МОНГОЛ УЛСЫН ЗАСГИЙН ГАЗРЫН ТОГТООЛ

2022 оны 11 дүгээр сарын 30-ны өдөр

Дугаар 432

Улаанбаатар хот

ЖУРАМ БАТЛАХ ТУХАЙ

Газрын тухай хуулийн 18.1.5, 26.4-т заасныг тус тус үндэслэн Монгол Улсын Засгийн газраас ТОГТООХ нь:

1."Газрын нэгдмэл сангийн тайлан эрхлэх журам"-ыг хавсралт ёсоор баталсугай.

2.Энэ журмын хэрэгжилтийг зохион байгуулан хяналт тавьж ажиллахыг Барилга, хот байгуулалтын сайд Б.Мөнхбаатарт даалгасугай.

3.Энэ тогтоол гарсантай холбогдуулан "Хуулиудыг хэрэгжүүлэх талаар авах зарим арга хэмжээний тухай /Газрын төлөв байдал, чанарын хянан баталгаа хийх журам/" Засгийн газрын 2003 оны 2 дугаар сарын 7-ны өдрийн 28 дугаар тогтоолын 2 дугаар хавсралт, "Тайлангийн маягт батлах тухай /Газрын нэгдмэл сангийн үндсэн ангиллын тайлан/" Засгийн газрын 2003 оны 9 дүгээр сарын 17-ны өдрийн 204 дүгээр тогтоолыг тус тус хүчингүй болсонд тооцсугай.

Монгол Улсын Ерөнхий сайд Л.ОЮУН-ЭРДЭНЭ

Барилга, хот байгуулалтын сайд Б.МӨНХБААТАР