БАЯНХОНГОР АЙМГИЙН ГУРВАНБУЛАГ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2020 оны 12 дугаар сарын 15-ны өдөр

Дугаар 2/05

Пионер толгой

МАЛЫН ТОО, ТОЛГОЙН АЛБАН ТАТВАР ТОГТООХ ТУХАЙ

Монгол Улсын Үндсэн хуулийн 62 дугаар зүйлийн 62.1 дэх заалт, 63 дугаар зүйлийн 63.1 дэх заалт, 59 дүгээр зүйлийн 59.2 дахь заалт, Монгол Улсын Засаг захиргаа нутаг дэвсгэрийн нэгж түүний удирдлагын тухай хуулийн 25 дугаар зүйлийн 25.1 дэх заалт, 5 дугаар зүйлийн 5.1 дэх заалт, 18 дугаар зүйлийн 18.1.2-ын "д" дэх заалт, Малын тоо толгойн албан татварын тухай хуулийн 6 дугаар зүйлийн 6.1, 6.2 дахь заалтыг тус тус үндэслэн сумын иргэдийн Төлөөлөгчдийн Хурлын 2020 оны ээлжит 2 дугаар хуралдаанаас ТОГТООХ нь:

1.Сумын малчин болон мал бүхий этгээдийн нэг малын тоо толгойд 2021 онд төлөх татварын хэмжээг адуу-500 төгрөг, үхэр-500 төгрөг, тэмээ-0 төгрөг, хонь-200 төгрөг, ямаа-300 төгрөгөөр тус тус тогтоосугай./Сумын ИТХ-ын 2021 оны 3/02 дугаар тогтоолоор өөрчлөлт орсныг тусгав/

2.Тогтоолыг малчин болон мал бүхий этгээдэд танилцуулан, тэдний санал хүсэлтийг авах нөлөөллийн арга хэмжээг зохион байгуулж гаргасан саналуудыг нэгтгэн дүнг сумын иргэдийн Төлөлөөгчдийн Хурлын хуралдаанд тайлагнаж ажиллахыг сумын Засаг дарга /Б.Гантулга/-д даалгасугай./Сумын ИТХ-ын 2021 оны 3/02 дугаар тогтоолоор өөрчлөлт орсныг тусгав/

ДАРГА Ч.ЭРДЭНЭ-ОЧИР