МОНГОЛ УЛСЫН ЗАСГИЙН ГАЗРЫН ТОГТООЛ

2022 оны 12 дугаар сарын 28-ны өдөр

Дугаар 483

Улаанбаатар хот

ТОГТООЛЫН ХАВСРАЛТАД НЭМЭЛТ, ӨӨРЧЛӨЛТ ОРУУЛАХ ТУХАЙ

Гадаадын иргэний эрх зүйн байдлын тухай хуулийн 9.2.2-т заасныг үндэслэн Монгол Улсын Засгийн газраас ТОГТООХ нь:

1."Журам шинэчлэн батлах тухай" Засгийн газрын 2021 оны 7 дугаар сарын 7-ны өдрийн 194 дүгээр тогтоолын хавсралтаар баталсан "Гадаадын иргэн Монгол Улсад оршин суух болон түүнийг бүртгэх журам"-д дор дурдсан агуулгатай 2.1.8-2.1.10 дахь заалт, 4.1.6.6 дахь дэд заалт, 4.11.4 дэх заалт, 10.4 дахь хэсэг, 12.16-12.18 дахь хэсэг тус тус нэмсүгэй:

1/"2.1.8.хилийн төлөөлөгч, орлогч, туслах ажилтнууд;

2.1.9.энхийг дэмжих ажиллагаа болон хамтарсан сургууль, дадлагад оролцох цэргийн багийн гишүүд;

2.1.10.цар тахал болон хөл хориот, гоц халдварт өвчний үед халдвар хамгаалал, хорио цээрийн дэглэмийг сахиулах үүднээс улс хоорондын ачаа тээврийн жолооч."

2/"4.1.6.6."Н4" гэмт хэрэг, зөрчилд холбогдсон болон шүүхээр шийдвэрлэгдэж байгаа хэрэг, маргааны улмаас тухайн асуудлыг эцэслэн шийдвэрлэгдэх хүртэл Монгол Улсад зайлшгүй байх шаардлагатай гадаадын иргэнд."

3/"4.11.4.гадаадын иргэний оршин суух зөвшөөрлийг энэ журмын 4.1.6.6-д заасан оршин суух зөвшөөрлийн төрөлд шилжүүлэх асуудлыг гадаадын иргэний асуудал эрхэлсэн төрийн захиргааны байгууллага шийдвэрлэнэ."

4/"10.4.Энэ журмын 4.1.6.6-д заасан оршин суух зөвшөөрлийг олгох, сунгах эсэхийг шүүх, прокурор, авлигатай тэмцэх байгууллага, цагдаа, тагнуул, шүүхийн шийдвэр гүйцэтгэх байгууллагыг төлөөлөх эрх бүхий этгээдээс ирүүлсэн албан хүсэлтийг үндэслэн гадаадын иргэний асуудал эрхэлсэн төрийн захиргааны байгууллага шийдвэрлэнэ."

5/"12.16.Дор дурдсан баримт бичгийг үндэслэн гадаадын иргэний оршин суух зөвшөөрөл олгох, сунгах, хэлбэр, төрөл өөрчлөх асуудлыг гадаадын иргэний асуудал эрхэлсэн төрийн захиргааны байгууллагын дарга шийдвэрлэж болно:

12.16.1.эрх бүхий байгууллагын албан хүсэлт;

12.16.2.хүндэтгэн үзэх шалтгаан, түүнийг нотолсон үндэслэл бүхий гадаадын иргэний хүсэлт;

12.16.3.гадаадын иргэний хяналтын улсын байцаагчийн дүгнэлт.

12.17.Гадаадын иргэний оршин суух үнэмлэхийн загварыг Олон улсын иргэний нисэхийн байгууллага, гадаад улсын болон олон улсын холбогдох байгууллагад бүртгүүлэх асуудлыг гадаад харилцааны асуудал эрхэлсэн төрийн захиргааны төв байгууллага хариуцна.

12.18.Гадаадын иргэний оршин суух үнэмлэхийн техникийн тодорхойлолтыг хууль зүйн асуудал эрхэлсэн Засгийн газрын гишүүн батална."

2.Мөн журмын 4.1.6.5 дахь дэд заалтын "4.1.6.4" гэсний дараа ", 4.1.6.6" гэж, 4.10 дахь хэсгийн "4.1.3.6" гэсний дараа "4.1.2" гэж, "3.1.7," гэсний дараа "4.1.1.1," гэж, "4.1.6.3" гэсний дараа ", 4.1.6.6." гэж, 10.1.2 дахь заалтад "4.1.6.5" гэсний дараа ", 4.1.6.6" гэж тус тус нэмсүгэй.

3.Мөн журмын дараахь хэсэг, заалтыг дор дурдсанаар өөрчлөн найруулсугай:

1/"5.1.1.энэ журмын 4.1.1-д заасан гадаадын иргэнд оршин суух зөвшөөрлийг 1 хүртэл жилийн хугацаагаар олгож, тухай бүр 3 хүртэл жилээр сунгана."

2/"12.14.Гадаадын иргэний эрх зүйн байдлын тухай хуулийн 32.1 дэх хэсэгт заасан гадаадын иргэнийг бүртгэх, тэдгээрийн үйл ажиллагааг зохицуулах нарийвчилсан журам, гадаадын иргэний оршин суух үнэмлэх, мэдүүлгийн хуудасны загварыг гадаад харилцааны асуудал эрхэлсэн Засгийн газрын гишүүн, энэ журмын 3.1.1-3.1.6-д зааснаас бусад гадаадын иргэнд оршин суух зөвшөөрөл олгоход мэдүүлэх мэдүүлгийн хуудасны загварыг гадаадын иргэний асуудал эрхэлсэн төрийн захиргааны байгууллагын дарга тус тус батална."

4.Мөн журмын 5.1.2 дахь заалтыг хүчингүй болсонд тооцсугай.

Монгол Улсын Ерөнхий сайд Л.ОЮУН-ЭРДЭНЭ

Хууль зүй, дотоод хэргийн сайдХ.НЯМБААТАР