ОРОН НУТГИЙН ТӨСӨВТ АШИГТ МАЛТМАЛ, ГАЗРЫН ТОСНЫ ХАЙГУУЛ, ОЛБОРЛОЛТ ЭРХЭЛДЭГ АЖ АХУЙН НЭГЖЭЭС ТӨВЛӨРҮҮЛСЭН АЛБАН ТАТВАР, ТӨЛБӨР, ХУРААМЖИЙН БОЛОН БУСАД ОРЛОГЫН 20…. ОНЫ ТАЙЛАН (З-ОҮИТБС-3) МАЯГТ НӨХӨХ ЗААВАР

 Нутгийн захиргааны байгууллага нь ашигт малтмал, газрын тосны хайгуул, олборлолтын үйл ажиллагаа эрхэлдэг аж ахуйн нэгжээс төвлөрүүлсэн албан татвар, төлбөр, хураамж, үйлчилгээний хөлс, хандив дэмжлэгийг энэ тайлангаар гаргана.

 Энэхүү санаачилгын тайлан нь олборлох үйлдвэрлэлийн аж ахуйн нэгжүүдээс орон нутагт оруулж буй хувь нэмрийг иргэддээ мэдээлэх, Монгол Улсын олборлох үйлдвэрлэлийн ил тод байдлын санаачилгын Засгийн газрын тайланг үнэн зөв гаргах үндэслэл болно.

 Аймаг, нийслэлийн Засаг даргын тамгын газар харьяа сум, дүүргээс тайланд холбогдох мэдээллийг гаргуулан, нэгтгэж төрийн аудитаар баталгаажуулан 4 дугаар сарын 15-ны дотор ашигт малтмал, газрын тосны хайгуул, олборлолт эрхэлдэг аж ахуйн нэгжийн тайланг ОҮИТБС-ын Цахим тайлагналын системээр Олборлох үйлдвэрлэлийн ил тод байдлын санаачилгын ажлын албанд илгээнэ.

I.1 ТАТВАР, ХУРААМЖ ХҮЛЭЭН АВАГЧ БАЙГУУЛЛАГЫН ХАЯГИЙН ХЭСЭГ -т тухайн татвар, хураамж, хүлээн авагч байгууллагын холбогдох хаягийн хэсгийг нөхнө.

I.2 ТАТВАР, ХУРААМЖ ТӨЛӨГЧ АЖ АХУЙН НЭГЖИЙН МЭДЭЭЛЭЛ хэсэгт орон нутгийн төсөвт татвар, хураамж төвлөрүүлсэн аж ахуйн нэгжийн нэр, регистрийн мэдээллийг нөхнө.               

II. ҮНДСЭН МЭДЭЭЛЭЛ

1. ОРОН НУТГИЙН ТӨСӨВТ ТӨВЛӨРҮҮЛСЭН АЛБАН ТАТВАР, ТӨЛБӨР, ХУРААМЖ, НОГДОЛ АШИГ.

Ашигт малтмал, газрын тосны хайгуул, олборлолтын үйл ажиллагаа эрхэлдэг аж ахуйн нэгжээс орон нутгийн төсөвт төвлөрүүлсэн албан татвар, төлбөр, хураамж, ногдол ашгийг зохих нэр, ангиллын дагуу нөхнө. Хэрвээ орон нутгийн татварын байгууллагад татвар хоорондын суутган хийсэн бол түүний талаарх тайлбарыг тайланд заавал хавсаргана.

 1.1 ТӨВЛӨРҮҮЛСЭН АЛБАН ТАТВАР. Тухайн жилд орон нутгийн төвлөрүүлсэн татварыг маягтад заасан нэр төрөл бүрээр ангилан нөхнө.

1.2 ТӨВЛӨРҮҮЛСЭН ТӨЛБӨР, УРАМШУУЛАЛ. Тухайн жилд орон нутгийн төвлөрүүлсэн төлбөрийг маягтад заасан нэр төрөл бүрээр ангилан нөхнө.

1.3 ОРОН НУТГИЙН ТӨРИЙН ӨМЧИЙН НОГДОЛ АШИГ. Орон нутгийн төрийн өмчийн оролцоотой болон төрийн өмчит аж ахуйн нэгжээс тухайн жилд орон нутагт төлсөн ногдол ашгийг оруулна. Энэ хэсэг нь орон нутгийн өмчийн оролцоогүй, төрийн байгууллагатай ногдол ашиг өгөх гэрээ хийгээгүй аж ахуйн нэгжид хамаарахгүй.

1.4 БУСАД. Энэ мөрөнд орон нутгийн төсөвт төлсөн бүх төрлийн торгууль, 1.4.2-д нөхөн төлбөрийг нөхнө.

