МОНГОЛ УЛСЫН ЕРӨНХИЙЛӨГЧИЙН ЗАРЛИГ

2019 оны 03 дугаар сарын 13-ны өдөр

Дугаар 41

Төрийн ордон, Улаанбаатар хот

Цэргийн цол олгох журам батлах тухай

Монгол Улсын Үндсэн хуулийн Гучин дөрөвдүгээр зүйлийн 1 дэх хэсэг, Зэвсэгт хүчний тухай хуулийн 11 дүгээр зүйлийн 11.1.13 дахь заалтыг үндэслэн ЗАРЛИГ БОЛГОХ нь:

1. Цэргийн цол олгох журмыг хавсралт ёсоор шинэчлэн баталсугай.

2. Цэргийн цол олгох журмыг 2019 оны 04 дүгээр сарын 01-ний өдрөөс мөрдүүлэхийг Батлан хамгаалах яам /Н.Энхболд/, Зэвсэгт хүчний Жанжин штаб /Р.Сүхбат/, Хил хамгаалах ерөнхий газар /Ц.Сэргэлэн/, Дотоодын цэрэг /С.Баатаржав/, Онцгой байдлын ерөнхий газар /Т.Бадрал/, Тагнуулын ерөнхий газар /Д.Гэрэл/ нарт үүрэг болгосугай.

3. Энэ зарлиг гарсантай холбогдуулан Монгол Улсын Ерөнхийлөгчийн 2015 оны 12 дугаар сарын 08-ны өдрийн 181 дүгээр зарлигийг хүчингүй болсонд тооцсугай.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА