ОРХОН АЙМГИЙН ЖАРГАЛАНТ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 9 дүгээр сарын 30-ны өдөр

Дугаар 01

Жаргалант

ТОГТООЛ ХҮЧИНГҮЙ БОЛГОХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1 дэх заалт, Захиргааны ерөнхий хуулийн 49 дүгээр зүйлийн 49.3.4 дэх заалт, 68 дугаар зүйлийн 68.2 дах заалтуудыг тус тус үндэслэн сумын иргэдийн Төлөөлөгчдийн Хурлын ээлжит бус III хурлын хуралдаанаас ТОГТООХ нь:

1.Газрын төлбөрийн тухай хуулийн 6 дугаар зүйлийн 6.3 дахь хэсэгт 2021 оны 07 дугаар сарын 07-ны өдөр газрын үнэлгээ, төлбөрийн бүс, итгэлцүүр, тоон утгыг тогтоох асуудлыг аймаг, нийслэлийн иргэдийн Төлөөлөгчдийн Хурал батлахаар нэмэлт өөрчлөлт орж хүчин төгөлдөр мөрдөгдөж эхэлсэнтэй холбогдуулан Жаргалант сумын иргэдийн Төлөөлөгчдийн Хурлын 2019 оны 04 дүгээр сарын 04-ний өдрийн 03 дугаар тогтоолыг хүчингүй болгосугай.

2.Энэхүү тогтоолыг аймгийн ИТХ-ын ажлын албанд хүргүүлэхийг сумын иргэдийн Төлөөлөгчдийн Хурлын ажлын алба /Ц.Ганбаяр/-нд даалгасугай.

ДАРГА Ж.АЛТАНТӨГС