ГААЛИЙН ЕРӨНХИЙ ГАЗРЫН ДАРГЫН ТУШААЛ

2022 оны 8 дугаар сарын 31-ний өдөр

Дугаар А/145

Улаанбаатар хот

Жагсаалтыг шинэчлэн батлах тухай

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Гаалийн тухай хуулийн 268¹ дүгээр зүйлийн 268¹.1.8, 271¹ дүгээр зүйлийн 271¹.1.4 дэх заалт, Гаалийн тариф, гаалийн татварын тухай хуулийн 21 дүгээр зүйлийн 21.2 дахь хэсгийг тус тус үндэслэн ТУШААХ нь:

1.Дэлхийн гаалийн байгууллагаас "Барааг тодорхойлох, кодлох уялдуулсан систем"-ийн Жагсаалтад оруулсан 2022 оны 351 багц нэмэлт, өөрчлөлт, Гаалийн ерөнхий газрын даргын тушаалаар зарим үндэсний кодод оруулсан 8 удаагийн нэмэлт, өөрчлөлттэй холбоотойгоор "Барааг тодорхойлох, кодлох уялдуулсан системд үндэслэсэн гадаад худалдааны барааны ангиллын жагсаалт"-ыг хавсралтын ёсоор шинэчлэн баталсугай.

2.Энэ тушаал батлагдсантай холбогдуулан Гаалийн ерөнхий газрын даргын 2017 оны 300, 2018 оны А/20, 2019 оны А/212, А/266, 2020 оны А/34, А/114, А/130, А/166, 2021 оны А/171, А/248 дугаар тушаалуудыг хүчингүй болсонд тооцсугай.

3. Тушаалын хэрэгжилтэд хяналт тавьж ажиллахыг Гаалийн ерөнхий газрын дэд даргын албан үүргийг түр орлон гүйцэтгэгч /Г.Энхтайван/-д даалгасугай.

ДАРГА Б.АСРАЛТ

᠎᠎ГЕГ-ын 2022 оны 11 дүгээр сарын 30-ны өдрийн Үндэсний кодод оруулах нэмэлт, өөрчлөлтийг батлах тухай А/275 дугаар тушаалаар хавсралтад нэмэлт, өөрчлөлт оруулсан /УНС 2022.12.09 хүлээн авсан/
ГЕГ-ын 2022 оны 12 дугаар сарын 06-ны өдрийн Үндэсний кодод оруулах нэмэлт, өөрчлөлтийг батлах тухай А/287 дугаар тушаалаар хавсралтад нэмэлт, өөрчлөлт оруулсан /УНС 2022.12.09 хүлээн авсан/
ГЕГ-ын 2026 оны 2 дугаар сарын 25-ны өдрийн Зарим барааны үндэсний код, хэмжих нэгжид оруулах нэмэлт, өөрчлөлтийг батлах тухай А/24 дүгээр тушаалаар хавсралтад нэмэлт, өөрчлөлт оруулсан /УНС 2026.03.20 хүлээн авсан/