Зам, тээврийн хөгжлийн сайдын 2021 оны

02 дугаар сарын 04-ний өдрийн

А/16 тушаалын Нэгдүгээр хавсралт

ИНД - 125

Иргэний Нисэхийн Дүрэм

Дунд нисэх онгоцны арилжааны нислэгийн

үйл ажиллагаа

Зам, тээврийн хөгжлийн яам

ДҮРМИЙН ТАЙЛБАР

ИНД-125 нь ИНД-119-ийн дагуу олгосон шугамын агаарын тээвэрлэгчийн гэрчилгээ эзэмшигчийн дараах нисэх онгоц ашиглан гүйцэтгэж байгаа арилжааны нислэгийн үйл ажиллагаанд тавих үйл ажиллагааны шаардлагыг тогтооно:

(1)     10 - 30 зорчигчийн суудлын конфигурацитай; эсхүл

(2)     3410 кг, эсхүл түүнээс бага төлбөрт ачааллын багтаамжтай ба MCTOW нь 5700 кг-аас дээш жинтэй; эсхүл

(3)     ганц-хөдөлгүүртэй ба IFR-ийн дагуу зорчигч тээвэрлэж байгаа.

Энэ Дүрмийн зорилго нь дараах этгээд болон үйл ажиллагаанд хамааралтай дүрмийг хэрэгжүүлснээр дээрх категорийн нисэх онгоцоор үйл ажиллагаа эрхлэгчдэд зориулсан дүрмийн стандартыг тогтооход оршино:

•            арилжааны нислэгийн үйл ажиллагаа гүйцэтгэж байгаа этгээд;

•            арилжааны нислэгийн үйл ажиллагаа эрхэлж байгаа шугамын агаарын тээвэрлэгчийн гэрчилгээ эзэмшигч;

•            арилжааны нислэгийн үйл ажиллагаа гүйцэтгэж байгаа хөлгийн дарга;

•            SEIFR зорчигч тээврийн үйл ажиллагаа гүйцэтгэх нисэх онгоц ашиглах;

•            агаарын хөлгийн нэмэлт төхөөрөмж, хэрэглэл болон гэрчилгээжүүлэлтийн шаардлага, тодорхойлолт;

•            агаарын хөлгийн техник үйлчилгээ;

•            багийн гишүүдийн сургалт болон ур чадвар;

•            нисэх багийн ажил, амралтын цагийн зохицуулалт.

Энэ Дүрэм нь Иргэний нисэхийн асуудал эрхэлсэн Засгийн газрын гишүүний баталсан ИНД-125-ын цахим хувилбар бөгөөд зөвхөн ишлэл хийх зорилгоор хэрэглэнэ. Хүчин төгөлдөр ИНД-125, түүний нэмэлт, өөрчлөлтийн хуулбарыг ИНЕГ-аас, эсхүл www.mcaa.gov.mn веб сайтаас татаж авах боломжтой.

Мэдээлэл

Гишүүн улсуудын иргэний нисэхийн Дүрмийг сайжруулах замаар иргэний нисэхийн салбарт нэгдсэн нэг Дүрмийн зохицуулалтад шилжих Олон улсын иргэний нисэхийн байгууллагын 1992 оны 29-р чуулганы А29-3 тогтоолыг хэрэгжүүлэх зорилгоор, Монгол Улс болон Шинэ Зеланд улсын ИНЕГ-ын хооронд 1999 оны 5 сарын 6-нд байгуулсан "Техникийн Хамтын Ажиллагааны Санамж Бичиг"-ийг үндэслэн Монгол Улсын Иргэний нисэхийн дүрмийг боловсруулсан.

Өөрчлөлтийн түүх    Хүчинтэй огноо

Анхны боловсруулалт    2003 оны 06 сарын 05

Нэмэлт, өөрчлөлт 1     2003 оны 12 сарын 05

Нэмэлт, өөрчлөлт 2     2005 оны 09 сарын 14

Нэмэлт, өөрчлөлт 3     2006 оны 01 сарын 16

Нэмэлт, өөрчлөлт 4 (Хүчингүй болсон)  2010 оны 04 сарын 16

Нэмэлт, өөрчлөлт 5 (Шинэчлэлт)   2020 оны ... сарын ...

Тэмдэглэл: ИНД-125-ын шинэчлэлтийг монгол, англи хэл дээр, NZ Part 125-ын 2017 оны 10 сарын 30-ны A.22-д үндэслэн боловсруулсан болно.

Гарчиг

А Бүлэг - Ерөнхий зүйл

125.1. Зорилго

125.3. Нэр томьёо болон товчлол

125.5. Хууль, дүрэм болон журам

125.7. Журмын хэрэгжүүлэлт

125.8. Багийн гишүүний давуу нөхцөл

125.9. Дүрмийн шаардлагаас чөлөөлөх

125.11. SEIFR зорчигч тээврийн үйл ажиллагаа

B Бүлэг - Нислэгийн үйл ажиллагаа

125.51. Зорилго

125.53. Нисэх онгоцны НТЧ

125.54. SEIFR бататгах нислэг

125.55. Нийтлэг хэл

125.57. Нислэгийн бэлтгэл

125.58. Эрэн хайх, авран туслах мэдээлэл

125.59. Ослын болон аврах төхөөрөмжийн мэдээлэл

125.61. Түлш

125.63. Нислэгийн шалгалт хийх тогтолцоо

125.65. Зорчигчдын аюулгүй байдал

125.67. Нислэгийн бүхээгт орох зөвшөөрөл

125.69. Нисэх онгоцны удирдлагад оролцох

125.71. Нислэгийн бичлэгийн төхөөрөмжид тавих шаардлага

125.72. AEDRS үйл ажиллагааны шаардлага

125.73. Түлшээр сумлах болон түлш юүлэх үйл ажиллагаа

125.75. Нөөц

125.77. Аэродром ашиглах

125.79. SEIFR зорчигч тээврийн үйл ажиллагаа

125.81. Ганц-хөдөлгүүртэй нисэх онгоцны IFR-ийн үйл ажиллагаа

125.83. Үйл ажиллагааг хязгаарлах, эсхүл түдгэлзүүлэх

125.85. VFR нислэгийн минимум өндөр

125.87. Усан дээгүүрх нислэг

125.89. Шөнийн нислэгийн үйл ажиллагаа

125.91. Онцгой нөхцөлийн үеийн арга хэмжээний төлөвлөгөө

125.93. SEIFR - AEDRS эсхүл хөдөлгүүрийн үзүүлэлт хэвийн бус үед авах арга хэмжээ

125.95. SEIFR - бүсийн навигацийн системийн шаардлага

C Бүлэг - Үйл ажиллагааны хязгаарлалт болон цаг агаарын шаардлага

125.151. Зорилго

125.153. Цаг уурын мэдээ

125.155. VFR нислэгийн цаг уурын нөхцөл

125.157. IFR нислэгийн цаг уурын нөхцөл

125.159. IFR нислэгт аэродром ашиглах минима

125.159A. Аэродром бүрд ашиглах аэродромын үйл ажиллагааны минима

125.161. IFR-аар нисэн гарах хязгаарлалт

125.163. Хөөрөлтийн багасгасан минима

125.165. IFR-ийн журам

D Бүлэг - Үзүүлэлт

125.201 Зорилго

125.203. Нөөц

125.205. ИНД-121 D Бүлгийн хэрэгжилт

125.207. Нисэх онгоцны ерөнхий үзүүлэлт

125.209. Хөөрөлтийн зай (FAR Part 23 энгийн категори, эсхүл SFAR 23)

125.211. ХБЗ-ны гадаргуу болон налууг засаж тооцох хүчин зүйл

125.213. IFR нислэгийн нисэх онгоцны хөөрөлтийн үеийн нислэгийн аюулгүй зам

125.215. Хөдөлгүүр ажиллагаагүй үеийн градиент болон хурдны нуралтыг засаж тооцох

125.217. Нислэгийн замд эрсдэлтэй хөдөлгүүр ажиллагаагүй болох

125.219. Нислэгийн зам дагуух 90 минутын хязгаарлалт

125.221. Нисэн очих болон бэлтгэл аэродромд буултын үед өндөр авах

125.223. Хуурай ХБЗ-ны буултын зай

125.225. Нойтон болон тунадастай ХБЗ-ны буултын зай

125.227. Огцом ойртолт болон богино зайд буулт үйлдэх арга техник

125.228. FAR Part 23 коммютер категори болон SFAR 41 нисэх онгоц

125.229. Хөөрөлтийн зай (FAR Part 23 коммютер категори, эсхүл SFAR 41, эсхүл FAR Part 135 App.A)

125.231. Хөөрөлтийн үеийн нислэгийн аюулгүй зам

125.233. ХБЗ-ны буултын зай

E Бүлэг - Жин ба төвлөрөлт

125.301. Зорилго

125.303. Бараа, зорчигч болон тээшний жин

125.305. Нисэх онгоцны ачааллын хязгаарлалт

125.307. Ачааллын манифест

F Бүлэг - Хэрэглэл болон төхөөрөмж

125.351. Зорилго

125.353. Ерөнхий зүйл

125.355. Суудал болон даруулга

125.357. Нэмэлт хэрэглэл

125.359. Шөнийн нислэг

125.361. Хэрэглэлийн нислэгийн дүрэм

125.363. Ослын төхөөрөмж

125.364. Амьсгал хамгаалах төхөөрөмж

125.365. Зарлан мэдээлэх болон багийн гишүүдийн дотоод холбооны систем

125.367. Бүхээгийн дуу чимээ бичигч (CVR)

125.369. Нислэгийн өгөгдөл бичигч (FDR)

125.371. Нэмэлт байрлал заах хэрэгсэл (Additional attitude indicator)

125.373. Цаг агаарын радар

125.375. Газар ойртсоныг анхааруулах систем (GPWS)

125.377. Хөдөлгүүрийн өгөгдөл бичигч автомат (AEDRS)

125.379. Газар мэдрэх ба анхааруулах систем (TAWS)

125.381. Агаарт мөргөлдөхөөс урьдчилан сэргийлэх систем (ACAS II)

G Бүлэг - Техник үйлчилгээ

125.401. Зорилго

125.403. НТЧ-ын хариуцлага

125.405. Нөхцөлөөр хянах техник үйлчилгээний хөтөлбөр

125.407. AEDRS-тай нисэх онгоцны техник үйлчилгээний хөтөлбөрийн нэмэлт шаардлага

125.409. Нөөц

125.411. Нөөц

125.413. Нөөц

125.415. Техник үйлчилгээний дүгнэлт

H Бүлэг - Багийн гишүүдэд тавих шаардлага

125.501. Зорилго

125.503. Багийн гишүүдийг томилох

125.505. Хөлгийн даргын маягийн туршлагад тавих шаардлага

125.507. Хөлгийн даргын VFR-ийн туршлагад тавих шаардлага

125.509. Хөлгийн даргын IFR-ийн туршлагад тавих шаардлага

125.511. Сургагч-нисгэгчийн туршлагад тавих шаардлага

125.513. Шалгагч-нисгэгчийн туршлагад тавих шаардлага

125.515. Бүхээгийн ажилтны туршлагад тавих шаардлага

125.517. Симуляторын багш болон шалгагч-нисгэгчийн туршлагад тавих шаардлага

125.519. Сургагч-бүхээгийн ажилтны туршлагад тавих шаардлага

125.521. Бүхээгийн ажилтанд үнэлгээ хийх этгээдийн туршлагад тавих шаардлага

125.523. Онолын багшийн туршлагад тавих шаардлага

125.525 IFR нислэгийн минимум нисэх багийн гишүүн

125.527. Нисэх баг бүрдүүлэхэд тавих хязгаарлалт

125.529. Хэд хэдэн нисэх онгоцны маяг, эсхүл вариантаар үйл ажиллагаа гүйцэтгэх нисэх баг

125.531. САТ II, эсхүл САТ III-аар нарийвчлалтай ойртолт болон хөөрөлтийн багасгасан минима-гаар нислэг үйлдэх нисэх баг

125.533. Шилжилтийн зохицуулалт

I Бүлэг - Сургалт

125.551. Зорилго

125.553. Багийн гишүүний сургалтын хөтөлбөр

125.555. Багийн гишүүний сургалтын хөтөлбөрийн сэдэв

125.557. Багийн гишүүний танилцах сургалт

125.559. Багийн гишүүний шилжих сургалт

125.561. Багийн гишүүний шат ахих сургалт

125.563. Багийн гишүүний давтан сургалт

125.565. Нисэх багийн сургалтын төхөөрөмж

125.567. Нисгэгчийн шугамын нислэгийн сургалт

125.569. Бүхээгийн ажилтны сургалтын хөтөлбөр

125.571. Бүхээгийн ажилтны үйл ажиллагааны туршлага

125.573. Багийн гишүүдийн сургалтын бүртгэл

J Бүлэг - Багийн гишүүдийн ур чадварт тавих шаардлага

125.601. Зорилго

125.603. Ерөнхий зүйл

125.605. Ур чадварын үнэлгээний хөтөлбөрийн үүрэг хариуцлага

125.607. Нисэх багийн гишүүдийн ур чадварын үнэлгээ

125.609. Сургагч-нисгэгч, симуляторын багш болон шалгагч-нисгэгчийн ур чадварын үнэлгээ

125.611. Бүхээгийн ажилтны ур чадварын үнэлгээ

125.613. Ур чадварын болон шалгалтын бүртгэл

K Бүлэг - Багийн гишүүдийн ажил, амралтын цагийн зохицуулалт

125.801. Зорилго

125.803. Үйл ажиллагаа эрхлэгчийн үүрэг хариуцлага

125.805. Нисэх багийн гишүүний үүрэг хариуцлага

125.807. Бүхээгийн ажилтны ажил, амралтын цагийн зохицуулалт

L Бүлэг - Заавар, бүртгэлийн дэвтэр болон Бүртгэл

125.851. Зорилго

125.853. Үйл ажиллагааны мэдээлэл

125.855. Бүхээгт авч явах баримт бичиг

125.857. Үйл ажиллагааны бүртгэл

125.859. Хадгалах хугацаа

125.861. AEDRS-ийн бүртгэл

Хавсралт A - Нөөц

Хавсралт B - Хэрэглэл болон төхөөрөмжийн НТЧ-ын загварын стандарт

B.1. Зарлан мэдээлэх систем

В.2. Багийн гишүүдийн дотоод холбооны систем

B.3. Бүхээгийн дуу чимээ бичигч (CVR)

B.4. Нислэгийн өгөгдөл бичигч (FDR)

В.5. Нэмэлт байрлал заах хэрэгсэл (Additional attitude indicator)

В.6. Цаг агаарын радар (Weather radar)

В.7. Газар ойртсоныг анхааруулах систем (GPWS)

В.8. AEDRS

В.9. Газар мэдрэх ба анхааруулах систем (TAWS)

B.10. Агаарт мөргөлдөхөөс урьдчилан сэргийлэх систем (ACAS II)

В.11. Амьсгал хамгаалах төхөөрөмж (РВЕ)

Хавсралт C - Хөөрч, буух зурвас

C.1. ХБЗ-ны минимум өргөн

Хавсралт D - ХБЗ-ны буултын зайн үнэлгээ

D.1. Хуурай ХБЗ-ны зөвшөөрөгдсөн буултын зайн үнэлгээ

D.2. Нойтон, эсхүл тунадастай ХБЗ-ны зөвшөөрөгдсөн буултын зайн үнэлгээ

D.3. TALPA журам

ИНД-125 Дунд нисэх онгоцны арилжааны нислэгийн үйл ажиллагаа

А Бүлэг - Ерөнхий зүйл

125.1. Зорилго

(a)     Энэ зүйлийн (b)-г харгалзан, энэ Дүрэм нь дараах нисэх онгоцоор гүйцэтгэх агаарын тээврийн үйл ажиллагаа болон тусгай зориулалтын нисэхийн үйл ажиллагааны зохицуулалтын шаардлагыг тогтооно:

(1)     10 - 30 зорчигчийн суудлын конфигурацитай; эсхүл

(2)     төлбөрт ачааллын багтаамж нь 3410 кг, эсхүл түүнээс бага ба MCTOW нь 5700 кг-аас дээш жинтэй; эсхүл

(3)     SEIFR зорчигч тээврийн үйл ажиллагаа гүйцэтгэх.

