсан байна, түүнчлэн хуульд заасан шууд гэрээ байгуулах нөхцөл үүссэн байж болно/
3.	Тендерийн урилга, баримт бичгийг бэлтгэх, гэрээ байгуулахдаа санхүү, төсвийн асуудал эрхэлсэн төрийн захиргааны төв байгууллагаас баталсан холбогдох журам, заавар, жишиг баримт бичгийг үндэслэл болгосон эсэх
4.	Хуульд заасан хугацаанд, гэрээ байгуулах эрх олгосноос хойш ажлын 6 өдрийн дараа гэрээ байгуулсан эсэх
5.	Улсын төсвийн хөрөнгө оруулалтын цахим системд баталгаажуулсан эсэх
6.	Захиалагч худалдан авах ажиллагааг баталгаажуулсан тодорхойлолт /яамдын хувьд ТНБД-ын, орон нутгийн хувьд аймаг, нийслэлийн ЗД-ын гарын үсэгтэй байх/ ирүүлсэн байх
7.	Гүйцэтгэгчтэй байгуулсан гэрээний нийт үнэ эрх бүхий байгууллагаар батлагдсан төсөвт өртгөөс хэтрээгүй эсэх
8.	Гэрээний үнийг үндэсний мөнгөн тэмдэгтээр илэрхийлсэн эсэх
9.	Санхүүжилт авах тохиолдолд энэ журмын 11 дүгээр зүйлд тусгагдсан баримт бичгийг бүрэн ирүүлсэн байна
10.	Тоног төхөөрөмж хүлээн авсан акт болон санхүүжилт хүссэн албан бичигт ТЕЗ-ийн томилсон эрх бүхий албан тушаалтнууд бүгд гарын үсэг зурсан эсэх
11.	Санхүүжүүлэх дүн нь сар, улирлын батлагдсан хуваарийн өссөн дүнгээс хэтрэхгүй эсэх
12.	Тоног төхөөрөмж хүлээн авсан акт болон урьдчилгаа төлбөр, гүйцэтгэлийн баталгаанууд батлагдсан маягтын дагуу гаргагдсан эсэх
13.	Санхүү, төсвийн асуудал эрхэлсэн төрийн захиргааны төв байгууллагад ирүүлсэн ТЕЗ-ын худалдан авах ажиллагааны төлөвлөгөөнд тусгагдсан эсэх
14.	Төсвийн тухай хуулиар батлагдсан төлөвлөгөөнд тусгагдаагүй ажлыг гэрээлж, хийлгээгүй байх
15.	Тоног төхөөрөмж худалдан авалт нь хувийн, эсхүл өмчийн бусад хэлбэрийн этгээдийн өмчлөлийн зүйлд хийгдээгүй байх, төрийн болон орон нутгийн өмчлөлд бүртгэгдэх боломжтой эсэх
16.	Тендерт оролцох эрхээ хязгаарлуулсан этгээдийн бүртгэлд хамрагдаагүй эсэх

Тайлбар:

“Тийм/Үгүй” гэсэн баганад “Тийм”, эсхүл “Үгүй” гэсэн үгнээс өөр тэмдэглэгээ хийхгүй.

ХЯНАЛТЫН ХУУДСАНД ТУСГАГДСАН БҮХ ШАЛГУУР ҮЗҮҮЛЭЛТ ХАНГАГДСАНЫГ ҮНДЭСЛЭН САНХҮҮЖИГДЭХ АЖЛЫН ЖАГСААЛТАД ТУСГАХЫГ ЗӨВШӨӨРСӨН:........................................................................./Нэр, Гарын үсэг/

