БУЛГАН АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2022 оны 12 дугаар сарын 3-ны өдөр

Дугаар XII/22

Булган сум

ГАЗРЫН ТӨЛБӨРИЙН ХУВЬ ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 35 дугаар зүйлийн 35.1.10, 35.1.14, 48 дугаар зүйлийн 48.1, "Газрын төлбөрийн тухай хуулийн 6 дугаар зүйлийн 6.3 , Засгийн газрын 2018 оны 182 дугаар тогтоолыг тус тус үндэслэн ТОГТООХ нь:

1.Булган аймгийн хэмжээнд Хот тосгон бусад суурин газрын төлбөрийн хувь хэмжээг 1 дүгээр хавсралтаар, газрын төлбөрийн бүсчлэлийн зургийг 2 дугаар хавсралтаар тус тус баталсугай.

2.Уг тогтоолыг Захиргааны ерөнхий хуульд заасны дагуу захиргааны хэм хэмжээний улсын нэгдсэн бүртгэлд бүртгүүлэхийг аймгийн иргэдийн Төлөөлөгчдийн Хурлын Нарийн бичгийн дарга (М.Батжаргал)-д, Улсын нэгдсэн мэдээллийн санд бүртгэгдсэний дараа газрын кадастрын мэдээллийн санд өөрчлөлтийг оруулж иргэн, аж ахуйн нэгж байгууллагын эзэмшил, ашиглалтын газарт газрын төлбөр ногдуулахыг Газрын Харилцаа барилга хот байгуулалтын газар (Ү.Бямбасүрэн)-д, төлбөрийг орон нутгийн төсөвт төвлөрүүлж ажиллахыг Татварын хэлтэс (Б.Лхагвасүрэн)-д тус тус даалгасугай.

3.Энэхүү тогтоол гарсантай холбогдуулан аймгийн аймгийн иргэдийн Төлөөлөгчдийн Хурлын 2022 оны 03 дугаар сарын 29-ны өдрийн 09/20 дугаар тогтоолыг хүчингүйд тооцсугай.

ДАРГА Д.ЭРДЭНЭБАТ