(b)     Хэрэв тухайн нисэх онгоцны суудлын тоо, эсхүл төлбөрт ачааллын багтаамжийг ИНД-121-д заасан бол, тухайн үйл ажиллагааг ИНД-121-ийн дагуу гүйцэтгэсэн байх ёстой.

125.3. Нэр томьёо болон товчлол

Энэ Дүрэмтэй холбоотой нэр томьёо болон товчлол нь ИНД-ийн нэр томьёоны тайлбарт багтсан.

125.5. Хууль, дүрэм болон журам

ИНД-119-ийн дагуу олгосон шугамын агаарын тээвэрлэгчийн гэрчилгээ (цаашид "АТ-ийн гэрчилгээ" гэх) эзэмшигч нь гэрчилгээ эзэмшигчийн бүх үндсэн ажилтан, эсхүл гэрээт ажилтнууд иргэний нисэхийн хууль, иргэний нисэхийн дүрэм болон гэрчилгээ эзэмшигчийн Ерөнхий зааварт заасан журамтай танилцсан болохыг бататгана.

125.7. Журмын хэрэгжүүлэлт

Арилжааны нислэгийн үйл ажиллагаа гүйцэтгэж байгаа этгээд нь АТ-ийн гэрчилгээ эзэмшигчийн Ерөнхий зааварт заасан холбогдох журам нь тухайн гэрчилгээгээр зөвшөөрсөн үйл ажиллагаатай тохирч байгааг бататгана.

125.8. Багийн гишүүний давуу нөхцөл

Хэрэв багийн гишүүн I, эсхүл J Бүлгийн дагуу шаардсан тест, нислэгийн шалгалт, эсхүл үнэлгээг шаардлагатай хугацаанаас нь өмнө 60 хоногийн дотор тухайн тест, нислэгийн шалгалт өгсөн, эсхүл үнэлгээ хийлгэсэн бол, багийн гишүүнийг тухайн тест, нислэгийн шалгалт, эсхүл үнэлгээг шаардсан хугацаанд нь хийлгэсэнд тооцно.

125.9. Дүрмийн шаардлагаас чөлөөлөх

Дарга энэ Дүрэмд заасан AEDRS-ийн шаардлагаас чөлөөлөхгүй байж болно.

125.11. SEIFR зорчигч тээврийн үйл ажиллагаа

АТ-ийн гэрчилгээ эзэмшигч нь дараахаас бусад тохиолдолд, SEIFR зорчигч тээврийн үйл ажиллагаа эрхлэхгүй:

(1)     SEIFR зорчигч тээврийн үйл ажиллагааг ИНД-119.15(b)(5)-ын дагуу гэрчилгээ эзэмшигчийн Үйл ажиллагааны тодорхойлолтод заасан байх;

(2)     тухайн үйл ажиллагааг энэ Дүрмийн шаардлагын дагуу гүйцэтгэдэг байх;

(3)     ашиглаж байгаа нисэх онгоц нь шаардлагатай багийн гишүүний суудлаас гадна, 14, эсхүл түүнээс цөөн зорчигчийн суудлын конфигурацитай ба төлбөрт ачааллын багтаамж нь 3410 кг, эсхүл түүнээс бага байх.

B Бүлэг - Нислэгийн үйл ажиллагаа

125.51. Зорилго

Энэ Бүлэг нь арилжааны нислэгийн үйл ажиллагааны зохицуулалтын шаардлагыг тогтооно.

125.53. Нисэх онгоцны НТЧ

(a)     АТ-ийн гэрчилгээ эзэмшигч нь тухайн гэрчилгээний эрхийн хүрээнд арилжааны нислэгийн үйл ажиллагаанд ашиглаж байгаа нисэх онгоц хүчинтэй стандарт категорийн НТЧ-ын гэрчилгээтэй болохыг бататгана.

(b)     АТ-ийн гэрчилгээ эзэмшигч нь дараах шаардлагыг бататгах үүрэгтэй:

(1)     тухайн гэрчилгээний эрхийн хүрээнд SEIFR зорчигч тээврийн үйл ажиллагаанд ашиглаж байгаа нисэх онгоцыг ICAO-гийн Хэлэлцэн тохирогч Улсаас дараах байдлаар зөвшөөрсөн байх:

(i)       турбинт-хөдөлгүүртэй нисэх онгоц;

(ii)     IFR нислэгт зориулан;

(iii)    FAR 23-ын Нэмэлт, өөрчлөлт-28-тэй дүйцэх НТЧ-ын стандартыг хангасан;

(2)     энэ зүйлийн (b)(1)-ийн дагуу үйл ажиллагаа гүйцэтгэдэг нисэх онгоцонд суурилуулсан сэнс болон хөдөлгүүрийн байнгын үйл ажиллагаанд шаардлагатай туслах тоноглол болон сэнсний загвар, хөдөлгүүрийн загвар нь дараах шаардлагыг хангасан байх:

(i)       ижил маягийн нисэх онгоцонд минимум 100,000 ашиглалтын цаг хуримтлуулсан байх;

(ii)     тухайн нисэх онгоцонд суурилуулсантай ижил сэнс, хөдөлгүүр болон туслах тоноглолын хослолтой IFSD үзүүлэлт нь 100,000 цаг тутамд нэгээс ихгүй байх.

125.54. SEIFR бататгах нислэг

(a)     ИНД-119.57(a)-г үл харгалзан, тухайн үйл ажиллагаа ИНД-119.15(b)(5)-ын дагуу гэрчилгээ эзэмшигчийн Үйл ажиллагааны тодорхойлолтод заагдаагүй бол, SEIFR зорчигч тээврийн үйл ажиллагаа гүйцэтгэхээр төлөвлөж байгаа АТ-ийн гэрчилгээ эзэмшигч нь SEIFR зорчигч тээврийн үйл ажиллагаа гүйцэтгэх зорилгоор тухайн гэрчилгээнд нэмэлт өөрчлөлт оруулах хүсэлтийг гаргахын өмнө энэ Дүрэм, эсхүл бусад Дүрэмд заасан холбогдох шаардлагыг хангаж чадахаа Даргад батлах зорилгоор бататгах нислэг болон тестийг гүйцэтгэх үүрэгтэй.

(b)     Энэ зүйлийн (a)-д шаардсан нислэг болон тестийг Даргын хүлээн зөвшөөрөхүйц хэлбэрээр гүйцэтгэсэн байна.

125.55. Нийтлэг хэл

АТ-ийн гэрчилгээ эзэмшигч нь дараах шаардлагыг бататгах үүрэгтэй:

(1)     багийн бүх гишүүн нь нийтлэг нэг хэлээр харилцан ойлголцох чадвартай байх ба нэгээс доошгүй нисэх багийн гишүүн нь тухайн нислэгийн үйл ажиллагааг гүйцэтгэхэд шаардлагатай хэлээр харилцан ойлголцох чадвартай байх;

(2)     нислэгийн үйл ажиллагааны бүх ажилтан нь гэрчилгээ эзэмшигчийн Ерөнхий зааврын тэдэнд хамааралтай хэсэг болон нислэгийн заавар бичигдсэн хэлээр уншиж, ойлгох чадвартай байх.

125.57. Нислэгийн бэлтгэл

(a)     АТ-ийн гэрчилгээ эзэмшигч нь тухайн гэрчилгээний эрхийн хүрээнд гүйцэтгэж байгаа арилжааны нислэгийн үйл ажиллагааны хувьд, төлөвлөсөн үйл ажиллагааг гүйцэтгэхэд шаардлагатай бүх мэдээлэл хөлгийн даргад бэлэн байдаг болохыг бататгах үүрэгтэй.

(b)     АТ-ийн гэрчилгээ эзэмшигч нь тухайн гэрчилгээний эрхийн хүрээнд гүйцэтгэх арилжааны нислэгийн үйл ажиллагааны өмнө тухайн нислэгийн төлөвлөгөөг бэлтгэж байгаа үйл ажиллагааны төрөлд тохирсон ИНД-91.307(c), эсхүл 91.407-гийн шаардлага хангасан ба хэрэв хөлгийн дарга тухайн нислэгийн төлөвлөгөөг биечлэн бэлдээгүй бол төлөвлөсөн үйл ажиллагааны өмнө хөлгийн даргад нислэгийн төлөвлөгөөний агуулгыг танилцуулдаг болохыг бататгах үүрэгтэй.

(c)     Тухайн нислэгийн гүйцэтгэлээс шалтгаалан буулт үйлдэхээр төлөвлөсөн дараагийн аэродромын SARTIME-ийг өөрчилдөг бол, ИНД-91.307(c)-д шаардсан, энэ зүйлийн (b)-гийн дагуу бэлтгэдэг VFR нислэгийн төлөвлөгөө нь хэд хэдэн нислэгийн замын сегментээс бүрдэж болно.

(d)     ИНД-91.307(a)-г үл харгалзан болон энэ зүйлийн (f)-д зааснаас бусад тохиолдолд, АТ-ийн гэрчилгээ эзэмшигч нь энэ зүйлийн (b)-д шаардсан нислэгийн төлөвлөгөөг арилжааны нислэгийн үйл ажиллагаа гүйцэтгэхийн өмнө холбогдох НХҮ-ний нэгжид хүргүүлсэн болохыг бататгах үүрэгтэй.

(e)     ИНД-91.307(a) болон ИНД-91.407(a)(1)-ийг үл харгалзан, энэ зүйлийн (d)-гийн дагуу НХҮ-ний нэгжид хүргүүлэх шаардлагатай нислэгийн төлөвлөгөөг АТ-ийн гэрчилгээ эзэмшигч хүргүүлж болох ба хөлгийн дарга тухайн нислэгийн төлөвлөгөөний агуулгыг мэддэг байх үүрэгтэй.

(f)       VFR-ийн дагуу гүйцэтгэдэг арилжааны нислэгийн үйл ажиллагааны хувьд, нислэгийн төлөвлөгөөг НХҮ-ний нэгжид хүргүүлэхийг шаардахгүй, хэрэв тухайн үйл ажиллагаа нь завсрын буултгүй нислэг бөгөөд:

(1)     тухайн нислэг нь нисэн гарсан аэродромдоо эргэн ирэх бол;

(2)     тухайн нислэг нь аэродромоос 46 км (25 nm) дотор байх бол.

(g)     Энэ зүйлийн (f)-ийн дагуу нислэгийн төлөвлөгөөг НХҮ-ний нэгжид хүргүүлээгүй тохиолдолд, тухайн нислэгийг ИНД-119.73-ын дагуу нислэг дагах хяналтын үйлчилгээгээр хангасан байх ёстой.

125.58. Эрэн хайх, авран туслах мэдээлэл

(a)     АТ-ийн гэрчилгээ эзэмшигч нь, тухайн гэрчилгээний эрхийн хүрээнд үйл ажиллагаандаа ашиглаж байгаа нисэх онгоцонд, тухайн нисэх онгоц дээгүүр нь нисэх газар нутгийн эрэн хайх, авран туслах үйлчилгээтэй холбоотой мэдээлэл бүхээгт бэлэн байгааг бататгах үүрэгтэй.

125.59. Ослын болон аврах төхөөрөмжийн мэдээлэл

(a)     АТ-ийн гэрчилгээ эзэмшигч нь, онцгой нөхцөлийн үед авран туслах албатай шуурхай холбоо барих зорилгоор нисэх онгоцондоо тээвэрлэж байгаа ослын болон аврах төхөөрөмжийн мэдээллийг бэлэн байлгана.

(b)     Эргээс 93 км (50 nm)-ээс хол зайд гүйцэтгэх арилжааны нислэгийн үйл ажиллагаанд, энэ зүйлийн (а)-д шаардсан мэдээлэл нь дараах мэдээллийг багтаасан байна:

(1)     аврах завины тоо, өнгө болон төрөл;

(2)     пиротехникийн эд зүйл тээвэрлэсэн эсэх;

(3)     эмнэлгийн яаралтай тусламжийн болон цэвэр усны хангамжийн дэлгэрэнгүй мэдээлэл;

(4)     ослын зөөврийн радио төхөөрөмжийн төрөл ба ажиллах давтамж.

125.61. Түлш

(a)     АТ-ийн гэрчилгээ эзэмшигч нь нислэгийн төлөвлөлт болон нислэгийн замын дагуух дахин төлөвлөлт хийх зорилгоор тухайн төлөвлөсөн нислэгийн хазайлтыг нөхөх нөөцийг багтаасан, төлөвлөсөн үйл ажиллагаандаа хангалттай түлшийг тухайн нисэх онгоц тээвэрлэж байгааг бататгах түлшний бодлогыг хэрэгжүүлсэн байна.

(b)     Түлшний бодлого нь түлшний төлөвлөлтийн шаардлагыг дараах мэдээлэлд үндэслэсэн болохыг бататгана:

(1)     тухайн нисэх онгоцны маягийн гэрчилгээнд заасан үзүүлэлтэд нийцсэн бөгөөд үйлдвэрлэгчийн зааварт агуулагдсан, эсхүл түүнээс гаргаж авсан журам, хүснэгт болон график;

(2)     дараах өгөгдлийг багтаасан, тухайн төлөвлөсөн нислэг үйлдэх үйл ажиллагааны нөхцөл:

(i)       нисэх онгоцны түлшний хэвийн зарцуулалтын өгөгдөл;

(ii)     урьдчилан тооцоолсон жин;

(iii)    таамаглаж байгаа цаг уурын нөхцөл;

(iv)   НХҮ-ний шаардлага болон хязгаарлалт;

(v)     нисэн очих аэродромын газар зүйн байрлал;

(vi)   тогтоогдсон нөөцийн түлшний зарцуулалтад үзүүлэх нөлөө.

(c)     Энэ зүйлийн (d)-д зааснаас бусад тохиолдолд, АТ-ийн гэрчилгээ эзэмшигч нь үйл ажиллагаанд шаардлагатай, хэрэглэх боломжит түлшний тооцоонд дараах хүчин зүйлийг тооцдог болохыг бататгана:

(1)     явгалах түлш (taxi fuel);

(2)     аяллын түлш (trip fuel);

(3)     дараах түлшнээс бүрдсэн нөөц түлш (reserve fuel);

(i)       хазайлтыг нөхөх түлш (contingency fuel);

(ii)     бэлтгэл аэродромын түлш (alternate fuel), хэрэв бэлтгэл аэродром шаардлагатай бол;

(iii)    үлдэгдэл-нөөц түлш (final-reserve fuel);

(iv)   нэмэлт түлш (additional fuel), хэрэв тухайн үйл ажиллагааны төрөлд шаардлагатай бол.

(d)     АТ-ийн гэрчилгээ эзэмшигч нь хэрэв тухайн вариант нь гэрчилгээ эзэмшигчийн Ерөнхий зааварт заагдсан бол нислэгийн замын дагуух дахин төлөвлөлтийн журмыг хэрэгжүүлэхдээ энэ зүйлийн (c)-д тооцож үзэхийг шаардсан хүчин зүйлийг өөрөөр авч үзэж болно.

125.63. Нислэгийн шалгалт хийх тогтолцоо

(a)     АТ-ийн гэрчилгээ эзэмшигч нь, тухайн гэрчилгээний эрхийн хүрээнд үйл ажиллагаанд ашиглаж байгаа нисэх онгоцны нисэх багийн гишүүн ашиглахад зориулсан нислэгийн шалгалт хийх тогтолцоог бүрдүүлэх үүрэгтэй.

(b)     Энэ зүйлийн (a)-д шаардсан нислэгийн шалгалт хийх тогтолцоог бүрдүүлэхдээ, АТ-ийн гэрчилгээ эзэмшигч нь, тухайн нисэх онгоцыг удирдах үйл ажиллагаанд нисэх багийн гишүүд нь аюулгүй шийдвэр гаргах чадвартай болохыг бататгах зорилгоор хүний хүчин зүйлийн болон багийн нөөцийн удирдлагын зарчмыг тооцон үзэх үүрэгтэй.

(c)     Энэ зүйлийн (a)-д шаардсан нислэгийн шалгалт хийх тогтолцоо нь дараах шаардлагыг хангасан байх шаардлагатай:

(1)     нислэгийн бүхээгийн удирдлагын аюулгүй, үр дүнтэй зааварчилгаа болон удирдамжаар хангах;

(2)     нислэгийг аюулгүй гүйцэтгэхэд ашигладаг аргыг тогтоох;

(3)     дараах шаардлагыг хангаж байгааг бататгах журам болон шалгах-хуудсыг багтаах:

(i)       тухайн нисэх онгоцны нислэгийн заавар;

(ii)     тухайн үйлдвэрлэгчийн техникийн болон аюулгүй байдлын зааварчилгаа;

(4)     дараах мэдээллийг багтаах:

(i)       үйл ажиллагааны зааврын дэлгэрэнгүй шалгах-хуудас;

(ii)     тогтоосон дэс дарааллаар ажиглалт хийх;

(iii)    онцгой нөхцөлийн журмыг багтаасан хурдан лавлах хураангуйлсан шалгах-хуудас.

(5)     SEIFR зорчигч тээврийн үйл ажиллагаанд ашиглагддаг бол, нислэгийн өмнөх үзлэг хийж байгаа этгээд нь тухайн үзлэгийн үед нислэгт эрсдэлтэй эд зүйлийг засаж, гэрчилгээ эзэмшигчээр зөвшөөрөгдсөн өөр этгээд нислэг эхлэхийн өмнө тухайн эд зүйлийг нисэх онгоцны нислэгийн зааврын дагуу сольсон болохыг баталгаажуулдаг журмыг багтаасан байх.

(d)     Арилжааны нислэгийн үйл ажиллагаа гүйцэтгэж байгаа нисэх багийн гишүүн бүр энэ зүйлийн (a)-д шаардсан нислэгийн шалгалт хийх тогтолцооны дагуу бүхээгийн шалгах-хуудсыг дараах тохиолдолд ашиглах үүрэгтэй:

(1)     тухайн үйл ажиллагааны үе шат бүрийн өмнө, туршид болон дараа;

(2)     хэвийн бус болон онцгой нөхцөлийн үед.

125.65. Зорчигчдын аюулгүй байдал

Арилжааны нислэгийн үйл ажиллагаа гүйцэтгэж байгаа этгээд нь дараах шаардлагыг бататгана:

(1)     онцгой нөхцөлийн нүүлгэн шилжүүлэлт хийх үед, зорчигчдыг нисэх онгоцноос нүүлгэн шилжүүлэхэд саад болохгүй байхаар суулгасан байх;

(2)     согтууруулах ундаа, эсхүл эмийн бодисын нөлөөнд байгаа, эсхүл тухайн нисэх онгоц, эсхүл түүнд байгаа хүмүүсийн аюулгүй байдалд аюултай байж болох бүдүүлэг авир гаргасан зорчигчийг нисэх онгоцонд суулгахаас татгалздаг, эсхүл шаардлагатай тохиолдолд буулгадаг байх;

(3)     хөгжлийн бэрхшээлтэй зорчигчдыг онцгой нөхцөл үүссэн тохиолдолд, тусламж үзүүлэх болон тохиромжтой суудлын байрлалд хуваарилан зохих ёсоор асран халамжилдаг байх;

(4)     харгалзагчтай зорчигч нь бусад зорчигчид, эсхүл нисэх онгоцонд аюул учруулахгүй байх зорилгоор гэрчилгээ эзэмшигчийн Ерөнхий зааварт заасан журмын дагуу тэднийг тээвэрлэх урьдчилсан зохицуулалт хийдэг байх;

(5)     тухайн нисэх онгоцны бүхээгт хөгжлийн бэрхшээлтэй, эсхүл харгалзагчтай зорчигчийг тээвэрлэх тохиолдолд хөлгийн даргад мэдэгдсэн байх.

125.67. Нислэгийн бүхээгт орох зөвшөөрөл

(a)     Арилжааны нислэгийн үйл ажиллагаа гүйцэтгэж байгаа этгээд нь тухайн нислэгт томилогдсон нисэх багийн гишүүнээс бусад, хөлгийн дарга зөвшөөрсөн, дараахаас бусад этгээдийг нислэгийн бүхээгт орох, эсхүл тээвэрлэхийг, эсхүл нисгэгчийн суудалд суухыг зөвшөөрдөггүй болохыг бататгах үүрэгтэй:

(1)     багийн гишүүн; эсхүл

(2)     Даргын эрх бүхий төлөөлөгч; эсхүл

(3)     АТ-ийн гэрчилгээ эзэмшигч Ерөнхий зааварт заасан журмын дагуу зөвшөөрсөн этгээд.

(b)     Арилжааны нислэгийн үйл ажиллагаа гүйцэтгэж байгаа этгээд нь, нислэгийн бүхээгт орох зөвшөөрөлтэй, эсхүл нисгэгчийн суудалд сууж байгаа этгээд нь гэрчилгээ эзэмшигчийн Ерөнхий зааварт заасан аюулгүй байдлын журамтай танилцсан болохыг бататгах үүрэгтэй.

125.69. Нисэх онгоцны удирдлагад оролцох

(a)     Энэ зүйлийн (b)-д зааснаас бусад тохиолдолд, аливаа этгээд арилжааны нислэгийн үйл ажиллагаанд ашиглаж байгаа нисэх онгоцны удирдлагад оролцохгүй байх үүрэгтэй.

(b)     АТ-ийн гэрчилгээ эзэмшигч нь дараахаас бусад этгээдийг арилжааны нислэгийн үйл ажиллагаанд ашиглаж байгаа нисэх онгоцны удирдлагад оролцохыг зөвшөөрдөггүй болохыг бататгах үүрэгтэй:

(1)     нисэх багийн гишүүн; эсхүл

(2)     Даргын эрх бүхий дараах төлөөлөгч:

(i)       гэрчилгээ эзэмшигчийн болон хөлгийн даргын зөвшөөрөлтэй;

(ii)     шаардлагатай ажил үүрэг гүйцэтгэж байгаа.

125.71. Нислэгийн бичлэгийн төхөөрөмжид тавих шаардлага

(a)     ИНД-125.367-д CVR-ыг шаардсан тохиолдолд, нисэх багийн гишүүн нь дараах шаардлагыг бататгана:

(1)     хөдөлгүүр асаахын өмнөх шалгах-хуудсыг уншиж эхлэхээс нислэгийн дараах төгсгөлийн шалгах-хуудсыг уншиж дуусах хүртэл тасралтгүй ажилладаг байх;

(2)     хэрэв тухайн нисэх онгоц нь гар, эсхүл маскны микрофоноос хүлээж авах тасалддаггүй аудио дохиог бичихээр тоноглогдсон бол, тухайн гар микрофоныг 3000 м-ээс (10 000 ft) доош түвшинд ашигладаг байх;

(3)     хэрэв CVR нь бичлэг арилгах үйлдэлтэй бол зөвхөн техник үйлчилгээ, эсхүл нислэгийн аюулгүй байдлыг шинжлэн шалгах ажиллагаанаас бусад зорилгоор ашигладаггүй байх.

(b)     ИНД-125.369-т FDR-ыг шаардсан тохиолдолд, нисэх багийн гишүүн нь дараах шаардлагыг бататгана:

(1)     тухайн нисэх онгоц хөөрөлт эхлэхээс буулт үйлдэж дуусах хүртэл хугацаанд тасралтгүй ажилладаг байх;

(2)     нислэгийн цикл бүрийн дараа, тухайн нисэх онгоц 25-аас доошгүй цагийн нислэгийн үйл ажиллагаа гүйцэтгэх хүртэл бүх бичигдсэн өгөгдлийг хадгалдаг байх;

(3)     нислэгийн бичлэгийн төхөөрөмж, эсхүл нислэгийн бичлэгийн төхөөрөмжийн системд шалгалт хийх зорилгоор 1-ээс дээш цагийн бичигдсэн өгөгдлийг арилгадаггүй байх;

(4)     энэ зүйлийн (b)(3)-ын дагуу хийсэн арилгах үйлдэл нь:

(i)       тест хийх үед хадгалагдсан хамгийн эхэнд бичигдсэн өгөгдөл байх;

(ii)     холбогдох техник үйлчилгээний баримт бичигт тэмдэглэгдсэн байх.

125.72. AEDRS үйл ажиллагааны шаардлага

ИНД-125.377-гийн дагуу AEDRS-аар тоноглосон байхыг шаардсан нисэх онгоцоор үйл ажиллагаа эрхэлж байгаа АТ-ийн гэрчилгээ эзэмшигч дараахаас бусад тохиолдолд, тухайн нисэх онгоцоор SEIFR зорчигч тээврийн үйл ажиллагаа гүйцэтгэхгүй байх үүрэгтэй:

(a)     125.407(a)(5)-д шаардсан журмын дагуу AEDRS-аар тухайн хөдөлгүүрийн суурь шугаман өгөгдлийг тогтоосон байх;

(b)     тухайн хөдөлгүүрийн үйл ажиллагааны үед:

(i)       AEDRS ажиллагаатай байх;

(ii)     AEDRS тухайн хөдөлгүүрийн асаалтын цикл эхлэхээс, хөдөлгүүрийг унтраах хүртэл тасралтгүй ажилладаг байх.

125.73. Түлшээр сумлах болон түлш юүлэх үйл ажиллагаа

(a)     ИНД-91.15(3)-ыг үл харгалзан, ИНД-119-ийн дагуу олгосон АТ-ийн гэрчилгээний эрхийн хүрээнд нисэх онгоцоор үйл ажиллагаа гүйцэтгэж байгаа этгээд нь, хэрэв гэрчилгээ эзэмшигчийн Ерөнхий зааварт заасан журмын дагуу аюулгүй байдлын болон нүүлгэн шилжүүлэх анхааруулах арга хэмжээ авсан болохыг тухайн нисэх онгоцоор үйл ажиллагаа гүйцэтгэж байгаа этгээд бататгасан бол, аливаа этгээдийг нисэх онгоцонд суулгаж байхад, бүхээгт байхад, эсхүл буулгаж байх үед 3.1С, эсхүл 3.1D ангиллын шатамхай шингэнээр нисэх онгоцыг сумлах, эсхүл юүлэх үйл ажиллагааг гүйцэтгэж болно.

