ОРХОН АЙМГИЙН БАЯН-ӨНДӨР СУМЫН ИРГЭДИЙН ТӨЛӨӨЛӨГЧДИЙН ХУРЛЫН 8 ДАХЬ УДААГИЙН СОНГУУЛИЙН ЭЭЛЖИТ III ХУРАЛДААНЫ ТОГТООЛ

2021 оны 3 дугаар сарын 5-ны өдөр

Дугаар 02

Эрдэнэт

МАЛЫН ТОО ТОЛГОЙН АЛБАН ТАТВАРЫН ХЭМЖЭЭ ТОГТООХ ТУХАЙ

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2-ын "д", Төсвийн тухай хуулийн 23 дугаар зүйлийн 23.8.15, 60 дугаар зүйлийн 60.2.8, Малын тоо толгойн албан татварын тухай хуулийн 6 дугаар зүйлийн 6.2, 6.3, Захиргааны ерөнхий хуулийн 63 дугаар зүйлийн 63.1, 64 дүгээр зүйлийн 64.1, 64.4 дэх заалтыг тус тус үндэслэн сумын иргэдийн Төлөөлөгчдийн Хурлын ээлжит III хуралдаанаас ТОГТООХ нь:

1.Сумын малчин болон мал бүхий этгээдээс авах малын тоо толгойн албан татварыг дараах төрөл, хэмжээгээр тогтоосугай. Үүнд:

Тэмээ-0 төгрөг

Адуу-1000 төгрөг

Үхэр-300 төгрөг

Хонь-200 төгрөг

Ямаа-500 төгрөг

2.Малын тоо толгойд оногдох албан татварыг сумын жилийн эцсийн мал тооллогын дүн, статистикийн баримтыг үндэслэн дээрх төрөл, хэмжээгээр татварын орлогыг бүрдүүлэхийг сумын Засаг дарга /Б.Баасансүрэн/-д үүрэг болгосугай.

3.Тус тогтоолыг "Захиргааны хэм хэмжээний актын эмхэтгэл"-д нийтэлсэн өдрөөс эхлэн мөрдүүлсүгэй.

4.Тогтоолыг хэрэгжилтийг жилийн эцэст сумын иргэдийн Төлөөлөгчдийн Хурлын хуралдаанд тайлагнахыг сумын Засаг дарга /Б.Баасансүрэн/-д үүрэг болгосугай.

ДАРГА                                Э.ЭРДЭНЭБАТ

/Сумын ИТХ-ын 2021 оны 02 дугаар тогтоолоор өөрчлөлт орсныг тусгав/