ОЮУНЫ ӨМЧИЙН ГАЗРЫН ДАРГЫН ТУШААЛ

2021 оны 10 дугаар сарын 19-ний өдөр

Дугаар А/120

Улаанбаатар хот

БҮТЭЭГДЭХҮҮНИЙ ЗАГВАРЫН ПАТЕНТЫН МЭДҮҮЛЭГ ГАРГАХ, ПАТЕНТЫН МЭДҮҮЛГИЙГ БҮРТГЭХ, МЭДҮҮЛЭГТ ӨӨРЧЛӨЛТ ОРУУЛАХ ЖУРАМ БАТЛАХ ТУХАЙ

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Патентын тухай хуулийн 33 дугаар зүйлийн 33.11 дэх заалтыг тус тус үндэслэн ТУШААХ НЬ:

1."Бүтээгдэхүүний загварын патентын мэдүүлэг гаргах, патентын мэдүүлгийг бүртгэх, мэдүүлэгт өөрчлөлт оруулах журам"-ыг нэгдүгээр хавсралтаар, "Бүтээгдэхүүний загварын өргөдөл Маягт БЗ-01"-ийг хоёрдугаар хавсралтаар, "Зохион бүтээгчийн баталгаа Маягт БЗ-02"-ыг гуравдугаар хавсралтаар, "Шилжүүлэх акт Маягт БЗ-03"-ыг дөрөвдүгээр хавсралтаар, "Итгэмжлэл Маягт БЗ-04"-ийг тавдугаар хавсралтаар, "Мэдүүлэг хүлээн авсан тухай мэдэгдэл Маягт БЗ-05" зургаадугаар хавсралтаар, "Мэдүүлгийн улсын бүртгэлд бүртгэсэн тухай мэдэгдэл Маягт БЗ-06"-ыг долоодугаар хавсралтаар, "Мэдүүлгийн бүрдэл хангагдаагүй тухай мэдэгдэл Маягт БЗ-07" наймдугаар хавсралтаар, "Патентын мэдүүлгийг хэрэгсэхгүй болгосон тухай мэдэгдэл Маягт БЗ-08"-ыг есдүгээр хавсралтаар, "Бүтээгдэхүүний загварын мэдүүлэг салгах тухай хүсэлт Маягт БЗ-09"-ийг аравдугаар хавсралтаар, "Бүтээгдэхүүний загварын мэдүүлэг нэгтгэх тухай хүсэлт Маягт БЗ-10"-ыг арван нэгдүгээр хавсралтаар тус тус баталсугай.

2.Энэ журмын хэрэгжилтэд хяналт тавьж ажиллахыг Аж үйлдвэрийн өмчийн хэлтсийн дарга (С.Урангэрэл)-д үүрэг болгосугай.

ДАРГА Б.ЭНХСҮХ