(b)     ИНД-119-ийн дагуу олгосон АТ-ийн гэрчилгээний эрхийн хүрээнд нисэх онгоцоор үйл ажиллагаа гүйцэтгэж байгаа этгээд нь дараах тохиолдолд 1, эсхүл түүнээс олон татах хүчний төхөөрөмж ажиллаж байх үед 3.1С, эсхүл 3.1D ангиллын шатамхай шингэнээр нисэх онгоцыг сумлах, эсхүл юүлэх үйл ажиллагааг гүйцэтгэж болно, хэрэв:

(1)     түлшээр сумлах, эсхүл түлш юүлэх үйл ажиллагаа эхлэхийн өмнө, бүх зорчигчийг багийн гишүүний хяналтан дор нисэх онгоцноос буулгасан байх ба тэд тухайн талбайгаас зайтай байгаа бол;

(2)     түлшээр сумлах, эсхүл түлш юүлэх үйл ажиллагааны бүх асуудлыг хөлгийн дарга хариуцдаг бол.

125.75. Нөөц

125.77. Аэродром ашиглах

(a)     АТ-ийн гэрчилгээ эзэмшигч нь дараах шаардлага хангаагүй аэродромыг тухайн эзэмшигчийн гэрчилгээний эрхийн хүрээнд арилжааны нислэгийн үйл ажиллагаанд ашиглаж байгаа нисэх онгоцны хөөрөлт, эсхүл буулт үйлдэхэд ашигладаггүй болохыг бататгах үүрэгтэй:

(1)     тухайн аэродромын бодит үзүүлэлт, саадыг хязгаарлах гадаргуу болон ил харааны туслах хэрэгсэл, тэмдэглэгээ нь дараах шаардлагыг хангасан байх:

(i)       ашиглаж байгаа нисэх онгоцны үзүүлэлтэд тохирсон байх;

(ii)     ашиглах цаг уурын минима-д нийцсэн байх;

(2)     хэрэв тухайн үйл ажиллагаа нь 2007 оны 7 сарын 12-ноос хойш Монгол Улсаас, эсхүл Монгол Улс руу болон Монгол Улсын гадна гүйцэтгэж байгаа тогтмол агаарын тээврийн үйлчилгээ бол:

(i)       үйл ажиллагаандаа ашигладаг, Монгол Улс доторх аэродромын ХБЗ нь ИНД-139 Хавсралт А.1-ийн шаардлагын дагуу тухайн ХБЗ-ны төгсгөлд RESA-тай байх; эсхүл

(ii)     хэрэв тухайн ХБЗ нь энэ зүйлийн (a)(2)(i)-д шаардсан RESA-гүй бол, гэрчилгээ эзэмшигч нь 2011 оны 12 сарын 12-ноос хойш гүйцэтгэх үйл ажиллагаандаа нисэх онгоцны хөөрөлт болон буултын үзүүлэлтийг тооцохдоо тухайн ХБЗ-ны хувьд 90 м-тэй дүйцэх RESA-г ХБЗ-ны талбайн даван гүйж гарах төгсгөлд байхаар зарлагдсан зайг багасгаж тооцдог болохыг бататгах үүрэгтэй;

(iii)    үйл ажиллагаандаа ашигладаг, Монгол Улсын гаднах аэродромын ХБЗ нь ХБЗ-ны даван гүйж гарах төгсгөлийг 150 м-ээс доошгүй уртасгасан RESA-тай байх, эсхүл Даргын хүлээн зөвшөөрөхүйц, дүйцэх инженерингийн үндэслэлтэй бүтээгдсэн байх; эсхүл

(iv)   хэрэв ХБЗ нь RESA-гүй, эсхүл энэ зүйлийн (a)(2)(iii)-т шаардсантай дүйцэхээр бүтээгдээгүй бол, гэрчилгээ эзэмшигч нь тухайн нисэх онгоцны хөөрөлт болон буултын үзүүлэлтийг тооцохдоо тухайн ХБЗ-ны хувьд энэ зүйлийн (a)(2)(iii)-т шаардсантай дүйцэх RESA-тай ХБЗ-ны даван гүйж гарах төгсгөлд байхаар зарлагдсан зайг багасгаж тооцдог болохыг бататгах үүрэгтэй.

(b)     Хэрэв АТ-ийн гэрчилгээний эрхийн хүрээнд үйл ажиллагаа гүйцэтгэдэг нисэх онгоц нь Монгол Улсын AIP-аар зарлан мэдээлээгүй аэродром ашигладаг бол, АТ-ийн гэрчилгээ эзэмшигч нь дараах мэдээллийг агуулсан бүртгэлийг байнга хөтлөх үүрэгтэй:

(1)     тухайн аэродромын өгөгдөл;

(2)     аэродромын нөхцөл нь үйл ажиллагаанд аюулгүй болохыг бататгах журам;

(3)     аврах төхөөрөмжийг багтаасан шаардлагатай төхөөрөмжийн нөхцөл нь тухайн үйл ажиллагаанд аюулгүй болохыг бататгах журам;

(4)     тухайн аэродромыг ашиглах хязгаарлалтын дэлгэрэнгүй мэдээлэл.

(c)     АТ-ийн гэрчилгээ эзэмшигч нь тухайн эзэмшигчийн гэрчилгээний эрхийн хүрээнд өдрийн цагаар VFR-аар үйл ажиллагаанд ашигладаг, MCTOW нь 5700 кг, эсхүл түүнээс бага жинтэй нисэх онгоцыг дараахаас бусад тохиолдолд буулт, эсхүл хөөрөлт үйлдэх зорилгоор аливаа талбайг ашигладаггүй болохыг бататгах үүрэгтэй:

(1)     ашиглаж байгаа ХБЗ нь:

(i)       нисэх онгоцны гадна үндсэн дугуй хоорондын зайнаас 2 дахинаас доошгүй өргөнтэй байх;

(ii)     ашиглаж байгаа нисэх онгоц хөөрөлт болон буулт үйлдэхэд овон товонгүй, хангалттай урт гадаргуутай байх;

(2)     ашиглаж байгаа ХБЗ-ыг хүрээлсэн ХБЗ-ны талбайн өргөн нь тухайн нисэх онгоцны далавчны уртаас 2,5 дахинаас доошгүй, эсхүл 30 м-ийн аль их өргөнтэй байх.

(d)     АТ-ийн гэрчилгээ эзэмшигч нь энэ зүйлийн (c)-гийн дагуу үйл ажиллагаанд ашигладаггүй нисэх онгоц, дараах шаардлага хангаагүй талбайг буулт, эсхүл хөөрөлт үйлдэхэд ашигладаггүй болохыг бататгах үүрэгтэй:

(1)     ашиглаж байгаа нисэх онгоцны аэродромын хяналтын кодыг (ARC) Хавсралт C, Хүснэгт 1-д зааснаар тогтоодог байх;

(2)     ХБЗ-ны өргөн нь Хавсралт C, Хүснэгт 2-ын нисэх онгоцны кодын дугаараар тогтоосон өргөнөөс доошгүй байх;

(3)     ашиглаж байгаа ХБЗ-ны хувьд, ХБЗ-ны талбайн минимум өргөнийг ИНД-139 Хавсралт C, Хүснэгт C-1-д зааснаар тогтоодог байх.

(e)     Энэ зүйлийн (c) болон (d)-г үл харгалзан, АТ-ийн гэрчилгээ эзэмшигч нь нисэх онгоцны маягийн хувьд, энэ зүйлийн (c), эсхүл (d)-д шаардсанаас бага минимум өргөнтэй ХБЗ-ыг дараах тохиолдолд ашиглаж болно, хэрэв:

(1)     гэрчилгээжсэн шалгах нислэгээр тогтоосон ХБЗ-ны бага минимум өргөн нь тухайн нисэх онгоцны нислэгийн зааварт заагдсан бол; эсхүл

(2)     ХБЗ-ны бага минимум өргөн нь Даргын хүлээн зөвшөөрөхүйц бол.

125.79. SEIFR зорчигч тээврийн үйл ажиллагаа

(a)     SEIFR зорчигч тээврийн үйл ажиллагаа эрхэлж байгаа АТ-ийн гэрчилгээ эзэмшигч нь дараах үүрэгтэй:

(1)     тухайн үйл ажиллагаанд ашигладаг аэродромын хувьд, хэрэглэлээр нисэн гарах, эсхүл ойртолт үйлдэж байхад хөдөлгүүрийн чадал алдагдсан тохиолдолд, саадыг давах зайг хадгалахад туслах зорилгоор нөөц сонголт хийх боломжтой дараах мэдээллийг багтаасан дэлгэрэнгүй мэдээлэлтэй нислэгийн замын гарын авлагаар хөлгийн даргыг хангах:

(i)       төлөвлөсөн ХБЗ-д хүрэх бусад нөөц нислэгийн зам;

(ii)     тухайн нисэх онгоц ХБЗ-д хүрэхэд шаардлагатай минимум өндөр болон гулгалтын схем;

(2)     SEIFR-тай холбоотой хүндрэлтэй асуудлыг эрт тогтоох болон урьдчилан сэргийлэхийг бататгах зорилгоор дараах ажиллагааг багтаасан хөтөлбөр хэрэгжүүлсэн болохыг бататгах:

(i)       SEIFR зорчигч тээврийн үйл ажиллагааны аюулгүй байдалд боломжит эрсдэл учруулж болох тохиолдлыг бүртгэх;

(ii)     боломжит бэлтгэл аэродромд цаг агаараас шалтгаалан төлөвлөлтийн минима нь доогуур байснаас нисэх онгоцыг SEIFR зорчигч тээврийн үйл ажиллагаанд гаргаагүй тохиолдлыг бүртгэх;

(iii)    нисэх онгоцны хувьд, тухайн нисэх онгоц болон түүний системийн найдвартай ажиллагаанд үнэлгээ хийхэд зориулагдсан өгөгдлийн санг хөтлөх;

(iv)   тухайн хөдөлгүүр үйлдвэрлэгчийн техник үйлчилгээний өргөтгөсөн хөтөлбөрийг мөрдөх;

(3)     энэ хэсгийн (2)(iii)-т шаардсан өгөгдлийн санд дараах мэдээлэл багтсан болохыг бататгах:

(i)       сар бүрийн SEIFR зорчигч тээврийн нислэг үйлдсэн тоог бүртгэх;

(ii)     төлөвлөснөөс өөрөөр гүйцэтгэсэн SEIFR зорчигч тээврийн үйл ажиллагааны дэлгэрэнгүй мэдээлэл;

(iii)    нисэх онгоцны бэлэн бус байдлаас шалтгаалан SEIFR зорчигч тээврийн үйл ажиллагааны хүрээнд нисэх онгоцыг нислэгт гаргаагүй тохиолдлын тоо;

(4)     энэ хэсгийн (2) болон (3)-д шаардсан мэдээллийг ИНД-100.3(a)(3)(iii)-т шаардсан чанар баталгаажуулалтын хөтөлбөрийн дагуу хуанлийн сар бүр дүгнэлт хийх ба аливаа залруулах, эсхүл урьдчилан сэргийлэх арга хэмжээг бүртгэсэн болохыг бататгах;

(5)     энэ хэсгийн (2) болон (3)-д шаардсан мэдээлэл болон энэ хэсгийн (4)-т шаардсан бүртгэлийг 6 сарын дараа тухайн мэдээллийг хуанлийн 3 сар тутамд нэг удаа сунгаж болохоос бусад тохиолдолд, хуанлийн сар бүр Даргад ирүүлж байхыг бататгах, хэрэв тухайн сунгалтыг энэ зүйлийн (b)-гийн дагуу Дарга зөвшөөрсөн бол;

(6)     I Бүлэгт шаардсан сургалтын сэдвийн задаргаанд дараах нэмэлт сургалт багтсан болохыг бататгах:

(i)       олон-хөдөлгүүртэй нисэх онгоц дээр нисэх багийн гишүүний хуримтлуулсан IFR-ийн туршлага болон ганц-хөдөлгүүртэй нисэх онгоц дээр нисэх багийн гишүүний хуримтлуулсан VFR-ийн туршлагыг SEIFR зорчигч тээврийн үйл ажиллагаанд нэгтгэж шилжүүлэх;

(ii)     мөстөлттэй нөхцөлд SEIFR зорчигч тээврийн үйл ажиллагааг гүйцэтгэх, эсхүл зайлсхийхэд шаардлагатай;

(iii)    хэрэв нислэгийн үйл ажиллагааг шөнийн цагаар гүйцэтгэдэг бол SEIFR зорчигч тээврийн үйл ажиллагааг шөнийн цагаар гүйцэтгэхэд шаардлагатай;

(iv)   хэвийн бус нөхцөлийн анхааруулга, эсхүл дохиолол ажилласан тохиолдолд, нисэх багийн гишүүн зохих арга хэмжээ авахад шаардлагатай.

(b)     Дарга энэ зүйлийн (a)(5)-ын дагуу холбогдох мэдээлэл болон бүртгэлийг хангах сунгалтыг хэрэв сунгалт нь нисэхийн аюулгүй байдлыг бууруулаагүй гэж Дарга үзсэн бол, зөвшөөрч болно.

125.81. Ганц-хөдөлгүүртэй нисэх онгоцны IFR-ийн үйл ажиллагаа

Аливаа этгээд нь ганц-хөдөлгүүртэй нисэх онгоцоор IFR-ийн дагуу зорчигч тээвэрлэн тусгай зориулалтын нисэхийн үйл ажиллагаа гүйцэтгэхгүй.

125.83. Үйл ажиллагааг хязгаарлах, эсхүл түдгэлзүүлэх

АТ-ийн гэрчилгээ эзэмшигч нь үйл ажиллагааны аюулгүй байдалд аливаа аюултай нөхцөл байгааг мэдсэн даруйд тухайн аюулыг зайлуулах хүртэл үйл ажиллагаагаа шаардлагатай байдлаар хязгаарлана, эсхүл түр зогсооно.

125.85. VFR нислэгийн минимум өндөр

ИНД-91.311(c) нь энэ Дүрмийн дагуу арилжааны нислэгийн үйл ажиллагаа гүйцэтгэж байгаа хөлгийн даргад хамаарахгүй.

