Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
БАЯНХОНГОРАЙМГИЙН БУУЦАГААН СУМЫН ИРГЭДИЙН ТӨЛӨӨЛӨГЧДИЙНХУРЛЫН ХУРАЛДААНЫ ТОГТООЛ
2021 оны 3 дугаар сарын 5-ны өдөр
Дугаар 01
Буянт сум
МАЛЫН ТОО, ТОЛГОЙН АЛБАН ТАТВАР ТОГТООХ ТУХАЙ
Монгол Улсын Үндсэн хуулийн 62 дугаар зүйлийн 62.1, 63 дугаар зүйлийн 63.1, Засаг захиргаа, нутаг дэвсгэрийн нэгж түүний удирдлагын тухай хуулийн 25 дугаар зүйлийн 25.1, Малын тоо, толгойн албан татварын тухай хуулийн 6 дугаар зүйлийн 6.1, 6.2 дахь заалтуудыг тус тус үндэслэн сумын иргэдийн Төлөөлөгчдийн Хурлын ээлжит 3 дугаар хуралдаанаас ТОГТООХ нь:
1.Сумын малчин болон мал бүхий өрхийн нэг малын тоо, толгойд төлөх татварын хэмжээг адуу- 1000 төгрөг, үхэр-1000 төгрөг, тэмээ-500 төгрөг, хонь-800 төгрөг, ямаа-1500 төгрөгөөр тус тус тогтоосугай.
2.Тус суманд гантай байсны улмаас бэлчээрийн гарц тааруу нийт нутгийн 80-90 хувь нь цасан бүрхүүлтэй, малчид өөр аймаг, сумын нутагт нүүдэл ихээр хийж, өвөлжилтийн байдал хүндэрсэн зэргийг харгалзан 2021 оны малын тоо, толгойн албан татварын хэмжээг 0 /тэг/ төгрөгөөр тогтоосугай.
3.Тогтоолын хэрэгжилтийг зохион байгуулж, иргэд хөдөлмөрчдөд өргөнөөр мэдээлж сурталчлахыг сумын Засаг дарга /Д.Лхагвадорж/-д үүрэг болгосугай.
4.Тогтоолын биелэлтэд хяналт тавьж ажиллахыг сумын иргэдийн Төлөөлөгчдийн Хурлын Тэргүүлэгчдийн нарийн бичгийн дарга /Д.Эрдэнэдалай/-д даалгасугай.
ДАРГА Ш.ТӨМӨР
БАЯНХОНГОР АЙМГИЙН БУУЦАГААН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2023 оны 04 дүгээр сарын 27-ны өдөр
Дугаар 10/03
Буянт
МАЛЫН ТОО, ТОЛГОЙН АЛБАН ТАТВАРЫН ХЭМЖЭЭ ТОГТООХ ТУХАЙ
Монгол Улсын Үндсэн хуулийн 62 дугаар зүйлийн 62.1, 63.1, Засаг захиргаа нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, Татварын ерөнхий хуулийн 8 дугаар зүйлийн 8.1, 8.4, Малын тоо толгойн албан татварын тухай хуулийн 6 дугаар зүйлийн 6.1, 6.2 дахь заалтуудыг тус тус үндэслэн сумын иргэдийн Төлөөлөгчдийн Хурлын 2023 оны ээлжит 10 дугаар хуралдаанаас ТОГТООХ нь:
1.Сумын малчин болон мал бүхий этгээдийн нэг малын тоо, толгойд төлөх татварын хэмжээг адуу-500, хонь-300, ямаа-500 төгрөгөөр, үхэр болон тэмээг 0 төгрөгөөр тус тус тогтоосугай.
2.Сумын иргэдийн Төлөөлөгчдийн хурлын 2021 оны "Малын тоо, толгойн албан татвар тогтоох тухай" 01 дүгээр тогтоолыг хүчингүй болсонд тооцсугай.
3.Тогтоолыг иргэдэд сурталчлах, татвар төвлөрүүлэх ажлыг шуурхай зохион байгуулж ажиллахыг сумын Засаг дарга (Д.Лхагвадорж)-д, Малын тоо, толгойн албан татварын төвлөрүүлэлт, хуваарьлалт, зарцуулалт, төсөл, арга хэмжээний хэрэгжилт, үр дүнд байнгын хяналт тавьж сумын Иргэдийн Төлөөлөгчдийн хурлын хуралдаанаар хэлэлцүүлж ажиллахыг Байгаль орчин, Хөдөө аж ахуйн хөгжлийн хорооны дарга, гишүүдэд үүрэг болгосугай.
4.Тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын нарийн бичгийн дарга (М.Сарантуяа)-д даалгасугай.
ДАРГА Ш.ТӨМӨР