огноо

Хавсралт №7

УЛСЫН ТӨСВИЙН ХӨРӨНГӨӨР САНХҮҮЖҮҮЛЭХ БАРИЛГА УГСРАЛТЫН АЖЛЫН

САНХҮҮЖИЛТИЙН ХҮСЭЛТИЙН МАЯГТ

БАТЛАВ:		Тамга
ТӨСВИЙН ЕРӨНХИЙЛӨН ЗАХИРАГЧ, ЭСХҮЛ ТӨСВИЙН ШУУД ЗАХИРАГЧ		Гарын үсэг	Нэр

Санхүүжилтийн хүсэлт № ...
	Гүйцэтгэгчийн нэр
Он сар өдөр									/төгрөг/
Хуулийн дугаар	Төсөл, арга хэмжээний нэр	Гэрээний дүн	Тухайн онд батлагдсан санхүүжилт	Гэрээний дугаар	Нийт гүйцэтгэл	Нийт санхүүжилт	Өмнөх санхүүжилт	Одоо санхүүжих	Үлдэгдэл санхүүжилт
	/төсөл, арга хэмжээний нэр/ барилга угсралтын ажлын гүйцэтгэл ......
	Урьдчилгаа санхүүжилт
	Урьдчилгааны эргэн төлөлт
	Төсвөөс давсан гүйцэтгэл
	Санхүүжилтийн эрх нээлгэх нийт дүн
	Захиалагчийн хяналтын зардал
	Зохиогчийн хяналтын зардал
	Норм нормативын сан
	Барьцаа
	Гүйцэтгэгчид төлөх дүн
	Хянасан:
	Холбогдох газрын дарга	Гарын үсэг	Нэр
	Холбогдох хэлтсийн дарга	Гарын үсэг	Нэр
	Боловсруулсан:
	Холбогдох мэргэжилтэн	Гарын үсэг	Нэр

Хавсралт №8

БАТЛАВ: Захиалагч................................../Гарын үсэг, огноо/

/Төсвийн ерөнхийлөн захирагч, эсхүл төсвийн шууд захирагч/

Захиалагч: Гүйцэтгэгч:

____________________________ ____________________________

(байгууллагын нэр, тамга/ тэмдэг) (байгууллагын нэр тамга/ тэмдэг)

БАРИЛГА УГСРАЛТ, ИХ ЗАСВАРЫН АЖЛЫН ГҮЙЦЭТГЭЛ № ....

Барилга байгууламжийн нэр, байршил: ...................
Хүчин чадал: .............................
Гэрээний дугаар: .......................
Эхлэх ба дуусах хугацаа: ......................
Гүйцэтгэл гаргасан хугацаа: ......................

(Төгрөгөөр)

№	Зардлын нэр, төрөл	Төсөвт өртөг	Ажил эхэлснээс хойших гүйцэтгэл	Урьд авсан санхүүжилт	Тайлант үеийн гүйцэтгэл	Хянасан гүйцэтгэл	Зардлын төсөвт өртөгт эзлэх хувь	Үлдэгдэл санхүүжилт
1.	Ажиллах хүчний зардал
2.	Материалын зардал
3.	Машин, механизмын зардал
4.	Тээврийн зардал
Шууд зардлын дүн
5.	Нэмэгдэл зардал
6.	Ашиг
Барилга угсралтын ажлын дүн
7.	НӨАТ
8.	Нормчлолын сан
Нийт дүн
9.	Техник хяналтын зардал
10.	Зураг төслийн үнэ
11.	Зохиогчийн хяналтын зардал
12.	Барилгад угсрагддаг тоног төхөөрөмжийн зардал
13.	Магадалшгүй ажлын зардал
БҮГД ДҮН
Бодит ажлын явц (хувиар)

Гүйцэтгэлийг хүлээн авч хянасан: Гүйцэтгэл гаргаж, хүлээлгэн өгсөн:

ЗАХИАЛАГЧИЙГ ТӨЛӨӨЛЖ: ГҮЙЦЭТГЭГЧИЙГ ТӨЛӨӨЛЖ:

/ТЕЗ-ийн томилсон албан тушаалтнууд байна.

Жишээлбэл:

Санхүү, хөрөнгө оруулалтын газар/

хэлтсийн дарга................................................ Захирал .........................................

Албаны дарга ................................................. Ерөнхий инженер........... ..............