1.4.3 БАЙГАЛЬ ХАМГААЛАХ ЗАРДЛЫН 50 ХУВИЙГ ТУСГАЙ ДАНСАНД ТӨВЛӨРҮҮЛСЭН ХЭМЖЭЭ. "Ашигт малтмалын тухай" Монгол Улсын хуулийн 39.1.9-д заасны дагуу байгаль орчны асуудал хариуцсан төрийн захиргааны төв байгууллагаас нээсэн тусгай дансанд байгаль орчныг хамгаалах арга хэмжээг хэрэгжүүлэхэд шаардагдах тухайн жилийн зардлын 50 хувьтай тэнцэх хэмжээний мөнгөн хөрөнгийг байршуулсан дүнг нөхнө.

2. НУТГИЙН ЗАХИРГААНЫ БАЙГУУЛЛАГАД ТӨВЛӨРҮҮЛСЭН ХАНДИВ, ДЭМЖЛЭГ, ЗАРЦУУЛАЛТЫН МЭДЭЭ.

Монгол Улсын Сангийн сайдын 2010 оны 3 дугаар сарын 1- ны 45 тоот тушаалаар батлагдсан "Хандив тусламжийг бүртгэх журам"- ын дагуу орон нутагт төвлөрүүлсэн дэмжлэг, тусламжийг бүртгэж тайлагнана. Бүрдүүлэх баримт бичигт хандив, тусламжийг олгосон олборлох үйлдвэрлэл эрхэлдэг аж ахуйн нэгж, нутгийн захиргааны байгууллагын хооронд байгуулсан гэрээ, тэмдэглэл, тусламж хүлээлгэн өгсөн, төвлөрүүлсэн анхан шатны акт баримтыг хавсаргана. Зарцуулалтын тайланг давхар хавсаргана. Ямар нэгэн баримт бичиггүй мөнгө, хөрөнгө хүлээн авч зарцуулсан бол түүнийг мөн тайлагнах үүрэгтэй.

Санаачилгын тайланд аудитын дүгнэлт гаргахад тайланд ороогүй зүйл илэрвэл авилгын асуудал яригдах учир аливаа хүлээн авсан албан татвар, төлбөр, хураамж, дэмжлэг бүхнээ тайлагнах нь энэхүү тайлангийн зорилго болохыг тайлан гаргагч байгууллага, ажилтан анхаарч ажиллана уу.

2.1. Нутгийн захиргааны байгууллагад төвлөрүүлсэн хандив, дэмжлэг.

Байгууллагын төрөл нь яам бол 1, агентлаг бол 2, аймаг бол 3, нийслэл бол 4, сум бол 5, дүүрэг бол 6 гэж багана Б-д нөхнө.

Хэлбэр нь мөнгөн  бол 1, мөнгөн бус бол 2 гэсэн кодыг нөхнө. Биет хэлбэр (мөнгөн бус)-ээр өгсөн хандив, дэмжлэгийг тухайн үеийн зах зээлийн дундаж үнээр үнэлнэ. 

Төрөл нь бэлэг бол 1, хандив бол 2, хариу төлбөргүй үйлчилгээ бол 3 гэсэн кодыг нөхнө.

Зорилго-ыг тодорхой бичнэ.   

Зориулалт нь боловсролын үйл ажиллагаанд бол 1, соёлын арга хэмжээнд бол 2, эрүүл мэндийн үйл ажиллагаанд бол 3 кодыг нөхнө. Хандив, дэмжлэгийн хэмжээг мөнгөн дүнгээр илэрхийлж, багана 1-д нөхнө.    

2.2. Нутгийн захиргааны байгууллагад төвлөрсөн хандив, дэмжлэгийн зарцуулалт.

Зарцуулалтын зорилго нь тусламж бол 1, дотоод хэрэгцээнд бол 2, чадавхи нэмэгдүүлэх бол 3, бусад зорилгоор бол 4 кодыг 4 дүгээр баганад нөхнө.

Зарцуулалтын зориулалт нь боловсролын үйл ажиллагаанд бол 1, соёлын арга хэмжээнд бол 2, эрүүл мэндийн үйл ажиллагаанд бол 3, бусад бол 4 кодыг нөхнө.

Зарцуулалтын нийт хэмжээг 1 дүгээр баганад мөнгөн дүнг худалдан авсан үнээр нөхнө.

Хандиваар худалдан авсан бүтээгдэхүүн, үйлчилгээний нэрийг 2 дугаар баганад нөхнө.

Хандиваар худалдан авсан бүтээгдэхүүн, үйлчилгээний нэгж үнийг 3 дугаар баганад нөхнө.

III. САЙН ДУРЫН МЭДЭЭЛЭЛ

3. ТӨВЛӨРҮҮЛСЭН ХУРААМЖ, ҮЙЛЧИЛГЭЭНИЙ ХӨЛС, ТӨВЛӨРҮҮЛСЭН ТӨЛБӨР. Зохих хууль тогтоомжийн дагуу аж ахуйн нэгжээс төвлөрүүлсэн хураамж, үйлчилгээний хөлсийг орон нутгийн төсөвт төвлөрүүлсэн тэмдэгтийн хураамж, нутгийн захиргааны байгууллагад төвлөрүүлсэн үйлчилгээний хөлс гэж салган зохих мөрөнд нөхнө.

