ДОРНОГОВЬ АЙМАГ ДЭЛГЭРЭХ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2020 оны 12 дугаарсарын 17-ны өдөр

Дугаар 2/05

Дорноговь аймаг, Дэлгэрэх сум

МАЛЫН ТОО ТОЛГОЙН АЛБАН ТАТВАРЫН ХЭМЖЭЭГ БАТЛАХ ТУХАЙ

Монгол Улсын Засаг Захиргаа нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.1-ийн "д" дэх заалт, 25 дугаар зүйлийн 25.1, 25.2 дахь заалт, Захиргааны ерөнхий хуулийн 27 дугаар зүйлийн 27.2, 59 дүгээр зүйлийн 59.1 дэх заалт, Малын тоо толгойн албан татварын тухай хуулийн 6 дугаар зүйлийн 6.1, 6.2 дахь заалтууд, Төсвийн тухай хуулийн 60 дугаар зүйлийн 60.2.8 дахь заалт, Иргэний улсын бүртгэлийн тухай хуулийн 27 дугаар зүйлийн 27.1 дэх заалт, Засгийн газрын 2018 оны 332 дугаар тогтоол зэргийг тус тус үндэслэн сумын иргэдийн Төлөөлөгчдийн Хурлын ээлжит 2-р хуралдаанаар хэлэлцээд ТОГТООХ нь:

1.Урьд оны мал тооллогын дүнд үндэслэн сумын нутаг дэвсгэрт байгаа малчин, мал бүхий этгээдийн нэг малын тоо толгойд ноогдуулах албан татварын хэмжээг хавсралтаар баталсугай.

2.Сумын нутаг дэвсгэрт түр оршин суух малчин, мал бүхий этгээдийн шилжилт хөдөлгөөнийг зохион байгуулж, малын тоо толгойд ноогдуулах албан татварыг хууль тогтоомжид заасны дагуу төсөвт төвлөрүүлэн, хяналт тавьж, тайлагнаж ажиллахыг сумын Засаг дарга /Г.Банзрагч/-д үүрэг болгосугай.

3.Тогтоолын хэрэгжилтэд хяналт тавьж ажиллахыг Санхүү, эдийн засаг, төсвийн бодлогын байнгын хорооны дарга /Д.Батсайхан/, иргэдийн Төлөөлөгчдийн Хурлын нарийн бичгийн дарга / У.Отгончимэг/ нарт даалгасугай.

4.Тогтоолыг Хууль зүй, дотоод хэргийн яаманд бүртгэгдсэн өдрөөс эхлэн мөрдөнө.

ДАРГА Д.ЦЭРЭНЧИМЭД