ГОВЬ -АЛТАЙ АЙМАГ АЛТАЙ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2021 оны 12 дугаар сарын 10-ны өдөр

Дугаар 03

Баян-Овоо

МАЛЫН ТОО ТОЛГОЙН АЛБАН ТАТВАРЫН ХУВЬ ХЭМЖЭЭ ТОГТООХ ТУХАЙ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2-ын "Д" дэх заалт, 18.2 дахь хэсэг, Захиргааны ерөнхий хуулийн 64 дүгээр зүйлийн 64.1 дэх хэсэг, Малын тоо толгойн албан татварын тухай хуулийн 6 дугаар зүйлийн 6.1, 6.3 дахь заалтыг тус тус үндэслэн ТОГТООХ нь:

1.Ковид-19 цар тахал болон орон нутгийн байгаль цаг уурын хүндрэлтэй нөхцөл байдлыг харгалзан 2021 онд малчин, мал бүхий этгээдийн малын тоо толгойд ногдуулсан албан татварын хэмжээг төрөл тус бүр дээр "0" байхаар тогтоосугай.

2.Энэ тогтоолыг хуулийн хугацаанд багтаан Хууль зүй дотоод хэргийн яаманд хянуулж бүртгүүлэхийг иргэдийн Төлөөлөгчдийн Хурлын Тэргүүлэгчдийн нарийн бичгийн дарга (С.Амараа)-д үүрэг болгосугай.

3.Уг тогтоол гарсантай холбогдуулан сумын иргэдийн Төлөөлөгчдийн Хурлын 2020 оны 12 дугаар сарын 11-ний өдрийн 14 дүгээр тогтоолыг хүчингүй болгосугай.

ДАРГА П.ӨЛЗИЙСАЙХАН