ХЭНТИЙ АЙМАГ ХЭРЛЭН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2021 оны 4 дүгээр сарын 9-ний өдөр

Дугаар 01

Чингис хот

МАЛЫН ТОО ТОЛГОЙД НОГДОХ АЛБАН ТАТВАРЫН ХЭМЖЭЭГ ТОГТООХ ТУХАЙ

Монгол Улсын "Засаг захиргаа нутаг дэвсгэрийн нэгж, түүний удирдлагын тухай" хуулийн 18 дугаар зүйлийн 18.1.2 /д/, 25 дугаар зүйлийн 25.1 дэх хэсэг, Захиргааны ерөнхий хуулийн 64 дүгээр зүйлийн 64.1 дэх заалт, Малын тоо толгойн албан татварын тухай" хуулийн 6 дугаар зүйлийн 6.1, 6.2, 6.3, 6.4 дэх заалтыг тус тус үндэслэн сумын иргэдийн Төлөөлөгчдийн Хурлын Тавдугаар Хуралдаанаас ТОГТООХ нь:

1.Хэрлэн сумын малчин, мал бүхий этгээдийн малын тоо толгойд ногдох албан татварын хэмжээг адуунд 1500, үхэрт 800, ямаанд 1000, хонинд 500, тэмээнд 0 төгрөг байхаар тус тус тогтоосугай.

2.Малчны амьжиргааг дэмжих зорилгоор малчны өмчилж байгаа малын тоо толгойноос 150 толгой малд /тэмээ 0, адуу 5, үхэр 20, ямаа 25, хонь 100/ ногдох албан татварын хэмжээг 0 төгрөг байхаар баталсугай.

3. Малын тоо толгойн албан татварыг хуульд заасан хугацаанд орон нутгийн төсөвт төвлөрүүлж, Төсвийн тухай хуулийн 60 дугаар зүйлийн 60.2.8-д заагдсан үйл ажиллагаанд зарцуулж, тайланг бүтэн жилээр иргэдийн Төлөөлөгчдийн Хуралд тайлагнаж ажиллахыг сумын Засаг дарга /М.Шүрэнцэцэг/-т даалгасугай.

4.Тогтоолын хэрэгжилтэд хяналт тавьж, биелэлтийг тооцож ажиллахыг сумын иргэдийн Төлөөлөгчдийн Хурлын Газрын харилцаа, хот, Хөдөө аж ахуйн хөгжил, Байгаль орчин, Аялал жуулчлалын бодлогын хороо

/Э.Амарсайхан/-д үүрэг болгосугай.

5.Энэхүү тогтоол батлагдсантай холбогдуулан сумын иргэдийн Төлөөлөгчдийн Хурлын 2021.02.01-ний өдрийн Дөрөвдүгээр Хуралдааны 02 тоот тогтоолыг хүчингүйд тооцсугай.

ДАРГА  Г.БАТ-ЭРДЭНЭ