МОНГОЛ УЛСЫН ХУУЛЬ

2022 оны 04 сарын 22 өдөр

Төрийн ордон, Улаанбаатар хот

АЯЛАЛ ЖУУЛЧЛАЛЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

1/18 дугаар зүйлийн 18.2.5-18.2.8 дахь заалт:

"18.2.5.байгаль, түүх, соёлын өв бүхий аялал жуулчлалын бүтээгдэхүүн, үйлчилгээг сурталчлан таниулах, хадгалж хамгаалах;

18.2.6.аялал жуулчлалын мэдээллийн санг бүрдүүлэх, хадгалах, хамгаалах, түгээх, статистик мэдээллийг нэгтгэн холбогдох байгууллагад хүргүүлэх;

18.2.7.орон нутагт аялал жуулчлалын хөрөнгө оруулалтыг татах арга хэмжээг зохион байгуулах;

18.2.8.харьяалах нутаг дэвсгэртээ аялал жуулчлалын байгууллага, хувь хүмүүсийн үйл ажиллагаанаас үүсэх сөрөг үр дагаврыг багасгах, арилгах арга хэмжээ авах."

2/18 дугаар зүйлийн 18.3 дахь хэсэг:

"18.3.Сум, дүүргийн Засаг дарга аялал жуулчлалын талаар дараах бүрэн эрхийг хэрэгжүүлнэ:

18.3.1.Аялал жуулчлалын тухай хууль тогтоомж, Засгийн газрын болон харьяалах дээд шатны Засаг даргын шийдвэрийг хэрэгжүүлэх;

18.3.2.нутаг дэвсгэртээ аялал жуулчлалын арга хэмжээг зохион байгуулах, байгаль, түүх, соёлын өв бүхий аялал жуулчлалын бүтээгдэхүүн, үйлчилгээг хөгжүүлэх, сурталчлах;

18.3.3.жуулчинд үйлчилгээ үзүүлэгч иргэнийг бүртгэх, аялал жуулчлалын мэдээллийн санг бүрдүүлэх, хадгалах, хамгаалах, түгээх, статистик мэдээллийг нэгтгэн холбогдох байгууллагад хүргүүлэх."

1/18 дугаар зүйлийн 18.1.4 дэх заалт:

"18.1.4.орон нутгийн байгаль, түүх, соёл, аялал жуулчлалын онцлогт тохируулан аялал жуулчлалыг хөгжүүлэх төлөвлөгөөг баталж, гүйцэтгэлд хяналт тавих."

2/18 дугаар зүйлийн 18.2.3 дахь заалт:

"18.2.3.орон нутгийн байгаль, түүх, соёл, аялал жуулчлалын онцлогт тохируулан аялал жуулчлалыг хөгжүүлэх төлөвлөгөөг боловсруулж, тухайн шатны иргэдийн Төлөөлөгчдийн Хурлаар хэлэлцүүлж батлуулах, хэрэгжүүлэх үйл ажиллагааг зохион байгуулж, тайлагнах;"

МОНГОЛ УЛСЫН ИХ ХУРЛЫН ДАРГА Г.ЗАНДАНШАТАР