4. ТӨРИЙН БУС БАЙГУУЛЛАГА, ИРГЭД, БУСАД БАЙГУУЛЛАГЫН ХҮЛЭЭН АВСАН ХАНДИВ, ДЭМЖЛЭГ

Төрийн бус байгууллага, иргэд, бусад аж ахуйн нэгжид өгсөн бүх төрлийн мөнгөн ба мөнгөн бус хандив, дэмжлэгийг нөхнө. Хандив хүлээн авсан байгууллагын нэрийг багана А-д нөхнө.

Хандив, дэмжлэг хүлээн авагчийн төрөл нь төрийн бус байгууллага бол 1, бусад байгууллага бол 2, иргэн бол 3 гэж багана Б-д нөхнө.  

Хэлбэр нь мөнгөн  бол 1, мөнгөн бус бол 2 гэсэн кодыг нөхнө. Биет хэлбэр (мөнгөн бус)-ээр өгсөн хандив, дэмжлэгийг тухайн үеийн зах зээлийн дундаж үнээр үнэлнэ. 

Төрөл нь бэлэг бол 1, хандив бол 2, хариу төлбөргүй үйлчилгээ бол 3 гэсэн кодыг нөхнө.

Зорилго-ыг тодорхой бичнэ.   

Зориулалт нь боловсролын үйл ажиллагаанд бол 1, соёлын арга хэмжээнд бол 2, эрүүл мэндийн үйл ажиллагаанд бол 3 кодыг нөхнө. Хандив, дэмжлэгийн хэмжээг мөнгөн дүнгээр илэрхийлж, багана 1-д нөхнө.    

Монголын олборлох үйлдвэрлэлийн ил тод байдлын

санаачилгын ажлын алба

Утас: (976)-70110525,

Факс: (976)-70110155

АШИГТ МАЛТМАЛ, ГАЗРЫН ТОСНЫ ХАЙГУУЛ, ОЛБОРЛОЛТ ЭРХЭЛДЭГ АЖ АХУЙН НЭГЖЭЭС ТӨРИЙН ЗАХИРГААНЫ ТӨВ БАЙГУУЛЛАГА БОЛОН БУСАД ТӨСӨВТ БАЙГУУЛЛАГАД ТӨВЛӨРҮҮЛСЭН АЛБАН ТАТВАР, ХУРААМЖ, БУСАД ОРЛОГЫН 20.... ОНЫ ТАЙЛАН (З-ОҮИТБС-4) МАЯГТ НӨХӨХ ЗААВАР

Олборлох үйлдвэрлэл эрхэлдэг аж ахуйн нэгжээс төвлөрүүлсэн татвар, төлбөр, хураамж, ногдол ашиг, хандив, дэмжлэгийн тайланг дараах зааврыг баримтална.

Тайланг дараа оны 5 дугаар сарын 1-ний дотор ашигт малтмал, газрын тосны хайгуул, олборлолт эрхэлдэг аж ахуйн нэгж бүрээр тайланг гаргаж, төрийн аудитын байгууллагаар баталгаажуулан ОҮИТБС-ын Цахим тайлагналын системээр Олборлох үйлдвэрлэлийн ил тод байдлын санаачилгын ажлын албанд илгээнэ.

I.1 ТАТВАР, ХУРААМЖ ХҮЛЭЭН АВАГЧ БАЙГУУЛЛАГЫН ХАЯГИЙН ХЭСЭГ-т тухайн татвар, хураамж, хүлээн авагч байгууллагын холбогдох хаягийн хэсгийг нөхнө.

I.2 ТАТВАР, ХУРААМЖ ТӨЛӨГЧ АЖ АХУЙН НЭГЖИЙН МЭДЭЭЛЭЛ хэсэгт орон нутгийн төсөвт татвар, хураамж төвлөрүүлсэн аж ахуйн нэгжийн нэр, регистрийн мэдээллийг нөхнө.               

II. ҮНДСЭН МЭДЭЭЛЭЛ

1. Төвлөрүүлсэн албан татвар, төлбөр, хураамж, ногдол ашиг

Энэ хэсэгт зөвхөн улсын төсөвт төвлөрүүлсэн албан татвар, төлбөр, хураамж, ногдол ашгийг маягтад бичсэн төрөл ангиар ялган нягтлан бодохын мөнгөн суурьтай үнэлгээгээр гаргана.

