ТӨВ АЙМГИЙН БАЯНЦАГААН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2021 оны 2 дугаар сарын 26-ны өдөр

Дугаар 01

Зогсоол

"МАЛЫН ТОО ТОЛГОЙН АЛБАН ТАТВАРЫН ХЭМЖЭЭГ ТОГТООХ ТУХАЙ"

Сумын Засаг дарга Д.Хүрэлбаатарын өргөн мэдүүлсэн "Малын тоо толгойн албан татварын хэмжээг тогтоох тухай" өргөн барьсан санал, мэдээллийг хэлэлцээд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 3 дугаар бүлгийн 18 дугаар зүйлийн 18.1.2 -ын "д", 25 дугаар зүйлийн 25.1, 25.2, Татварын ерөнхий хуулийн 8 дугаар зүйлийн 8.1, Малын тоо толгойн албан татварын тухай хуулийн 6 дугаар зүйлийн 6.2, 6.3, 6.4 дэх заалт, Захиргааны ерөнхий хуулийн 63 дугаар зүйлийн 63.1, 64 дүгээр зүйлийн 64.1, 64.4 дэх заалтыг тус тус үндэслэн сумын иргэдийн Төлөөлөгчдийн Хурлын хуралдаанаас ТОГТООХ нь:

1. Сумын нутаг дэвсгэрт байгаа малын тоо, толгой тутамд жилд ногдуулах албан татварын хэмжээг нэгдүгээр, малчин, мал бүхий өрхийн амьжиргааг дэмжих зорилгоор "0" төгрөгний албан татвар ногдуулах малын тооr хоёрдугаар хавсралтаар тус тус баталсугай.

2. Зуншлага тааруу байснаас мал тарга тэвээрэг муу авч, өвөлжилтийн байдал хүндэрснээр мал хорогдож, байран маллагаанд тэжээх малын тоо нэмэгдэн, өвс тэжээлийн үнэ 2-2,5 дахин өссөн зэрэг нь малчдын санхүүгийн байдалд хүндрэл үүсгэж байгаа тул 2021 оны малын тоо толгойн албан татварыг "0" төгрөгөөр тогтоосугай.

3. Тогтоолыг хэрэгжүүлэх ажлыг зохион байгуулж, малын тоо толгойн албан татварын орлогыг сумын жил бүрийн төсөвт тусган батлуулан сумын орон нутгийн хөгжлийн санд төвлөрүүлэн төсвийн тухай хуулийн 60 дугаар зүйлийн 60.2.8-д заасан зориулалтаар зохих журмын дагуу зарцуулж, тайлагнаж ажиллахыг сумын Засаг дарга /Д.Хүрэлбаатар/-т үүрэг болгосугай.

4. Уг тогтоолыг "Захиргааны хэм хэмжээний актын улсын нэгдсэн бүртгэл"-д бүртгэсэн өдрөөс эхлэн дагаж мөрдсүгэй.

5. Энэхүү тогтоолын хэрэгжилтэд хяналт тавьж ажиллахыг иргэдийн Төлөөлөгчдийн Хурлын Тэргүүлэгчдэд даалгасугай.

ДАРГА   Т.АЛГИРМАА