ТӨВ АЙМГИЙН УГТААЛЦАЙДАМ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 07 дугаар сарын 27-ны өдөр

Дугаар 07

Ар-Асгат

ТОГТООЛ ХҮЧИНГҮЙ БОЛГОХ ТУХАЙ

Сумын Засаг дарга Б.Нямлхагвын өргөн мэдүүлсэн "Газрын төлбөрийн хэмжээг шинэчлэн тогтоох тухай" 2020 оны 12-р сарын 15-ны өдрийн 12 дугаар тогтоолыг хүчингүй болгох тухай асуудлыг хэлэлцээд Монгол Улсын засаг захиргаа нутаг дэвсгэрийн нэгж, түүний удирдлагын тухай" хуулийн 35 дугаар зүйлийн 35.1.17 дахь заалт, 48 дугаар зүйлийн 48.1 дэх заалтыг тус тус үндэслэн сумын иргэдийн Төлөөлөгчдийн Хурлын ээлжит долоодугаар хуралдаанаас ТОГТООХ нь:

1.Газрын төлбөрийн тухай хуулийн нэмэлт өөрчлөлтөөр төлбөрийн хэмжээг аймаг тогтоохоор өөрчлөлт орсон тул хуулийн хэрэгжилтийг хангах зорилгоор "Газрын төлбөрийн хэмжээг шинэчлэн тогтоох тухай" 2020 оны 12-р сарын 15-ны өдрийн 12 дугаар тогтоолыг хүчингүй болгосугай.

2.Тогтоолыг Хууль зүй, дотоод хэргийн яаманд хүргүүлж хэм хэмжээний актын улсын нэгдсэн бүртгэлээс хасуулах ажлыг зохион байгуулахыг сумын иргэдийн Төлөөлөгчдийн хурлын нарийн бичгийн дарга (Б.Жавзанпагма)-д даалгасугай.

3.Тогтоолын хэрэгжилтэд хяналт тавьж ажиллахыг хурлын Зөвлөлд үүрэг болгосугай.

ДАРГА Ө.ТӨМӨРБААТАР