A

A

A

Бүлэг: 1979

ЭРҮҮЛ МЭНДИЙН ДААТГАЛЫН ҮНДЭСНИЙ ЗӨВЛӨЛИЙН ТОГТООЛ

2022 оны 3 дугаар сарын 23-ны өдөр

Дугаар 05

Улаанбаатар хот

ТӨЛБӨРИЙН ХЭМЖЭЭ, ТӨЛБӨРИЙН АРГА, ЖУРАМ ШИНЭЧЛЭН БАТЛАХ ТУХАЙ

Эрүүл мэндийн даатгалын тухай хуулийн 9 дүгээр зүйлийн 9.1.9, 9.1.13, 11 дүгээр зүйлийн 11.2, 14 дүгээр зүйлийн 14.8.6 дахь заалт, Эмнэлгийн тусламж, үйлчилгээний тухай хуулийн 17 дугаар зүйл, Эрүүл мэндийн тухай хуулийн 24 дүгээр зүйлийн 24.6.10 дахь заалтуудыг тус тус үндэслэн ТОГТООХ нь:

1."Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээний төлбөрийн хэмжээ"-г нэгдүгээр, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг санхүүжүүлэх төлбөрийн арга"-ыг хоёрдугаар, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг эрүүл мэндийн даатгалын сангаас санхүүжүүлэх, хяналт тавих журам"-ыг гуравдугаар хавсралтаар тус тус баталсугай.

2.Тогтоолыг хэрэгжүүлэхтэй холбоотой Эрүүл мэндийн яамны Төрийн нарийн бичгийн дарга (Ц.Эрдэмбилэг)-д ДААЛГАХ нь:

2.1.Холбогдох дүрэм, журам, тусламж, үйлчилгээний жагсаалт шинэчлэн батлуулах;

2.2.Аймаг, нийслэлийн засаг дарга, аймаг, нийслэлийн эрүүл мэндийн газарт өрхийн эрүүл мэндийн төвийг сонгон шалгаруулах, өрх, сум, тосгоны эрүүл мэндийн төвтэй гүйцэтгэлийн гэрээ байгуулж, хэрэгжилтийг хангаж ажиллахыг чиглэл болгох;

2.3.Өрх, сум, тосгоны эрүүл мэндийн төвийн цахим системийг боловсронгуй болгож, эрүүл мэндийн даатгалын цахим системд бодит цагийн горимоор холбох арга хэмжээг авч ажиллах;

3.Тогтоол батлагдсантай холбогдуулан дараах арга хэмжээг тус тус хэрэгжүүлэхийг Эрүүл мэндийн даатгалын ерөнхий газар (Л.Бямбасүрэн)-т ДААЛГАХ нь:

3.1.Нийт өрх, сум, тосгоны эрүүл мэндийн байгууллагуудтай тусламж, үйлчилгээ худалдан авах гэрээ байгуулах;

3.2.Өрх, сум, тосгоны эрүүл мэндийн төвөөс үзүүлж буй тусламж, үйлчилгээний нэхэмжлэлд тавигдах чанар, төлбөрийн хяналтын шалгуур бий болгон явцын болон гүйцэтгэлийн хяналтыг хийх;

3.3.Анхан шатны эрүүл мэндийн байгууллагуудын нэг иргэнээр тооцсон нормативт төсвийг 2022 оны батлагдсан төсвийн хязгаарт багтаан, 1 дүгээр улиралд үзүүлсэн суурь тусламж, үйлчилгээний гүйцэтгэлийг шинэчилсэн төлбөрийн хэмжээгээр тооцож, хяналт тавьж олгох, цаашид журмын 3.11.3-т заасныг үндэслэн сар бүр санхүүжүүлэх;

3.4.Эрүүл мэндийн даатгалын цахим програм хангамжид холбогдох нэмэлт өөрчлөлтийг оруулах;

3.5.Өрх, сум, тосгоны эрүүл мэндийн төвөөс үзүүлсэн тусламж, үйлчилгээний гүйцэтгэлийн тоо мэдээлэл болон нэхэмжлэлийг бодит цагийн горимоор хүлээн авч холбогдох эрх зүйн хүрээнд тусламж, үйлчилгээг худалдан авах;

4.Эрүүл мэндийн хөгжлийн төв (Б.Нарантуяа)-д ДААЛГАХ нь:

4.1.Холбогдох програм хангамжид нэмэлт, өөрчлөлт оруулах, өрх, сум, тосгоны эрүүл мэндийн төвүүдэд дэмжлэг, туслалцаа үзүүлэх;

5.Өрх, сум, тосгоны эрүүл мэндийн төвийн дарга нарт үүрэг БОЛГОХ нь:

5.1.Эрүүл мэндийн тусламж, үйлчилгээний хяналт, санхүүжилт, төлбөр тооцооны програм, цахим системийг бодит цагийн горимд шилжүүлж, иргэнд чанартай эрүүл мэндийн тусламж, үйлчилгээг чирэгдэлгүй үзүүлэх;

6.Энэхүү тогтоол батлагдсантай холбогдуулан Эрүүл мэндийн даатгалын үндэсний зөвлөлийн 2019 оны "Журам жагсаалт, төлбөрийн хэмжээг шинэчлэх батлах тухай" 23 дугаар тогтоол, 2020 оны "Тогтоолд нэмэлт, өөрчлөлт оруулах тухай" 14 дүгээр тогтоол, 2021 оны "Төлбөрийн хэмжээ, төлбөрийн арга, журам шинэчлэн батлах тухай" 04 дүгээр тогтоолуудыг тус тус хүчингүй болсонд тооцсугай.

7.Тогтоолын хэрэгжилтэд хяналт тавьж ажиллахыг Эрүүл мэндийн даатгалын үндэсний зөвлөлийн ажлын алба (Л.Номин)-нд даалгасугай.

ДАРГА С.ЭНХБОЛД

ЭРҮҮЛ МЭНДИЙН ДААТГАЛЫН ҮНДЭСНИЙ ЗӨВЛӨЛИЙН ТОГТООЛ

2023 оны 06 дугаар сарын 28-ны өдөр

Дугаар 06

Улаанбаатар хот

ТӨЛБӨРИЙН ХЭМЖЭЭ, ТӨЛБӨРИЙН АРГА, ЖУРАМ ШИНЭЧЛЭН БАТЛАХ ТУХАЙ

Эрүүл мэндийн даатгалын тухай хуулийн 9 дүгээр зүйлийн 9.1.9, 9.1.13 дахь заалт, 11 дүгээр зүйлийн 11.2 дахь хэсэг, 14 дүгээр зүйлийн 14.8.6 дахь заалт, Эмнэлгийн тусламж, үйлчилгээний тухай хуулийн 17 дугаар зүйл, Эрүүл мэндийн тухай хуулийн 24 дүгээр зүйлийн 24.6.10 дахь заалтуудыг тус тус үндэслэн ТОГТООХ нь:

1."Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээний төлбөрийн хэмжээ"-г нэгдүгээр, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг санхүүжүүлэх төлбөрийн арга"-ыг хоёрдугаар, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг эрүүл мэндийн даатгалын сангаас санхүүжүүлэх, хяналт тавих журам"-ыг гуравдугаар хавсралтаар тус тус баталсугай.

2.Энэхүү тогтоолыг хэрэгжүүлэхтэй холбоотой Эрүүл мэндийн яамны Төрийн нарийн бичгийн дарга (С.Төгсдэлгэр)-т даалгах нь:

2.1.Өрх, сум, тосгоны эрүүл мэндийн төвөөс үзүүлэх тусламж, үйлчилгээтэй холбогдох дүрэм, журам, тусламж, үйлчилгээний жагсаалтыг шинэчлэн батлуулах арга хэмжээг авч хэрэгжүүлэх;

2.2."Журам, гэрээний загвар, шалгуур үзүүлэлт батлах тухай" тушаалыг шинэчлэн батлах, чиглэлийг холбогдох байгууллагуудад хүргүүлэх;

2.3."Сум, тосгоны эрүүл мэндийн төвийн зардлын хязгаар, зарцуулах журам" батлуулах;

2.4.Санхүүгийн хүндрэлд орсон сум, тосгоны эрүүл мэндийн төвийн 2023 оны 07 дугаар сарын 01-ний өдрийг хүртлэх хугацаанд үүссэн өр төлбөрийн шалтгааныг судлан, зайлшгүй шийдэх өр төлбөрийг Эрүүл мэндийн сайдын багцаас гаргах, цаашид үйл ажиллагаагаа хэвийн явуулах нөхцөлийг хангуулах;

3.Энэхүү тогтоол батлагдсантай холбогдуулан дараах арга хэмжээг тус тус хэрэгжүүлэхийг Эрүүл мэндийн даатгалын ерөнхий газар (Л.Бямбасүрэн)-т даалгах нь:

3.1.Нийт өрх, сум, тосгоны эрүүл мэндийн байгууллагуудтай тусламж, үйлчилгээ худалдан авах гэрээг шинэчлэн байгуулах;

3.2.Өрх, сум, тосгоны эрүүл мэндийн төвөөс үзүүлж буй тусламж, үйлчилгээний нэхэмжлэлд тавигдах чанар, төлбөрийн хяналтын шалгуур бий болгож нэхэмжлэлийн хяналтыг хийх;

3.3.Эрүүл мэндийн даатгалын цахим програм хангамжид холбогдох нэмэлт өөрчлөлтийг оруулах;

3.4.Өрх, сум, тосгоны эрүүл мэндийн төвөөс үзүүлсэн тусламж, үйлчилгээний гүйцэтгэлийн тоо мэдээлэл болон нэхэмжлэлийг бодит цагийн горимоор хүлээн авч холбогдох эрх зүйн хүрээнд тусламж, үйлчилгээг худалдан авах;

3.5.Тогтоолоор батлагдсан журмыг сурталчлан таниулах, хэрэгжилтийг хангах сургалтыг холбогдох байгууллагуудыг оролцуулан зохион байгуулах;

4.Өрх, сум, тосгоны эрүүл мэндийн төвийн дарга нарт үүрэг болгох нь:

4.1.Эрүүл мэндийн тусламж, үйлчилгээний хяналт, санхүүжилт, төлбөр тооцооны програм, цахим системийг бодит цагийн горимд шилжүүлж, иргэнд чанартай эрүүл мэндийн тусламж, үйлчилгээг чирэгдэлгүй үзүүлэх;

5.Энэхүү тогтоол батлагдсантай холбогдуулан Эрүүл мэндийн даатгалын Үндэсний зөвлөлийн 2022 оны "Төлбөрийн хэмжээ, төлбөрийн арга, журам шинэчлэн батлах тухай" 05 дугаар тогтоолыг хүчингүй болсонд тооцсугай.

6.Тогтоолын хэрэгжилтэд хяналт тавьж ажиллахыг Эрүүл мэндийн даатгалын Үндэсний зөвлөлийн ажлын алба (Т.Батмөнх)-д даалгасугай.

ДАРГА С.ЧИНЗОРИГ