НИЙСЛЭЛИЙН БАГАНУУР ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2021 оны 2 дугаар сарын 24-ний өдөр

Дугаар 01

Улаанбаатар хот

МАЛЫН ТОО ТОЛГОЙД НОГДУУЛАХ АЛБАН ТАТВАРЫН ХЭМЖЭЭГ ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2-ын "д" дэд заалт, Малын тоо толгойн албан татварын тухай хуулийн 6 дугаар зүйлийн 6.1, 6.2, 6.4, Захиргааны ерөнхий хуулийн 64 дүгээр зүйлийн 64.5 дахь хэсэг, Засгийн газрын 2021 оны 1 дүгээр сарын 4-ний өдрийн 1 дүгээр хуралдааны тэмдэглэлийг тус тус үндэслэн дүүргийн иргэдийн Төлөөлөгчдийн Хурлын ээлжит бус V хуралдаанаар хэлэлцээд ТОГТООХ нь:

1.Дүүргийн нутаг дэвсгэрт мөрдөгдөх малын тоо толгойн албан татварын хэмжээг хавсралтаар баталсугай.

2.Жил бүрийн төсөвт малын тоо толгойн албан татварын орлого, зарлагыг төлөвлөн батлуулж, гүйцэтгэлд нь хяналт тавьж ажиллахыг дүүргийн Засаг дарга /С.Даваасүрэн/-д даалгасугай.

3.Тогтоолын хэрэгжилтэд хяналт тавьж ажиллахыг дүүргийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд ажлын албаны дарга /Г.Гансэлэм/-д даалгасугай.

4.Уг тогтоолыг 2021 оны 7 дугаар сарын 1-ний өдрөөс эхлэн мөрдсүгэй.

ДАРГА Т.ОТГОНБОЛД