МОНГОЛ УЛСЫН ЕРӨНХИЙЛӨГЧИЙН ЗАРЛИГ

2010 оны 05 дугаар сарын 06-ны өдөр

Дугаар 85

Улаанбаатар хот

Төрийн тахилгатай уул овооны тэнгэрийг тайх тахилгын ёслолын журмыг шинэчлэн батлах тухай

Уул овооны тэнгэрийг тайх төрийн тахилгын ёслолыг монголчуудын өнө эртний зан заншил, түүх соёл, төрт ёсны уламжлалд нийцүүлэн үйлдэж байх нь зүйтэй хэмээн үзэж Үндсэн хуулийн Гучиндөрөвдүгээр зүйлийн 1 дэх заалт, Ерөнхийлөгчийн тухай хуулийн 9 дүгээр зүйлийн 1 дэх хэсгийг тус тус үндэслэн ЗАРЛИГ БОЛГОХ нь:

1.Төрийн тахилгатай уул, овооны тэнгэрийг тайх тахилгын ёслолын журмыг хавсралтаар баталсугай.

2.Энэхүү зарлиг гарсантай холбогдуулан Монгол Улсын Ерөнхийлөгчийн 2004 оны 4 дүгээр сарын 23-ны өдрийн 57 дугаар зарлигийн хавсралтыг хүчингүй болсонд тооцсугай.

МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