Нүүр
Хүчингүй эрх зүйн акт 
Хавсралт 
Сонсох / Сонгосон утга сонсох
Pdf
Word
Хэвлэх
БОЛОВСРОЛ, ШИНЖЛЭХ УХААНЫ САЙДЫН ТУШААЛ
2022 оны 12 дугаар сарын 26-ны өдөр
Дугаар А/540
Улаанбаатар хот
ЖУРАМ ШИНЭЧЛЭН БАТЛАХ ТУХАЙ
Боловсролын тухай хуулийн 28.1.2 дугаар заалт, Дээд боловсролын тухай хуулийн 7.3 дахь хэсгийг тус тус үндэслэн ТУШААХ нь:
1."Оюутан элсүүлэх журам"-ыг хавсралт ёсоор шинэчлэн баталсугай.
2.Батлагдсан журамд нийцүүлэн сургуулийн хэмжээнд мөрдөх оюутан элсүүлэх нарийвчилсан журмыг 2023 оны 2 дугаар сард багтаан батлах арга хэмжээ авахыг их, дээд сургууль, коллежийн захирал нарт даалгасугай.
3.Элсэлтийн ерөнхий шалгалтыг олон улсын жишигт нийцсэн нэгдмэл даалгавар бүхий суралцах чадварын шалгалтын тогтолцоонд үе шаттайгаар шилжүүлэх ажлыг зохион байгуулахыг Боловсролын үнэлгээний төв /Л.Ганбат/, хэрэгжилтийг ханган, хяналт тавьж ажиллахыг Боловсролын ерөнхий газар /Т.Ням-Очир/-т тус тус үүрэг болгосугай.
4.Энэхүү тушаалын хэрэгжилтийг мэргэжлийн арга зүйгээр хангаж ажиллахыг Дээд болон мэргэжлийн боловсролын бодлогын удирдлага, зохицуулалтын газар /Х.Тамир/-т даалгасугай.
5.Энэхүү тушаал батлагдсантай холбогдуулан Боловсрол, шинжлэх ухааны сайдын 2013 оны "Журам шинэчлэн батлах тухай" 79 дүгээр тушаал, Боловсрол, соёл, шинжлэх ухаан спортын сайдын 2018 оны "Журамд нэмэлт, өөрчлөлт оруулах тухай" А/194 дүгээр тушаал, Боловсрол, шинжлэх ухааны сайдын 2022 оны "Журамд нэмэлт, өөрчлөлт оруулах тухай" А/47 дугаар тушаалыг тус тус хүчингүй болгосугай.
САЙД Л.ЭНХ-АМГАЛАН
БОЛОВСРОЛ, ШИНЖЛЭХ УХААНЫ САЙДЫН ТУШААЛ
2023 оны 10 дугаар сарын 06-ны өдөр
Дугаар А/409
Улаанбаатар хот
Тушаал хүчингүй болгох тухай
Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Захиргааны ерөнхий хуулийн 60 дугаар зүйлийн 60.1, 68 дугаар зүйлийн 68.2 дахь заалтыг тус тус үндэслэн ТУШААХ нь:
1. Боловсролын ерөнхий хууль, Дээд боловсролын тухай хууль, Мэргэжлийн болон техникийн боловсрол, сургалтын тухай хууль шинэчлэн батлагдаж мөрдөж эхэлсэнтэй холбогдуулан хавсралтад заасан дээд боловсрол, мэргэжлийн болон техникийн боловсролын салбарын үйл ажиллагаанд мөрдөж буй захиргааны актыг хавсралт ёсоор хүчингүй болсонд тооцсугай.
2. Энэхүү тушаал баталсантай холбогдуулан холбогдох журмыг хууль тогтоомжид нийцүүлэн боловсруулж 2023 оны 10 дугаар сарын 31-ний өдрийн дотор батлуулахыг холбогдох нэгжийн дарга нарт, хүчингүй болсон захиргааны хэм хэмжээний актыг улсын нэгдсэн бүртгэлээс хасуулах, шинээр баталсан захиргааны хэм хэмжээний актыг хуулийн хугацаанд улсын нэгдсэн бүртгэлд бүртгүүлэх арга хэмжээ авч ажиллахыг Хууль, эрх зүйн хэлтэс /Б.Жавзанжаргал/-т тус тус үүрэг болгосугай.
3. Энэхүү тушаалын хэрэгжилтэд хяналт тавьж ажиллахыг Хяналт-шинжилгээ, үнэлгээний газар /Н.Нарангэрэл/-д даалгасугай.
САЙД Л.ЭНХ-АМГАЛАН
Боловсрол, шинжлэх ухааны сайдын 2023 оны 10 сарын 06-ны өдрийн А/409 тушаалын хавсралт
А/Дээд боловсролын салбарын хүчингүй болгох захиргааны актын жагсаалт:
Б/Мэргэжлийн болон техникийн боловсролын салбарын хүчингүй болгох захиргааны актын жагсаалт:
--- оОо ---