1.1.1 АЖ АХУЙН НЭГЖИЙН ОРЛОГЫН АЛБАН ТАТВАР. Аж ахуйн нэгжийн жилийн төвлөрүүлсэн татварыг нөхнө. Энэ татварт дараах орлогоос төвлөрүүлсэн татвар орно. Үүнд:

 -Ногдол ашгийн орлого,

 -Эрхийн шимтгэлийн орлого,

 -Хүүгийн орлого,

 -Эрх борлуулсны орлого,

 -Гадаадын аж ахуйн нэгжийн төлөөлөгчийн газар өөрт ногдох ашгаасаа гадаадад шилжүүлсэн ашиг,

 -Монгол Улсад байрладаггүй албан татвар төлөгчийн Монгол Улсад бүртгүүлэн үйл  ажиллагаа явуулж  байгаа аж ахуйн нэгжээс авсан ногдол ашгийн орлого,

 -Монгол Улсад байрладаггүй албан татвар төлөгчийн зээлийн хүүгийн болон батлан даалт  гаргасны  төлбөр,

 -Монгол Улсад байрладаггүй албан татвар төлөгчийн эрхийн шимтгэлийн орлого,  санхүүгийн түрээсийн  хүүгийн орлого,

  -Удирдлагын зардалд төлсөн төлбөр,

 -Түрээсийн төлбөр,

 -Биет болон биет бус хөрөнгө ашиглуулсны орлого,

 -Монгол Улсад байрладаггүй албан татвар төлөгчийн Монгол Улсын нутаг дэвсгэр дээр борлуулсан бараа,  гүйцэтгэсэн ажил, үзүүлсэн үйлчилгээний орлого зэрэгт ногдуулсан               -татварыг оруулан тооцож               нөхнө.

Орлогын албан татварыг бусад татварын илүү төлөлтөөр суутгал хийсэн бол татварын суутгалын тооцоог тусад нь хавсаргана.

1.1.2 ГААЛИЙН АЛБАН ТАТВАР. Зөвхөн гаалийн татварыг дангаар нь оруулна. Гаалийн татвартай хамт нэмэгдсэн өртгийн албан татвар төвлөрүүлсэн бол түүнийг гаалийн албан татварт оруулахгүй тусад салгаж, 1.1.3- т хамааруулна.

1.1.3-1.1.5-т заасны дагуу хэрэв татварын албанд төвлөрүүлсэн бол зохих мөр баганад тавина.

   Энэ багцыг Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Ашигт малтмалын болон Цөмийн энергийн асуудал эрхэлсэн төрийн захиргааны байгууллага гаргах үүрэг хүлээнэ.

1.2 ТӨВЛӨРҮҮЛСЭН ТӨЛБӨР, УРАМШУУЛАЛ, НД-ын шимтгэл. Тухайн жилд улсын төсөвт төлсөн төлбөр нэг бүрээр гаргана. Үүнд:

1.2.3 Улсын төсвийн хөрөнгөөр хайгуул хийсэн ордын нөхөн төлбөрийг Ашигт малтмалын асуудал эрхэлсэн төрийн захиргааны байгууллага

1.2.10 Гадаадын мэргэжилтэн, ажилчны ажлын байрны төлбөрийг Хөдөлмөр, халамж үйлчилгээний асуудал эрхэлсэн төрийн захиргааны байгууллага

1.2.4-1.2.8 –г Газрын тосны асуудал эрхэлсэн төрийн захиргааны байгууллага

1.2.11 Агаарын бохирдлын төлбөрийг Байгаль орчны асуудал эрхэлсэн төрийн захиргааны байгууллага тус тус гаргана.

1.3 ЯАМ, ТӨРИЙН ЗАХИРГААНЫ БАЙГУУЛЛАГАД ТӨВЛӨРҮҮЛСЭН ХУРААМЖ, ҮЙЛЧИЛГЭЭНИЙ ХӨЛС

1.3.1 ГААЛИЙН ҮЙЛЧИЛГЭЭНИЙ ХУРААМЖ. Энд экспорт, импортын гаалийн бүрдүүлэлт хийсэн үйлчилгээний хураамжийг хамруулна. 

1.4 ТӨРИЙН ӨМЧИЙН НОГДОЛ АШИГ. Төрийн өмчийн оролцоотой болон төрийн өмчийн аж ахуйн нэгжийн тухайн жилд төвлөрүүлсэн ногдол ашиг багтана. Энэ хэсэг нь төрийн болон орон нутгийн өмчийн оролцоогүй, төрийн байгууллагатай ногдол ашиг өгөх гэрээ хийгээгүй аж ахуйн нэгжид хамаарахгүй.

1.5 ЗАСГИЙН ГАЗРЫН ХҮЛЭЭН АВСАН УРЬДЧИЛГАА ТӨЛБӨР БА БУСАД ОРЛОГО - Аж ахуйн нэгж нь Засгийн газартай байгуулсан бүтээгдэхүүн хуваах гэрээгээр ногдох бүтээгдэхүүний төлбөрийг төвлөрүүлснээр, мөн бусад гэрээгээр төлсөн төлбөр, эсхүл сайн дураараа бусад төлбөр төлсөн бол төвлөрүүлсэн тус бүрээр бичиж тайлагнана. Газрын тосны асуудал эрхэлсэн төрийн захиргааны байгууллага энэ хэсгийг гаргах үүрэг хүлээнэ.

