ГААЛИЙН ЕРӨНХИЙ ГАЗРЫН ДАРГЫН ТУШААЛ

2022 оны 12 дугаар сарын 19-ний өдөр

Дугаар А/344

Улаанбаатар хот

ЖУРАМ БАТЛАХ ТУХАЙ

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Гаалийн тухай хуулийн 249 дүгээр зүйлийн 249.4, 271¹ дүгээр зүйлийн 271¹1.1, 271¹1.2 дахь заалт, Засгийн газрын 2021 оны "Монгол Улсын 2022 оны төсвийн тухай хуулийг хэрэгжүүлэх талаар авах зарим арга хэмжээний тухай" 388 дугаар тогтоолын 3 дугаар зүйлийн 3.2 дахь хэсэг, Сангийн Сайдын 2022 оны "Монгол Улсын 2022 оны төсвийн орлогын төлөвлөгөөний биелэлтийг хангуулах тухай" 12 дугаар тушаалын 2 дугаар зүйлийн 2.17 дахь хэсэг, Мэргэжлийн зөвлөлийн хурлын 2022 оны 12 дугаар сарын 06-ны өдрийн хурлын шийдвэрийг тус тус үндэслэн ТУШААХ нь:

1."Гаалийн бүрдүүлэлтийн дараах шалгалт хийх журам"-ыг хавсралт ёсоор баталсугай.

2.Тушаалд хяналт тавьж ажиллахыг Бүрдүүлэлтийн дараах шалгалтын газрын дарга (Д.Жаргалсайхан), Төрийн захиргааны удирдлагын газрын дарга (Д.Бат-Эрдэнэ)-д тус тус даалгасугай.

3.Энэ тушаал гарсантай холбогдуулан Гаалийн ерөнхий газрын даргын 2015 оны "Журам батлах тухай" А/134 дүгээр тушаалыг хүчингүй болсонд тооцсугай.

ДАРГА Р. ОТГОНЖАРГАЛ