1 дүгээр зүйл.Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн 7 дугаар зүйлийн 7.6 дахь хэсгийн "Хилийн боомтын үндэсний зөвлөлийн" гэснийг "Боомтын сэргэлтийн Үндэсний хорооны" гэж, 7² дугаар зүйлийн 7².1.3 дахь заалтын "Хилийн боомтын үндэсний зөвлөлөөс" гэснийг "Боомтын сэргэлтийн Үндэсний хорооноос" гэж тус тус өөрчилсүгэй.

2 дугаар зүйл.Энэ хуулийг 2022 оны 08 дугаар сарын 29-ний өдөр баталсан Монгол Улсын Засгийн газрын бүтцийн тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.