1.6 БУСАД. Маягтын 1.6.1-д төвлөрүүлсэн бүх төрлийн торгуулийн дүнг бичнэ. Энэ хэсгийг Мэргэжлийн асуудал эрхэлсэн төрийн захиргааны байгууллага гаргах үүрэг хүлээнэ.

1.6.3 БАЙГАЛЬ ХАМГААЛАХ ХАМГААЛАХ ЗАРДЛЫН 50 ХУВЬ. Байгаль хамгаалах зардлын 50 хувийг тусгай дансанд төвлөрүүлсэн тайланг энэ хэсэгт гаргана. Тайланг Байгаль орчны асуудал эрхэлсэн төрийн захиргааны байгууллага гаргана.

2.ЯАМ, ТӨРИЙН ЗАХИРГААНЫ БАЙГУУЛЛАГАД ТӨВЛӨРҮҮЛСЭН ХАНДИВ, ДЭМЖЛЭГ, ЗАРЦУУЛАЛТЫН МЭДЭЭ. Аж ахуйн нэгж, байгууллагаас яам, агентлаг, бусад байгууллагад янз бүрийн зорилгоор авсан мөнгөн ба мөнгөн бус хандив, дэмжлэгийг хэлнэ. Биет хэлбэр (мөнгөн бус)-ээр авсан хандив, дэмжлэгийг тухайн үеийн зах зээлийн дундаж үнээр үнэлнэ.

Монгол Улсын Сангийн сайдын 2010 оны 3 дугаар сарын 1- ний 45 дугаар тушаалаар батлагдсан "Хандив тусламжийг бүртгэх журам"- ын дагуу хүлээн авсан дэмжлэг, тусламжийг бүртгэж, зохих баримтыг бүрдүүлэн энэхүү тайлангийн маягтаар тайлагнана. Бүрдүүлэх баримт бичигт хандив, тусламжийг олгосон олборлох үйлдвэрлэл эрхэлдэг аж ахуйн нэгж, яам, агентлагийн хооронд байгуулсан гэрээ, тэмдэглэл, тусламж хүлээлгэн өгсөн, хүлээн авсан анхан шатны акт баримтыг хавсаргана. Зарцуулалтын тайланг мөн давхар хавсаргана. Ямар нэгэн баримт бичиггүй мөнгө, хөрөнгө хүлээн авч зарцуулсан бол түүнийг мөн тайлагнах үүрэгтэй.

Санаачилгын тайланд аудитын дүгнэлт гаргахад тайланд ороогүй зүйл илэрвэл авилгын асуудал яригдах учир аливаа хүлээн авсан албан татвар, төлбөр, хураамж, дэмжлэг бүхнээ тайлагнана.

Хэрвээ биет материал, үйлчилгээний дэмжлэг аж ахуйн нэгжээс төрийн захиргааны төв, орон нутгийн байгууллага хүлээн авсан бол энэхүү тайланд ямар материал, үйлчилгээ авсан тухай бичиж хавсаргана.

2.1. Яам, төрийн захиргааны байгууллагад төвлөрүүлсэн хандив, дэмжлэг.

Хандив, дэмжлэг хүлээн авсан байгууллагын төрөл нь яам бол 1, агентлаг бол 2, аймаг бол 3, нийслэл бол 4, сум бол 5, дүүрэг бол 6 гэж багана Б-д нөхнө.

Хандив, дэмжлэгийн хэлбэр нь мөнгөн болон мөнгөн бус гэсэн төрөлтэй байна. Биет хэлбэр (мөнгөн бус)-ээр өгсөн хандив, дэмжлэгийг тухайн үеийн зах зээлийн дундаж үнээр үнэлнэ.  

Хандив, дэмжлэгийн төрөл нь бэлэг, хандив, хариу төлбөргүй үйлчилгээ гэсэн төрөлтэй байх бөгөөд хандив, дэмжлэгийн тохирох төрлийг багана Г-д нөхнө.

Хандив, дэмжлэгийн зорилго, үнийн дүн-г Багана Д, болон 1-д нөхнө. Хандив, дэмжлэгийн хэмжээг мөнгөн дүнгээр илэрхийлнэ.

2.2. Яам төрийн захиргааны байгууллагад төвлөрсөн хандив, дэмжлэгийн зарцуулалт.

Байгууллагын төрөл нь яам бол 1, агентлаг бол 2, аймаг бол 3, нийслэл бол 4, сум бол 5, дүүрэг бол 6 гэж багана Б-д нөхнө.

Зарцуулалтын зорилго нь тусламж бол 1, дотоод хэрэгцээнд бол 2, чадавхи нэмэгдүүлэх бол 3, бусад зорилгоор бол 4 кодыг 4 дүгээр баганад нөхнө.

Зарцуулалтын зориулалт нь боловсролын үйл ажиллагаанд бол 1, соёлын арга хэмжээнд бол 2, эрүүл мэндийн үйл ажиллагаанд бол 3, бусад бол 4 кодыг нөхнө.

