УВС АЙМАГ БӨХМӨРӨН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2022 оны 9 дүгээр сарын 29-ний өдөр

Дугаар 08/01

Байшинт

ТОГТООЛ ХҮЧИНГҮЙ БОЛГОХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1 дэх заалтыг үндэслэн ТОГТООХ нь:

1.Аймгийн иргэдийн Төлөөлөгчдийн Хурлын "Газрын төлбөрийн бүсийн хил зааг, итгэлцүүр, төлбөрийн хэмжээг тогтоох тухай" 2022 оны 03 дугаар сарын 03-ны өдрийн 7/07 дугаар тогтоолоор Газрын төлбөрийн тухай хуулийн дагуу баталсан тул сумын иргэдийн Төлөөлөгчдийн Хурлын 2018 оны 09 дүгээр сарын 28-ны өдрийн 8/01 дүгээр тогтоолоор баталсан "Газрын үнэлгээ, газрын төлбөрийн хувь, хэмжээг шинэчлэн тогтоох тухай" шийдвэрийг хүчингүй болсонд тооцсугай

2.Хүчингүй болгосон тогтоолыг Хууль зүйн яаманд хүргүүлж ажиллахыг сумын иргэдийн Төлөөлөгчдийн Хурлын Нарийн бичгийн дарга (Д.Лхамхүү), Газрын даамал (С.Энхбат) нарт тус тус даалгасугай.

ДАРГА Л.ГАНТӨМӨР