Хяналтын инженер ......................................... Ер. Ня-бо .......................................

Нягтлан бодогч ...............................................

Хавсралт №9

БАТЛАВ: Захиалагч..................................../Гарын үсэг, огноо/ БАТЛАВ: Гүйцэтгэгч: ........................................./Гарын үсэг, огноо/

/Төсвийн шууд захирагч, эсхүл ТЕЗ-ийн томилсон албан тушаалтан/

.............................. АЖЛЫН БАРИЛГА УГСРАЛТ/ИХ ЗАСВАРЫН АЖЛЫН ҮЕ ШАТНЫ ХУВААРЬ, хуанлийн хоногоор

/Төсвийн хөрөнгө оруулалтын ажлын нэр, хүчин чадал, байршил, гэрээний дугаарыг бичнэ/

№	Гүйцэтгэх ажлын нэр төрөл	Сар	...-р сар			...-р сар			...-р сар			...-р сар			...-р сар			ДҮН
№	Гүйцэтгэх ажлын нэр төрөл	10 хоног	1	2	3	1	2	3	1	2	3	1	2	3	1	2	3	ДҮН
1.		Төл.
1.		Гүйц.
2.		Төл.
2.		Гүйц.
3.		Төл.
3.		Гүйц.
4.		Төл.
4.		Гүйц.
5.		Төл.
5.		Гүйц.
6.		Төл.
6.		Гүйц.
7.		Төл.
7.		Гүйц.
8.		Төл.
8.		Гүйц.
9.		Төл.
9.		Гүйц.
	БҮГД ДҮН /сая төг/	Төл.
	БҮГД ДҮН /сая төг/	Гүйц.

Хянасан:

Захиалагч:............................................../ТЕЗ-ийн томилсон албан тушаалтны гарын үсэг, тамга/тэмдэг, огноо/

Гүйцэтгэгч:............................................./Захирал, талбайн инженер, нягтлан бодогч, гарын үсэг, тамга/тэмдэг /

Хавсралт №10

БАТЛАВ: ........................./гарын үсэг, огноо/

/Төсвийн шууд захирагч, эсхүл ТЕЗ-ийн томилсон албан тушаалтан/

УЛСЫН ТӨСВИЙН ХӨРӨНГӨӨР БАРИГДАЖ БУЙ БАРИЛГЫН

АЖЛЫН ГҮЙЦЭТГЭЛ, САНХҮҮЖИЛТИЙН ......-Р САРЫН МЭДЭЭ

202.... оны .....сарын ......-ны өдөр

№	Барилга байгууламж, их засварын ажлын нэр, хүчин чадал, байршил	Эхлэх дуусах	Төсөвт өртөг	202... онд санхүүжих	Санхүүжилт /сая төг/	Ажлын гүйцэтгэл /ажил тус бүрээр бодит гүйцэтгэл, хувийг бичнэ/	1.Тендер зарласан огноо 2. Гэрээ байгуулсан огноо	Тендерт шалгарсан гүйцэтгэгч
1.
2.
3.

Хянасан:

.............................Санхүү, хөрөнгө оруулалтын асуудал хариуцсан нэгжийн дарга

/гарын үсэг, тамга/тэмдэг/

Боловсруулсан:

.............................Мэргэжилтэн /гарын үсэг/

Хавсралт №11

ТОНОГ ТӨХӨӨРӨМЖ ХҮЛЭЭН АВСАН КОМИССЫН АКТ

202... оны ... сарын ..-ны өдөр Дугаар ....... ...............хот/аймаг

НЭГ.ЕРӨНХИЙ ЗҮЙЛ

Гэрээний нэр, дугаар, огноо......................................................................
Тоног төхөөрөмжийн нэр, хүчин чадал ...................................................
Захиалагч байгууллага ...........................................................................
Гүйцэтгэгч байгууллага .........................................................................
.......................-ийн 202..... оны ..... сарын .....-ны өдрийн ....... тоот тушаалаар томилогдсон .... хүний бүрэлдэхүүнтэй Тоног төхөөрөмж хүлээн авах комисс нь захиалагч, гүйцэтгэгчийн хооронд байгуулсан ...... тоот гэрээний дагуу нийлүүлэгдэх тоног төхөөрөмжийг гэрээний хавсралт, ерөнхий болон тусгай нөхцөлд тусгагдсан шаардлагыг хангасан байдал, барааны чанар, тээвэрлэлт, хадгалалтын байдал болон тоног төхөөрөмжийн холбогдох баримтуудтай газар дээр нь танилцан шалгав.
Гүйцэтгэгч нь тоног төхөөрөмжийг 202.. оны … дугаар сарын …-ны өдөр гэрээнд заасны дагуу бүрэн нийлүүлж дууссан байна.

ХОЁР.ГЭРЭЭНИЙ БИЕЛЭЛТ

Тоног төхөөрөмжийг шалгаж үзээд, гүйцэтгэгч байгууллага гэрээний дагуу нийлүүлэгдэх тоног төхөөрөмжийг бүрэн нийлүүлж, гэрээгээр хүлээсэн үүргээ биелүүлсэн гэж дүгнэв.
Тоног төхөөрөмжийг захиалагч байгууллагын мэдэлд бүрэн шилжүүлж, ашиглалтад хүлээн авахаар шийдвэрлэв.
Тоног төхөөрөмж хүлээн авах комиссын акт, холбогдох баримт бичиг, материалыг 4 эх хувь үйлдэж, захиалагч, гүйцэтгэгч, санхүү, төсвийн асуудал эрхэлсэн төрийн захиргааны төв байгууллага тус бүрт нэг хувийг хүргүүлнэ.
Энэ актаар хүлээн авсан тоног төхөөрөмжийн баримт бичгийн иж бүрдэл нь дараахаас бүрдэнэ. Үүнд:

а) Тоног төхөөрөмжийг дагалдах техникийн бусад баримт бичиг:

б) Баталгаат засварын хугацаа, холбогдох баримт:

в) Бусад

ГУРАВ.ТОНОГ ТӨХӨӨРӨМЖИЙН МЭДЭЭЛЭЛ

№	Нэр төрөл	Марк	Үйлдвэрлэсэн улс, байгууллага, огноо	Тоо, хэмжээ	Нэгжийн үнэ	Тээвэрлэлтийн үнэ /шаардлагатай бол бөглөх/	Угсралт, туршилтын үнэ /шаардлагатай бол бөглөх/	Нийт үнэ
1.
2.
Дүн

КОМИССЫН БҮРЭЛДЭХҮҮН:

Комиссын дарга: ................................../Гарын үсэг, тамга/тэмдэг, огноо/

Нарийн бичгийн дарга: ......................../Гарын үсэг, тамга/тэмдэг,огноо/

Гишүүд: ................................................./Гарын үсэг, тамга/тэмдэг, огноо/

Гүйцэтгэгч байгууллага: ......................./Гарын үсэг, тамга/тэмдэг, огноо/

Хавсралт №12

ГЭРЭЭ ДҮГНЭХ МАЯГТ

Он сар өдөр

Гэрээний нэр:

Гэрээний дугаар:

Захиалагч байгууллага:

Гүйцэтгэгч байгууллага:

Гэрээгээр ажил эхлүүлэх хугацаа:

Гэрээгээр ажил дуусгах хугацаа:

Гэрээний дүн:

Урьд санхүүжсэн дүн:

Нийт үлдэгдэл:

Батлагдсан гүйцэтгэлийн Санхүүжилтийн дүн:

дүн: .................. төгрөг ..................... төгрөг

Үүнээс: БУА		Үүнээс олгогдсон:
Техник хяналт:
Зураг төсөл:

Чанарын баталгаат хугацаанд байршуулсан мөнгөн дүн /төгрөгөө/

Гүйцэтгэгчээс ажил дууссан тухай мэдэгдэл ирүүлсэн өдөр:

..... оны .......... сарын .................. өдөр

Дугаар: ...................