Зарцуулалтын нийт хэмжээг 1 дүгээр баганад мөнгөн дүнг худалдан авсан үнээр нөхнө.

Хандиваар худалдан авсан бүтээгдэхүүн, үйлчилгээний нэрийг 2 дугаар баганад нөхнө.

Хандиваар худалдан авсан бүтээгдэхүүн, үйлчилгээний нэгж үнийг 3 дугаар баганад нөхнө.

III. САЙН ДУРЫН МЭДЭЭЛЭЛ

3. ТАТВАР

3.1 ХУВЬ ХҮНД ОЛГОСОН ОРЛОГООС АЛБАН ТАТВАР СУУТГАЖ ТӨЛСӨН ДҮН

3.2-3.5-д Зохих хууль тогтоомжийн дагуу төлсөн хураамжийг энд бөглөнө.

3.6 ЯАМ, ТӨРИЙН ЗАХИРГААНЫ БАЙГУУЛЛАГАД ТӨЛСӨН ТЭМДЭГТИЙН ХУРААМЖ-ид дараах төлбөрийг нөхнө. Үүнд:

 -Тээврийн болон өөрөө явагч хэрэгслийг бүртгэх, жолоодох зөвшөөрлийн хураамж,

 -Аж ахуйн нэгж, байгууллагын бүртгэлийн хураамж,

 -Гадаадын хөрөнгө оруулалттай аж ахуйн нэгж байгуулах зөвшөөрлийн хураамж,

 -Тусгай зөвшөөрөл шаардагдах үйлдвэрлэл, үйлчилгээний зөвшөөрлийн хураамж,  

 -Үл хөдлөх эд хөрөнгийн бүртгэлийн хураамж,

 -Замын цагдаагийн газарт төлсөн үнэмлэхийн хураамж, үзлэгийн хураамж,

 -Шүүхийн шийдвэр гүйцэтгэлийн албанд төлсөн тэмдэгтийн хураамж,

 -Улсын нийгмийн даатгалын ерөнхий газарт төлсөн лавлагаа гаргуулсны хураамж.

3.7 ЯАМ, ТӨРИЙН ЗАХИРГААНЫ БАЙГУУЛЛАГАД ТӨЛСӨН ҮЙЛЧИЛГЭЭНИЙ ХӨЛС-нд дараах төлбөрийг хамааруулна. Үүнд:

 -Тусгай зөвшөөрөл авах, шилжүүлэх, барьцаалах, сунгуулах, талбайг буцаан хүлээлгэн өгөх,  хилийн  маргааныг шийдвэрлэх, үрэгдүүлсэн тусгай зөвшөөрлийг нөхөн олгох зэрэг үед өргөдлийг хянан үзэх               үйл               ажиллагааны үйлчилгээний хөлс,

 -Холбогдох байгууллагад жин баталгаажуулалтын хөлс, хэмжилтийн хөлс,

  -Хөдөлмөр, халамж үйлчилгээний газар болон гадаад иргэдийг олон удаа орох гарах визийн  хуудас,  үйлчилгээний хөлс, оршин суух зөвшөөрөл, тодорхойлолтын үнэ, хөдөлмөр               эрхлэлтийн урилга,

 -Ашигт малтмалын газарт лицензийн үйлчилгээний төлбөр, бүртгэлийн төлбөр, тайлангийн  үйлчилгээ,  геологийн багц мэдээллийн хөлс, талбайн захиалгын захиргааны хөлс, лиценз худалдан авах               үйлчилгээний хөлс, тайлан хянуулах хөлс,

 -Байгаль орчин, аялал жуучлалын яаманд тусгай зөвшөөрлийн хөлс,

 -Усны хэмнэлтийн төвд төлсөн үйлчилгээний хөлс,

 -Сорьцын албанд сорьцын шинжилгээний зардал

 -Стандарт хэмжил зүйн төвд нарийн хэмжүүрийн хөлс, стандартын үйлчилгээний хөлс,

 -Татварын албанд зөвшөөрлийн хөлс зэрэг болно.

3.8 ГАДААДЫН АЖИЛЛАХ ХҮЧ, МЭРГЭЖИЛТНИЙ ТӨЛСӨН ҮЙЛЧИЛГЭЭНИЙ ХУРААМЖ-ыг бичнэ.