125.87. Усан дээгүүрх нислэг

(a)     АТ-ийн гэрчилгээ эзэмшигч нь дараахаас бусад тохиолдолд, тухайн гэрчилгээний эрхийн хүрээнд үйл ажиллагаанд ашиглаж байгаа нисэх онгоцыг усан дээгүүрх үргэлжилсэн нислэгийн үйл ажиллагаанд ашигладаггүй болохыг бататгах үүрэгтэй:

(1)     тухайн үйл ажиллагааг IFR-ийн дагуу гүйцэтгэж байгаа;

(2)     багийн гишүүд тухайн нисэх онгоцоор усан дээр ослын буулт үйлдэх журмын сургалтад хамрагдсан;

(3)     үйл ажиллагааны орчин болон уур амьсгалын нөхцөлийг тооцон усан дээр ослын буулт үйлдэх тохиолдолд, тухайн нисэх онгоцонд байгаа хүмүүсийг аврахад учрах эрсдэлийг тогтоох эрсдэлийн үнэлгээ хийсэн.

125.89. Шөнийн нислэгийн үйл ажиллагаа

(a)     Шөнийн цагаар арилжааны нислэгийн үйл ажиллагаанд ашиглаж байгаа нисэх онгоцны дарга нь IFR-ийн дагуу үйл ажиллагаа гүйцэтгэх үүрэгтэй.

(b)     Энэ зүйлийн (a)-г үл харгалзан, хөлгийн дарга нь дараах тохиолдолд, шөнийн цагаар VFR-ийн дагуу арилжааны нислэгийн үйл ажиллагаа гүйцэтгэж болно, хэрэв:

(1)     АТ-ийн гэрчилгээ эзэмшигч нь шөнийн цагаар VFR-ийн дагуу нислэг үйлдэх журмыг тогтоосон бол;

(2)     гэрчилгээ эзэмшигчийн Үйл ажиллагааны тодорхойлолтод шөнийн цагаар VFR-ийн дагуу нислэг үйлдэхийг зөвшөөрсөн бол;

(3)     тухайн нислэг нь нисэн гарсан аэродромд эргэн нисэн ирдэг бол;

(4)     тухайн үйл ажиллагааг дараах нөхцөлд гүйцэтгэдэг бол:

(i)       аэродромоос 46 км-ийн (25 nm) дотор;

(ii)     газрын түвшнээс дээш (AGL) 900 м-ээс (3000 ft) доошгүй өндөрт;

(5)     цаг уурын нөхцөл нь үүлний суурийн өндөр AGL 900 м-ээс (3000 ft) доошгүй ба нислэгийн хараа 16 км-ээс багагүй байгаа бол;

(6)     хөлгийн дарга нь хүчинтэй агаарын тээврийн нисгэгчийн үнэмлэх эзэмшдэг бол;

(7)     нисэх багийн гишүүн нь хүчинтэй хэрэглэлийн зэрэглэл эзэмшдэг бол;

(8)     тухайн агаарын хөлгийг ИНД-91.511, 91.517 болон 91.519-ийн шаардлагын дагуу тоноглосон бол;

(9)     тухайн үйл ажиллагааг энэ хэсгийн (1)-д шаардсан журмын дагуу гүйцэтгэдэг бол.

125.91. Онцгой нөхцөлийн үеийн арга хэмжээний төлөвлөгөө

(a)     АТ-ийн гэрчилгээ эзэмшигч нь, агаарт болон газарт үүссэн онцгой нөхцөлийн үед ажиллах болон хүмүүсийг гэмтээх эрсдэлийг бууруулах арга хэмжээний төлөвлөгөөг боловсруулсан болохыг бататгана.

(b)     Гэрчилгээ эзэмшигчийн онцгой нөхцөлийн үеийн арга хэмжээний төлөвлөгөө нь дараах өгөгдөлд суурилсан байх боловч үүгээр хязгаарлагдахгүй:

(1)     тухайн үйл ажиллагаа гүйцэтгэдэг нислэгийн замын төрөл болон урт;

(2)     аэродромын газрын байгууламж;

(3)     орон нутгийн авран хамгаалах үйлчилгээ;

(4)     НХУ-ын байгууламж;

(5)     ашиглаж болох нисэх онгоцны маяг, суудлын конфигураци болон төлбөрт ачаалал.

(c)     Гэрчилгээ эзэмшигчийн агаарт онцгой нөхцөлийн үед ажиллах төлөвлөгөө нь дараах журмыг багтаасан байна:

(1)     хэрэв удирдах ажилтан нислэгийн үед нисэх онгоцонд онцгой нөхцөл үүссэн болохыг мэдсэн бол, дараах шаардлагыг бататгах зорилгоор ажилтнуудын мөрдөх яаралтай шийдвэр болон арга хэмжээ авахыг шаардсан журам:

(i)       тухайн онцгой нөхцөлийн талаар хөлгийн даргад мэдэгдэх;

(ii)     хөлгийн даргын шийдвэрийг бататгах;

(iii)    тухайн шийдвэрийг бүртгэх;

(2)     хэрэв удирдах ажилтан энэ зүйлийн (c)(1)-ийн дагуу хөлгийн даргатай холбоо тогтоох боломжгүй бол, дараах шаардлагыг бататгах зорилгоор ажилтнуудын мөрдөх журам:

(i)       онцгой нөхцөлийг зарлах;

(ii)     тухайн нөхцөл байдалд шаардлагатай гэж үзсэн арга хэмжээг авах.

(d)     АТ-ийн гэрчилгээ эзэмшигч нь, онцгой нөхцөлийн үеийн арга хэмжээний төлөвлөгөөний дагуу онцгой нөхцөлийн үед үүрэг гүйцэтгэх ажилтан сургалтад хамрагдсан бөгөөд ур чадвар эзэмшсэн болохыг бататгана.

125.93. SEIFR - AEDRS эсхүл хөдөлгүүрийн үзүүлэлт хэвийн бус үед авах арга хэмжээ

(a)     ИНД-125.377-гийн дагуу AEDRS-аар тоноглосон байхыг шаардсан нисэх онгоцоор үйл ажиллагаа эрхэлж байгаа АТ-ийн гэрчилгээ эзэмшигч дараах нисэх онгоцоор SEIFR зорчигч тээврийн үйл ажиллагаа гүйцэтгэхгүй байх үүрэгтэй, хэрэв, хөөрөлт үйлдэхийн өмнө:

(1)     AEDRS нь AEDRS-ын татгалзлыг харуулж байгаа бол; эсхүл

(2)     AEDRS нь хөдөлгүүрийн үзүүлэлтийн хэтрэлтийг харуулж байгаа бол; эсхүл

(3)     хөдөлгүүрийн хэрэглэл нь хөдөлгүүрийн хэвийн бус нөхцөлийг харуулж байгаа бол.

(b)     SEIFR зорчигч тээврийн үйл ажиллагаа гүйцэтгэж байгаа нисэх онгоцны дарга нь хэрэв нислэгийн үед хөдөлгүүрийн хэвийн бус үзүүлэлт гарсан бол, дараах үүрэгтэй:

(1)     тухайн нөхцлийг холбогдох НХҮ-ний нэгжид нэн даруй мэдээлэх;

(2)     цагаас шалтгаалан, аюулгүй буулт үйлдэж чадах хамгийн ойрын тохиромжтой аэродром руу нислэгийг үргэлжлүүлэх.

(c)     SEIFR зорчигч тээврийн үйл ажиллагаа гүйцэтгэж байгаа нисэх онгоцны дарга, хэрэв тухайн татгалзал нь нислэгийн бүхээгт мэдэгдсэн бол, AEDRS-ын татгалзлын цаг болон хугацааг техник үйлчилгээний дэвтэрт цаг алдалгүй бичиж оруулах үүрэгтэй.

125.95. SEIFR - бүсийн навигацийн системийн шаардлага

АТ-ийн гэрчилгээ эзэмшигч нь SEIFR зорчигч тээврийн үйл ажиллагаа гүйцэтгэхэд ашиглаж байгаа нисэх онгоцыг 125.361(d)(3)-д шаардсан бүсийн навигацийн тоноглолын системийн дараах шаардлага хангаж байгааг бататгана:

(1)     гэрчилгээ эзэмшигчийн нислэгийн замын гарын авлагад зөвшөөрсөн, нислэгийн замын дагуу ашиглах боломжтой бүх аэродромын байршлыг оруулан программчилсан байх;

(2)     SEIFR зорчигч тээврийн үйл ажиллагаанд, тухайн навигацийн систем үйлдвэрлэгчийн зөвлөсөн, хүчинтэй навигацийн өгөгдлийн санг ашигладаг байх.

C Бүлэг - Үйл ажиллагааны хязгаарлалт болон цаг агаарын шаардлага

125.151. Зорилго

Энэ Бүлэг нь VFR, IFR-ийн үйл ажиллагаа болон холбогдох цаг агаарын зохицуулалтын шаардлагыг тогтооно.

125.153. Цаг уурын мэдээ

(a)     Арилжааны нислэгийн үйл ажиллагаа гүйцэтгэж байгаа этгээд нь иргэний нисэхэд ашиглах зорилгоор дараах байгууллагын хангасан цаг уурын мэдээг ашиглан нислэгийг төлөвлөж, гүйцэтгэх ба хяналт тавих үүрэгтэй:

(1)     энэ зүйлийн (b)-г харгалзан, Монгол Улсаас эхлэлтэй нислэгийн хэсгийн хувьд, ИНД-174-ийн дагуу олгосон нисэхийн цаг уурын үйлчилгээний байгууллагын гэрчилгээ эзэмшигч; эсхүл

(2)     Монгол Улсын гаднах аэродромоос эхлэлтэй нислэгийн хэсгийн хувьд:

(i)       ИНД-174-т заасантай дүйцэх стандартыг хангасан нисэхийн цаг уурын байгууллага;

(ii)     ICAO-гийн Хэлэлцэн тохирогч Улсаас нисэхийн цаг уурын мэдээгээр хангах эрх олгогдсон нисэхийн цаг уурын байгууллага.

(b)     Нисэх онгоцны дарга нь Монгол Улсаас эхэлж, Монгол Улсад дуусдаг нислэгийн хувьд, хэрэв нислэг гүйцэтгэж байгаа АТ-ийн гэрчилгээ эзэмшигч нь ИНД-174.6-гийн шаардлагын дагуу өгөгдсөн цаг агаарын үндсэн мэдээг шаардлага хангаж байна гэж үзвэл цаг агаарын үндсэн мэдээнд өгөгдсөн цаг уурын мэдээллийг хэрэглэлийн ойртолтын журмыг ашиглах зорилгоор хэрэглэж болно.

125.155. VFR нислэгийн цаг уурын нөхцөл

(a)     Арилжааны нислэгийн үйл ажиллагаа гүйцэтгэж байгаа нисэх онгоцны дарга, ИНД-91 болон энэ зүйлийн (b)-д заасан VFR-ийн минима-г харуулах цаг уурын бодит мэдээ, эсхүл нэгтгэсэн цаг уурын бодит мэдээ болон урьдчилсан мэдээ нь VFR-ийн дагуу нисэх нислэгийн зам, эсхүл тухайн нислэгийн замын тодорхой хэсэгт тохирч байхаас бусад тохиолдолд, VFR нислэгийг эхлүүлэхгүй байх үүрэгтэй.

(b)     Хяналттай агаарын зайн гадна VFR-ийн дагуу арилжааны нислэгийн үйл ажиллагаа гүйцэтгэж байгаа нисэх онгоцны дарга нь дараах үүрэгтэй:

(1)     үүлний суурийн өндөр AGL 300 м-ээс (1000 ft) доошгүй ба нислэгийн хараа 5 км-ээс багагүй байх цаг уурын нөхцөлд нисэх;

(2)     үүлний суурийн өндрөөс доогуур, үүлнээс зайтай хэвээр байх ба газар, эсхүл ус байнга харагдаж байхад нисэх;

(3)     энэ зүйлийн (c)-д зааснаас бусад тохиолдолд, солигдмол үүлнээс (SCT 3-4 окт) их үүлний дээгүүр нисэхгүй байх.

(c)     Дараахаас бусад тохиолдолд, нисэх онгоцны дарга солигдмол үүлнээс (SCT 3-4 окт) их үүлний дээгүүр VFR-ийн дагуу арилжааны нислэгийн үйл ажиллагаа гүйцэтгэхгүй байх үүрэгтэй:

(1)     тухайн нисэх онгоц нь IFR нислэгт зөвшөөрөгдсөн ба хүчинтэй хэрэглэлийн зэрэглэлтэй, IFR-ийн үйл ажиллагаанд шаардлагатай минимум нисэх баг тухайн үйл ажиллагааг гүйцэтгэж байх;

(2)     IFR нислэгт шаардлагатай, радио навигацийн төхөөрөмжийг багтаасан хэрэглэл болон төхөөрөмж нь ажиллагаатай байх;

(3)     тухайн нисэх онгоц нь нэг хөдөлгүүр ажиллагаагүй үед үүлнээс дээш 300 м-ийн (1000 ft) өндөрт эерэг өндөр авах өнцөгтэй нислэгийн аюулгүй замыг хадгалах чадвартай байх;

(4)     тухайн нисэх онгоц нь хэрэглэлийн ойртолтын журмыг буулт үйлдэхэд ашиглах бол, аэродром хүртэл IFR-аар нислэг үйлдэх боломж олгодог радио навигацийн төхөөрөмжөөр тоноглогдсон байх;

(5)     тухайн нисэх онгоц нь хэрэглэлийн ойртолтын журмыг буулт үйлдэхэд ашиглах бол, аэродром хүртэл IFR-аар нислэгийг үргэлжлүүлэхэд хангалттай түлш болон нөөц түлш тээвэрлэж байх.

125.157. IFR нислэгийн цаг уурын нөхцөл

(a)     Арилжааны нислэгийн үйл ажиллагаа гүйцэтгэж байгаа нисэх онгоцны дарга нь цаг уурын бодит мэдээ, эсхүл нэгтгэсэн цаг уурын бодит мэдээ болон урьдчилсан мэдээ нь дараах нөхцөлийг харуулж байхаас бусад тохиолдолд, IFR-ийн дагуу үйл ажиллагаа эхлүүлдэггүй байх үүрэгтэй:

(1)     тухайн нисэн очих аэродромд нисэн хүрэх тооцоот цагт тухайн аэродромд ашиглаж болох хэрэглэлийн журмын холбогдох AIP-д хэвлэн нийтэлсэн минима-д, эсхүл түүнээс дээш байх; эсхүл

(2)     хэрэв нислэгийн төлөвлөгөөнд зөвхөн нэг бэлтгэл аэродромыг заасан бол, ИНД-91.405(a)(2)-т заасан үүлний суурийн өндөр болон харааны шаардлагыг хангаж байх; эсхүл

(3)     хэрэв нислэгийн төлөвлөгөөнд 2, эсхүл түүнээс дээш бэлтгэл аэродромыг заасан бол, ИНД-91.405(b)-д заасан үүлний суурийн өндөр болон хараа нь нисэн хүрэх тооцоот цагт бэлтгэл аэродромд тохирч байх.

