АРХИВЫН ЕРӨНХИЙ ГАЗРЫН ДАРГЫН ТУШААЛ

2022 оны 7 дугаар сарын 6-ны өдөр

Дугаар А/56

Улаанбаатар хот

ТӨРИЙН АРХИВЫН БАРИМТАД НЭГДСЭН ТООЛЛОГО ЯВУУЛАХ ЖУРАМ БАТЛАХ ТУХАЙ

Архив, албан хэрэг хөтлөлтийн тухай хуулийн 13 дугаар зүйлийн 13.5 дахь хэсэг, 17.1.7 дахь заалт, Хууль зүй, дотоод хэргийн сайдын 2021 оны А/204 дүгээр тушаалаар баталсан Төрийн архивын үйл ажиллагааны нийтлэг журмын 6.12 дахь хэсгийг тус тус үндэслэн ТУШААХ нь:

1.Төрийн архивын баримтад нэгдсэн тооллого явуулах журмыг хавсралтаар баталсугай.

2.Журмын хэрэгжилтэд хяналт тавьж ажиллахыг төрийн архивын дарга, захирал, эрхлэгч нарт даалгасугай.

3.Журмыг захиргааны хэм хэмжээний актын улсын нэгдсэн бүртгэлд бүртгүүлэхийг Мэргэжил, арга зүйн удирдлагын газар (Б.Цэндсүрэн)-т үүрэг болгосугай.

ДАРГА С.ЭНХБААТАР