3.9 Байгаль орчныг нөгөөх сэргээх үүргээ гүйцэт биелүүлэх баталгааны барьцаа

МОНГОЛЫН ОЛБОРЛОХ ҮЙЛДВЭРЛЭЛИЙН ИЛ ТОД БАЙДЛЫН

САНААЧИЛГЫН АЖЛЫН АЛБА

УТАС: (976)-70110525,

ФАКС: (976)-70110155

АШИГТ МАЛТМАЛ, ГАЗРЫН ТОСНЫ ХАЙГУУЛ, ОЛБОРЛОЛТ ЭРХЭЛДЭГ АЖ АХУЙН НЭГЖИЙН ҮЙЛДВЭРЛЭЛ, БОРЛУУЛАЛТЫН 20…. ОНЫ НЭГДСЭН ТАЙЛАН (З-ОҮИТБС-5) МАЯГТ НӨХӨХ ЗААВАР

Ашигт малтмал, Газрын тосны асуудал эрхэлсэн төрийн захиргааны төв байгууллага тус тусдаа ашигт малтмал, газрын тосны хайгуул, олборлолт эрхэлдэг аж ахуйн нэгж бүрээр, үйлдвэрлэсэн болон борлуулсан бүтээгдэхүүний тоо хэмжээ, тусгай зөвшөөрлийн үндсэн мэдээллийн тайланг дараа оны 5 дугаар сарын 15-ны дотор гаргаж ОҮИТБС-ын Цахим тайлагналын системээр ирүүлнэ.

I.1 БАЙГУУЛЛАГЫН ХАЯГИЙН ХЭСЭГ

Аж ахуйн нэгж, байгууллагын хаягийг албан ёсны нэрийн хамт нөхнө.

Аймаг, нийслэл, сум, дүүргийн нэр, аж ахуйн нэгж, байгууллагын хариуцлагын хэлбэр, өмчийн хэлбэр, үйл ажиллагааны чиглэлийг үнэн зөв нөхнө.

I.2 АЖ АХУЙН НЭГЖИЙН МЭДЭЭЛЭЛ

Ашигт малтмалын хайгуул, газрын тосны олборлолт эрхэлдэг аж ахуйн нэгжийн нэр, регистрийг нөхнө.

II. ҮНДСЭН МЭДЭЭЛЭЛ

1. АШИГЛАЛТ БОЛОН ХАЙГУУЛЫН ТУСГАЙ ЗӨВШӨӨРӨЛ, БҮТЭЭГДЭХҮҮН ХУВААХ ГЭРЭЭНИЙ ҮНДСЭН МЭДЭЭЛЭЛ

Тусгай зөвшөөрөл / бүтээгдэхүүн хуваах гэрээний мэдээллийг ашигт малтмалын нэр төрөл бүрээр гаргах бөгөөд тусгай зөвшөөрөл / бүтээгдэхүүн хуваах гэрээний мэдээлэлд үндэслэн нөхнө. Багана 3-д тухайн ашигт малтмалын ордын оршиж байгаа аймаг, нийслэл, сум, дүүрэг болон газрын нэрийг тодорхой бичнэ. Хайгуулын тусгай зөвшөөрлийн хувьд хайж байгаа ашигт малтмалын нэр, талбайн хэмжээ, олгосон огноо, ордын оршиж байгаа аймаг, нийслэл, сум, дүүрэг болон газрын нэрийг нөхнө.

2. БҮТЭЭГДЭХҮҮНИЙ ОЛБОРЛОЛТ, БОРЛУУЛАЛТ

2.1 ТУРШИЛТ/ХАЙГУУЛЫН ҮЕИЙН ОЛБОРЛОЛТ, БОРЛУУЛАЛТ

Тайлант жилд хайгуулын тусгай зөвшөөрлийн дагуу туршилтын журмаар олборлосон болон борлуулсан бүтээгдэхүүнийг нэр төрлөөр нөхнө. Олборлолт, борлуулалтын биет хэмжээгээр багана 1, 2-т, мөнгөн дүнгээр багана 3, 4-т нөхнө. Бүтээгдэхүүний үйлдвэрлэлийн хэмжээг үнийн дүнгээр гаргахдаа үйлдвэрлэгчийн өртгөөр нь харин борлуулалтыг гаргахдаа худалдан авагчийн үнээр бодож нөхнө. 5 дугаар баганад туршилтын хугацаанд дотоодод борлуулсан хэмжээг биетээр, 6 дугаар баганад орлогыг мөнгөн дүнгээр нөхнө. 7 дугаар баганад туршилтын хугацаанд экспортолсон биет хэмжээг, 8 дугаар баганад эксптортын хэмжээг мөнгөн дүнгээр нөхнө. 9 дүгээр баганад нийт борлуулалтын биет хэмжээг, 10 дугаар баганад нийт борлуулалтын мөнгөн дүнг нөхнө. 

2.2 БҮТЭЭГДЭХҮҮНИЙ ҮЙЛДВЭРЛЭЛ, БОРЛУУЛАЛТ

Тайлант жилд олборлосон болон борлуулсан бүтээгдэхүүний нэр төрлөөр нөхнө. Олборлолт, борлуулалтыг биет хэмжээгээр багана 1-т, үнийн дүнгээр багана 2-т нөхнө.

3 дугаар баганад дотоодод борлуулсан хэмжээг биетээр, 4 дугаар баганад орлогыг мөнгөн дүнгээр нөхнө. 5 дугаар баганад экспортолсон биет хэмжээг, 6 дугаар баганад эксптортын хэмжээг мөнгөн дүнгээр нөхнө. 7 дүгээр баганад нийт борлуулалтын биет хэмжээг, 8 дугаар баганад нийт борлуулалтын мөнгөн дүнг нөхнө. 