Комиссын актын дугаар:

..... оны .......... сарын .................. өдөр

Дугаар: ...................

Гэрээний биелэлт, шийдвэрлэлт:

Гэрээний биелэлт:	Жишээ нь: Ажил бүрэн дууссан. Комисс комиссын акт ..... оны .. дугаар сарын ...-ны өдрийн ............... дугаартай баталгаажсан.
Шийдвэр:	Жишээ нь: Иймд алданги тооцохгүйгээр барьцаа хөрөнгө .... хувь .......... төгрөгийг үлдээж үлдэгдэл санхүүжилтийг олгохоор шийдвэрлэв.

ЖИЧ: Гэрээ хангалтгүй дүгнэгдсэн тохиолдолд дэлгэрэнгүй хурлын тэмдэглэлийг доорхи заалтын дагуу

хөтөлж заавал хавсаргасан байх.

Гэрээ дүгнэсэн:

ЗАХИАЛАГЧ: ГҮЙЦЭТГЭГЧ:

.......................... /...................../

........................ /..................../

хариуцсан мэргэжилтэн /.................../

“........................" ХХК-ний захирал:

/ ..................... /

Тэмдэглэлтэй танилцсан:

Захиалагч талаас /дарга/:

/......................... /

Захиалагч талаас , санхүү:

/.........................../

Хавсралт №13

ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛСЭН ӨМНӨХ ОНД АШИГЛАЛТАД ОРСОН

БАРИЛГА БАЙГУУЛАМЖИЙН ТАЛААРХ ХҮСНЭГТЭН МЭДЭЭ

БАТЛАВ: ........................./гарын үсэг, тамга/тэмдэг, огноо/

/Төсвийн шууд захирагч, эсхүл ТЕЗ-ийн томилсон албан тушаалтан/

АШИГЛАЛТАД ОРСОН БАРИЛГА БАЙГУУЛАМЖИЙН МЭДЭЭ

/сая төг/

№	Барилга байгууламжийн нэр, байршил	Барилга байгууламжийн огноо		Ашиглалтад орсон		Захиалагч байгууллага	Ашиглагч байгууллага	Гүйцэтгэгч байгууллага
№	Барилга байгууламжийн нэр, байршил	Эхэлсэн	Дууссан	Хүчин чадал	Хөрөнгийн дүн	Захиалагч байгууллага	Ашиглагч байгууллага	Гүйцэтгэгч байгууллага
1.
2.
3.
НИЙТ ДҮН

Хянасан:

Санхүү, хөрөнгө оруулалтын асуудал хариуцсан нэгжийн дарга ............................./гарын үсэг, тамга/тэмдэг/

Мэргэжилтэн ............................. /гарын үсэг/

Мэдээ гаргасан:

Захиалагч байгууллагын дарга .......................... /гарын үсэг, тамга/тэмдэг/

Мэргэжилтэн .......................... /гарын үсэг/

Хавсралт №14

САНХҮҮ, ТӨСВИЙН АСУУДАЛ ЭРХЭЛСЭН ТӨРИЙН ЗАХИРГААНЫ ТӨВ БАЙГУУЛЛАГЫН

ТӨСВИЙН ХӨРӨНГӨ ОРУУЛАЛТ ХАРИУЦСАН НЭГЖЭЭС ТӨРИЙН САНГИЙН АСУУДАЛ ХАРИУЦСАН НЭГЖИД

САНХҮҮЖИЛТИЙН ЭРХ НЭЭЖ ХҮРГҮҮЛЭХ МАЯГТ

№	ID	Дугаар	Захиалагч	Төсөл арга хэмжээний нэр	Захиалагч, Гүйцэтгэгч	Банк Данс	Мөнгөн дүн (төг)	Мэргэжилтэн	Гарын үсэг
1

Хяналтын хуудсанд тусгагдсан бүх шалгуур үзүүлэлт хангагдсаныг үндэслэн санхүүжих ажлын жагсаалтад тусгахыг зөвшөөрсөн

