ТӨВ АЙМГИЙН БАЯНЧАНДМАНЬ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 5 дугаар сарын 18-ны өдөр

Дугаар 04

Эх сүж

ТОГТООЛ ХҮЧИНГҮЙД ТООЦОХ ТУХАЙ

Сумын Засаг дарга Г.Ариунболдын өргөн мэдүүлж Газрын даамал М.Алтантуяагийн танилцуулсан Иргэдийн Төлөөлөгчдийн Хурлаас 2020 онд газрын төлбөрийг тогтоосон тогтоолыг хүчингүй болгох тухай саналыг хэлэлцээд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1, Төв аймгийн иргэдийн Төлөөлөгчдийн Хурлын 2022 оны 02 дугаар сарын 24-ний өдрийн 12 дугаар тогтоолыг тус тус үндэслэн сумын иргэдийн Төлөөлөгчдийн Хурлаас ТОГТООХ нь:

1.Сумын газрын төлбөрийн хэмжээг Төв аймгийн иргэдийн Төлөөлөгчдийн Хурлын 2022 оны 02 дугаар сарын 24-ний өдрийн 12 дугаар тогтоолын 12 дугаар хавсралтаар шинэчлэн баталсан байх тул сумын иргэдийн Төлөөлөгчдийн Хурлын 2020 оны 12 дугаар сарын 19-ний өдрийн 02 дугаар хуралдааны 09 дүгээр тогтоолыг хүчингүйд тооцсугай.

2.Энэ тогтоолыг Хууль зүй, дотоод хэргийн яаманд хүргүүлж захиргааны хэм хэмжээний актын улсын нэгдсэн сангаас хасуулахыг сумын иргэдийн Төлөөлөгчдийн Хурлын дарга /Л.Уранчимэг/-д даалгасугай.

ДАРГА Л.УРАНЧИМЭГ