Бүтээгдэхүүний үйлдвэрлэлийн хэмжээг үнийн дүнгээр гаргахдаа үйлдвэрлэгчийн өртгөөр, харин борлуулалтыг гаргахдаа худалдан авагчийн үнээр гаргана. Бүтээгдэхүүний кодыг дараах хүснэгтээс харж нөхнө.

БҮТЭЭГДЭХҮҮН, ҮЙЛЧИЛГЭЭНИЙ НЭГДСЭН АНГИЛАЛ

3. ГАЗРЫН ТОСНЫ ОЛБОРЛОЛТ, БОРЛУУЛАЛТ

Газрын тосны хайгуул, олборлолт эрхэлдэг аж ахуйн нэгж бүр олборлолт, борлуулалт, үүнээс засгийн газарт ногдох хэмжээг гэрээт талбай тус бүрээр тайлагнана. Багана 1, 3, 5-д олборлосон газрын тосны хэмжээг баррелиар, багана 2-д олборлолтын өртгийг 4, 6-д борлуулсан үнийн дүнг мэдээлнэ. 7, 8 дугаар баганад гадаадад экспортолсон болон дотоодод боруулсан хэмжээг баррелиар, 8, 10 дугаар баганад гадаадад экспортолсон болон дотоодод борлуулсан хэмжээг үнийн дүнгээр тайлагнана.

МОНГОЛЫН ОЛБОРЛОХ ҮЙЛДВЭРЛЭЛИЙН

ИЛ ТОД БАЙДЛЫН  САНААЧИЛГЫН АЖЛЫН АЛБА

УТАС: (976)-70110525,

ФАКС: (976)-70110155

АШИГТ МАЛТМАЛ, ГАЗРЫН ТОСНЫ ХАЙГУУЛ, ОЛБОРЛОЛТ ЭРХЭЛДЭГ АЖ АХУЙН НЭГЖЭЭС УЛСЫН БОЛОН ОРОН НУТГИЙН ТӨСӨВТ ТӨВЛӨРҮҮЛСЭН АЛБАН ТАТВАР, ХУРААМЖИЙН ОРЛОГЫН 20…. ОНЫ НЭГТГЭЛИЙН ТАЙЛАН (З-ОҮИТБС-6) МАЯГТ НӨХӨХ ЗААВАР

Энэхүү тайланг Олборлох үйлдвэрлэлийн ил тод байдлын санаачилгын ажлын алба нь цахим тайлагналын системээр хүлээн авсан Ашигт малтмал, газрын тосны хайгуул, олборлолт эрхэлдэг аж ахуйн нэгжээс улсын болон орон нутгийн төсөвт төвлөрүүлсэн татвар, хураамжийн тайланг нэгтгэн гаргаж 5 дугаар сарын 15-ны дотор Санхүүгийн асуудал эрхэлсэн төрийн захиргааны төв байгууллагад хүргүүлнэ.

Санхүүгийн асуудал эрхэлсэн төрийн захиргааны төв байгууллага ирүүлсэн улсын хэмжээний мэдээг шалгаж, нэгтгэлийн тайланг  баталгаажуулан нийтэд мэдээлнэ. Түүнчлэн Олон улсын ОҮИТБС-ын стандарт 6.3-ын дагуу уул уурхайн салбарын эдийн засагт үзүүлэх нөлөө, төсөөллийг Санхүүгийн асуудал эрхэлсэн төрийн захиргааны төв байгууллага гарган олон нийтэд ил тод болгоно.

УУЛ УУРХАЙН САЛБАРЫН ЭДИЙН ЗАСАГТ ҮЗҮҮЛЭХ НӨЛӨӨ

А баганад тусгагдсан Эдийн засгийн үзүүлэлтүүдийг Эдийн засгийн хөгжлийн яам болон Монголын ОҮИТБС-ын Ажлын алба хариуцан нөхнө. Тухайлбал, 1, 2, 4, 5, 7, 8, 10 дугаар мөрөн дэх үзүүлэлтийг Эдийн засгийн хөгжлийн яам, 3, 6, 9, 11 дүгээр мөрөн дэх үзүүлэлтийг Монголын ОҮИТБС-ын Ажлын алба тооцон гаргаж, нөхнө.

1-3 дугаар баганад үзүүлэлтүүдийн сүүлийн 3 жилийн гүйцэтгэлийг нөхнө.

4-6 дугаар баганад үзүүлэлтүүдийн ирэх 3 жилийн төсөөллийг нөхнө.

МОНГОЛЫН ОЛБОРЛОХ ҮЙЛДВЭРЛЭЛИЙН

ИЛ ТОД БАЙДЛЫН  САНААЧИЛГЫН АЖЛЫН АЛБА

УТАС: (976)-70110525,

ФАКС: (976)-70110155