Нүүр
Хүчингүй эрх зүйн акт 
Хавсралт 
Сонсох / Сонгосон утга сонсох
Pdf
Word
Хэвлэх
ТӨВ АЙМГИЙН БҮРЭН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ
2022 оны 3 дугаар сарын 4-ний өдөр
Дугаар 06
Баянтөхөм
Хог хаягдлын үйлчилгээний хураамжийн хэмжээг шинэчлэн тогтоох тухай
Сумын Засаг дарга Т.Түвшинбатын өргөн барьсан Хог хаягдлын үйлчилгээний хураамжийн хэмжээг шинэчлэн тогтоох тухай санал, шийдвэрийн төсөл, мэдээллийг хэлэлцээд, Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, 35.1.14 дэх заалт, 48 дугаар зүйлийн 48.1 дэх хэсэг, Хог хаягдлын тухай хуулийн 9 дүгээр зүйлийн 9.2.2, 41 дүгээр зүйлийн 41.1, 41.5, 41.6, 41.8 дахь заалт, Татварын тухай хуулийн 7 дугаар зүйлийн 7.2.21, 8 дугаар зүйлийн 8.4 дэх хэсгүүдийг тус тус үндэслэн Сумын Иргэдийн Төлөөлөгчдийн Хурлын хуралдаанаас ТОГТООХ нь:
1.Сумын нутаг дэвсгэрт мөрдөх хог хаягдлын үйлчилгээний хураамжийн хэмжээг шинэчлэн тогтоож хавсралтаар баталсугай.
2.Хог хаягдлын үйлчилгээний хураамжийг тухайн оны сар бүр өрх, аж ахуйн нэгж байгууллагаас хурааж, орон нутгийн орлогод төвлөрүүлэхэд онцгой анхаарч шат дараалалтай арга хэмжээг авч, удирдлага зохион байгуулалтаар хангаж ажиллахыг сумын Засаг дарга (Т.Түвшинбат)-д даалгасугай.
3.Тогтоолын хэрэгжилтэнд хяналт тавьж ажиллахыг сумын иргэдийн Төлөөлөгчдийн Хурлын Зөвлөлд үүрэг болгосугай.
4.Энэхүү тогтоол гарсантай холбогдуулан Иргэдийн Төлөөлөгчдийн Хурлын Тэргүүлэгчдийн 2013 оны 11 дүгээр сарын 19-ний өдрийн "Хог хаягдлын журам батлах тухай" 55 дугаар тогтоолыг хүчингүй болсонд тооцсугай.
ДАРГА С.ЭНХТҮВШИН
ТӨВ АЙМАГ БҮРЭН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2025 оны 3 дугаар сарын 19-ний өдөр
Дугаар 11
Баянтөхөм
ХОГ ХАЯГДЛЫН ҮЙЛЧИЛГЭЭНИЙ ХУРААМЖИЙН ХЭМЖЭЭГ ТОГТООХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, 35.1.14 дэх заалт, 48 дугаар зүйлийн 48.1 дэх хэсэг, Хог хаягдлын тухай хуулийн 9 дүгээр зүйлийн 9.2.2, 41 дүгээр зүйлийн 41.1, 41.5, 41.6, 41.8 дахь заалт, Татварын ерөнхий хуулийн 7 дугаар зүйлийн 7.2.23, 8 дугаар зүйлийн 8.4 дэх хэсэг, Төсвийн тухай хуулийн 23 дугаар зүйлийн 23.8.12 дахь заалт, Захиргааны ерөнхий хуулийн 64 дүгээр зүйлийн 64.1 дэх хэсгийг тус тус үндэслэн сумын иргэдийн Төлөөлөгчдийн Хурлын гуравдугаар хуралдаанаас ТОГТООХ нь:
1.Сумын нутаг дэвсгэрт мөрдөх хог хаягдлын үйлчилгээний хураамжийн хэмжээг тогтоож хавсралтаар баталсугай.
2.Хог хаягдлын үйлчилгээний хураамжийг тухай оны сар бүр өрх, аж ахуйн нэгж байгуулгаас хурааж, орон нутгийн орлогод төвлөрүүлэхэд онцгой анхаарч шат дараалалтай арга хэмжээг авч, удирдлага зохион байгуулалтаар хангаж ажиллахыг сумын Засаг дарга (Д.Эрдэнээ)-д даалгасугай.
3.Тогтоолыг Хууль зүй, дотоод хэргийн яаманд хүргүүлж, захиргааны хэм хэмжээний актыг улсын нэгдсэн санд бүртгүүлэхийг иргэдийн Төлөөлөгчдийн хурлын нарийн бичгийн дарга (Ц.Доржпалам)-д даалгасугай.
4.Тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн хурлын Байгаль орчин, газар, Хүнс, Хөдөө аж ахуйн бодлогын хороонд үүрэг болгосугай.
5.Энэхүү тогтоол гарсантай холбогдуулан Сумын иргэдийн Төлөөлөгчдийн Хурлын 2022 оны 03 дугаар сарын 04-ний өдрийн 06 дугаар тогтоолыг хүчингүй болсонд тооцсугай.
ДАРГА Ж.ТҮМЭНЖАРГАЛ