(b)     Арилжааны нислэгийн үйл ажиллагаа гүйцэтгэж байгаа нисэх онгоцны дарга, ИНД-91.405(b)-д шаардсан үүлний суурийн өндөр болон харааны шаардлага хангасан нэгээс доошгүй бэлтгэл аэродром бэлэн байхаас бусад тохиолдолд, IFR-ийн дагуу үйл ажиллагаа эхлүүлэхгүй байх үүрэгтэй, хэрэв

(1)     тухайн үйл ажиллагааны хувьд нисэн гарах, эсхүл нисэн очих аэродром нь Монгол Улсын гадна бол;

(2)     тухайн нисэн очих аэродром нь ашиглаж байгаа нисэх онгоцны нислэгийн зааврын дагуу тохирох хоёр, эсхүл түүнээс дээш бодит бие даасан ХБЗ-гүй бол.

125.159. IFR нислэгт аэродром ашиглах минима

(a)     Хэрэв ойртолтын төгсгөлийн цэгийг (FAF) дайран өнгөрөхөөс өмнө, эсхүл ойртолтын төгсгөлийн сегментийг эхлүүлэхийн өмнө тухайн ашиглаж байгаа хэрэглэлийн ойртолтын журмаар аэродромын хараа нь холбогдох AIP-д хэвлэн нийтэлсэн хараанаас бага байгааг цаг уурын бодит мэдээ харуулж байгаа бол, нисэх онгоцны дарга FAF өнгөрч аэродром руу хэрэглэлийн ойртолтыг үргэлжлүүлэхгүй байх, эсхүл хэрэв FAF ашиглаагүй бол, хэрэглэлийн ойртолтын журмын ойртолтын төгсгөлийн сегментийг эхлүүлэхгүй байх үүрэгтэй.

(b)     Энэ зүйлийн (a)-ийн зорилгоор, ойртолтын төгсгөлийн сегмент нь дараах цэгээс эхэлнэ:

(1)     хэрэглэлийн ойртолтын журамд заасан FAF, эсхүл байгууламжаас; эсхүл

(2)     хэрэв FAF нь хэрэглэлийн ойртолтын журамд заагдаагүй ба тухайн журам нь эргэлт хийх журмыг багтаасан бол тухайн нисэх онгоц нь эргэлт хийх журмыг гүйцэтгэж дууссан ба хэрэглэлийн ойртолтын журамд заасан зайд ойртолтын төгсгөлийн чиглэлд (final approach course) орсон цэгээс.

125.159A. Аэродром бүрд ашиглах аэродромын үйл ажиллагааны минима

(a)     АТ-ийн гэрчилгээ эзэмшигч нь арилжааны нислэгийн үйл ажиллагаа гүйцэтгэж байгаа хөлгийн дарга холбогдох AIP-д хэвлэн нийтэлсэн тухайн аэродромд хамаарах аэродромын үйл ажиллагааны минима-г мөрддөг болохыг бататгах үүрэгтэй.

(b)     АТ-ийн гэрчилгээ эзэмшигч нь гэрчилгээ эзэмшигчийн Ерөнхий зааварт сунгагдсан аэродромын үйл ажиллагааны минима-г оруулснаар тухайн минима-г сунгаж болно.

(c)     Энэ зүйлийн (b)-гийн дагуу сунгагдсан аэродромын үйл ажиллагааны минима-гийн дагуу үйл ажиллагаа гүйцэтгэж байгаа хөлгийн дарга нь үйл ажиллагаа эрхлэгчийн Ерөнхий зааварт заасан сунгагдсан аэродромын үйл ажиллагааны минима-гийн шаардлагыг мөрдөх үүрэгтэй.

125.161. IFR-аар нисэн гарах хязгаарлалт

Аэродром нь дараах олон-хөдөлгүүртэй нисэх онгоцонд тохиромжтой байхаас бусад тохиолдолд, агаарын тээврийн үйл ажиллагаа гүйцэтгэж байгаа этгээд нь цаг агаарын нөхцөл нь ИНД-91.413-т заасан хөөрөлтийн минима-гийн шаардлагад, эсхүл түүнээс дээш ба ИНД-91.413-т заасан IFR буултын минима-гийн шаардлагаас доош байгаа үед тухайн аэродромоос IFR нислэг эхлүүлдэггүй болохыг бататгах үүрэгтэй:

(1)     хоёр-хөдөлгүүртэй нисэх онгоцны хувьд, тогтуун агаарт нэг хөдөлгүүр ажиллагаагүй үеийн аяллын нислэгийн хурдтайгаар нисэн гарах аэродромоос максимум 1 цагийн нислэгийн зайд байх; эсхүл

(2)     гурав, эсхүл түүнээс олон хөдөлгүүртэй нисэх онгоцны хувьд, тогтуун агаарт нэг хөдөлгүүр ажиллагаагүй үеийн аяллын нислэгийн хурдтайгаар нисэн гарах аэродромоос максимум 2 цагийн нислэгийн зайд байх.

125.163. Хөөрөлтийн багасгасан минима

(a)     Хэрэв АТ-ийн гэрчилгээ эзэмшигч нь тухайн үйл ажиллагааг Ерөнхий заавартаа заасан хөөрөлтийн багасгасан минима-гийн журмын дагуу гүйцэтгэж байгааг бататгасан бол АТ-ийн гэрчилгээ эзэмшигч нь ИНД-91.413(g)-д зааснаас бага хөөрөлтийн минима-д олон-хөдөлгүүртэй нисэх онгоцоор үйл ажиллагаа гүйцэтгэж болно.

(b)     Хөөрөлтийн багасгасан минима-гийн журамд дараах шаардлагыг заасан байх ёстой:

(1)     нисэх багийн гишүүн нь хөөрөлтийн багасгасан минима-гаар мэргэшсэн байх;

(2)     ашиглах ХБЗ нь гол шугамын тэмдэглэгээ, эсхүл гол шугамын гэрэлтүүлэгтэй байх;

(3)     ашиглах ХБЗ-ны хөөрөлтийн багасгасан минима-г холбогдох AIP-д хэвлэн нийтэлсэн байх;

(4)     хэрэв нисэх онгоц нь хоёр сэнсэн-хөдөлгүүртэй нисэх онгоц бол, тухайн нисэх онгоцыг ажиллагаатай сэнсний авто-флюгерийн (auto-feather), эсхүл авто-өнцөг өөрчлөх (auto-coarse) системээр тоноглосон байх;

(5)     тухайн ХБЗ-ны харааг ХБЗ-ны ил харааны зайг (RVR) ашиглан тогтоосон байх;

(6)     хөөрөлт үйлдэхэд шаардлагатай хараа тохирч байгааг хянах болон бататгах арга нь Даргын хүлээн зөвшөөрөхүйц байх.

125.165. IFR-ийн журам

(a)     Дараахаас бусад тохиолдолд, IFR-ийн дагуу арилжааны нислэгийн үйл ажиллагаанд ашиглаж байгаа нисэх онгоцны дарга, тухайн үйл ажиллагааг холбогдох AIP-д хэвлэн нийтэлсэн нислэгийн замаар гүйцэтгэх үүрэгтэй:

(1)     бодит аюултай нөхцөлөөс зайлсхийхэд шаардлагатай бол; эсхүл

(2)     НХҮ-ний радарын хяналтад үйл ажиллагаа гүйцэтгэж байгаа бол; эсхүл

(3)     НХУ-ын нэгжээс авсан нислэгийн замын гадуур нислэгийн үйл ажиллагаа гүйцэтгэх зөвшөөрлийн дагуу үйл ажиллагаа гүйцэтгэж байгаа бол; эсхүл

(4)     тухайн үйл ажиллагааг зөвшөөрдөг АТ-ийн гэрчилгээ эзэмшигчийн Ерөнхий зааварт өөрөөр заасан бол.

(b)     Хяналттай агаарын зайд холбогдох НХУ-ын нэгжээс зөвшөөрөл авснаас бусад тохиолдолд хөлгийн дарга, ашиглаж байгаа аэродромд холбогдох AIP-д хэвлэн нийтэлсэн IFR-ийн нисэн гарах болон ойртолтын журмыг мөрдөх үүрэгтэй.

(c)     Хяналтгүй агаарын зайд хөлгийн дарга, ашиглаж байгаа аэродромд холбогдох AIP-д хэвлэн нийтэлсэн IFR-ийн нисэн гарах болон ойртолтын журмыг мөрдөх үүрэгтэй.

(d)     АТ-ийн гэрчилгээ эзэмшигч нь ашиглаж байгаа нисэх онгоцоор тогтуун агаарт хэвийн аяллын нислэгийн хурдтайгаар тохиромжтой аэродромоос 45 минутын нислэгийн цагаас дээш хугацаатай SEIFR зорчигч тээврийн үйл ажиллагааг гүйцэтгэдэггүй болохыг бататгах үүрэгтэй.

(e)     Энэ зүйлийн(d)-гийн зорилгоор, тохиромжтой аэродром гэж дараах аэродромыг ойлгоно:

(1)     бэлтгэл аэродромоор ашиглах үед, ашиглах боломжит цаг хугацаанд, тухайн аэродромд тогтоосон зөвшөөрөгдсөн цаг агаарын минима-д, эсхүл түүнээс дээш байх;

(2)     дараах үйл ажиллагааг багтаасан, ашиглаж байгаа нисэх онгоцны маягт тохирсон байгууламж болон үйлчилгээтэй байх:

(i)       цаг уурын мэдээний үйлчилгээ;

(ii)     холбогдох AIP-д хэвлэн нийтэлсэн нэгээс доошгүй хэрэглэлийн ойртолтын журам.

D Бүлэг - Үзүүлэлт

125.201 Зорилго

(a)     Энэ зүйлийн (b), (c), болон (d)-д зааснаас бусад тохиолдолд, энэ Бүлэг нь арилжааны нислэгийн үйл ажиллагаанд ашигладаг нисэх онгоцонд хамааралтай нисэх онгоцны үйл ажиллагааны үзүүлэлтийн хязгаарлалтыг тогтооно:

(b)     ИНД-125.229-125.235 нь дараах гэрчилгээтэй сэнсэн-хөдөлгүүртэй нисэх онгоцонд хамаарахгүй:

(1)     FAR Part 23 энгийн категори, эсхүл дүйцэх НТЧ-ын стандарт; эсхүл

(2)     SFAR 23 НТЧ-ын стандарт, эсхүл дүйцэх стандарт.

(c)     ИНД-125.209, 125.213, 125.223 болон 125.225 нь дараах гэрчилгээтэй сэнсэн-хөдөлгүүртэй нисэх онгоцонд хамаарахгүй:

(1)     SFAR 41 стандарт, эсхүл дүйцэх НТЧ-ын стандарт; эсхүл

(2)     FAR Part 23 коммютер категорийн НТЧ-ын стандарт, эсхүл дүйцэх НТЧ-ын стандарт; эсхүл

(3)     FAR Part 135 Хавсралт A НТЧ-ын стандарт.

(d)     Энэ Бүлгийн шаардлагыг бүрэн хангаагүй нисэх онгоцыг өөр орлох үйл ажиллагааны үзүүлэлтийн хязгаарлалтын дагуу ашиглахыг зөвшөөрч болно.

125.203. Нөөц

125.205. ИНД-121 D Бүлгийн хэрэгжилт

АТ-ийн гэрчилгээ эзэмшигч нь FAR Part 25 НТЧ-ын стандарт, эсхүл дүйцэх НТЧ-ын стандартаар гэрчилгээжсэн нисэх онгоц ИНД-121, D Бүлэгт заасан нисэх онгоцны үйл ажиллагааны үзүүлэлтийн хязгаарлалтыг мөрдөж байгааг бататгана.

125.207. Нисэх онгоцны ерөнхий үзүүлэлт

АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны хувьд дараах шаардлагыг бататгана:

(1)     тухайн нислэг үргэлжлэх явцад жин багасах баримжааг тооцон гүйцэтгэх нислэгийн хувьд, түүний хөөрөлт эхлэх үеийн хөөрөлтийн жин нь энэ Бүлгийн дагуу зөвшөөрсөн жингээс илүүгүй байх;

(2)     энэ Бүлгийн үзүүлэлтийн шаардлагатай нийцэж байгааг тодорхойлоход ашигладаг техникийн өгөгдөл нь:

(i)       тухайн нисэх онгоцны нислэгийн зааварт багтсан байх; эсхүл

(ii)     тунадастай ХБЗ-ны буултын зайн өгөгдлийн хувьд, нисэх онгоц үйлдвэрлэгчээс хангагдсан ба Даргын хүлээн зөвшөөрөхүйц байх.

125.209. Хөөрөлтийн зай (FAR Part 23 энгийн категори, эсхүл SFAR 23)

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцыг дараах шаардлага хангасан болохыг бататгана:

(1)     хөөрөлтийн жин нь тухайн нислэгийн зааварт заасан хөөрөлтийн максимум жингээс хэтрээгүй байх;

(2)     шаардлагатай хөөрөлтийн зай нь хөөрөлтийн гүйлт үйлдэх боломжит зайн (TORA) 85%-иас хэтрэхгүй байх.

(b)     Энэ зүйлийн (а)-д нийцүүлэн хөөрөлтийн жин болон зайг тооцоолохдоо АТ-ийн гэрчилгээ эзэмшигч дараах үзүүлэлтийг тооцож үзнэ:

(1)     TORA;

(2)     хөөрөлтийн гүйлт үйлдэж эхлэх үеийн нисэх онгоцны жин;

(3)     тухайн аэродромын даралтын түвшин;

(4)     тухайн аэродромын орчны агаарын хэм;

(5)     тухайн ХБЗ-ны гадаргуугийн төрөл болон ХБЗ-ны гадаргуугийн нөхцөл;

(6)     хөөрөлт үйлдэх чиглэл дэх ХБЗ-ны налуу;

(7)     мэдээнд өгөгдсөн урдаас чиглэсэн салхины бүрдэл хэсэг 50%-иас ихгүй, эсхүл араас чиглэсэн салхины бүрдэл хэсэг 150%-иас багагүй байх.

