САНГИЙН САЙДЫН ТУШААЛ

2021 оны 8 дугаар сарын 30-ны өдөр

Дугаар 146

Улаанбаатар хот

ТЕНДЕРИЙН ЖИШИГ БАРИМТ БИЧИГ БАТЛАХ ТУХАЙ

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 52 дугаар зүйлийн 52.1.3 дахь заалтыг үндэслэн ТУШААХ нь:

1.Харьцуулалтын аргаар худалдан авч болох төсөвт өртгийн дээд хязгаараас давсан төсөвт өртөгтэй зөвлөхөөс бусад үйлчилгээ худалдан авахад баримтлах "Зөвлөхөөс бусад үйлчилгээ авах тендерийн жишиг баримт бичиг"-ийг хавсралтаар шинэчлэн баталсугай.

2.Энэхүү тушаалын 1-д заасан жишиг баримт бичгийг захиалагч байгууллагын 2022 оны батлагдсан төлөвлөгөөний дагуу зөвлөхөөс бусад үйлчилгээ худалдан авах ажиллагаа зохион байгуулахад дагаж мөрдсүгэй.

3.Энэ тушаал батлагдсантай холбогдуулан Сангийн сайдын 2007 оны 176 дугаар тушаал болон 2019 оны 123 дугаар тушаалыг тус тус хүчингүй болсонд тооцсугай.

4.Захиалагч байгууллагын 2021 оны батлагдсан төлөвлөгөөний дагуу зөвлөхөөс бусад үйлчилгээ худалдан авах ажиллагаанд энэ тушаалын 3-т заасан тушаалаар батлагдсан жишиг баримт бичгийг баримтална.

5.Батлагдсан тендерийн жишиг баримт бичгийн хэрэгжилтэд хяналт тавьж ажиллахыг Төрийн нарийн бичгийн дарга /С.Наранцогт/, Хууль, эрх зүйн газар /З.Энхболд/-т үүрэг болгосугай.

САЙД Б.ЖАВХЛАН