ТӨВ АЙМГИЙН

БОРНУУР СУМЫН ИРГЭДИЙН ТӨЛӨӨЛӨГЧДИЙН

ХУРЛЫН VI-р ХУРАЛДААНЫ ТОГТООЛ

2021 оны 7 дугаар сарын 30-ны өдөр

 Дугаар13 

 Борнуур

ГАЗРЫН ТӨЛБӨРИЙН ХЭМЖЭЭГ ШИНЭЧЛЭН ТОГТООХ ТУХАЙ

Газрын төлбөрийн хэмжээг шинэчлэн тогтоох тухай сумын Засаг дарга Н.Ундрахбилэгийн мэдээллийг хэлэлцээд "Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль"-ийн 18 дугаар зүйлийн 18.1.2.-ын /д/, 18.2, 25 дугаар зүйлийн 25.1, "Газрын төлбөрийн тухай хууль"-ийн 6 дугаар зүйлийн 3 дахь хэсэг, 7 дугаар зүйлийн 2 дахь хэсгийг үндэслэн сумын иргэдийн Төлөөлөгчдийн Хурлын хуралдаанаас ТОГТООХ нь:

1. "Хөдөө аж ахуйн газрын буюу бэлчээр, тариалан болон хадлангийн 1 га-ийн газрын төлбөр"-ийг нэгдүгээр, "Хот тосгон бусад суурин 1 га газрын төлбөр"-ийг хоёрдугаар, "Зам, шугам сүлжээний газрын төлбөр"-ийг гуравдугаар хавсралтаар тус тус баталсугай.

2. Газрын төлбөрийн хэмжээг шинэчлэн тогтоосон шийдвэрийг Хууль зүй, дотоод хэргийн яаманд хүргүүлж, захиргааны хэм хэмжээний актын улсын нэгдсэн бүртгэлд бүртгүүлж, мөрдүүлэх ажлыг удирдлага зохион байгуулалтаар хангаж, хэрэгжилтийн явц үр дүнг жил бүр сумын иргэдийн Төлөөлөгчдийн Хуралд тайлагнаж ажиллахыг сумын Засаг дарга /Н.Ундрахбилэг/-т даалгасугай.

3. Энэхүү тогтоол гарсантай холбогдуулан 2018 оны 12 дугаар сарын 08-ны өдрийн XII хуралдааны 07 тоот тогтоолыг хүчингүйд тооцсугай.

4. Тогтоолын хэрэгжилтэд хяналт тавьж ажиллахыг иргэдийн Төлөөлөгчдийн Хурлын /Тэргүүлэгчид/-д үүрэг болгосугай.

ДАРГА Ц.НАРАНГЭРЭЛ