Төсвийн хөрөнгө оруулалт хариуцсан нэгжийн дарга . . . . . . . . . . . . . . . . . . /нэр, гарын үсэг/

Хавсралт №15

Төсвийн хөрөнгө оруулалтын цахим систем

САНХҮҮЖИЛТИЙН ХҮСЭЛТИЙН МАЯГТ №1

	Хуулийн дугаар: ............
	Төсөл, арга хэмжээний нэр: ..................................
	Гэрээний дугаар: .....................
	Гүйцэтгэгч: …...................	Ажлын явц: …...%
	Хүсэлтийн дүн: …................ сая төгрөг

publicinvestment.gov.mn Хэвлэсэн огноо:

Хавсралт №16

Барилга, объектын нэр_________

ЗУРАГ ТӨСӨЛ ЗОХИОГЧИЙН ХЯНАЛТЫН ЗАРДЛЫН

ГҮЙЦЭТГЭЛИЙН НЭГДСЭН АКТ № ........

Гэрээний дугаар__________
Гүйцэтгэл гаргасан _____он____сар____өдөр
Гэрээ эхлэх, дуусах хугацаа____________

(төгрөг)

№	Зардлын ангилал	Төсөвт өртөг	Ажил эхэлснээс хойших гүйцэтгэл	Урьд авсан санхүүжилт /өссөн дүн/	Тайлангийн үеийн гүйцэтгэл	ХЯНАСАН
1.	Ажлын хөлс
2.	Материаллаг зардал
3.	Унаа/замын зардал
4.	Албан томилолт
Дүн
5.	Удирдлагын зардал
6.	Ашиг
Дүн
7.	НӨАТ
Дүн
8.	Хэмжилт, шалгалт, лабораторийн зардал
Дүн
9.	Нэмэлт ажил
Нийт дүн

ГҮЙЦЭТГЭЛИЙГ:

Хянасан: Гаргасан:

ЗАХИАЛАГЧИЙГ ТӨЛӨӨЛЖ: ГҮЙЦЭТГЭГЧИЙГ ТӨЛӨӨЛЖ:

/ТЕЗ-ийн томилсон албан тушаалтнууд байна.

Жишээлбэл:

Санхүү, хөрөнгө оруулалтын газар/

хэлтсийн дарга................................................ Захирал .........................................

Албаны дарга ................................................. Багийн ахлагч ........... ..............

Хяналтын инженер ......................................... Инженерүүд /БД, ББ, ХАС, ЦБУ, ДГ, ХД/

...................................................

Нягтлан бодогч ............................................... Нягтлан бодогч .....................................

Мэргэжилтэн ...................................................

Хавсралт №17

“Санхүүжилтийн төлбөрийн хүсэлтийн маягт”

Төсөл, арга хэмжээний нэр_________

Гэрээний дугаар__________
Гүйцэтгэл гаргасан _____он____сар____өдөр

3. Гэрээ эхлэх, дуусах хугацаа____________

(төгрөг)

Байгууллагын нэр:				Дансны дугаар	Дүн /тоогоор/
Регистрийн дугаар:
№	Хүлээн авагчийн нэр	Регистрийн дугаар	Хүлээн авагчийн банк	Хүлээн авагчийн дансны дугаар
1.
2.
3.
...
Мөнгөн дүн үсгээр :
Гүйлгээний утга			Ангилал		Нийт дүн /тоогоор/
			Хөтөлбөр
			Зориулалт
			Эдийн засгийн ангилал
Хяналтын хэсэг:
Үндэслэх бичиг баримтын нэр:		он сар, дугаар			Тэмдэглэгээ

Маягт Тамга

Дарга........../Овог, нэр/

Гарын үсэг оны сарын өдөр

Нягтлан бодогч.........../ Овог, нэр/ тэмдэг, гарын үсэг

Шүүлтүүр

Сонсох:

Эрх зүйн актууд

Санал хүсэлт