ТАТВАРЫН ЕРӨНХИЙ ГАЗРЫН ДАРГЫН ТУШААЛ

2022 оны 12 дугаар сарын 30-ны өдөр

Дугаар А/211

Улаанбаатар хот

ТАЙЛАНГИЙН МАЯГТЫН ХАВСРАЛТ МЭДЭЭНД НЭМЭЛТ ӨӨРЧЛӨЛТ ОРУУЛАХ ТУХАЙ

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.3.2, 8.4, Татварын ерөнхий хуулийн 77 дугаар зүйлийн 77.7.3 дахь заалтыг тус тус үндэслэн ТУШААХ нь:

1.Аж ахуйн нэгжийн орлогын албан татварын тухай хуульд 2022 оны 04 дүгээр сарын 29-ний өдөр, 11 дүгээр сарын 22-ны өдрийн хуулиар нэмэлт, өөрчлөлт орсонтой холбогдуулан "Тайлангийн маягт, хавсралт мэдээ нөхөх заавар батлах тухай" Татварын ерөнхий газрын даргын 2020 оны А/56 дугаар тушаалын 2 дугаар хавсралтаар батлагдсан "Аж ахуйн нэгжийн орлогын албан татварын тайлангийн хавсралт мэдээ"-нд дараах нэмэлт, өөрчлөлтийг оруулсугай:

1/"Албан татварын хөнгөлөлтийн тооцоолол" ХМ-02(8)-д 13 дугаар мөрөнд "2.11 "Тогтвортой байдлын гэрээний заалтын дагуу үзүүлэх албан татварын хөнгөлөлт" гэснийг "Албан татвар төлөгчийн 2023 оны 01 дүгээр сарын 01-ний өдрөөс хойш хэрэгжүүлэх дулаан, цахилгаан үйлдвэрлэх төслийн үндсэн үйл ажиллагааны орлогод ногдох албан татварыг орлого олж эхэлсний дараагийн тайлант хугацаанаас эхлэн 3 жил 90 хувь, дараагийн 3 жил 50 хувиар хөнгөлнө." гэж өөрчилсүгэй.

2/"Албан татварын хөнгөлөлтийн тооцоолол" ХМ-02(8)-ийн 13 дугаар мөрөнд өөрчлөлт орсонтой холбогдуулан мөрийн дугаарлалтыг "2.12 Тогтвортой байдлын гэрээний заалтын дагуу үзүүлэх албан татварын хөнгөлөлт" 14 дүгээр, 14 дүгээр мөрийн "Хэсгийн дүн" гэснийг 15 дугаар мөр "2-р хэсгийн дүн", 15 дугаар мөрийн "ААНОАТ-ын хуулиас бусад хуульд зааснаар чөлөөлөгдөх татвар" гэснийг 16 дугаар мөр, 16 дугаар мөрийн "ААНОАТ-ын хуулиас бусад хуульд зааснаар хөнгөлөгдөх татвар", 17 дугаар мөрийн "Нийт дүн(мөр 2+14+15+16)" гэснийг 18 дугаар мөр "Нийт дүн(мөр 2+15+16+17)" гэж тус тус өөрчилсүгэй.

3/. Нийт зардал, өртгийн мэдээ /ХМ-02(3)/-д "Хуулийн нэмэлт өөрчлөлтийн дагуу нэмэгдүүлэн тооцох хасагдах зардлын мэдээ" ХМ-02(3г)-г нэмсүгэй.

2.Тушаалын хавсралтаар батлагдсан тайлангийн маягтын хавсралт мэдээний загварыг Татварын удирдлагын нэгдсэн системд нэвтрүүлэх ажлыг зохион байгуулах, тушаалын хэрэгжилтэд хяналт тавихыг Татвар төлөгчид үйлчлэх газар /Б.Буяннэмэх/, Мэдээллийн технологийн төв /Б.Алтанхуяг/-д даалгасугай.

ДАРГА Б.ЗАЯАБАЛ