Шүүхийн ерөнхий зөвлөлийн дарга,

Эрүүл мэндийн сайдын 2022 оны 75, А/205

дугаар хамтарсан тушаалын хавсралт

ШҮҮГЧЭЭР  АЖИЛЛАХАД ХАРШЛАХ

ӨВЧНИЙ ЖАГСААЛТ

 1.Шүүгчээр  ажиллахад харшлах өвчинд дараах өвчин, эмгэг хамаарна:

1.1.Сэтгэц, зан үйлийн эмгэг

1.1.1.Сэтгэцийн органик ба шинж тэмдгийн эмгэг:

    1.1.1.1.альцгеймерийн өвчний үеийн тэнэгрэл F00;

   1.1.1.2.судасны өвчний тэнэгрэл F01;

   1.1.1.3.бусад бүлэгт ангилагдсан өвчний үе дэх тэнэгрэл F02.

1.1.2.Тархины гэмтэл ба үйлийн хямрал бие махбодийн өвчний шалтгаант сэтгэцийн эмгэг: 

1.1.2.1.органик тогтонгишсон хий үзэгдэл F 06.0;

1.1.2.2.органик кататоник эмгэг F06.1;

1.1.2.3.органик дэмийрлийн (шизофрени төст) эмгэг F06.2;

1.1.2.4.органик сэтгэлийн хөдөлгөөний эмгэг F06.3.

1.1.3.Тархины өвчин, гэмтэл үйл ажиллагааны хямралын шалтгаант бие хүний зан үйлийн бусад эмгэг F07.8;

1.1.4.Сэтгэц идэвхит эм, бодисын шалтгаант сэтгэц зан үйлийн эмгэг:

1.1.4.1.архины шалтгаант ухамсарт ухаан балартал бүхий шартах хам шинж F10.4;

1.1.4.2.архины шалтгаант солиорох эмгэг F10.5;

1.1.4.3.архины шалтгаант ойгүйдлийн хам шинж F10.6; 

1.1.4.4.опиоидын шалтгаант сэтгэц, зан үйлийн эмгэг F11;

1.1.4.5.каннабинойдын шалтгаант сэтгэц, зан үйлийн эмгэг F12; 

1.1.4.6.тайвшруулах, нойрсуулах эмийн шалтгаант сэтгэц, зан үйлийн эмгэг F13;

1.1.4.7.кокайны шалтгаант сэтгэц, зан үйлийн эмгэг F14;

1.1.4.8.сэргээгч эм бодисын шалтгаант сэтгэц, зан үйлийн эмгэг F15;

1.1.4.9.хий үзэгдэл үүсгэгч бодисын шалтгаант сэтгэц, зан үйлийн эмгэг F16; 

1.1.4.10.дэгдэмхий уусгагч бодисын шалтгаант сэтгэц, зан үйлийн эмгэг F18; 

1.1.4.11.олон төрлийн сэтгэц идэвхт бодисын шалтгаант сэтгэц, зан үйлийн эмгэг F19.

1.1.5.Шизофрени, шизофренийн хэв шинжит ба дэмийрэх эмгэг:

1.1.5.1.хий үзэгдэл дэмийрлийн хэлбэрийн шизофрени F20.0;

1.1.5.2.хүүхдэрхэх хэлбэрийн шизофрени F20.1;

1.1.5.3.кататоник хэлбэрийн шизофрени F20.2;

1.1.5.4.үл ялгагдах шизофрени F20.3;

1.1.5.5.шизофренийн дараах сэтгэл гутрал F20.4; 

1.1.5.6.үлдэц хэлбэрийн шизофрени F20.5;

1.1.5.7.энгийн хэлбэрийн шизофрени F20.6;

1.1.5.8.шизофренийн хэв шинжит эмгэг F21; 

1.1.5.9.байнга дэмийрэх эмгэгүүд F22.

1.1.6.Шизоаффектив эмгэг:

1.1.6.1.шизоаффектив эмгэгийн сэтгэл хөөрөх хэлбэр F25.0;

1.1.6.2.шизоаффектив эмгэгийн сэтгэл гутрах хэлбэр F25.1;

1.1.6.3.шизоаффектив эмгэгийн сэтгэл холимог хэлбэр F25.2.

1.1.7.Сэтгэл цочирдлын хоёр туйлт эмгэг:

1.1.7.1.сэтгэл хөөрөх эмгэг F30;

1.1.7.2.хоёр туйлт сэтгэл цочирдох эмгэг F31;

1.1.7.3.сэтгэл гутрах тохиол F32;

1.1.7.4.сэтгэл гутрах дахилтат эмгэг F33.

1.1.8.Стресстэй холбоотой неврозын болон биеийн хэлбэрийн эмгэг:

1.1.8.1.айдаст сэтгэл түгших эмгэг F40;

1.1.8.2.дасан зохицохуйн эмгэг F43;

1.1.8.3.диссоциатив эмгэг F44.