125.211. ХБЗ-ны гадаргуу болон налууг засаж тооцох хүчин зүйл

АТ-ийн гэрчилгээ эзэмшигч нь, өөр сонголт хийхийг зөвшөөрдөг техникийн өгөгдөл бэлэн байхаас бусад тохиолдолд 125.209(b)(5), эсхүл 125.229(c)(4)-ийн дагуу тухайн ХБЗ-ны гадаргуугийн төрлийн тооцоолсон хөөрөлтийн зай болон 125.223(c)(3), 125.233(c)(3)-ын дагуу тооцоолсон буултын зайг дараах байдлаар засаж тооцоолдог болохыг бататгана:

(1)     бусад төрлийн ХБЗ-ны гадаргуугийн хувьд, Хүснэгт 1-д заасан хүчин зүйлийг ашиглаж;

(2)     зурвасны налуугийн хувьд:

(i)       өгсүүр налуу нь максимум 3% байх хүртэл 1%-ийн өгсүүр бүрд, хөөрөлтийн зайг 5%-иар ихэсгэж; эсхүл

(ii)     өгсүүр налуу нь максимум 3% байх хүртэл 1%-ийн өгсүүр бүрд, буултын зайг 5%-иар багасгаж; эсхүл

(iii)    уруу налуу нь максимум 3% байх хүртэл 1%-ийн уруу бүрд, хөөрөлтийн зайг 5%-иар багасгаж; эсхүл

(iv)   уруу налуу нь максимум 3% байх хүртэл 1%-ийн уруу бүрд, буултын зайг 5%-иар ихэсгэж.

Хүснэгт 1

125.213. IFR нислэгийн нисэх онгоцны хөөрөлтийн үеийн нислэгийн аюулгүй зам

(a)     АТ-ийн гэрчилгээ эзэмшигч нь IFR-ийн дагуу үйл ажиллагаандаа ашиглаж байгаа нисэх онгоцны хувьд, тухайн нисэх онгоц хоёр, эсхүл түүнээс олон хөдөлгүүртэй байх тохиолдолд, эрсдэлтэй хөдөлгүүр ажиллагаагүй гэж үзэн, хөөрөлтийн үеийн нислэгийн аюулгүй замын бүх саадыг 15 м-ээс (50 ft) доошгүй босоо зайтай өнгөрөхийг бататгана.

(b)     Энэ зүйлийн (a)-ийн зорилгоор, хэрэв тухайн саадаас төлөвлөсөн нислэгийн шугам хүртэлх хажуугийн хэвтээ зай нь дараах зайнаас хэтрээгүй бол, тухайн саадыг хөөрөлтийн үеийн нислэгийн аюулгүй зам дээр байна гэж тооцно:

(1)     төлөвлөсөн нислэгийн зам нь 15°-аас хэтэрсэн чиглэлийн өөрчлөлт шаарддаггүй тохиолдолд:

(i)       45 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл; эсхүл

(ii)     VMC-д, өдрийн цагаар гүйцэтгэх үйл ажиллагааны хувьд, 30 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл; эсхүл

(2)     төлөвлөсөн нислэгийн зам нь 15°-аас хэтэрсэн чиглэлийн өөрчлөлт шаарддаг тохиолдолд:

(i)       45 м дээр нэмэх нь 0.10D-гээс максимум 900 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 600 м хүртэл; эсхүл

(ii)     VMC-д, өдрийн цагаар гүйцэтгэх үйл ажиллагааны хувьд, 30 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл.

(c)     Энэ зүйлийн (b)-гийн зорилгоор, "D" гэж хөөрөлтийн боломжит зайн (TODA) төгсгөлөөс тухайн нисэх онгоц гүйх замын дагуух хэвтээ зайг ойлгоно.

(d)     Энэ зүйлийн (a)-ийн дагуу хөөрөлтийн үеийн нислэгийн аюулгүй замыг тооцоолохдоо АТ-ийн гэрчилгээ эзэмшигч нь дараах шаардлагыг бататгана:

(1)     дараах хүчин зүйлийг тооцож үздэг байх:

(i)       хөөрөлтийн гүйлт эхлэх үеийн хөөрөлтийн жин;

(ii)     аэродромын өндөрлөг;

(iii)    Олон улсын стандарт атмосферийн (ISA) даралтаас тухайн атмосферийн даралт нь 1%-иас их ялгаатай бол, тухайн аэродромын даралтын түвшин;

(iv)   тухайн аэродромын орчны агаарын хэм;

(v)     мэдээнд өгөгдсөн урдаас чиглэсэн салхины бүрдэл хэсэг 50%-иас ихгүй, эсхүл араас чиглэсэн салхины бүрдэл хэсэг 150%-иас багагүй байх.

(2)     хөөрөлтийн гадаргуугаас дээш 15 м-ийн (50 ft) өндөрт хүрэхээс өмнө 15°-аас хэтэрсэн чиглэлийн өөрчлөлтийг хийхгүй байх;

(3)     Дарга өөрөөр зөвшөөрснөөс бусад тохиолдолд:

(i)       хөөрөлтийн гадаргуугаас дээш 15 м-ийн (50 ft) өндөр авахаас өмнө 15°-аас хэтэрсэн налуу өнцгөөр эргэлт хийхгүй байх;

(ii)     хөөрөлтийн гадаргуугаас дээш 120 м-ийн (400 ft) өндөр авах хүртэл 20°-аас хэтэрсэн налуу өнцгөөр эргэлт хийхгүй байх;

(iii)    хөөрөлтийн гадаргуугаас дээш 120 м-ээс (400 ft) дээш өндөрт 25°-аас хэтэрсэн налуу өнцгөөр эргэлт хийхгүй байх;

(4)     дараах зөвшөөрөгдөх хэмжээг тооцдог байх:

(i)       үйл ажиллагааны хурд болон нислэгийн замд налуу өнцгийн эргэлтийн үзүүлэх нөлөө;

(ii)     нэмэгдсэн нислэгийн хурднаас шалтгаалан зай нэмэгдэх;

(iii)    125.215-ын дагуу хурдны нуралтын (stall) нөөцийг хадгалах болон өндөр авалтын градиент алдах.

125.215. Хөдөлгүүр ажиллагаагүй үеийн градиент болон хурдны нуралтыг засаж тооцох

АТ-ийн гэрчилгээ эзэмшигч нь өөр сонголт хийхийг зөвшөөрдөг техникийн өгөгдөл бэлэн байхаас бусад тохиолдолд 125.213(d)(4)(iii)-т нийцүүлэх зорилгоор, Хүснэгт 2-т заасан хүчин зүйлийг ашиглан хурдны нуралтын нөөцийг хадгалах болон өндөр авалтын градиентын алдагдлыг тооцоолно.

Хүснэгт 2

125.217. Нислэгийн замд эрсдэлтэй хөдөлгүүр ажиллагаагүй болох

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа хоёр, эсхүл түүнээс олон хөдөлгүүртэй нисэх онгоц бүрийн хувьд, дараах нөхцөлийн дагуу үзүүлэлтийн шаардлагыг хангаж чадах аэродромоос дээш 300 м-ийн (1000 ft) өндөр цэг хүртэл тухайн нисэх онгоц холбогдох минимум аюулгүй түвшинд, эсхүл түүнээс дээш өндөрт нислэгийг эерэг өндөр авах өнцөгтэй үргэлжлүүлэх чадвартай болохыг бататгана:

(1)     тухайн нислэгийн цаг уурын урьдчилсан мэдээний нөхцөлд;

(2)     эрсдэлтэй хөдөлгүүр ажиллагаагүй;

(3)     үлдсэн хөдөлгүүр нь тогтоосон тасралтгүй ажиллах максимум хүчний нөхцөлд ажиллаж байгаа.

(b)     Энэ зүйлийн (a)-ийн дагуу нислэгийн замын дагуух хязгаарлалтыг тооцоолохдоо АТ-ийн гэрчилгээ эзэмшигч нь дараах нөхцөлийг бататгана:

(1)     бүх хөдөлгүүр нь тухайн нисэх онгоцны нислэгийн зааварт заасан тасралтгүй ажиллах максимум хүчний нөхцөлд ажиллаж байхад өндөр авах босоо хурд нь 1,5 м/сек-ээс (300 ft/min) багагүй байхаас хэтэрсэн түвшинд тухайн нисэх онгоц ниснэ гэж тооцохгүй байх;

(2)     нэг хөдөлгүүр ажиллагаагүй үед тооцсон нислэгийн замын дагуух градиент нь нийт-градиентаас -хасах-0,5% градиент байх.

125.219. Нислэгийн зам дагуух 90 минутын хязгаарлалт

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа хоёр хөдөлгүүртэй нисэх онгоцыг баримжаат буултын жинд хамаатай, тухайн нисэх онгоцны нислэгийн зааварт заасан үзүүлэлтийн шаардлагад нийцсэн аэродромоос 90 минутаас холгүй зайд нислэгийн үйл ажиллагаа гүйцэтгэдэг болохыг бататгана.

(b)     Энэ зүйлийн (c)-д зааснаас бусад тохиолдолд, АТ-ийн гэрчилгээ эзэмшигч нь үйл ажиллагаандаа ашиглаж байгаа гурав, эсхүл түүнээс олон хөдөлгүүртэй нисэх онгоцыг баримжаат буултын жинд хамаатай, тухайн нисэх онгоцны нислэгийн зааварт заасан үзүүлэлтийн шаардлагад нийцсэн аэродромоос 90 минутаас холгүй зайд нислэгийн үйл ажиллагаа гүйцэтгэдэг болохыг бататгана.

(c)     АТ-ийн гэрчилгээ эзэмшигч нь дараах нөхцөлийг хангасан бол гурав, эсхүл түүнээс олон хөдөлгүүртэй нисэх онгоцоор, баримжаат буултын жинд хамаатай, тухайн нисэх онгоцны нислэгийн зааварт заасан үзүүлэлтийн шаардлагад нийцсэн аэродромоос 90 минутаас хол зайд нислэгийн үйл ажиллагаа гүйцэтгэж болно:

(1)     нислэгийн замын дагуу хоёр хөдөлгүүр ажиллагаагүй үеийн тухайн нислэгийн замын өгөгдөл нь, таамаглаж байгаа цаг уурын нөхцөлд хоёр хөдөлгүүр зэрэг татгалзана гэж тооцсон цэгээс хоёр хөдөлгүүр ажиллагаагүйгээр буулт үйлдэхийг заасан журмыг ашиглан тухайн нисэх онгоц буулт үйлдэх боломжтой аэродром руу нислэгээ үргэлжлүүлэхийг зөвшөөрдөг байх;

(2)     хэрэв цаг уурын нөхцөл нь дараах үйл ажиллагааг шаарддаг бол, нислэгийн аюулгүй замыг сонгохдоо мөстөлтөөс хамгаалах системийн нөлөөг тооцдог байх:

(i)       нислэг үйлдэх нислэгийн замын дагуу минимум аюулгүй түвшинд эерэг өндөр авах өнцөгтэй байх; эсхүл

(ii)     тухайн үеийн жин-градиент-хасах-0.5% градиентад болон нислэгийн замын дагуух хамгийн эрсдэлтэй цэгт хоёр хөдөлгүүр татгалзана гэдэгт үндэслэн, энэ зүйлийн (d)-д зааснаас бусад тохиолдолд, төлөвлөсөн нислэгийн чиглэлд 18.6 км-ийн (10 nm) дотор 600 м-ээс (2000 ft) доошгүй өндөрт газрын бартаа болон саадаас чөлөөтэй байх;

(3)     нислэгийн аюулгүй зам нь хоёр хөдөлгүүр татгалзсаны дараа буулт үйлдэхээр тооцсон аэродромоос дээш 450 м-ийн (1500 ft) өндөрт эерэг өндөр авах өнцөгтэй байх;

(4)     хоёр хөдөлгүүр татгалзана гэж үзсэн цэгт тухайн нисэх онгоцны баримжаат жин нь, 450 м-ээс (1500 ft) доошгүй өндөрт тухайн аэродромын чанх дээр нисэн хүрсний дараа түвшнээ хадгалан 15 минут нисэн буулт үйлдэхээр тооцсон аэродромд хүрэх хангалттай түлшийг багтаасан жингээс багагүй байх.

(d)     Хэрэв нисгэгч нь радио навигацийн туслах төхөөрөмж ашиглан төлөвлөсөн нислэгийн чиглэлээ 9.3 км-ийн (5 nm) дотор хадгалах чадвартай бол энэ зүйлийн (c)(2)(ii)-т шаардсан 18.6 км-ийн (10 nm) зайг 9.3 км (5 nm) хүртэл багасгаж болно.

(e)     Энэ зүйлийн (c)-д нийцэж байгааг тооцоолохдоо АТ-ийн гэрчилгээ эзэмшигч нь, тухайн нисэх онгоц баримжаат буултын жинд хамааралтай үзүүлэлтийн шаардлагад нийцсэн аэродромоос 90 минутаас хол зайд, стандарт агаарын хэм болон тогтуун агаарт бүх хөдөлгүүр алсын зайн аяллын нислэгийн хурдтай ажиллаж байх үед тухайн нислэгийн замын хэсгийн хамгийн эрсдэлтэй цэгт хоёр хөдөлгүүр татгалзана гэж тооцно.

125.221. Нисэн очих болон бэлтгэл аэродромд буултын үед өндөр авах

АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны хувьд дараах шаардлагыг бататгана:

(1)     нисэн очих болон бэлтгэл аэродромд буулт үйлдэх тооцоот цагт гадна орчны баримжаат агаарын хэм болон түвшнийг тооцон, тухайн нисэх онгоцны буултын жин (landing weight) нь максимум ойртолтын жин (approach weight) болон буултын үед өндөр авах жингээс (landing-climb weight) хэтрэхгүй байх;

(2)     60 м-ээс (200 ft) доош шийдвэр гаргах өндөрт хэрэглэлийн ойртолт үйлдэхэд хөөрөлтийн жин болон нислэгт зарцуулдаг баримжаат түлшийг тооцсон нисэх онгоцны ойртолтын жин нь, ойртолтын конфигурацид эрсдэлтэй хөдөлгүүрийг ажиллагаагүй гэж үзэн дараах, ойртолтоос 2-т гарах өндөр авалтын аюулгүй градиенттай нийцсэн байх:

(i)       2.5%-иас доошгүй; эсхүл

(ii)     125.213-ын дагуу ойртолтоос 2-т гарах нислэгийн замын саадаас чөлөөтэй байх шаардлагатай өндөр авалтын аюулгүй градиентаас доошгүй.

