cМОНГОЛ УЛСЫН ХУУЛЬ

2008 оны 9 дүгээр сарын 17-ны өдөр

Улаанбаатар хот

МОНГОЛ УЛСЫН ЗАСГИЙН ГАЗРЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

1/ 18 дугаар зүйлийн 3 дахь хэсэг:

"3.Засгийн газрын бүтцэд дор дурдсан яам ажиллана:

Ерөнхий чиг үүргийн

1/Гадаад харилцааны яам;

2/Сангийн яам;

3/Хууль зүй, дотоод хэргийн яам.

Чиглэлийн

4/Байгаль орчин, аялал жуулчлалын яам;

5/Батлан хамгаалах яам;

6/Боловсрол, соёл,шинжлэх ухааны яам;

7/Зам, тээвэр, барилга, хот байгуулалтын яам;

8/Нийгмийн хамгаалал, хөдөлмөрийн яам;

9/Хүнс, хөдөө аж ахуй, хөнгөн үйлдвэрийн яам;

10/Эрдэс баялаг, эрчим хүчний яам;

11/Эрүүл мэндийн яам."

2/20 дугаар зүйлийн 5 дахь хэсгийн 1 дэх заалт:

"1/ Монгол Улсын Тэргүүн Шадар сайд:

-оюуны өмч, патент, зохиогчийн эрхийн асуудал;

-стандартчилал, хэмжил зүйн асуудал;

-шударга бус өрсөлдөөнийг хянан зохицуулах асуудал;

-чөлөөт бүсийн асуудал;

-үйлдвэржүүлэлтийн бодлого.

2/Монгол Улсын Шадар сайд:

-бүс нутгийн хөгжлийн нэгдсэн бодлого;

-тодорхой салбарын мэргэжлийн хяналтын асуудал;

-хүүхэд, залуучуудын хөгжлийн асуудал;

-гамшгаас хамгаалах, урьдчилан сэргийлэх асуудал;

-хойшлуулшгүй сэргээн босгох ажиллагаатай холбоотой шуурхай асуудал."

3/20 дугаар зүйлийн 5 дахь хэсгийн 5, 6, 12, 13 дахь заалт:

"5/Монгол Улсын Байгаль орчин, аялал жуулчлалын сайд:

-байгаль орчныг хамгаалах, зохистой ашиглах, нөхөн сэргээх болон экологийн бодлого;

-цөлжилттэй тэмцэх болон ойжуулалтын асуудал;

-усны нөөцийг нэмэгдүүлэх, ашиглалтыг сайжруулах асуудал;

-ургамал, ан амьтны нөөцийг хамгаалах асуудал, мэдээллийн сан;

-байгаль орчны шинжилгээ, ус, цаг уур болон байгалийн болзошгүй гамшгаас урьдчилан сэргийлэх, экологийн аюулгүй байдлыг хангах асуудал, биоаюулгүй байдлын бодлогын асуудал;

аялал жуулчлалын бодлого.

6/Монгол Улсын Зам, тээвэр, барилга, хот байгуулалтын сайд:

-тээврийн тогтолцоог хөгжүүлэх бодлогыг хэрэгжүүлэх, уялдааг сайжруулах асуудал;

-төмөр замын тээврийн асуудал;

-иргэний нисэхийн асуудал;

-авто тээврийн асуудал;

-авто замын асуудал;

-далай ашиглах болон усан замын тээврийн асуудал;

-барилга, барилгын материалын үйлдвэрлэлийн бодлого;

-хот байгуулалт, архитектурын асуудал;

-орон сууцны бодлогын асуудал;

-нийтийн аж ахуйн асуудал;

-газар зохион байгуулалтын бодлого, геодези, зураг зүйн асуудал;

-үл хөдлөх эд хөрөнгийн эрхийн бүртгэлийн асуудал.

12/Монгол Улсын Эрдэс баялаг, эрчим хүчний сайд:

-геологи, эрдэс баялгийн бодлого;

-газрын тосны талаархи бодлого;

-эрчим хүчний нэгдсэн бодлого;

-түлш, эрчим хүчний үйлдвэрлэлт, дамжуулалт, түгээлтийн асуудал;

-сэргээгдэх эрчим хүчийг хөгжүүлэх асуудал;

-бүс нутгийн түлш, эрчим хүчний асуудал;

-эрчим хүчний шинэ эх үүсвэрийг бий болгох, ашиглах бодлого;

-хүнд үйлдвэрлэлийн бодлогын асуудал.

13/Монгол Улсын Хүнс, хөдөө аж ахуй, хөнгөн үйлдвэрийн сайд:

-хөнгөн үйлдвэрлэлийн бодлогын асуудал;

-дотоод худалдааны бодлого зохицуулалт;

-хүн амын хүнсний хангамжийн бодлого;

-хүнсний аюулгүй байдлын асуудал;

-мал аж ахуй болон газар тариаланг эрчимжүүлэн хөгжүүлэх бодлого;

-мал эмнэлэг, малын үржлийн талаар төрөөс явуулах бодлого;

-мал, амьтан, ургамлын хорио цээрийн асуудал;

-бэлчээрийн болон таримал ургамлыг хамгаалах асуудал;

-мал, таримал ургамлын гаралтай хүнсний зүйл, түүхий эдийн экспорт, импортын асуудал;

-хөдөө аж ахуйн эдэлбэр газрын болон бэлчээр ашиглалтын бодлого;

-малыг цаг агаарын гэнэтийн аюулаас хамгаалах бодлого."

МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