ТӨВ АЙМГИЙН ЭРДЭНЭ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 5 дугаар сарын 2-ны өдөр

Дугаар 21

Эрдэнэ сум

Тогтоол хүчингүй болсонд тооцох тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийг 35.1.17, 48 дугаар зүйлийн 48.1, Газрын төлбөрийн тухай хуулийн 6 дугаар зүйлийн 6.3 дахь хэсэг, аймгийн иргэдийн Төлөөлөгчдийн хурлын 2022 оны 02 дугаар сарын 24-ний өдрийн "Газрын төлбөрийн хэмжээг шинэчлэн тогтоох тухай" 12 дугаар тогтоолыг тус тус үндэслэн сумын иргэдийн Төлөөлөгчдийн Хурлаас ТОГТООХ нь:

1. Газрын төлбөрийн тухай хуульд 2021 оны 07 дугаар сарын 07-ны өдрийн хуулиар өөрчлөлт оруулсан тул сумын иргэдийн Төлөөлөгчдийн Хурлын 2020 оны 06 сарын 17-ны өдрийн "Сумын газрын үнэлгээ, төлбөрийн бүсийн хил зааг, төлбөрийн хэмжээг шинэчлэн тогтоох тухай" 11 дүгээр тогтоолыг хүчингүй болсонд тооцсугай.

2.Тогтоолыг Хууль зүй, дотоод хэргийн яаманд хүргүүлэхийг сумын иргэдийн Төлөөлөгчдийн Хурлын нарийн бичгийн дарга (О.Мөнхсүлд)-д даалгасугай.

ДАРГА Ж.НЯМСҮРЭН