125.223. Хуурай ХБЗ-ны буултын зай

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны буулт үйлдэх тооцоот цагийн буултын жинг тухайн нисэх онгоцны нислэгийн зааварт заасан буултын жингээс хэтрэхгүй байхыг бататгах үүрэгтэй.

(b)     АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны хувьд, нисэн очих аэродром болон бэлтгэл аэродромд буулт үйлдэх тооцоот цагт нисэх онгоцны буултын жин нь дараах зайд зурвасны босгоос дээш 15 м-ийн (50 ft) өндрөөс бүрэн зогсолттой буулт үйлдэхэд боломжтой байхыг бататгах үүрэгтэй:

(1)     MCTOW нь 5700 кг, эсхүл түүнээс доош нисэх онгоцны хувьд, буултын боломжит зайн (LDA) 85%;

(2)     MCTOW нь 5700 кг-аас дээш жинтэй нисэх онгоцны хувьд, LDA-гийн 70%.

(c)     Энэ зүйлийн (b)-гийн дагуу буултын жинг тооцохдоо АТ-ийн гэрчилгээ эзэмшигч нь дараах хүчин зүйлийг тооцож үзэх үүрэгтэй:

(1)     аэродромын өндөрлөг;

(2)     тухайн аэродромын орчны агаарын хэм;

(3)     ХБЗ-ны гадаргуугийн төрөл болон ХБЗ-ны гадаргуугийн нөхцөл;

(4)     буулт үйлдэх чиглэл дэх ХБЗ-ны налуу;

(5)     мэдээнд өгөгдсөн урдаас чиглэсэн салхины бүрдэл хэсэг 50%-иас ихгүй, эсхүл араас чиглэсэн салхины бүрдэл хэсэг 150%-иас багагүй байх.

(d)     Энэ зүйлийн (b) болон (c)-гийн дагуу буулт үйлдэх нисэх онгоцыг нислэгт гаргахдаа АТ-ийн гэрчилгээ эзэмшигч нь дараах нөхцөлийг авч үзэн тухайн нисэх онгоц хамгийн тохиромжтой ХБЗ-д буулт үйлдэнэ гэж тооцох үүрэгтэй:

(1)     цаг уурын урьдчилсан мэдээний нөхцөл;

(2)     хүрээлсэн газрын бартаа;

(3)     ойртолт болон буултын туслах хэрэгсэл;

(4)     ойртолтоос 2-т гарах нислэгийн зам дагуух саад.

(e)     Нисэн очих аэродромын хувьд, хэрэв АТ-ийн гэрчилгээ эзэмшигч нь энэ зүйлийн (d)-г хангах боломжгүй бол, энэ зүйлийн (a), (b) болон (c)-гийн шаардлага хангасан бэлтгэл аэродромыг сонгосон тохиолдолд тухайн нисэх онгоцыг нислэгт гаргаж болно.

125.225. Нойтон болон тунадастай ХБЗ-ны буултын зай

(a)     АТ-ийн гэрчилгээ эзэмшигч нь, үйл ажиллагаандаа ашиглаж байгаа нисэх онгоцны хувьд дараах шаардлагыг бататгана:

(1)     цаг агаарын урьдчилсан, эсхүл бодит мэдээ, эсхүл хамтатгасан мэдээ нь тухайн нисэх онгоцны нисэн хүрэх тооцоот цагт тухайн ХБЗ нь нойтон байж болохыг харуулж байгаа тохиолдолд, LDA нь 125.223-т шаардсан буултын зайны 115%-иас доошгүй байх;

(2)     цаг агаарын урьдчилсан, эсхүл бодит мэдээ, эсхүл хамтатгасан мэдээ нь тухайн нисэх онгоцны нисэн хүрэх тооцоот цагт тухайн ХБЗ нь тунадастай байж болохыг харуулж байгаа тохиолдолд, LDA нь дараах шаардлагыг хангасан байх:

(i)       энэ зүйлийн (a)(1)-д шаардсан буултын зайнаас багагүй; эсхүл

(ii)     тунадастай ХБЗ-ны буултын зайн өгөгдлийн дагуу тогтоосон буултын зайнаас багагүй.

(b)     Хэрэв өгөгдөл нь нойтон ХБЗ-д богино буултын зайг заасан бол, энэ зүйлийн (a)(1)-д шаардсанаас богино, нойтон ХБЗ-ны буултын зайг ашиглаж болно, гэхдээ 125.223-т шаардсанаас богино байж болохгүй.

125.227. Огцом ойртолт болон богино зайд буулт үйлдэх арга техник

АТ-ийн гэрчилгээ эзэмшигч нь дараах тохиолдолд, 4.5°, эсхүл түүнээс илүү ойртолтын гулгах өнцгөөр, 15 м-ээс (50 ft) доош гэхдээ 10.5 м-ээс (35 ft) дээш босгын өндөртэйгээр огцом ойртолтын журмыг ашиглаж болно, хэрэв:

(1)     тухайн нисэх онгоцны нислэгийн зааварт огцом ойртолт үйлдэх онцгой нөхцөлийн журам, мөн огцом ойртолт үйлдэх шалгуурыг ашиглах үеийн газардах талбайн уртын өгөгдлийн нэмэлт өөрчлөлтийг багтаасан, максимум зөвшөөрөгдсөн ойртолтын гулгах өнцөг, бусад хязгаарлалт болон журмыг заасан бол;

(2)     IFR-ийн дагуу гүйцэтгэж байгаа арилжааны нислэгийн үйл ажиллагааны хувьд VASIS, эсхүл түүнээс илүү системээс бүрдсэн ойртолтын налууг заах систем нь огцом ойртолтын журмыг ашиглах тухайн аэродромын ХБЗ-д бэлэн байгаа бол;

(3)     IFR-ийн дагуу гүйцэтгэж байгаа арилжааны нислэгийн үйл ажиллагааны хувьд, огцом ойртолт үйлдэх ХБЗ-ны цаг агаарын минима-г заасан бөгөөд зөвшөөрсөн бол;

(4)     IFR-ийн дагуу гүйцэтгэж байгаа арилжааны нислэгийн үйл ажиллагааны хувьд, дараах үзүүлэлтийг анхаарч үзсэн бол:

(i)       саад;

(ii)     ойртолтын налууг заагчийн төрөл болон ил харааны туслах хэрэгсэл MLS, GPS, ILS, LOC, VOR, эсхүл NDB зэрэг ХБЗ-ны чиглүүлэгч;

(iii)    DH болон MDA-д шаардлагатай минимум ил харааны баримжаат цэг;

(iv)   ашиглаж болох нислэгийн төхөөрөмж;

(v)     нисгэгчийн мэргэшил болон аэродромын тусгай шаардлага;

(vi)   тухайн нисэх онгоцны нислэгийн зааварт заасан хязгаарлалт болон журам;

(vii) ойртолтоос 2-т гарах шалгуур.

125.228. FAR Part 23 коммютер категори болон SFAR 41 нисэх онгоц

ИНД-125.229-125.235 нь FAR Part 23 коммютер категорийн болон SFAR 41-ээр гэрчилгээжсэн нисэх онгоц ашиглан арилжааны нислэгийн үйл ажиллагаа эрхэлж байгаа АТ-ийн гэрчилгээ эзэмшигчид хамаарна.

125.229. Хөөрөлтийн зай (FAR Part 23 коммютер категори, эсхүл SFAR 41, эсхүл FAR Part 135 App.A)

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны хөөрөлтийн жинг, тухайн нисэх онгоцны нислэгийн зааварт заасан хөөрөлтийн максимум жингээс хэтрээгүй болохыг бататгана.

(b)     Энэ зүйлийн (а)-д нийцэж байгааг тогтоох зорилгоор АТ-ийн гэрчилгээ эзэмшигч нь хөөрөлтийн максимум жинг тооцоолохдоо, эрсдэлтэй хөдөлгүүр (critical engine) VEF хурдан дээр татгалзсан ба ганц V1-хурдыг ашиглаж байгаа гэж үзэн дараах шаардлагыг бататгана:

(1)     хөөрөлтийн гүйлтийг зогсоох шаардлагатай зай нь хөөрөлтийн гүйлтийг зогсоох боломжит зайнаас (ASDA) хэтрэхгүй байх;

(2)     шаардлагатай хөөрөлтийн зай нь TODA-гаас хэтрэхгүй байх;

(3)     TODA-гийн хэсгийг бүрдүүлж байгаа саадаас чөлөөтэй талбай нь TORA-гийн уртын хагасаас хэтрэхгүй байх;

(4)     хөөрөлтийн гүйлт үйлдэх шаардлагатай зай нь татгалзсан ба үргэлжлүүлсэн хөөрөлт үйлдэхэд V1-хурдыг ашиглан TORA-гаас хэтрэхгүй байх.

(c)     Энэ зүйлийн (b)-гийн дагуу хөөрөлтийн максимум жинг тооцоолохдоо АТ-ийн гэрчилгээ эзэмшигч дараах хүчин зүйлийг тооцож үзнэ:

(1)     аэродромын өндөрлөг;

(2)     Олон улсын стандарт атмосферийн (ISA) даралтаас тухайн атмосферийн даралт нь 1%-иас их ялгаатай бол, тухайн аэродромын даралтын түвшин;

(3)     тухайн аэродромын орчны агаарын хэм;

(4)     тухайн ХБЗ-ны гадаргуугийн төрөл болон ХБЗ-ны гадаргуугийн нөхцөл;

(5)     хөөрөлт үйлдэх чиглэл дэх ХБЗ-ны налуу;

(6)     мэдээнд өгөгдсөн урдаас чиглэсэн салхины бүрдэл хэсэг 50%-иас ихгүй, эсхүл араас чиглэсэн салхины бүрдэл хэсэг 150%-иас багагүй байх.

125.231. Хөөрөлтийн үеийн нислэгийн аюулгүй зам

(a)     АТ-ийн гэрчилгээ эзэмшигч нь үйл ажиллагаандаа ашиглаж байгаа нисэх онгоцны хувьд, эрсдэлтэй хөдөлгүүр ажиллагаагүй гэж үзэн, хөөрөлтийн үеийн нислэгийн аюулгүй замын бүх саадыг дараахаас доошгүй босоо зайтай өнгөрдөг болохыг бататгана:

(1)     10.5 м (35 ft) - 15°-аас хэтрэхгүй налуу өнцгөөр эргэлт хийхээр төлөвлөсөн нисэх онгоцоор хөөрөлт үйлдсэн тохиолдолд;

(2)     15 м (50 ft) - 15°-аас хэтэрсэн налуу өнцгөөр эргэлт хийхээр төлөвлөсөн нисэх онгоцоор хөөрөлт үйлдсэн тохиолдолд.

(b)     Энэ зүйлийн (a)-ийн зорилгоор, хэрэв тухайн саадаас нислэгийн төлөвлөсөн шугам хүртэлх хажуугийн хэвтээ зай нь дараах зайнаас хэтрээгүй бол, тухайн саадыг хөөрөлтийн үеийн нислэгийн аюулгүй зам дээр байна гэж тооцно:

(1)     төлөвлөсөн нислэгийн зам нь 15°-аас хэтэрсэн чиглэлийн өөрчлөлт шаарддаггүй тохиолдолд:

(i)       45 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл; эсхүл

(ii)     VMC-д, өдрийн цагаар гүйцэтгэх үйл ажиллагааны хувьд, 30 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл; эсхүл

(2)     төлөвлөсөн нислэгийн зам нь 15°-аас хэтэрсэн чиглэлийн өөрчлөлт шаарддаг тохиолдолд:

(i)       45 м дээр нэмэх нь 0.10D-гээс максимум 900 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 600 м хүртэл; эсхүл

(ii)     VMC-д, өдрийн цагаар гүйцэтгэх үйл ажиллагааны хувьд, 30 м дээр нэмэх нь 0.10D-гээс максимум 600 м хүртэл, эсхүл хэрэв АТ-ийн гэрчилгээ эзэмшигч нь нисгэгчид зориулсан ил харааны, эсхүл радио навигацийн чиглэл дагах журмыг ашигладаг бол, максимум 300 м хүртэл.

(c)     Энэ зүйлийн (b)-гийн зорилгоор, "D" гэж TODA-гийн төгсгөлөөс тухайн нисэх онгоц гүйх замын дагуух хэвтээ зайг ойлгоно.

(d)     Энэ зүйлийн (a)-ийн дагуу хөөрөлтийн үеийн нислэгийн аюулгүй замыг тооцоолохдоо, АТ-ийн гэрчилгээ эзэмшигч нь дараах шаардлагыг бататгана:

(1)     дараах хүчин зүйлийг тооцож үздэг байх:

(i)       хөөрөлтийн гүйлт эхлэх үеийн хөөрөлтийн жин;

(ii)     аэродромын өндөрлөг;

(iii)    Олон улсын стандарт атмосферийн (ISA) даралтаас тухайн атмосферийн даралт нь 1%-иас их ялгаатай бол, тухайн аэродромын даралтын түвшин;

(iv)   тухайн аэродромын орчны агаарын хэм;

(v)     мэдээнд өгөгдсөн урдаас чиглэсэн салхины бүрдэл хэсэг 50%-иас ихгүй, эсхүл араас чиглэсэн салхины бүрдэл хэсэг 150%-иас багагүй байх.

(2)     хөөрөлтийн гадаргуугаас дээш 15 м-ийн (50 ft) өндөрт хүрэхээс өмнө 15°-аас хэтэрсэн чиглэлийн өөрчлөлтийг хийхгүй байх;

(3)     Дарга өөрөөр зөвшөөрснөөс бусад тохиолдолд:

(i)       хөөрөлтийн гадаргуугаас дээш 15 м-ийн (50 ft) өндөр авахаас өмнө 15°-аас хэтэрсэн налуу өнцгөөр эргэлт хийхгүй байх;