ДУНДГОВЬ АЙМГИЙН ХУЛД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 6 дугаар сарын 9-ний өдөр

Дугаар 10/06

Улаанжирэм

ТОГТООЛ ХҮЧИНГҮЙ БОЛГОХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.17 дахь хэсэг, Газрын тухай хуулийн 6 дугаар зүйлийн 6.3 дахь хэсэг, аймгийн иргэдийн Төлөөлөгчдийн Хурлын 2022 оны 02 дугаар сарын 15-ны өдрийн 07 дугаар тогтоолоор батлагдсан "Газрын төлбөрийн бүсийн хил зааг, итгэлцүүр, төлбөрийн хэмжээг тогтоох тухай" тогтоол зэргийг үндэслэн сумын иргэдийн Төлөөлөгчдийн Хурлаас ТОГТООХ нь:

1.Сумын иргэдийн Төлөөлөгчдийн Хурлын 2019 оны 03 дугаар сарын 04-ний өдрийн 11/02 дугаар тогтоолоор батлагдсан "Газрын төлбөрийн бүсийн хил зааг, итгэлцүүр, төлбөрийн хэмжээг тогтоох тухай" тогтоолыг хүчингүй тооцсугай.

2.Уг тогтоолыг захиргааны хэм хэмжээний актын Улсын нэгдсэн санд 2019 оны 03 сарын 21-ний өдрийн 4276 дугаарт бүртгэгдсэн бүртгэлийг хасуулах саналыг холбогдох дээд байгууллагад хүргүүлэн ажиллахыг иргэдийн Төлөөлөгчдийн Хурлын нарийн бичгийн дарга (Б.Наранцэцэг)-д үүрэг болгосугай.

ДАРГА А.ОТГОНБААТАР