Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
ДОРНОГОВЬ АЙМАГ ДАЛАНЖАРГАЛАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2021 оны 12 дугаар сарын 16-ны өдөр
Дугаар 05/10
Даланжаргалан сум
МАЛЫН ТОО ТОЛГОЙН АЛБАН ТАТВАРЫН ХУВЬ ХЭМЖЭЭГ ТОГТООХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2 "д" дэх заалт, Захиргааны ерѳнхий хуулийн 64 дүгээр зүйлийн 64.1, Малын тоо толгойн албан татварын тухай хуулийн 6 дугаар зүйлийн 6.2, 6.4 дахь заалтуудыг тус тус үндэслэн сумын иргэдийн Тѳлѳѳлѳгчдийн Хурлаас ТОГТООХ нь:
1.Сумын иргэдийн нэг малын тоо толгойд ногдуулах жилийн албан татварын хувь хэмжээг адуу-300 (гурван зуу) тѳгрѳг, тэмээ-300 (гурван зуу) тѳгрѳг, үхэр-300 (гурван зуу) тѳгрѳг, хонь-100 (нэг зуу)тѳгрѳг, ямаа-100(нэг зуу)тѳгрѳг байхаар тус тус тогтоосугай .
2.Малын тоо толгойн албан татварыг батлагдсан хувь хэмжээний дагуу хуульд заасан хугацаанд орон нутгийн тѳсѳвт тѳвлѳрүүлж, зориулалтын дагуу зарцуулж, үр дүнг тайлагнаж ажиллахыг сумын Засаг дарга (Д.Бэхбат)-д үүрэг болгосугай.
3.Батлагдсан тогтоолыг Хууль зүйн яаманд бүртгүүлэх, тогтоолын хэрэгжилтэд хяналт тавьж ажиллахыг иргэдийн Тѳлѳѳлѳгчдийн Хурлын Нарийн бичгийн дарга (Ч.Соёл-Ундрах)-д даалгасугай.
4.Тус тогтоолыг Захиргааны хэм хэмжээний актын эмхтгэлд нийтэлсний дараа дагаж мѳрдсүгэй.
5.Энэхүү тогтоол гарсантай холбогдуулан сумын иргэдийн Тѳлѳѳлѳгчдийн Хурлын тэргүүлэгчдийн 2020 оны 12 дугаар сарын 16-ны ѳдрийн 02/07 дугаар тогтоолыг хүчингүй болгосонд тооцсугай.
ДАРГА Н.БОЛДБААТАР
ДОРНОГОВЬ АЙМАГ ДАЛАНЖАРГАЛАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ
2025 оны 8 дугаар сарын 08-ны өдөр
Дугаар 04/15
Цомог
МАЛЫН ТОО ТОЛГОЙД НОГДОХ ТАТВАРЫН ХУВЬ ХЭМЖЭЭГ ШИНЭЧЛЭН ТОГТООХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.3 дахь заалт, 22 дугаар зүйлийн 22.1.4 дэх заалт, 35 дугаар зүйлийн 35.1.10 дахь заалт, 48 дугаар зүйлийн 48.1, 48.2 дахь заалтууд, Захиргааны ерөнхий хуулийн 27 дугаар зүйл, 59 дүгээр зүйл, 62 дугаар зүйл, Малын тоо толгойн албан татварын тухай хуулийн 6 дугаар зүйлийн 6.2 дахь заалтыг тус тус үндэслэн сумын Иргэдийн Төлөөлөгчдийн Хурлаас ТОГТООХ нь:
1.Сумын малчид, мал бүхий иргэдийн нэг малын тоо толгойд ногдуулах жилийн албан татварын хувь хэмжээг тэмээ-0, адуу-300 (гурван зуу), үхэр-300 (гурван зуу), хонь-100 (нэг зуу), ямаа-100 (нэг зуу) төгрөг байхаар тус тус тогтоосугай.
2.Энэхүү тогтоол гарсантай холбогдуулан сумын Иргэдийн Төлөөлөгчдийн Хурлын төлөөлөгчдийн 2021 оны 12 дугаар сарын 16-ны өдрийн 05/10 дугаар тогтоол, сумын Иргэдийн Төлөөлөгчдийн Хурлын 2024 оны 04 дүгээр сарын 19-ний өдрийн 20/06 дугаар тогтоолыг тус тус хүчингүй болсонд тооцсугай.
3.Батлагдсан тогтоолыг Хууль зүйн яаманд бүртгүүлэн тогтоолын хэрэгжилтэд хяналт тавьж ажиллахыг сумын Иргэдийн Төлөөлөгчдийн Хурлын нарийн бичгийн даргын үүргийг хавсран гүйцэтгэгч (И.Уугантуяа)-д даалгасугай.
4.Тус тогтоолыг Захиргааны хэм хэмжээний актын эмхэтгэлд нийтлэгдсний дараа дагаж мөрдсүгэй.
ДАРГА Э.СҮХБААТАР