1.1.9.Насанд хүрэгчдийн бие хүний зан үйлийн эмгэг:

1.1.9.1.бие хүний паранойд эмгэг F60.0;

1.1.9.2.бие хүний шизойд эмгэг F60.1;

1.1.9.3.бие хүний диссоциаци эмгэг F60.2;

1.1.9.4.бие хүний сэтгэлийн хөдөлгөөний тогтворгүй эмгэг F60.3;

1.1.9.5.бие хүний истерийн эмгэг F60.4;

1.1.9.6.бие хүний сэтгэл түгших эмгэг F60.5;

1.1.9.7.бие хүний хараат эмгэг F60.7; 

1.1.9.8.бие хүний холимог болон бусад эмгэг F61.

1.1.10.Оюуны хомсдолын эмгэг:

1.1.10.1.оюуны хөнгөн хомсдол F70;

1.1.10.2.оюуны хүндэвтэр хомсдол F71.

1.2.Чих, хамар, хоолойн эмгэг

1.2.1.олдмол дүлий үед /2 чихний сонсгол 90 дБ-ээс дээш бууралттай бол/ хэлтэй бол H90.3;

1.2.2.төрөлхийн таг дүлий /хэлгүй бол/ H91.3.

1.3.Мэдрэлийн өвчин

1.3.1.Тархины эмгэг:

1.3.1.1.тархины харвалтын (инсульт) үлдэц урхаг, судасны мэс заслын дараах ба тархины судасны эмгэгийн уршиг I60, I61, I62, I63, I67.3, I67.4, I69;

1.3.1.2.тархмал хатуурал, түүнтэй төстэй тархи нугасны аутоиммун шалтгаант үрэвслийн үлдэц урхаг  /оптикомиелит Девик, Бехчетийн өвчин, нейросаркоидоз, системийн коллагенозын ТМТ-ны хэлбэр гэх мэт/ G35-G37;

1.3.1.3.төв мэдрэлийн тогтолцооны   үрэвслийн  дараах урхаг үлдэц (нян, вирус, мөөгөнцөр, шимэгч хорхойн) шалтгаант менингит, менингоэнцефалит, тархи буюу нугасны буглаа, ДОХ-ын шалтгаант ТМТ-ны  үрэвсэл, нейроборрелиоз г.м.) G00-G09;

1.3.1.4.тархины хавдрын урхаг үлдэц  /мэс засал, хими ба туяа эмчилгээний дараах байдал/ G97, C71, C72, D33;

1.3.1.5.гавал-тархины гэмтлийн үлдэц урхаг) G91.3 G93.0 G93.49;

1.3.1.6.хөдөлгөөний эмгэг /Паркинсоны өвчин, паркинсонизм, дистони/ G20-G25;

1.3.1.7.төв мэдрэлийн тогтолцооны  сөнөрөлт эмгэг /Хентингтоны хорей [ХХ], Фридрейхийн атакси [ФА], нугас-багатархины атакси [НБА], нугас-булчингийн хатангирал [НБХ], хажуугийн хатангирал хатуурал [ХХХ]/ G11-G14.

1.3.2.Нугасны эмгэг:

1.3.2.1.нугасны гэмтэл /нугасны харвалт, дарагдал, үрэвсэл г.м/ G09, G95.

1.3.3.Полиневропати, захын мэдрэлийн эмгэг:

1.3.3.1.полиневропатийн үлдэц урхаг (удмын [Шарко-Мари-Тут ба бусад], үрэвслийн дараах үлдэц байдал [зостер, боррелиоз, ДОХ- ын халдвар], аутоиммун шалтгаант [Гийен- Барре хамшинж, коллагеноз, васкулит], бодисын солилцооны шалтгаант [чихрийн шижин], хордлогын шалтгаант [архины, хүнд металлын, органик уусмалын], паранеопластик шалтгаант [уушгины карцином] G60, G61, G62, G65, G13.

1.3.4.Булчин, мэдрэл-булчингийн синапсын  эмгэг:

1.3.4.1.мэдрэл-булчингийн синапсын ба булчингийн эмгэг /миастени гравис [МГ], миодистрофи [МД], миотонийн эмгэгүүд [МТ], полимиозитийн [ПМ] дараах үлдэц урхаг/ G70-G72;

1.3.4.2.органик үлдэц бүхий тархи эмгэгшил /энцефалопати/ G80-G82;

1.3.4.3.тархи, нугасны гаж хөгжил, гидроцефали, нугас хөндийтөл /сирингомиели/ Арнольд-Киарын гажиг, ивэрхий G91 Q07.0 G95.0.

1.4.Мэдрэлийн эмгэгийн оношийг баталгаажуулахдаа Бартелын индексээр үнэлж үнэлгээний оноо ≤15 оноотой тохиолдолд шүүгчээр ажиллахад харшилна, 15 оноотой тохиолдолд мэргэжлийн эмч нарын 3 ба түүнээс дээш бүрэлдэхүүнтэй комиссын дүгнэлтийг үндэслэнэ.

1.5.Шүүгчээр ажиллахад харшлах өвчний жагсаалтыг  шүүгчийн албан тушаалд нэр дэвшигчийн эрүүл мэндийг тодорхойлоход үндэслэл болгоно.   

1.6.Энэ жагсаалтыг зөрчсөн этгээдэд холбогдох хуульд заасан  хариуцлага хүлээлгэнэ.